Athinë - Uashington, përplasje diplomatike në lidhje me minoritetet

[Xhuxhumaku]

Athinë - Uashington, përplasje diplomatike

Autori i Lajmit: S.D.

ATHINE- Greqia i ka bërë ankesë formale Uashingtonit pas deklaratës amerikane se keqtrajtimi që Athina u bën romëve dhe minoriteteve tjera “ende është shqetësim për Shtetet e Bashkuara”. Zëdhënësi i ministrisë së Jashtme greke Giorgios Koumoutsakos tha se ambasadori amerikan Charles Reis është thirrur për të pranuar ankesën. Deklarata e 28 shtatorit u bë nga Felice Gaer, përfaqësues amerikan në OSBE. “Trajtimi i dobët i pakicave turke, shqiptare dhe maqedonase ende paraqet shqetësim për Shtetet e Bashkuara”, i shkroi Gaer OSBE-së, duke shtuar se “Greqia vazhdon t’i zhvendosë disa komunitete rome në mënyrën që nuk përkon me ligjin grek”. Nënsekretari i shtetit për Çështje Politike Nicholas Burns, dje e mbështeti qëndrimin e përfaqësuesit amerikan në OSBE. Para disa ditësh, Amnesty International deklaroi se të drejtat e minoriteteve në Greqi akoma shkelen. Raporti u dokusua kryesisht në dështimin që ka treguar shteti Helen për tu pajtuar me ligjet mbi të drejtat e njeriut dhe standarteve për sa i përket çështjes së azilit. Pretendimet dhe rastet e shumta të keqtrajtimit dhe diskriminimit të minoriteteve janë në qendër të vëmendjes së avokatëve, doktorëve, gazetarëve, aktivitstëve dhe organizatat jo qeveritare. Përfaqësues të Amnesty International vizituan Greqinë në vitin 2005 dhe mblodhen informacionin e duhur në lidhje me shkeljet që janë bërë. Në raport thuhet se autoritetet po dështojnë tu ofrojnë emigrantëve të drejtën për azil. Sipas informacioneve zyrtare, në vitet 1990, popullsia e minoriteteve në Greqi u rrit nga viti në vit. Pjesa më e madhe e emigrantëve i përket kombësisë shqiptare, turke dhe qipriote.


Ky lajm është publikuar: 12/10/2005
Ballkan.

[diikush]

Greket bejne sikur jane shenjtore dhe habiten qe paskan keqtrajtuar te huajt??!!

Mire qe paskan folur edhe keta te tjeret me ne fund.....

[Xhuxhumaku]

Gënjeshtra greke

"Gënjeshtra e madhe jetësore e grekëve" është raporti ndaj minoriteteve, konkretisht "mohimi se ekzistojnë etnikume tjera në shtetin e tyre", deklaroi dje historiani gjerman Kristian Fos. "Kjo gjithësesi ndërlidhet edhe me maqedonasit dhe deri më sot ndeshemi me mospranim zyrtar të minoritetit sllav në pjesën veriperëndimore të Greqisë, i cili qartazi deklarohet si maqedonas. Sipas mendimit tim, çështja e minoriteteve tërësisht qartë qëndron prapa shqetësimit të madh rreth emrit të Republikës së Maqedonisë"
- vlerëson Fos Duke shpjeguar kontekstin historik të problemit, Fosi deklaroi se problemet krijohen në fillim të shekullit të 20-të, kur tre fqinjët ballkanik të Maqedonisë grabitën territorin e saj. "Grekët në vitet e 30-ta (të shek. 20), gjatë periudhës së diktaturës greke, shumë keq vepronte me popullatën që fliste në gjuhën sllave. Ajo e shfrytëzoi luftën qytetare që ndodhi në fund të viteve të 40-ta (të shek.20), që nga vendi të dëbojnë dhjetëra mijëra njerëz që flisnin në gjuhën sllave dhe të cilët luftonin në anën e komunistëve. Ky është një faktor i rëndësishëm për të kuptuar se pse grekët me këmbëngulësi bllokojnë zgjidhjen në të a.q. çështje maqedonase."Deri më sot ata refugjatë nuk kanë të drejt të kthehen, meqë Greqia konteston identitetin maqedonas…", deklaroi historiani gjerman në intervistën për "Dojçe Vele"-n.

Ekspress.