Gripi i pulave ndodhet 800 km larg Shqiperisë

[niku-nyc]

Ne Shqiptart kena stomak te fort per cdo ushqim sidomos per mish, por gripi i pules nuk ka te bej se cfare shije ka pula apo do jet mishi i mir por gripi te ngjitet dhe te sjell vdekje ne nje kohe shum te shkurter.

Edhe sikur te vij do tja arrij Shqiptari te jetoj nuk e ze gje dhe gjith bota do hapi syt se deri tashti kan dhen alarmin qe do vdesin njerez po u bo epidemi

[Alket123]

Europa ndaloi importimin e pulave, patave, gjelave te detit nga Rumania dhe Turqia per nje kohe te papercaktuar. Shqiperia ka bere te njejten gje?

E thashe sa per informacion sepse ka tregetare "te ndershem" duke shfrytezuar nga situata mund te i blejne pulat me cmim te lire nga keto vende dhe i gjen belaja njerezit.

[Lunesta]

Nga ca pula kalbaraqe u friksu mileti?

Ngordhsinat e dreqit.

E mani mend ca i bom koleres kur erdhi ne 1995? E bom tja mathte vrapit nga syt komet anej ka erdhi, jo kto pulat e zgerdhime qe i ham te gjalla!!!!!

[BlueBaron]

... Hahahahahahahaha plako, e forte kjo. I modh je. Tani nuk jane me 800 km larg, por pune 100 metrash ...

[Mateus]

Nje maune me pula te importuara nga Greqia ( e bllokuar prej tre ditesh ne doganen e Kakavijes) me urdher te ministrit te shendetesise do te groposen. Mendoj se ky eshte nje lajm i mire.

[Lunesta]

Po pra se ndaloi Sala 5 pula ne dogane dhe ja ku i lame duret me smunjen. Hahahaha. Ti qeke si Ali Komiku i PD-se. Sa maune hyn ne dite ne Shqiperi aq te mira qofshin. Thuj qe shyqyr qe ska pule none ti boj gjo shqiptarit.

[Mateus]

Po pra se ndaloi Sala 5 pula ne dogane dhe ja ku i lame duret me smunjen. Hahahaha. Ti qeke si Ali Komiku i PD-se. Sa maune hyn ne dite ne Shqiperi aq te mira qofshin. Thuj qe shyqyr qe ska pule none ti boj gjo shqiptarit.

Ti po me paraqitesh si Erion Brraçia i Zerit te Popullit. Me degjo (apo le te themi me mire lexo). Une vetem thashe qe nje maune me pula te dyshimta greke eshte ndaluar ne dogane. Te gjithe (dhe ti) duhete te kishit vleresuar kete fakt. Jo se ne kete vend nuk futen maune te tjera, por kjo eshte nje fakt qe te pakten po luftohet kundra semundjes qe po shqeteson boten.

[Reiart]

Kjo eshte rruga per ne tregun kryesor USHQIMOR te Tiranes, e pse jo edhe te Shqiperise. Per sa kohe shqiptaret blejne ushqime ne kete treg gripi i pulave na bie anash se tremet. Heren tjeter them te postoj ndonje foto te tregut brenda se tani nuk kam.

[Tirana]

intervista

Flet mjeku: Sëmundja, e pashërueshme


“Shenjat e para kur sëmuresh me grip pule”




Zirina Llambro
Shenjat e gripit të pulave janë gati të njëjtat me ato të gripit të zakonshëm, por ndryshimi i efekteve është vdekjeprurës.

Në një intervistë për gazetën, mjeku infeksionist Arian Harxhi, një ndër anëtarët e grupit të punës për gripin e pulave, shpjegon se cilat janë dallimet mes dy viruseve. Si mund të kuptosh se je i sëmurë me virusin H5N1 dhe mënyrat për ta parandaluar.

Cilat janë shenjat e prekjes nga virusi H5N1, (gripi i pulave)?
Shenjat e para të shfaqjes së gripit të shpendëve janë pak a shumë të njëjta me ato të një gripi normal. Disa nga këto shenja janë; vështirësi në frymëmarrje, dhimbje fyti, dhimbje në trup, temperaturë e lartë.

Cilat janë dallimet midis gripit të shpendëve dhe një gripi normal?
Edhe pse shenjat e para të shfaqjes së të dy llojeve të gripit janë pothuajse të njëjta, midis gripit të shpendëve dhe një gripi normal ekzistojnë disa dallime. Kjo për faktin se çdo infeksion që e marrim nga kafshët është i një forme më të rëndë. Gripi i shpendëve vepron në mënyrë më agresive se një grip normal. Dallimi kryesor është se infektimi me virusin H5N1 jep tek i prekuri pneumoni të formës më të rëndë dhe nuk kurohet.

A mundet i prekuri nga ky virus të kuptojë se bëhet fjalë për gripin e shpendëve?
Duke qenë se ky lloj gripi vepron me shpejtësi, flas këtu për përkeqësimin e tij, nuk besoj se vetë i prekuri do të mund të arrinte të kuptonte së bëhet fjalë për gripin e pulave, dhe jo për një grip të zakonshëm. Pra, do të ishte e vështirë të kuptohej, madje edhe vetë mjekët në një kohë të shkurtër do të arrinin me vështirësi të bënin dallimet.

A ndihmojnë vaksinat antigrip që një person që preket nga virusi të ketë një formë më të lehtë të këtij gripi?
Jo, në momentin që një person preket nga gripi i shpendëve, vaksina nuk ka asnjë lloj roli në ndalimin e përkeqësimit të tij. Vaksina kundër gripit të zakonshëm jep efekt në popullatë përpara prekjes nga ky virus, duke rritur rezistencën e organizmit.



Farmacistët: S’ka rritje të kërkesës për vaksinat

Me gjithë alarmin e ditëve të fundit për prekjen nga virusi i shpendëve në farmacitë e Tiranës nuk ka dyndje personash që duan të blejnë vaksinën kundër gripit të zakonshëm, e cila rrit rezistencën e trupit të njeriut. “Gjendja është normale, si çdo vit tjetër. Nuk ka ndonjë interes të jashtëzakonshëm për vaksinat antigrip”, shprehen pjesa më e madhe e farmacistëve të Tiranës. Ata shpjegojnë se meqë jemi në stinën e vjeshtës, është një gjë normale që të ketë një numër të konsiderueshëm njerëzish që preken nga gripi stinor, por duket se qytetarët janë jo shumë të interesuar për blerjen e vaksinës së antigripit edhe pse gripi i shpendëve është shumë pranë vendit tonë. Edhe pse nuk ka një vaksinë kundër këtij gripi, mjekët në të gjithë vendin po përpiqen që të ndërgjegjësojnë qytetarët, për të blerë vaksinën kundër gripit të zakonshëm, si një nga mundësitë e vetme për të krijuar rezistencë të organizmit të tyre në rastin e shpërthimit të ndonjë epidemie. Aktualisht në farmacitë e Tiranës vaksinat kundër gripit të zakonshëm janë dy lloje, njëra me çmimin rreth 8 qind lekë dhe tjetra me çmimin rreth 1 200 lekë. Sipas mjekëve personat, të cilët duhet të marrin të parët këtë vaksinë janë fëmijët dhe të moshuarit që kanë dhe imunitet më të dobët.



Hungaria: Kemi zbuluar vaksinen kunder virusit

Nga Hungaria vjen të paktën një lajm i mirë. Një grup mjekësh të specializuar në këtë fushë kanë njoftuar se kanë në dorë vaksinën që lufton virusin në fjalë. Një fakt të tillë e ka bërë të ditur ministri i Shëndetësisë së Hungarisë, Jeno Racz. “Rezultatet janë paraprake, por unë mund t’ju them me siguri 99.9 për qind se kjo vaksinë funksionon”, është shprehur dje pasdite Racz.



Qytetarët nuk blejne shpende

Tregtia e shpendëve ka rënë së tepërmi këto ditë në të gjithë vendin. Qytetarët të frikësuar nga ndonjë infektim i mundshëm nga virusi H5N1 çdo ditë e më tepër po i largohen tregut të shpendëve, ku pulat, vezët dhe nënproduktet e tyre nuk po blihen më. Tregtarët shprehen të shqetësuar për këtë fenomen, madje ka edhe nga ata që janë në prag të falimentimit, pasi me këto aktivitete mbajnë familjet e tyre. Në një kohë kur vetëm dy muaj na ndajnë nga festat e fundvitit, kur tregu i shpendëve është dhe më i preferuari, qytetarët të kapur nga paniku pothuajse e kanë braktisur atë. Por, sipas mjekëve, virusi shkatërrohet plotësisht nëse zjehet në një temperaturë mbi 70 gradë celcius dhe rrezik të infektimit nga virusi mund të përbëjnë vetëm shpendët e gjallë.



Virusi edhe ne Rusi
Gripi i pulave zbarkon edhe në Rusi. Në bazë të disa analizave të kryera në një fermë në Toula, 300 kilometra larg Moskës, është zbuluar prania e virusit të gripit të shpendëve H5N1. Eshtë e njëjta shenjë si ajo e gjetur në Rumani javën e shkuar, ndërkohë që pritet dalja e analizave përfundimtare edhe për rastet e shfaqura në disa rajone të tjera të Rusisë. Kjo ka bërë që qeveria e Moskës të ndërmarrë menjëherë masa, duke vënë nën ruajtje fshatin, ku është gjetur virusi. Bëhet fjalë për rreth 3 mijë pula, të cilat janë groposur, pasi kishin ngordhur gjatë ditëve të shkuara. Por ajo që shqetëson më shumë autoritetet ruse është fakti se virusi është i tillë, që kalon nga shpendët te njeriu.
Maqedoni, fshati ne karantine
Një fshat në jug të Maqedonisë është futur i gjithi në karantinë, pasi janë vërejtur shenja të gripit të shpendëve. Lajmi është bërë i ditur nga vetë zyrtarë të qeverisë maqedonase, sipas të cilëve, në afërsi të Bitolas janë gjetur të ngordhur 40 gjela, të cilët, sipas të dhënave të para, mund të kenë virusin e rrezikshëm që në Azi ka shkaktuar qindra viktima. Menjëherë pas zbulimit të këtij rasti, autoritetet lokale kanë groposur 10 mijë pula të këtij rajoni. Sipas të dhënave, disa nga shpendët janë dërguar në Angli për të bërë analizat. Sidoqoftë, përveç Maqedonisë edhe disa shtete të tjera ballkanike kanë pasur raste të sëmundjes. Dje në Greqi, janë asgjësuar edhe disa qindra shpendë të dyshuar si të sëmurë.




Analiza në Angli gjelave të Vlorës
Ngordhën dy ditë më parë. Ministria: Enigmë shkaku

Përgjigjja përfundimtare për sëmundjen që shkaktoi ngordhjen e 200 gjelave të detit në Vlorë do të vijë nga Anglia.

Dje Ministria e Bujqësisë vendosi të dërgojë në Britaninë e Madhe kampione nga tre shpendë të ngordhur dhe dy të gjallë, për të vërtetuar nëse ngordhja ka ardhur nga virusi i “gripit të pulave” apo nga ndonjë sëmundje tjetër. Ngjarja e para dy ditëve, në fshatin Llakatund të Vlorës, duket se nuk është “gëlltitur” vetëm me analizat e Institutit të Veterinarisë. Dje autoritet e Tiranës kanë dashur të konfirmojnë të vërtetën nga Anglia. Të gjitha vendet që kanë dyshuar për sëmundjen e “gripit të pulave” kanë dërguar mostra shpendësh në Angli, ku diagnostikimi është më i sigurt dhe i saktë. Sipas ekspertëve të inspektoratit veterinar, dyshohet se shpendët e Vlorës mund të kenë ngordhur nga asfiksia. Megjithatë, në kushtet kur gripi i shpendëve është shumë pranë vendit tonë, kjo ngjarje i ka vënë në gatishmëri veterinerët. Pak ditë më parë virusi H5N1 preku edhe fqinjin tonë jugor, Greqinë dhe një tjetër shpend i ngordhur u gjet në kufirin maqedonas, pranë Manastirit, duke e rritur edhe më shumë riskun e ardhjes së tij në Shqipëri. Në të gjitha pularitë e vendit dhe zonat pranë lagunave dhe pellgjeve po ushtrohet një kontroll i përditshëm nga mjekët veterinerë për të evidentuar çdo rast të mundshëm të shfaqjes së virusit. Një grup pune ndërministror është ngritur këto ditë për të marrë të gjitha masat e nevojshme për parandalimin e futjes së gripit në vendin tonë. Aktualisht me urdhër të prerë të Ministrisë së Bujqësisë është ndërprerë importi nga të gjitha vendet e rajonit, ku janë lokalizuar raste të virusit të shpendëve. Ministria e Shëndetësisë ka udhëzuar të gjitha strukturat e shërbimit shëndetësor parësor për të raportuar çdo rast dyshimi se gripi mund të ketë infektuar njerëz, ndërkohë që Organizata Botërore e Shëndetësisë ka premtuar ndihmë në rast emergjence.




rastet

Vlorë, ngordhja e 200 gjelave, aksidentale
VLORE – Zbardhet ngordhja e frikshme 200 gjelave deti, dy netë më parë në pularinë e Ylli Gjonlekajt, në fshatin Llakatund të Vlorës, vetëm disa orë pasi ishin kthyer nga kullota. Sipas dëshmisë së rojes së pularisë, ai ka hyrë brenda, duke konstatuar se shpendët ishin shumë të shqetësuar dhe vetëm pas një ore ata janë qetësuar. Roja ka mbyllur derën dhe e ka zënë gjumi, ndërsa gjatë natës, sërish, shpendët e frikësuar ndoshta nga ndonjë nuselale që mund të jetë futur në stallë, kanë sulmuar njëri-tjetrin, duke synuar që të dilnin jashtë. Duke hipur njëri mbi tjetrin, ata kanë ngordhur, si pasojë e asfiksisë. Në momentin kur pronari dhe punonjësit kanë hapur dyert kanë gjetur të ngordhur, plot 200 gjela, nga 1450 që kishte në total pularia. Menjëherë, pronari Gjonlekaj ka therur disa gjela të tjerë të tufës, duke kërkuar verifikimin nga ana e mjekut veterinar.

Gjirokastër, groposen 3600 pulat e bllokuara
GJIROKASTER – Dje janë groposur të gjalla 3600 pulat e firmës fierake, të bllokuara para 3 ditësh në Kakavijë. Ky vendim është marrë pas konsultimeve që kanë bërë një grup specialistësh të veterinarisë në Ministrinë e Bujqësisë të mbërritur në Gjirokastër nga Tirana. Ata kanë arritur në konkluzionin se groposja e pulave, të cilat kishin ardhur nga Greqia ishte mënyra më e mirë me qëllim eliminimin e çfarëdolloj mundësie për hyrjen e virusit të shpendëve në territorin shqiptar. Pronari i firmës, Ajet Bace, ka reaguar duke kërkuar kompensim financiar nga shteti të paktën me çmimin që ai i ka blerë pulat në Athinë. Kërkesa e pronarit është pranuar edhe nga drejtuesit e Ministrisë së Bujqësisë, të cilët kanë vendosur që ngarkesa të mos vazhdojë udhëtimin për në Fier, aty ku ishte parashikuar destinacioni final. Vlera me të cilën do të dëmshpërblehet pronari i ngarkesës së pulave nuk i kalon të 10 mijë eurot.

[Lunesta]

Ti po me paraqitesh si Erion Brraçia i Zerit te Popullit. Me degjo (apo le te themi me mire lexo). Une vetem thashe qe nje maune me pula te dyshimta greke eshte ndaluar ne dogane. Te gjithe (dhe ti) duhete te kishit vleresuar kete fakt. Jo se ne kete vend nuk futen maune te tjera, por kjo eshte nje fakt qe te pakten po luftohet kundra semundjes qe po shqeteson boten.

Po ti e ke llafin per ato pulat qe i dogjen te gjalla ne Kakavi? Po pse ashtu luftohet gripi ore mavri?