Berisha: Kavaja dhe Lushnja, prefekturat e reja në vend

[[A-SHKODRANI]]

Berisha ne Kavaje: Kavaja dhe Lushnja do te jene dy prefektuarat e reja te vendit

Kryeministri shqiptar, Sali Berisha, mori pjesë sot (e Premte) në përurimin e impiantit të pastrimit të ujrave të zeza në fshatin Qerret, në Kavajë.
Gjatë ceremonisë së përurimit Kryeministri Berisha u shpreh, se "ky impiant, i pari i këtij lloji në vend, është i një rëndësie shumë të madhe për shëndetin, mjedisin dhe zhvillimin e kësaj zone. Impiante të tjera me ndihmën e Qeverisë gjermane dhe donatoreve të tjerë do të ngrihen në Vlorë, Lezhë, Durrës dhe Sarandë".
Kreministri Berisha, duke siguruar qytetarët e Kavajës se problemet e mjedisit dhe ndërtimeve pa leje, që kanë shkatërruar plazhin dhe urbanistikën e zonës, do të shihen me prioritet nga Qeveria, tha se "Qeveria ka vendosur këto ditë që Kavaja dhe Lushnja të shtohen në serinë e Prefekturave të reja të Shqipërisë".
Ndërsa ambasadori i Gjermanisë në Tiranë, Hans-Peter Annen, i pranishëm në këtë ceremoni, premtoi mbështetetjen e Qeverisë gjermane si dhe vazhdimësinë e investimeve gjermane në këtë fushë edhe në qytetet e tjera të vendit.
Ndërtimi i impiantit për pastrimin e ujrave të zeza u financua nga Qeveria Gjermane nëpërmjet KFW(Bankës për Zhvillim) me një fond grant prej 7 milion euro. Kjo do të bëjë të mundur përmirësimin e cilësisë së ujit të detit Adriatik, duke rritur standardet për turizmin në këtë rajon, si dhe do të bëjë të mundur mbylljen e ciklit të plotë të furnizimit me ujë të pijshëm për 24 orë dhe largimin dhe përpunimin sipas standardeve të BE-së të ujrave të zeza.