Japanese Grand Prix

[Davius]

Finlandezi ka mundur të fitojë garën e Suzukës në xhiron e fundit, edhe pse u nis i 17-ti 10-10-2005

Raikonen arrin misionin e pamundur


Piloti finlandez i skuderisë Mclaren-Mercedes, Kimi Raikonen, ka zhvilluar ditën e diel një nga garat më të bukura të këtij sezoni. Eshtë nisur nga vendi i 17-të në Çmimin e Madh të Japonisë dhe ka arritur ta fitojë atë. Megjithëse arriti të bënte këtë mrekulli, Raikoneni nuk pati mundësi të ndalte skuderinë Renault, që të rimerrte kryesimin e klasifikimit për konstruktorë. Skuderia franceze është ringjitur në krye me dy pikë avantazh ndaj McLaren-it. Pilotët e saj, Fernando Alonso dhe Xhankarlo Fizikela, janë renditur në vendin e dytë dhe të tretë në këtë garë.

Një fakt, interesante në këtë garë ka qenë kur spanjolli Alonso, i cili trashmë është edhe kampioni i botës për këtë sezon, ka arritur të parakalojë Majkëll Shumakerin, dy herë gjatë kësaj gare. Në klasifikimin e përgjithshëm për pilotë, ai ka 123 pikë, ndërkohë që Raikoneni ka 104. Duhet theksuar se finlandezi ka arritur fitoren e shtatë në këtë sezon, ndërkohë që Alonso ka vetëm 6. Australiani Mark Veber e ka përfunduar garën në vendin e katërt përpara Xhenson Batonit dhe bashkëkombasit të tij, Devid Kulthardit. Gjermani i Ferrarit, Majkëll Shumaker, është renditur në vendin e shtatë përpara vëllait të tij Ralfit, i cili megjithëse u nis nga "poli", nuk mundi të merrte më shumë se një pikë. "Kjo ishte një nga fitoret më të vështira që kam arritur deri tani, megjithatë ishte padyshim edhe fitorja më e bukur, pasi u arrit pas një lufte të ashpër, - ka thënë Raikoneni, i cili ka ndërperë dhe serinë e fitoreve radhazi të Ferrarit në Suzuka. - Me të vërtetë ka qenë një nga fitoret më të bukura. Nuk kisha asgjë për të humbur, janë shanset e fundit." Ndërkohë që numri 1 i kësaj skuderie, Ron Denis, ka shtuar: "Në momentet e fundit më pyeti për xhirot e mbetura dhe i thashë se kishte mbetur vetëm një. I kërkuam maksimumin dhe me gjithçka rezultoi fenomenale."

Skuderia Renault, në klasifikimin e përgjithshëm për konstruktorë, ka 176 pikë, ndërkohë që McLaren-i 174. Në të vërtetë ka qenë dalja nga gara e Huan Pablo Montojës ajo që me sa duket i ka kushtuar vendin e parë në klasifikimin për konstruktorë skuderisë McLaren-Mercedes. Në të vërtetë ka qenë Zhak Villnëv ai që ka shkaktuar këtë incident, i cili rezultoi fatal për pilotin kolumbian. "Nuk arriti të frenonte në momentin e duhur. Më pas u fut në shikan shumë gjerë dhe sa vinte e zgjeronte trajektoren, derisa më nxori krejtësisht jashtë," - ka thënë menjëherë pas incidentit Huan Pablo Montoja, i cili ishte dhe fituesi i garës së kaluar në Brazil. Pikërisht për këtë incident ka hyrë më pas në pistë edhe makina e sigurisë.

[Davius]

Piloti britanik ka mbetur i zhgënjyer nga makina që kishte në dispozicion për Japoninë 10-10-2005

Xhenson Baton, edhe këtë herë duarbosh

Shpresat e Xhenson Batonit për të arritur fitoren e parë në një Çmim të Madh pas 99 garash, nuk u realizuan në Japoni, ku britaniku e përfundoi garën në vendin e pestë. "Ne humbëm shtatë sekonda në pit-stopin e parë, pasi patëm probleme te hedhja e karburantit, - tha ai. - Unë u mërzita shumë, por pashë që makina nuk ishte në formën e duhur dhe nuk mund ta fitoja garën gjithsesi." Shoku i skuadrës të Batonit, japonezi Takuma Sato, u pezullua pas një përplasjeje me pilotin italian të Toyotës, Jarno Trulin.

Piloti i McLaren-it, Kimi Raikonen, bëri një paraqitje të shkëlqyer kur fitoi garën e parafundit të sezonit. Ai parakaloi pa shumë vështirësi Xhenson Batonin, duke i treguar ekipit të BAR-it se duhet të përmirësohet akoma për vitin tjetër. "Ne kemi problem me rrëshkitjen e makinës, - tha Batoni, i cili renditet i nënti në renditjen e përgjithshme të pilotëve, kur ka ngelur edhe Çmimi i Madh i Kinës për t'u zhvilluar. - Është një problem që ka ekzistuar gjatë gjithë sezonit, por në garat e fundit filloi të përkeqësohej më shumë. Edhe te Renault-ja duket se ndodh ky problem, por aktualisht është shumë e shpejtë gjatë kthesave." Renault-ja e Xhankarlo Fizikelës dhe kampionit aktual të botës, Fernando Alonsos, e përfunduan garën e Suzukës respektivisht në vendin e dytë dhe të tretë. "Mendoj se është një problem shumë i rëndësishëm.

Të paktën për garën e fundit të sezonit, makina duhet të jetë në formë të mirë," - përfundoi Batoni. Shoku i tij i skuadrës, Takuma Sato, ka qenë sërish protagonist i një incidenti të çuditshëm këtë fundjavë. Për më shumë, gabime të tilla prej amatori po i kushtojnë shumë skuderisë BAR-Honda. Piloti japonez ka përplasur Jarno Trulin, duke e nxjerrë jashtë gare. Ky gjest i ka mërzitur shumë edhe drejtuesit e skuadrës së tij, por edhe të skuadrës së Toyotës. Numri 1 i kësaj të fundit, Tsutomu Tomita, në përfundim të garës ka deklaruar: "Jam vërtet shumë i mërzitur. Nuk e kuptoj atë manovrim të Satos. Unë jam dakord që piltoët të tregohen agresivë, por Sato i tejkalon kufijtë e së pranueshmes. Duhet të qëndrosh brenda rregullave. Me sa duket, ai ishte i përfshirë nga entuziazmi dhe në gjendje të tillë është kthyer në një pilot të rrezikshëm."

[Davius]

Kjo eshte edhe gara e parafundit, ka mbetur edhe nje gare te zhvillohet ne Kine dhe mbaron kampionati ne Formula 1.


Klasifikimi:

1 Fernando Alonso Spanish Renault 123

2 Kimi Räikkönen Finnish McLaren-Mercedes 104

3 Michael Schumacher German Ferrari 62

4 Juan Pablo Montoya Colombian McLaren-Mercedes 60

5 Giancarlo Fisichella Italian Renault 53

6 Jarno Trulli Italian Toyota 43

7 Ralf Schumacher German Toyota 39

8 Rubens Barrichello Brazilian Ferrari 38

9 Jenson Button British BAR-Honda 36

10 Mark Webber Australian Williams-BMW 34

11 Nick Heidfeld German Williams-BMW 28

12 David Coulthard British Red Bull Racing 24

13 Jacques Villeneuve Canadian Sauber-Petronas 9

14 Felipe Massa Brazilian Sauber-Petronas 8

15 Tiago Monteiro Portuguese Jordan-Toyota 7

16 Alexander Wurz Austrian McLaren-Mercedes 6

17 Narain Karthikeyan Indian Jordan-Toyota 5

17= Christian Klien Austrian Red Bull Racing 5

19 Christijan Albers Dutch Minardi-Cosworth 4

19= Pedro de la Rosa Spanish McLaren-Mercedes 4

21 Patrick Friesacher Austrian Minardi-Cosworth 3

22 Antonio Pizzonia Brazilian Williams-BMW 2

23 Takuma Sato Japanese BAR-Honda 1

23= Vitantonio Liuzzi Italian Red Bull Racing 1

[Davius]

2005 Constructors Championship


1 Renault 176

2 McLaren-Mercedes 174

3 Ferrari 100

4 Toyota 82

5 Williams-BMW 64

6 BAR-Honda 37

7 Red Bull Racing 30

8 Sauber-Petronas 17

9 Jordan-Toyota 12

10 Minardi-Cosworth 7

[panchovilla]

E lexova ne gazete se ne kete gare ai ka arritur shpejtesine 200 milje ne ore(apo 320 km ne ore). Shpejtesi qe nuk arritet lehte!!!