Nderime Dhe Homazhe Per Viktimat E 11-shtatorit Ne Wtc

[Kallmeti]

Viktima te 11 September 2001

Lart në qiell vdekja fluturonte
dhe ju arjrin e fundit thithnit me bollik
mendja tek te dashurit nganjere ndienja e çonte
nuk e dinit se jetes pergjithmone jeni tu i ik!

Ah ku do i gjejne me perqafimet e tyre
femijet jetime e te dashurat qe iu vrane dashurine
e gllaberuan ajrin si egersire
megjithese Allau iu thone kthehuni andej nga jeni nise!

Zjarr dhe klithma vdekje mbollen
dhe Nju-jorkut i nxorren syte
por jo Amerikes syte nuk i qorrohen
veç dhimbje e urrejtje mbollen në shpirt!..

Hakmarrje gelthet ora e madhe e dhimbjes
se dhimbjen hakmarrja e lane
rrokullisen ne rrotat e ndryshkura ditet
verrmihesit ngadale drejt varreve vane !...

Lek Gjoka -Kallmeti JAcksonville Florida USA. 9/11/2002

[Kallmeti]

*****

[Kallmeti]

*******

[DINA]

SOT ISHA NE CEREMONINE QE U BE NE KUJTIM TE VIKTIMAVE E 11 SHTATORIT.DHE PASHE FAMILJE TE VIKTIMAVE , DHIMBJE PER TE HUMBURIT E VET.PO DO THOJA DHE SIC E THANE DISA NGA FAMILJET E PREKURA NGA KJO TRAGJEDI

<>

ME RESPEKT DHE NDERIME PER VIKTIMAT .DHE KURAJE PER FAMILJET SI AMERIKANE DHE ATO SHQIPETARE.
DINA

[kosovar]

Që nga 11 shtatori 2002, Bota nuk është me e njejtë.

Ngjarja ishte shumë tregjike. Nuk ka nevoje për ndonje imagjinatë të veçantë për të ditur se çka paraqet Amerika për Shqiptarët, sidomos për shqiptarët e Kosovës.

Prandaj, ngushllime familjeve, të cilat vuajnë ende për të dashurit e tyre. Zoti qoftë me viktimat dhe past mëshirën e tij për ta!

[Kallmeti]

Moisiu: 11 shtatori goditi gjithë njerëzimin
Elez Biberaj
11 shtator 2002

Dëgjoni korrespondencën (RealAudio)

Presidenti i Shqipërisë, Alfred Moisiu shprehu solidaritetin e popullit shqiptar me Shtetet e Bashkuara, në ditën kur gjithë amerikanët përkujtojnë viktimat e sulmeve të 11 shtatorit të vitit të kaluar.

Presidenti Moisiu tha në një intervistë për Zërin e Amerikës nga New Yorku, se ”11 shtatori nuk goditi vetëm Shtetet e Bashkuara, por gjithë njerëzimin”.

Ai përmendi faktin që tre shqiptarë vdiqën kur u godit Qendra Botërore e Tregëtisë dhe tha se populli shqiptar i jep mbështetje të gjithanshme veprimeve të Shteteve të Bashkuara.

Si tregues për këtë mbështetje ai përmendi pjesëmarrjen e Shqipërisë me trupa në Afganistan, si edhe aktivitete të tjera që janë ndërmarrë nga autoritetet shqiptare ndaj elementëve që paraqesin rrezikshmëri në shkallë ndërkombëtare.

Pavarësisht se Shtetet e Bashkuara janë më shumë të përqendruara aktualisht në luftën kundër terrorizmit, Presidenti Moisiu tha se kontributi amerikan në rajon vazhdon të mbetet i një rëndësie të madhe për stabilitetin në rajon.

Zoti Moisiu pati sot edhe një takim me Sekretarin e Përgjithshëm të Kombeve të Bashkuara, Kofi Annan. Presidenti i Shqipërisë tha se zoti Annan kishte vlerësuar rolin e Shqipërisë për stabilitetin në rajon, si edhe procesin e çarmatimit.

Përsa i takon marrëdhënieve me diasporën shqiptare në Shtetet e Bashkuara, zoti Moisiu tha se ka ardhur koha që përfaqësuesit e saj të mendojnë më shumë për vendin e tyre dhe ata që kanë mundësi të kontribuojnë dhe investojnë atje.

Ai tha se angazhimi i shtetit shqiptar për diasporën do të vijë duke u shtuar dhe përmendi si fakt për këtë përpjekjet për ngritjen e 1 ose 2 konsullatave të tjera për t’i ndihmuar shqiptarët, por edhe për t’u krijuar lehtësi atyre për aktivitetin e tyre.//kk

[Brari]

Edhe une pajtohem me ju bashkatdhetare te nderuar kudo qe jeni!

Ja dhe fjala e Z. Rugova.
--------------------------------------

Fjala e Presidentit Rugova e mbajtur në Mbrëmjen përkujtimore në Prishtinë kushtuar viktimave të 11 shtatorit në SHBA


--------------------------------------------------------------------------------

Prishtinë, 12 shtator 2002 (QIK) - Presidenti i Kosovës Dr.Ibrahim Rugova, mbrëmë në Pallatin e Rinisë dhe Sportve në Prishtinë foli në Mbrëmjen përkujtimore kushtuar viktimave të 11 shtatorit në SHBA. Në vazhdim po japim në tërësi fjalën e Presidentit.

Ju falënderoj për ftesën që më keni bërë të jemi së bashku në këtë Mbrëmje përkujtimore në njëvjetorin e 11 shtatorit 2001, të përkujtojmë të keqen që u bë mbi kullat e bukura binjake të Nju Jorkut dhe mbi ndërtesën e Pentagonit, mbi njerëzit e mirë të vendit Tuaj. Kjo ishte ngjarje që tronditi gjithë botën e qytetëruar dhe qytetarët e vendit tim.

Që në fillim dëshirojmë të themi në këtë njëvjetor se 11 shtatori 2001 ishte shpërthim, sulm i të keqes dhe sot mund të themi se 11 shtatori 2002, i gjithë ky vit është fitore e të mirës mbi të keqen. SHBA dhe bota e qytetëruar kanë dalë më të forta, më të fuqishme.
Presidenti I. Rugova



Më 10 shtator nga Prishtina via Vjenë udhëtoja për një vizitë në Kanada. Gjatë gjithë udhëtimit, sidomos mbi Atlantik, më dukej se kishte më shumë turbulenca se sa herave të tjera. Posa zbritëm në Toronto, duke u përshëndetur me mikpritësit kanadezë dhe duke pritur për t'u nisur për Otava, në bisedë e sipër u thashë se udhëtuam mirë, por më dukej se sot patëm shumë turbulenca mbi Atlantik. Ishte bisedë rasti dhe nuk dëshiroja ta bëja këtë sugjestion.

Të nesërmen më 11 shtator u zgjova herët në mëngjes, ndërsa përgatitesha për ditën e punës, bashkëpunëtorët e mi hynë shpejt në dhomë e më thanë ta ndezë televizorin. E bëra këtë, më dukej se ishte CNN apo Fox News, dhe pashë tmerrin mbi kullat binjake. Nuk u besoja syve. Po pastaj fillova të kthjellëm se ishte bërë një terror dhe horror i madh.

Atë ditë u pajtuam me miqtë kanadezë të mos punojmë në shenjë solidarizimi. I bëra një telegram ngushëllimi Presidentit Bush. Të gjithë ishim të prekur. Të nesërmen u njoftova se i gjithë populli i Kosovës ishte prekur nga këto ngjarje tragjike dhe kishte shprehur solidaritetin dhe miqësinë me SHBA.

Pas disa ditësh qëndrimi u ktheva me avionët e parë për Evropë. Në sytë e udhëtarëve në aeroporte vërehej brengosja po edhe dëshira, aspirimi për të mirën. Posa u ktheva në Prishtinë i bëra një vizitë Zyrës – Ambasadës amerikane dhe u nënshkrova në librin e zisë.

Kështu e përjetova 11 shtatorin, këtë ditë të prekjes e të solidaritetit të njeriut me njeriun.

Pas këtyre refleksioneve, themi se 11 shtatori 2002 është fitore e SHBA dhe e aleatëve si dhe e botës së qytetëruar, botës liridashëse mbi të keqen. Është një vetëdijësim i përgjithshëm mbi pasojat e të keqes, terrorit, horrorit, të terrorizmit, si e keqe globale.

Njeriu dhe njerëzimi gjithmonë ka qenë dhe ka vepruar kundër së keqes, i vetëdijshëm se ajo mund të arrijë. Gjithmonë ka ndërtuar e aspiruar të mirën. Me filozofinë e të mirës e ka kundërshtuar filozofinë e të keqes, edhe në planin praktik e shpirtëror.

Presidenti Bush me të drejtë, me forcën e dhembjes dhe të krenarisë e të arsyes për të mirën, terrorizmin e quan të keqe të kohës tonë që duhet t'i kundërvihemi. Vërtet kjo është një e keqe e kohës sonë, si pasojë e luftës së ftohtë, kur njerëzimi po ribashkohet në idealet e të mirës, të njerëzisë, të lirisë, të vlerave të përbashkëta qytetëruese. Kjo nuk është një manikeizëm i konfrontimit të së mirës me të keqen, apo manikeizëm ideologjik, që e patëm gjatë kohë, po vision i filozofisë të së mirës që kundërshton të keqen.

Në kontekst të 11 shtatorit Kosova solidarizohet me SHBA dhe aleatët, sepse neve na e hoqën te keqen – terrorizmin aktiv të organizuar më se 10-vjeçar dhe qindravjeçar. Dhe sot, ky popull me miqtë e vet është në dritën e lirisë, të pavarësisë dhe të demokracisë, që po bëhet popull i lirë në bashkësinë e popujve të lirë. Ne e kuptojmë më së miri 11 shtatorin.

Historia përsëritet, po ne duhet të përfitojmë nga këto përsëritje, të mësojmë. Ajo shpesh i bënë korrigjimet me përsëritjet e saj, apo i kthen gjërat në burim, në Zotin, që duhet të kalojmë nëpër tragjedi të vogla e të mëdha. Për ne kosovarët kësaj radhe falë Zotit dhe miqve tanë u kthyen në burim përsëritjet e historisë, duke zhdukur të keqen. 11 shtatori na obligon se duhet të punojmë e kultivojmë shpirtin e të mirës.

I nderuari Ambasador,

Në këtë Mbrëmje të përkujtimit të 11 shtatorit, në emër të popullit të Kosovës i shprehim mirënjohje vendit të madh SHBA dhe popullit amerikan për gjithë atë që kanë bërë për Kosovën dhe popullin shqiptar.

Mirënjohje të madhe kemi për Presidentin Uilson, i cili në fillim të viteve '20 lansoi parimin e vetëvendosjes dhe të Pavarësisë për popujt, me ç’rast këtë parim ua njohu edhe shqiptarëve.

Në kohën e Presidentit Nikson, doajeni i diplomacisë amerikane Henri Kisinxher u interesua për ne, që obligon mirënjohjen tonë.

Në kohën e Presidentit Regan, kur filluan kohërat më të vështira për Kosovën, Kongresi dhe administrata amerikane nisën të mbrojnë popullin e Kosovës. Presidenti Regan meriton mirënjohjen tonë.

Në kohën e rënies të Murit të Berlinit dhe të rënies së luftës së ftohtë Presidenti Bush – tash Bushi Plaku - gjithnjë e më shumë u kujdes për Kosovën.

Është i njohur "Kërcënimi i Krishtlindjeve" i vitit '92 kur e vendosi vijën e kuqe mbi Kosovën, që ishte një dritë shprese për ne. Kjo meriton mirënjohje të veçantë.

Vijën e kuqe të Presidentit Bush, e mbrojti Presidenti Klinton dhe zonja Ollbrajt, Zonja e diplomacisë amerikane, që e shpien Kosovën në rrugën e lirisë, të pavarësisë e të demokracisë, çfarë meriton mirënjohjen tonë, po ashtu speciale.

Dhe vitin e kaluar, në korrik të vitit 2001, Presidenti Bush, pra Bushi i Riu, posa mori detyrën e vizitoi Kosovën dhe kampin shkëlqyes Bondstill, që e zbukuron dhe forcon Kosovën. E meriton admirimin dhe dashurinë e popullit të Kosovës dhe dëshirën që Kosova me progesin që ka bërë të njihet sa më shpejt si vend i pavarur në bashkësinë e popujve të lirë.

Në këtë mbrëmje të 11 shtatorit, mund të themi se Kosova nuk harron, nuk është bukëpërmbysëse, solidarizohet dhe ndien me miqtë e saj – me mikun historik me SHBA dhe aleatët e saj europianë e të botës së qytetëruar.

I nderuari Ambasador,

Në njëvjetorin e 11 shtatorit, kur po bisedohet se çfarë të bëhet me kullat e bukura binjake, ne mendojmë se ato duhet të ngriten edhe më të mëdha seç ishin, me një lapidar përkujtimi për viktimat. Ne kështu vepruam në Kosovë tash tri vjet pas luftës në liri, i ndërtuam shtëpitë që i kishim, i bëmë më të mëdha e më të bukura me ndihmën e miqve tanë dhe me shpirtin e fortë të popullit e të qytetarëve tanë. Ky është vetëm një sugjerim i vogël për mikun tonë të madh.

Ndoshta fola pak me sensibilitet për shumë gjëra si President i një vendi me origjinë të vjetër i Dardanisë antike e me status të ri të Pavarësisë. Ndoshta isha tepër patriotik për Kosovën dhe për Amerikën, për miqësinë tonë, por do shtuar se pak patriotizëm na bën mirë.

Në këtë Mbrëmjë përkujtimi të 11 shtatorit, do thënë se SHBA dhe bota e qytetëruar pas një viti janë më të fuqishme, me vision të qartë për fitoren mbi të keqen dhe hapjen e visionit dhe forcimit të së mirës që i duhet njerëzimit.
T'i kundërvihemi të keqes.
Të forcojmë të mirën.
Zoti i bekoftë viktimat e 11 shtatorit.
Zoti e bekoftë Amerikën.
Zoti e bekoftë Kosovën.
Zoti e bekoftë miqësinë tonë.
Nga kjo Mbrëmje përkujtimi, përshëndesim Presidentin Bush dhe popullin amerikan.
Ne lutemi për Ju.
Ne jemi pranë Jush.


Trepca.net
----------------------

[nimue]

Te nderuar qytetare amerikanas !
Se pari dua t'ju kujtoj se nuk egziston vetem qyteterimi amerikan .
Sigurisht qe me vjen keq per njerez te pafajshem por nje here qe u prek amerika sikur u prek e gjithe bota .
Valle i harrojme viktimat e Hiroshimes ,te Vietnamit ,te Afganistanit,te Irakut,te Palestines ................etj.........etj..............etj

[xhelil]

Edhe nje here tregojme turpin e kombit tone qe ngelem duke kremtuar festat e botes me pare festonim tragjedite ruse tani ato amerikane

MJAFT PUNOVE PER TE TJERET O FAT KEQ
KUJTO VENDIN TEK KE LERE DHE TEK HEQ

[Redi]

Po C'feste po Kremton?

11 shtatorin feste e quan?


11 shtatori nuk ka lidhje vetem me Ameriken si shtet dhe amerikanet se njerez, por me gjithe qyteterimin e civilizuar boteror, pasi nuk u godit vetem Pentagoni, por dy qendra nderkombetare ku punoni njerez nga e gjithe bota, civile te pafajshem qe nuk u vrane ne fushe te betejes, por thjesht ne menyre te befasishme nga disa spurdhjake.

Duke u solidarizuar me popullin amerikan, shqiptaret tregojne se i ndihen afer ne keto dite zie e dhimbje nje populli e shteti mik i cili na ka ndihmuar ne ditet tona te zeza.

Prej Amerikes ne kemi shtetin tone, pasi u desh nderhyrja e presidentit Willson qe Shqiperia te mos mbetej vetem Tirana, Elbasani e Kruja.


Nderhyri Amerika qe cliroi Kosoven pas 85 vitesh sundimi serb.

Cfare na kishte Amerika ne? Cfare e kishte Kosoven? Mund ta linte Milloshevicin qe te bente kasaphane atje e sot nuk kishte per te patur kembe shqiptari ne Kosove.

Natyrisht ne 11 shtator ka edhe shtet apo njerez qe bejne feste. Gezohet serbet, greket e te gjithe armiqte amerikane ne Bote.

Ata kane falenderuar Zotin qe Amerika u sulmua dhe u vrane 300 vete te pafajshem.
Por per fat te mire, shqiptaret akoma i kane ruajtur disa virtyte qe kane patur nder shekuj.

Te vleresojne mikun dhe ti gjenden ne ditet e veshtira.

Nuk kemi se cfare ndihme mund ti japim Amerikes se nuk ka nevoje per ndihmen tone, por te pakten dicka simbolike ne kujtim te viktimave.