Maxhoranca sjell në kuvend ligjin anti-korrupsion

[Genti^Itali]

Mazhoranca sjell në Kuvend nismën për heqjen e imunitetit. Ja teksti i plotë i projektligjit

Ligji i PD, deputetët pa imunitet kur hetohen për korrupsion


Nevila Perndoj

TIRANË - PD-ja drejt realizimit të një tjetër premtimi të madh të fushatës. Atë të lënies vullnetare të imunitetit të deputetit në rastet e ndjekjes penale për veprën e korrupsionit. Thelbi i amendimit që do të jetë të hënën në Kuvend i paraqitur si nismë e kryetarëve të grupeve parlamenatrë aleate të PD-së; PR-së, PDR-së, PAA-së dhe PBDNJ-së, parashikon që, nëse për një deputet apo për një ministër ka elementë të mjaftueshëm për të nisur ndjekjen penale, vetëm për akuza që lidhen me korrupsionin, atëherë Kuvendi nuk ka nevojë të votojë për heqjen ose jo të imunitetit. Me këtë nismë ligjore të maxhoranës deputetët nuk do të gëzojnë imunitet dhe ata do të jenë si të gjithë qytetarët e tjerë; të hetueshëm, nëse dyshohet se kanë konsumuar veprën penale të korrupsionit.
Nisma
Çdo deputet që do të ndiqet penalisht për vepra penale që lidhen me korrupsionin dhe shpërdorimin e detyrës nuk do të gëzojë më imunitetin që ka. Ky është thelbi i projektvendimit të përgatitur nga krerët e partive politike qeverisëse në konsultim me kryeministrin Sali Berisha. Sipas projektvendimit, lënia e imunitetit do të bëhet për të gjithë kohëzgjatjen e mandatit. Në nenin 2 të projektvendimit thuhet se pas miratimit të këtij vendimi për lënien e imunitetit të deputetëve, fillimi i ndjekjes penale mund të bëhet pas 48 orësh pas njoftimit me shkrim që Prokurori i Përgjithshëm i dërgon kryetarit të Kuvendit. Kryetari i Kuvendit brenda 48 orëve nga marrja e njoftimit vë në dijeni dhe i dërgon materialet e çështjes Komisionit për Rregulloren, Mandatet dhe Imunitetin, si dhe deputetit ndaj të cilit fillon ndjekja penale. Kur lënia e imunitetit nuk i mbulon nevojat e ndjekjes penale dhe të hetimit, atëherë me kërkesë të Prokurorit të Përgjithshëm dhe në mënyrë individuale për çdo deputet, Kuvendi mund të vendosë heqjen e imunitetit. Kjo heqje e imunitetit zgjat sipas rastit deri në: Përfundim të hetimit; zëvendësimin e saj me autorizimin për heqjen e imunitetit për arrestimin e deputetit; marrjen e vendimit gjyqësor së formës së prerë të pafajësisë ose të pushimit të çështjes; mbarimin e mandatit të deputetit.
Shtojca
Këshilli i Ministrave ka përgatitur një amendament për përfshirjen e saj në nenin 118 të Rregullorës së Kuvendit që bën fjalë për imunitetin e deputetit. Sipas nenit 6 të materialit të përgatitur, paragrafi 1 i rregullores së Kuvendit ndryshohet si vijon: ”Imuniteti i deputetit bie kur Kuvendi vendos lënien e tij për të gjithë deputetët, në rastet e ndjekjes penale për vepra të korrupsionit dhe shpërdorimit të detyrës ose kur hiqet me kërkesë të Prokurorit të Përgjithshëm për deputetë të veçantë dhe për të gjitha llojet e veprave penale”.
Kërkesa
Për heqjen e imunitetit për deputetë të veçantë kërkesa dhe dokumentet shoqëruese për dhënien e autorizimit për fillimin e ndjekjes penale i paraqitet kryetarit të Kuvendit nga Prokurori i Përgjithshëm. Kryetari ia dërgon kërkesën dhe dokumentet shoqëruese menjëherë për shqyrtim Këshillit për Rregulloren, Mandatet dhe Imunitetin dhe vë në dijeni Kuvendin në seancën plenare më të parë.

[Michigan2005]

Çfarë parashikon projekti për lënien e imunitetit

Projektvendim


Neni 1


Lënia e imunitetit të deputetëve


Miratohet lënia e imunitetit të deputetëve për ndjekjen penale, për vepra penale që lidhen me korrupsionin dhe shpërdorimin e detyrës. Lënia e imunitetit bëhet për të gjithë kohëzgjatjen e mandatit, në përputhje me kushtet, procedurat dhe kufizimet e përcaktuara në këtë vendim.


Neni 2


Afati dhe procedura e fillimit të ndjekjes penale


Pas miratimit të këtij vendimi për lënien e imunitetit të deputetëve, fillimi i ndjekjes penale për këto vepra për të cilat është vendosur lënia e imunitetit, mund të bëhet jo më herët se 48 orë pas dërgimit të njoftimit me shkrim për fillimin e ndjekjes penale Kryetarit të Kuvendit nga Prokurori i Përgjithshëm. Kryetari, brenda 48 orëve nga marrja e njoftimit, vë në dijeni dhe i dërgon materialet e çështjes Këshillit për Rregulloren, Mandatet dhe Imunitetin, si dhe deputeti ndaj të cilit fillon ndjekja penale.


Neni 3


Masat dhe veprimet proceduriale që nuk lejohen


Lënia e imunitetit sipas nenit 1 të këtij vendimi, nuk i shtrin efektet mbi masat dhe veprimet proceduriale të mëposhtme:

a. masat shtrënguese që shkaktojnë kufizim të lirisë së lëvizjes;

b. kontrollin e banesës ose të personit;

c. kqyrjen e personit;

ç. masën e arrestit;

d. dërgimin e çështjes penale për gjykim.


Neni 4


Heqja e imunitetit


Në të gjitha rastet kur nevojat e ndjekjes penale dhe të hetimit nuk mbulohen nga lënia e imunitetit sipas nenit 1 të këtij vendimi, atëherë Kuvendi mund të vendosë heqjen e imunitetit. Heqja e imunitetit është individuale dhe bëhet me kërkesë të Prokurorit të Përgjithshëm.

Heqja e imunitetit të deputetit bëhet për të autorizuar:

a. marrjen e masave dhe kryerjen e veprimeve proceduriale të përmendura në gërmat "a", "b", "c", "ç" dhe/ose "d" të nenit 3 për veprat penale që lidhen me korrupsionin dhe shpërdorimin e detyrës, kur Kuvendi ka vendosur lënien e imunitetit sipas nenit 1;

b. ndjekjen penale për të gjitha llojet e tjera të veprave penale, përfshi, sipas rastit, kryerjen e veprimeve proceduriale të përmendura në gërmat "a", "b", "c", "ç" dhe/ose "d" të nenit 3;

c. vendosjen e masës së arrestit për të gjitha llojet e veprave penale.


Heqja e imunitetit zgjat sipas rastit:

1. deri në përfundim të hetimit;

2. deri në zëvendësim të saj me autorizim të heqjes së imunitetit për arrestimin e deputetit (gërma "ç" e nenit 3);

3. deri në marrjen e vendimit gjyqësor të pafajësisë ose të pushimit të çështjes me vendim të formës së prerë;

4. deri në mbarimin e mandatit të deputetit.


Neni 5


Afati dhe veprimi mbi Rregulloren e Kuvendit


Ky vendim i shtrin efektet e tij për të gjithë kohëzgjatjen e legjislaturës dhe është pjesë përbërëse e Rregullores së Kuvendit, si shtojcë e saj me emërtim "shtojca 1". Procedura e dhënies së autorizimit, e përcaktuar nga nenet 118-119 të Rregullores së Kuvendit, do të zbatohet në përputhje me rrethanat dhe kushtet e caktuara në këtë vendim.

Neni 6


Amendament i nenit 118 të Rregullores


Paragrafi 1 i Rregullores së Kuvendit ndryshohet si vijon:

"Imuniteti i deputetit bie, kur Kuvendi vendos lënien e tij për të gjithë deputetët në rastet e ndjekjes penale për vepra të korrupsionit dhe shpërdorimit të detyrës ose kur hiqet me kërkesë të Prokurorit të Përgjithshëm për deputetë të veçantë dhe për të gjitha llojet e veprave penale. Si rregull, vendimi i Kuvendit për lënien e imunitetit për ndjekjen penale për të gjithë deputetët merret në fillim të legjislaturës.

Kushtet dhe procedurat e heqjes së imunitetit përcaktohen në vendim. Vendimi bëhet pjesë përbërëse e Rregullores së Kuvendit si shtojcë e saj. Për heqjen e imunitetit për deputetë të veçantë, kërkesa dhe dokumentat shoqëruese për dhënien e autorizimit për fillimin e ndjekjes penale i paraqiten Kryetarit të Kuvendit nga Prokurori i Përgjithshëm. Kryetari ia dërgon kërkesën dhe dokumentat shoqëruese menjëherë për shqyrtim Këshillit për Rregulloren, Mandatet dhe Imunitetin, dhe vë në dijeni Kuvendin në seancën plenare më të parë".


Neni 7


Hyrja në fuqi


Ky vendim hyn në fuqi menjëherë.


Kryetare Jozefina Topalli (RD)

[Michigan2005]

bravo Meta....
___________________________

Meta: Deputetët duhet të jenë të barabartë me qytetarët para ligjit

LSI mbështet iniciativën për lënien e imunitetit

Lëvizja Socialiste për Integrim deklaroi dje se do të mbështesë çdo iniciativë të Qeverisë dhe Parlamentit për heqjen e imunitetit të deputetëve përballë akuzave për korrupsion. Kryetari i kësaj lëvizje, Ilir Meta, nënvizoi se ligjvënësit e akuzuar për korrupsion dhe shkelje të ligjit në tërësi nuk mund të fshihen prapa imunitetit që u jep përzgjedhja e tyre në Kuvendin e Shqipërisë. "Dua të shpreh vendosmërinë e LSI-së për të mbështetur çdo iniciativë të qeverisë, të Parlamentit dhe të gjithë institucioneve të tjera të shtetit kundër praktikave të korrupsionit. Lëvizja Socialiste për Integrim do të mbështesë iniciativën e një projektligji të paraqitur nga deputetët e mazhorancës, i cili u heq imunitetin deputetëve nga drejtësia për çështjet e korrupsionit, dhe ne jemi në mbështetje të këtij projektligji dhe jemi dakord që çdo deputet të jetë i barabartë me qytetarët e thjeshtë para ligjit", u shpreh ndër të tjera kreu i LSI-së. Megjithatë, Meta u shpreh se më parë duhet bërë amendimi i Kushtetutës në lidhje me këtë çështje, dhe shprehu gatishmërinë dhe mbështetjen e plotë të partisë së tij për këtë iniciativë. "Qëndrimi ynë është se ne do të mbështesim një iniciativë për të amenduar Kushtetutën për këtë çështje dhe deputetët si çdo qytetar tjetër nuk kanë pse përdorin imunitetin si mbrojtje për çdo çështje që ka të bëjë si me korrupsionin ashtu edhe me zbatimin e ligjit në përgjithësi", tha më tej Meta.

Ai theksoi se në kushtet aktuale vendi ynë ka nevojë për një luftë të vërtetë kundër krimit të organizuar dhe korrupsionit. "Duhet bërë një amendim i Kushtetutës dhe ne jemi të gatshëm të mbështesim çdo inisiativë të tillë për këtë qëllim", nënvizoi Meta. Sipas tij, deputetët e LSI-së janë të hapur ndaj të gjitha insitucioneve shtetërore, ndaj Prokurorisë për çdo lloj shqetësimi, për çdo lloj dyshimi që mund të ketë lidhur me këta deputetë për çështje të ndryshme që kanë të bëjnë me korrupsionin apo me shkeljen e ligjit. Megjithatë, shtoi më tej Meta, duhet të konsiderojmë faktin që vendi ka nevojë për një luftë të vërtetë kundër krimit të organizuar dhe korrupsionit. Ai theksoi se kjo është një nga kërkesat kryesore edhe të komunitetit ndërkombëtar, edhe për integrimin europian të vendit. Kjo është një luftë që monitorohet nga ne si qytetarë të këtij vendi, por edhe nga faktori ndërkombëtar. (RD)

[Genti^Itali]

Ngjela ka kundështuar përmbajtjen juridike të projektvendimit. ”Një vendim nuk e rrëzon dot një nen të Kushtetutës”

Imuniteti, debat në grupin e PD


Nevila Perndoj

TIRANE - Grupi parlamentar i Partisë Demokratike ka shënuar dje debatin e parë në mbedhjen dyorëshe me dyer të mbyllura të zhvilluar në sallën e madhe të Kuvendit. Projektvendimi ”Për lenien e imunitetit të deputetëve dhe kushtet për autorizimin e ndjekjes penale”, është shoqëruar dje me debate dhe kundërshti nga kryetari i komisionit të ligjeve, deputeti Spartak Ngjela. Ai ka qenë i pari që ka kundërshtuar përmbajtjen e këtij projektvendimi nga pikëpamja juridike, duke shtuar se zbatimi i një vendimi të tillë do të ketë kosto politike për maxhorancën. Ndërkohë që skeptikë për këtë përmbajtje kanë qenë edhe deputetë të tjerë, si Fatos Beja apo Preç Zogaj. Burime nga grupi parlamentar i PD-së thanë dje për ”Shekullin”, se deputeti demokrat, Ngjela, është shprehur gjatë mbledhjes se imuniteti i deputetit është një prerogativë kushtetuese që mbron kryesisht opozitën dhe jo mazhorancën. Ngjela ka shpjeguar në argumentin e tij se nuk mund të hidhet me vendim një nen i Kushtetutës. Avokati, i cili do të kryesojë komisionin e ligjeve, ka deklaruar se në rast se bëhet fjalë për një vendim politik, atëherë ai do të votonte projektet e qeverisë, por, sipas tij, vendimet duhet të kenë argumente juridike. Sipas tij, për sa kohë që ka një nen në Kushtetutë që parashikon mbrojtjen e imunitetit të deputetit, atëherë duhet gjetur një konsensus me opozitën që të ndryshohet Kushtetuta dhe jo të merret një vendim me forcën e kartonit. ”Kush e mban përgjegjësinë nëse do të ketë një rezolutë ndërkombëtare nga ndonjë vend i rëndësishëm perëndimor, në rast se ne miratojmë këtë vendim?”, - është shprehur Ngjela.
Kushtetuta
Në bazë të nenit 73 të Kushtetutës pika 2, 3 dhe 4 thuhet se, ”deputeti nuk mund të ndiqet penalisht pa autorizimin e Kuvendit. Autorizimi kërkohet edhe në rastin kur ai do të arrestohet. Deputeti mund të ndalohet ose të arrestohet pa autorizim kur kapet në kryerje e sipër ose menjëherë pas kryerjes së një krimi të rëndë. Në këto raste, Prokurori i Përgjithshëm njofton menjëherë Kuvendin, i cili, kur konstaton se nuk ka vend për procedim, vendos për heqjen e masës. Për rastet e parashikuara në paragrafët 2 dhe 3 të këtij neni, Kuvendi vendos me votim të fshehtë”. Ndërsa kryetari i grupit parlamentar, Bamir Topi, përkundrejt këtij dyshimi është shprehur dje për mediat se bëhet fjalë vetëm për kufizim të imunitetit "për t’i lënë hapësirë Prokurorisë që në rast se ka çështje që lidhen me korrupsionin e deputetëve apo ministrave t’i lihet dorë të lirë, e natyrisht nuk bëhet fjalë për heqje, por për kufizim". Ky ka qenë edhe qëndrimi i palës që ka përgatitur materialin në mbledhjen e djeshme të grupit parlamentar, ndërkohë që, nga ana e tij, Ngjela duket se pak e besuar si argument të mjaftueshëm. Në nenin 2 të projektvendimit thuhet se fillimi i ndjekjes penale për veprat penale për të cilat është vendosur lënia e imunitetit, mund të bëhet jo më herët se 48 orë pas dërgimit të njoftimit me shkrim për fillimin e ndjekjes penale kryetarit të Kuvendit nga Prokurori i Përgjithshëm. Duke pasur parasysh nenin në fjalë, Ngjela, i cili ka argumetuar juridikisht kundërshtitë e tij, është shprehur ndër të tjera se nuk mund të ketë prokuror që të zbatojë një vendim që nuk e lejon Kushtetuta. Argumente se pse një vendim i tillë nuk është në kundërshtim me Kushtetutën kanë kërkuar edhe deputetë të tjerë, të cilët duket se janë bindur nga deklarata apo edhe vetë ajo çka parashikon rezoluta e Këshillit të Evropës (97) 24 që bën fjalë vetëm për kufizim të imunitetit.

[Genti^Itali]

PD miraton me forcën e kartonit përfshirjen në kalendare të projektvendimit. Pro edhe LSI

PS-PD, sharje në Kuvend për “lënien e imunitetit”


A.Rama

TIRANË - Nisma parlamentare e maxhorancës së re “Për lënien e imunitetit të deputetëve dhe kushtet për autorizimin e ndjekjes penale”, është përfshirë në kalendarin trejavor të punimeve të Kuvendit. Pas shumë debatesh lidhur me mënyrën e hartimit të këtij projektvendimi, i cili i hap rrugë lënies vullnetare të imunitetit të deputetit, kur ai akuzohet për çështje të korrupsionit dhe shpërdorimit të detyrës, është vendosur me shumicë votash (70 pro) që ky material të jetë pjesë e punës së Parlamentit në tri javët në vijim. Ndërkaq opozita me 37 deputetët e saj ka votuar kundër përfshirjes së kësaj nisme në kalendar, duke e cilësuar atë të hartuar keq nga ana juridike dhe proceduriale. Vetëm deputetët e LSI-së kanë mbështetur përfshirjen e projektvendimit në kalendar, edhe pse gjatë diskutimeve kreu i kësaj partie, Ilir Meta, e cilësoi atë si demagogjik dhe si një çështje që ka të bëjë me Kushtetutën. Kryetari i grupit parlamentar të PS-së, Gramoz Ruçi, tha se ky projektvendimi ishte antikushtetues, pasi, sipas tij, nuk luftohet korrupsioni me deklarata demagogjike. Ndërkaq kryetari i grupit të PSD-së, Skënder Gjinushi, është shprehur ky projektvendim ishte një skandal juridik, pasi për hartimin e tij i referohet nenit 178 të rregullores, sipas të cilit paraqitet në Kuvend një projektligj. Sipas tij, projektvendimi ishte i papranueshëm nga ana proceduriale dhe ishte hartuar qëllimisht në këtë formë. Nga ana tjetër, kryetarja e Kuvendit tha se në këtë nismë ligjore nuk bëhet fjalë për heqjen e imunitetit, por për lënie të tij. Ajo saktësoi se si për paraqitjen e një projektvendimi, ashtu edhe për një projektligj, ndiqet e njëjta procedurë ligjore, siç është parashikuar në rregullore. Topalli shtoi se për mospërfshirjen në kalendar të kërkesës së opozitës për ngritjen e komisionit hetimor, do të respektonte afatin prej 5 ditësh që parashikonte rregullorja, pasi e kishte marrë si material pasdite. Ndërkohë zv.kryeministri Ilir Rusmali tha se opozita me qëndrimet nuk do të besojë atë material që ka përpara. Seanca e shoqërua me debate dhe replika të shumta mes deputetëve, që në disa momente ishin të njëjta me batutat e rrugëve apo të kafeneve. Deputeti Ferdinant Xhaferri, duke iu drejtuar përfaqësueve të opozitës, tha se ata të mos shqtetësoheshin se kur të ziheshin e të shaheshin me njëri-tjetrin do ta kishin mandatin e deputetit. Por fjala e tij ka shkaktuar reagimin e deputetëve të opozitës, Erjon Braçe dhe Taulant Dedja. Ky i fundit i kërkoi kryetares së Parlamentit që si nënë dhe grua të merrte masa për ruajtjen etikës parlamentare, pasi po kalohej në fyerje deri te njerëzit më të afërt. Ndërsa Braçe tha se meqë këtu po behej fjalë edhe për çështje personale, këto mund të zgjidheshin jo brenda seancës.

[Brari]

lenia e imunitetit behet vullnetarisht nga sejcili deputet kur e sheh te arsyeshme.. prandaj ky sforcimi per ta bere me ligj kte pune bie ndesh me kushtetuten.. pra PD ne kte rast po ben nje Gaf e kjo tregon se Pd harron.. se Stambolli gjendet me te pyetur.. qe don te thote se cdo Pd-ist politikan duhet cdo dit te mesoje.. si te jet ne shkoll te rregullt sepse asnjeri sdi si qeveriset.. e kjo jo per faj te tyre por sepse ska shkoll qe te meson qeverisjen.. ajo mesohet cdo dite duke shtrydhur trute..

gjeje korrupsionin... verifikoje.. faktoje.. ndricoje.. binde publikun.. pastaj te korruptuarin e c'imunizon vet populli..

pra kape peshkun o Sali rusmal topalli pastaj dil kerko tigan e margarine..

keshtu..

dje fola me miken time korason.. e me tha se ai qe eshte ven drejtor gjeneral i doganave ..qenka i njohur si njeri i kulluar ne rrethet ku e njohin.. per ndershmeri e devocion ne pune..
kjo eshte pasuria e PD-se.. ksaj ti gezohemi.. qe kan ditur ta gjejne njeriun e mire model..

pastaj keta te miret natyrshem do i nxjerrin mafiozet zbuluar.. si leshterikun deti..


..

[TikTak]

nuk o papi per pune doganash. dun ujq doganat. si prof ka qene shpirt njeriu. rob i urte.
po kur donin me vu vjollca vokshin ke doganat. me ate goje qe ka ajo o tamom per pa dogane

[Michigan2005]

keni te dy te drejte...

por pikerisht prandaj duhet ligji: qe ti hapi vend per veprim njeriut (politikanit)

populli po pret per ndryshim, per veprim

[Brari]

nuk kemi te dy te drejt o mich
o un kam te drejt o ky tik taku i ndonji tak poci a tak rucit..

zgidh ke te duash..

e drejta nuk eshte sallator.. qe o e ben sallat o tarator..
1 eshte vetem..

[Michigan2005]

ne cdo vend te botes vepron ligji - qe nga krijimi i shtetit

shko lexo "vitin 93" te hygos kur nxenesi vret profesorin ne emer te ligjit dhe pastaj vret veten nga ndergjegjia.

populli e votoj kete qeveri, dhe kjo qeveri duhet te zbatoje ligjin qe ta duartrokis populli qe i dha votebesimin

sa per taratorin, eshte i mire, te hap oreksin keshtu qe lexo shume qe te ngopesh