LKSHI u propozon autoriteteve maqedonase që shteti të quhet “Maqedoni-Iliridë”

[ABytyqi]

LKSHI u propozon autoriteteve maqedonase që shteti të quhet “Maqedoni-Iliridë”

Lëvizja Kombëtare shqiptare për Iliridën ka dal sot me propozimin që emri i ardhshëm Maqedonisë të jetë “Maqedoni-Iliridë”Sipas kryetarit të kësaj Lëvizje, Nevzat Halili, me një emërtim të këtillë, shteti do të identifikohej si një union i barabartë i maqedonasve dhe shqiptarëve. Propozimi i këtillë vjen pas sugjerimit të disa zyrtarëve të lartë evropian që Maqedonia të ndryshoj emrin e shtetit, me qëllim të zgjidhjes së kontestit disavjeçar me Greqinë.
Kryetari i LKSHI-së, Nevzat Halili ka thënë se ky emër do të kënaqte aspiratat e dy popujve më të mëdhenj në Maqedoni, maqedonasve dhe shqiptarëve për të qenë të barabartë. Sipas Halilit, ky emërtim i ri i shtetit do të ishte i pranueshëm edhe për Greqinë. Paraprakisht, zyrtarë të lartë evropian i kanë propozuar katër emra të rinjë për shtetin, kryeministrit maqedonas, Nikolla Gruevski. Maqedonia e Re, e Epërme, Veriore apo Republika e Maqedonisë-Shkupi, janë katër propozimet që i janë dhënë Shkupit zyrtar, për zgjidhjen e kontestit të emrit me Athinën. Me këto sugjerime, Maqedonia është sjellur para dilemës, të ndryshojë emrin apo të heq dorë nga integrimi në NATO, ka thënë kryeministri maqedonas , Nikolla Gruevski, duke përjashtuar tani për tani mundësinë e ndryshimit të emrit të shtetit. Kjo deklaratë e Gruevskit është vlerësuar si provokative, nga ana e zëvendës-sekretarit amerikan të shtetit Nikolas Burns. Sipas mediave greke, Burns ka kritikuar pozicionin e Shkupit për mosndryshimin e emrit të shtetit. Ndërkohë partitë shqiptare në pushtet, PDSH dhe PPD mbështesin qëndrimin e Qeverisë së Maqedonisë për mosndryshimin e emrit kushtetues. Ndërkaq , Bashkimi Demokratik për Integrim ka kërkuar edhe përfshirjen e shqiptareve në bisedimet për zgjidhjen e çështjes se emrit te shtetit.“Mendojmë se ne duhet të jemi pjesë e zgjidhjes së problemit sepse edhe ne jemi qytetarë të këtij vendi, jemi bartës të sovranitetit dhe integritetit të vendit. Për definimin e emrit të vendit duhet të arrihet koncenzus etnik dhe politik, prandaj pjesëmarrja e shqiptarëve në zgjidhjen e kontestit të emrit të shtetit është e rëndësishme”, ka thënë kryetari I BDI-së, Ali Ahmeti. Problemi mes Shkupit dhe Athinës është shfaqur në vitin 1991 ,pas shkëputjes së Maqedonisë nga ish federate Jugosllave. Greqia kundërshton emrin Maqedoni, pasi po kështu quhet një krahinë e saj, e cila ndodhet në perëndim të këtij vendi.

[xfiles]

Do ishte nje gje shume e mire,
shpresojm qe te realizohet.

[bOndi_oo7]

Shikuar nga apekti strategjik mendoj se ne shqipet e IRJM tashti duhet te luajme ne menyre te mencur, dmth te bashkerendisim interesat tona te perbashketa me greket (edhe perkunder mosmarreveshjeve qe kemi me ta ne ceshtje te tjera), dhe te dalim me propozim tonin qe te jete i pranueshem per Greqine dhe njekohesisht edhe per ne shqiptaret dhe gjithsesi edhe per komunitetin nderkombetare.
Me nje fjale loja qe do duheshte ta luajme do kishte per qellim qe grekeve tu ofroje perkrakjen tone per kontestin me emrin, me kundershtimin ose "tradhetimin" e qendrimit te shtetit ku jetojme dmth IRJM, dhe per kundershperblim te marrim pajtimin e shtetit Grek dhe njohjen e Pavaresise se Kosoves, sigurisht edhe ndonje te mire ekonomike per rajonet e banuara nga shqipet ne formen e ndonje investimi grek dhe ndonje lehtesimi administrativ per ne shqipet e IRJM.

Per cmimin qe ne do fitojme- Njohjen e Pavaresise se Kosoves nga Greqia, mua me duket se ketu ia vlen barra qerane.

Pa le te hidherohen njehere edhe maqedonasit me ne per nje shkak te arsyeshem.

[Shkupi]

Ceshtja e emrit eshte parasegjithash ceshtje historike dhe gjeja e pare qe duhet te beje komuniteti politik shqiptar eshte qe te jete e perfshire ne debat.Me pak fjale kjo na perket edhe neve aq sa edhe sllaveve.Qendrimet tona mund ti ndertojme ne baze te interesave tona kombetare si ne kontekst te ketij vendi ashtu edhe ne kontekst te rajonit.Ne fakt gjeja e pare qe duhet te kerkojme nga koalicioni VMRO-PDSH eshte qe hulumtimet ne kalane e Shkupit te shpallen si te pavlevshme sepse aty gjoja rezultoi se keto treva jane ekskluzivisht bizantine madje edhe vikinge ndersa elementi iliro-dardan as qe eshte permendur fare.Me kete do ti themi Grujevskit ketij romantiku te madh se e ka gabim pse luan me shqiptaret e ketij nenqielli.

[Alienated]

***Pa le te hidherohen njehere edhe maqedonasit me ne per nje shkak te arsyeshem.

Do te na granatojne te gjitheve? Ata pa arsye te granatojne fshatrat e te vrasin civilet e ku tani mo...

Sa per emrin - ky vend quhet Maqedoni, dhe greket e dine shume mire, por problemi gjithnje vjen nga banoret sllave (sipas gjitha gjasave bullgare) qe jetojne ne keto troje e qe duan te quhen Maqedonase. Une mendoj se greket s'kane te drejte kur thone qe kjo toke s'duhet quajtur Maqedoni. Kjo toke ate emer ka patur dhe duhet ta kete: MAQEDONI. Problemi real ketu eshte ajo qe thone bullgaret: Banoret e ketij vendi qe quhet Maqedoni nuk kane te drejte te quhen MAQEDONASE, sepse Maqedonas quheshin banoret antike qe jetonin ne keto troje e qe s'kane ABSOLUTISHT ASGJE te perbashket me sllavet, te ardhur nga karpatet, dhe te vendosur ne keto troje.
Pra, per ta permbyllur, mendoj qe emri i shtetit s'duhet nderruar - duhet nderruar emri i kombesise. Te quhen sllave te Maqedonise, ose bullgare te Maqedonise do ishte me e dobishme se sa te nderrohet emri i ketij vendi qe gjithmone ashtu eshte quajtur.

[Jack Watson]

Per mendimin tim, edhe flamuri i Maqedonise duhet te kete nje simbol tonin. Perderisa jemi 30 per qind e kusur, dmth komb shtetformues, flamuri zyrtar i Maqedonise duhet te perfshije simbolikishte edhe shqiptaret.

[Shkupi]

Kur jemi te emri kjo ceshtje parasegjithash duhet te shoshitet mire nga historianet.Duhet te shihet cka quhet(quhej) Maqedoni dhe ku eshte kufiri i kesaj province greke.Ne fakt nga ajo qe di une Makedhonia shtihej kryesisht ne pjesen veriore te Greqise dhe ne nje pjese jugore te Maqedonise se sotme qe nga Shtipi e deri te Prilepi.Kjo eshte Maqedoni historike ndersa pjesa tjeter si fjala vjen pjesa veriore ka qene brenda kufijve te Dardanise(Kosoves) Kjo edhe ka qene arsyeja qe sivjet Enti arkeologjik i Maqedonise ka bere germie ne Kalane e Shkupit ( se bashku me disa shqipfoles te instaluar nga PDSH-ja dhe qe kane sherbyer si dekor) me te vetmin qellim qe te deshmojne se ne kete pjese nuk ka kurfare deshmi per ekzistimin e elementit iliro-dardan por vetem te atij greko-bizantin.Kjo eshte nje loje e madhe qe krismen do ti ja degjojme me vone.Eshte koha e fundit qe profesionistet tane ta thone fjalen e vet ne tere kete loje te quajtur emri i shtetit.

[bOndi_oo7]

Shqiptaret ne IRJM dita dites paraqiten me ide dhe propozime te ndryshme ne lidhje me kontestin e emrit te IRJM. Si duket edhe ne u zgjuam nga gjumi dhe po dalim nga anonimiteti lidhur me kete ceshtje qe realisht na tangon edhe neve si qyetare te ketij vendi.

Sot eshte paraqitur edhe nje iniciative e re lidhur me kete ceshtje, gjegjesisht Iniciativa Qytetare "Perparimi" ka dale me idene e organizimit te nje peticioni per (sic thone ata) kundershtimin e qendrimit kokeforte dhe jokorrekt te Qeverise ne bisedimet per zgjidhjen e kontestit per emrin.
Ne fakt ata mendojne se me kete iniciative do te inkurajojne qeverine qe te jete sa me konstruktive ne bisedime duke nenkuptuar me kete edhe perfshirjen e nje perfaqesuesi shqiptare ne bisedime, me qellim qe te mos pengohet zhvillimi dhe perparimi i vendit drejt proceseve euro-atlantike.

[bOndi_oo7]

Ish Kryeministri Georgievski: Momenti te gjejme nje emer te ri

Ish-kryeministri i Maqedonise, Lubço Georgievski, ne nje paraqitje te rralle para mediave ka thene se tani eshte momenti i vertete qe Maqedonia te gjeje nje zgjidhje per problemin me emrin me Greqine.
Sic ben te ditur BBC, deklarata e zotit Georgievski, i cili tani eshte deputet ne parlament i partise VMRO Popullore, ka ngjallur mjaft diskutime. Ai ka sugjeruar se Maqedonia duhet te ndryshoje emrin kushtetues ne prag te samitit te NATO-s.
Ne kete samit ajo pritet te marre ftese per anetaresim, por ne te njejten kohe ka dhe dilema per shkak te parlajmerimeve per vendosjen e vetos nga ana Greqise, si rezultat i mosmarveshjeve per emrin.
"Prej 15 vjetesh quhemi Ish-Republika Jugosllave e Maqedonise, bile edhe greket nese terhiqen nga vetoja e tyre ne prag te zgjerimit te ardhshem te NATO-s, serish ne dy apo tri dekada do te quhemi Ish-Republika Jugosllave e Maqedonise.
Do te thote se ne nje situate te tille vleresoj se ndoshta ky zgjerim i NATO-s eshte pike ideale nga ku mund te vijme ne ndonje ndryshim pozitiv", thote zoti Georgievski.
Por nje qendrim i tille ne Maqedoni eshte plotesisht i papranueshem.

Sugjerime per gjetjen e kompromisit me Greqine per çeshtjen e emrit kane ardhur edhe nga zyrtare te larte evropiane, por Shkupi zyrtar tha se nuk i ka marre seriozisht ato.
Deklaratat e ish-kryeministrit Georgievski vijne ne kohen kur po zhvillohen negociata mes Shkupit dhe Athines po per kete çeshtje.

Ish-kreu i qeverise maqedonase beri komente edhe per politiken e brendshme te Maqedonise.

Ai perseriti qendrimet e tij se Maqedonia duhet te ndahet mes maqedonasve dhe shqiptareve. Sipas tij, ky proces ka filluar me percaktimin e statusit final te Kosoves.

Ish-kryeministri, Lubço Georgievski, ka marre shtetesi bullgare, konsiderohet si nje nacionalist i vijes se ashper dhe kohet e fundit ka shprehur dyshime per identitetin e tij si maqedonas.


Balkan

[ABytyqi]

Edhe nej shqiponj e vogel do ti kishte simbolizu shqiptare. ose te ndahet ne kantone si zvicrra ,belgjika apo edhe modeli i bosnes.