Shqipëri - Turqi

[Pasiqe]

Do i mundim dot? Do mund te themi qe jemi te pamposhtur prape ne Shqiperi? Do i zgerlaqim dot si zgerlaqem greket?

[Davius]

Mendoj se se tash do luaje leku ketu, te shohim se cila do te paguan me shume Danimarka apo Turqia, tash eshte shanci i vetem te ju tregojne tifozeve lojtaret e kombetares sone se ato fjalet e me para se jane shitur ndeshje nuk jane te verteta dhe se jane bllofe gazetarashes...

Turku do jete i rrezikshem ne fushe, inshalla nje pike per renditje

[Chingy]

Per menimin tim fiton Turqia.Lojtaret tone lujn sikur i kane fut me zor ne fushe plus qe atyre i duhet fitorja patjeter.

[niku-nyc]

Turqit gjithnje skan luajtur mire kunder Shqiperise gjate historise midis tyre dhe heren e fundit qe fituan 2-0 ne Stamboll, shpetuan kot nga 2 gabime fatale te mbrojtes por komtarja meritonte dhe barazimin mu ne Stamboll.
Turqit gjithashtu kan dhe shum frike te luajn kunder Shqiperise dhe sidomos ne Shqiperi skan arritur te bejn asgje...

Un do deshiroja fitore per arsye qe te na ngrej moralin per kualifikimet e Euro 2008, per te treguar qe barazimi me Ukrainen nuk ishte aksident dhe fitorja me Turqin do tregoj qe kemi dhe ne nivelin te konkurojm per Euro 2008.

Them se ket here do arrijm te pakten barazimin....

FORCA SHQIPERIA!!!!

[iliria e para]

Tashti duke ditur moralin e kombetares ose me mire te them atyre qe udheheqin
mendoj qe leku($) do te luaj rrolin kryesor ne kete ndeshje. Turqise i duhet do e mos te dalin fituese.

[dodoni]

Edhe sikur te jene te ulet nga morali nuk ka asnje interes per te shitur ndeshjen sepse fitorja ka vlera aq te medha sa qe turqit nuk e paguajne dot. E them kete per shume arsye:

- Nen nje, FSHF i rrite te ardhurat dukshem me rritjen e reputacionit te kombetares sone, e reputacioni rritet me fitore. Te ardhurat rriten ne forma te ndryshme si e drejta televizive per ndeshjet e ardhshme paguhet me shume, me shume kombetare tjera te forta jane te interesuara per te zhvilluar ndeshje miqesore me ne, etj. etj. Pastaj edhe fakti tjeter qe ne me fitore hypim ne vazo me te larta per shortet e preliminatoreve qe dtth. shorte me te favorshme dhe shansa me te medha per kualifikim ne kampionatet tjera e qe terthorazi rrit dukshem te ardhurat e FSHF-se.

- Nen dy, per trajnerin Brigel eshte ceshtje karriere dhe fitorja ka cmim aq te larte sa qe turqit nuk e paguajne dot. Jo kot, Brigel e tha qe Shqiperia do i bej favor Danimarkes sepse do ta mund Turqine ne Tirane.

- Nen tre, per seicilin lojtare te kombetares vec e vec, keto ndeshje keshtu jane shansat me te medha qe kane per afirmim ne tregun boteror te futbollit. Pra, edhe per ta cmimi i fitores eshte aq i larte sa qe turqit nuk mund ta paguajne dot. Nje ndeshje si ndaj Danimarkes, Kazakistanit, Ukraines edhe ndaj Turqise e Erion Bogdanit bashke me ndeshjet shume te mira me Sienen ne Serie A, shpejt mund ta cojne Erionin edhe ne superekipe si Milano, Real, etj. etj. Poashtu, Lorik Canen, Edmond Kapllanin, e te gjithe te tjeret.

-Nen kater, ne kemi edhe nje interes te vecante kombetar ne rezultatet e mira te kombetares sone sepse na afirmon ne bote si komb gje qe ka ndikime te terthota ne politiken nderkombetare ndaj nesh, ne ekonomine tone kombetare si investimet e huaja, turizmi, etj. etj.

Keshtu qe, kombetarja jone duhet ta fitoje patjeter kete ndeshje.

Tung

[GeNi_25]

Tashti duke ditur moralin e kombetares ose me mire te them atyre qe udheheqin
mendoj qe leku($) do te luaj rrolin kryesor ne kete ndeshje. Turqise i duhet do e mos te dalin fituese.

Nuk ma ha mendia. Brigel do te ruaj postin dhe fitorja eshte e vetmia alternativ.
Megjithate nese ka zera qe thone se Turqit mund ta paguajne Brigelin sa 10-fishi i kontrates me federaten Shqiptare, nuk ma do mendia se nje Gjerman shete nje ndeshje!

Megjithate ne fushe nuk luan Brigeli por Bogdani, Skela, Cana me shoke.
Ne sondazh votova per fitoren e Shqiperise por si ndeshje eshte e hapur.
Mendoj se turqit duhet te jene me te rrezikshem se Ukrahinasit.

Megjithate mbrojtja turke nuk eshte aq e pathyeshme. Nje gol dhe lamtumir Boteror per turqit.

[[xeni]]

Do i mundim dot? Do mund te themi qe jemi te pamposhtur prape ne Shqiperi? Do i zgerlaqim dot si zgerlaqem greket?

Ja kjo nuk me pelqen mua tek tifozeria shqiptare. Marrim nje pike ne nje ndjeshje ku kundershtari luan sa per formalitet dhe bejme sikur te jemi kampion bote.

E pare e punes, greket nuk i kemi zgerlaq. Nje fitore 2-1 kemi marre, ku shansi ka qene me ne dhe golin e hapjes na e dhuruan vete greket.

Se dyti, nuk jemi te pamposhtur ne fushen tone; Danimarka dhe Ukraina na kane rrahur me rezultate te pastra.


Ndeshja me Turqine do jete shume e bukur, nese lojtaret tane luajne te motivuar dhe nese Turqit nuk shenojne shpejt siç ndodhi ne ndeshjen ne Turqi. Per mendimin tim duhet te luajme duke ditur qe kemi perballe nje skuader qe ne mesfushe dhe sulm ka lojtare shume cilesore dhe nuk duhet t'i leme hapesira. Nese luajme per barazim (gje qe mjafton per te mbetur ne histori) them se kemi shans edhe per te fituar, por nese mendojme te luajme ne sulm qe ne fillim athere mund edhe te ndeshkohemi me ndonje rezultat turperues.

Me shume mundesi Turqia do luaje me kete formacion: (t'ja çoje njeri Hansit)

-------------------volkan(fenerbahçe)---------------

hamit altintop(schalke 04)-----alpay(köln)----toraman(beshiktash)----ümit(fenerbahçe)

-----------selçuk(fenerbahçe)----emre(newcastle untd.)---------------

-----nihat(real sociedad)------yıldıray(Hertha berlin)----tümer (beshiktash)--------

---------------halil altintop (kaiserslutern)---------------------

Na thoni ndonje gje per kombtaren tone. Kush mund te luaje...A i kemi te gjithe lojtaret a jo?

[tani_26]

Nuk ma ha mendia. Brigel do te ruaj postin dhe fitorja eshte e vetmia alternativ.
Megjithate nese ka zera qe thone se Turqit mund ta paguajne Brigelin sa 10-fishi i kontrates me federaten Shqiptare, nuk ma do mendia se nje Gjerman shete nje ndeshje!

Megjithate ne fushe nuk luan Brigeli por Bogdani, Skela, Cana me shoke.
Ne sondazh votova per fitoren e Shqiperise por si ndeshje eshte e hapur.
Mendoj se turqit duhet te jene me te rrezikshem se Ukrahinasit.

Megjithate mbrojtja turke nuk eshte aq e pathyeshme. Nje gol dhe lamtumir Boteror per turqit.

Atmosfera ne stadium dhe ne Tirane do jete e njejta me ate te ndeshjes me Greqine?
Po tifozat nga Kosova a do vijne?

Se nese me greket pervec se ishin Kampionet e Evropes ishte dhe meria historike atehere me te njejten llogjike duhet te ndodhe edhe me Turqine pasi kjo na f_uck per 500vjet me radhe....Pa te shohim se sa nacionaliste do jene shqiptaret....
Sikur Shqiperia te mare nje rezultat pozitiv kjo gje do te thote "lamtumire Gjermani" per Turqine...

[OO7]

Kjo Do Jete Neshja Qe Me Te Vertete Do Me Mbushe Mendjen SHITEN APO JO NDESHJET E KOMBETARES .

[niku-nyc]

Lorik Cana esht demtuar ne gjurin e djathte dhe mbase nuk luan...

[Davius]

Trajneri turk thotë për CNN turk se nësë do të duhet kombëtares së tij, do t'i lërë edhe këmbët në fushë 10-10-2005

Terim: Është Ramazan, kohë bamirësie

Turqia duket më e vendosur se kurrë për t'u bërë pjesëtare e play-off-it të fazës eliminatore të Botërorit 2006 dhe për të shkuar si finaliste në Botërorin e Gjermanisë. Një bindje të tillë ta ushqen vetë trajneri i turqve, Fatih Terim, i cili tani po mendon çdo minutë për sfidën e radhës me Shqipërinë, që do të luhet më 12 tetor në Tiranë. "E mirë do të ishte ta kishim zgjidhur ndryshe problemin e kualifikimit, por ja që nuk ndodhi."

Kështu thotë Fatih Terim, kur e pyet për fatin e kombëtares që drejton, tri ditë para ndeshjes vendimtare me Shqipërinë. "Për të ndenjur në play-off, duhet të bëjmë çdo gjë. Përballë Shqipërisë do të përdorim të gjitha armët që kemi. Me 12 shtator, ditën e mërkurë, ne do të luajmë përballë shqiptarëve si në një lojë shahu. Megjithëse duket një ndeshje e lehtë në pamje të parë, s'duhet menduar kështu. Shqipërisë nuk i dihet, sepse të ndëshkon kur nuk e pret, ashtu siç bëri edhe me Greqinë në ndeshjen e parë në grup, apo siç veproi në Ukrainë ndeshjen e fundit. Prandaj, duhet të luajmë me qetësi, - thotë Fatih Terim, trajneri i Turqisë. - Ne duhet t'i qetësojmë lojtarët tanë çdo moment dhe s'duhet t'u themi atyre: ja u dogjëm. Kështu do të luajnë në mënyrë më të mirë dhe do të jemi për çdo të papritur gati. Mund të bëjmë ndryshime në çdo minutë, edhe në minutat e fundit. Çdo skuadër ka dëshirë të futet në finalet e Botërorit dhe për ne Shqipëria është vendimtare, por nëse nuk e meritojmë, atëherë nuk duhet të ikim në finalet e Botërorit të Gjermanisë".

Nëse duhet, do t'i lëmë këmbët në fushë

Fatih Terimi, në prag të ndeshjes me Shqipërinë, duket mjaft i shqetësuar për dëmtimin e Emresë dhe Okanit. Për këta të dy, sot pritet përgjigjia përfundimtare e mjekëve të skuadrës, nëse do të luajnë në Tiranë apo jo. "Në ndeshjen me Shqipërinë s'duhet të mërzitemi për asnjë moment, pavarësisht situatave që mund të na krijohen. Me ta, në ndeshjen e parë kemi fituar, në fushën tonë, por kësaj here nuk do të jetë kaq e thjeshtë. Ne nuk do të luajmë për t'u vrarë, sepse është edhe kohë Ramazani, pra kohë bamirësie, por nëse do të na duhet, do t'i lëmë këmbët në fushë. Me një fjalë, për ta fituar këtë ndeshje do t'i përdorim të gjitha armët.

S'na thotë kush mirë se erdhët në Tiranë

Nuri Sahin është një djalë me edukatë dhe i respektueshëm, apo jo Terim? "Nuri është me të vërtetë një djalë i sjellshëm dhe i respektueshëm dhe vjen nga një familje me tradita. Nuk më intereson shumë se ka dy pasaporta. Nuk është e thënë se ka pasaportë angleze apo gjermane dhe nuk i jap aspak rëndësi këtij fakti. Ai luajti në miqësoren ndaj Gjermanisë me ne dhe tregoi se meriton vëmendje të veçantë. E rëndësishme është që Nuri Sahin ta mbajë këtë formë që ka dhe ta ngrejë akoma më shumë. Ai ka rreth 6-7 ndeshje që luan dhe mendojmë se do të bëhet akoma më i vlefshëm për skuadrën. Ky talent 17-vjeçar mund të jetë njëra nga kartat që mund të përdor edhe ndaj Shqipërisë. Në fakt, disa gjëra nuk e mendoja që do të përcaktoheshin vetëm nga një ndeshje, si kjo me Shqipërinë."

Fatih Terimi e thotë këtë, duke shtuar se u ka bërë stërvitje 15-20 lojtarëve për shumë kohë, me shpresën se do ta zgjidhnim ndryshe problemin e kualifikimit, por nuk e besonte se çdo gjë do të varej nga një ndeshje. "Megjithatë, futbolli i ka këto. Askush nuk do të na thotë mirë se erdhët në Tiranë, por ne do të bëjmë maksimumin tonë. Nëse do të jetë topi në këmbët tona, të gjithë do të hidhemi në sulm, nëse do të jetë te kundërshtari, atëherë të gjithë do të jemi në mbrojtje. Është një taktikë shumë e thjeshtë. Tani që jemi në prag të play-off-it, ne duhet të fitojmë, ndaj çfarëdolloj skuadre qoftë, e vogël apo e madhe. Ne duhet ta kalojmë atë. Në këtë rast për ne është Shqipëria," - nënvizon Fatih Terim.


Përgatiti Arbër Hoxha

[Moltisanti]

Kto qe na lan derrin n'dore ,na bon mylsima me zorr dun qe tu shesim neshjen ??? hehehehehe sa te zgjut jane ,bashke me grekt qe kane fillu me e ngrit komtaren tone ne qiell thu ti jena brazili ballkanit ??? lind pytja pse ....eh me u thon grekve ene turqve kur i kena bo neve kto ju i bishit moces me luge druni , mirmjes o interes ......une them mo mire ti bojme ner rraces tone bardhoshe Danezve sesa ktyne servilave !!!

ps...Kto komentet e TERIMIT qe paska thon ,asnjoni s'na thote mire se erdhe ne tiron ,edhe do lejme komet per te fitu ..ja paska fut me verte kot ...Dallkauk rob ,ne ven qe t'perdori pak diplomaci si trajner i modh qe osht do me i hudh gjelles piper !!!

ta shofim te merkuren si do dalim ??....ps..biletat ishin ul fare me turqit ,,nga 100 mije lek te reja ..ne 1500 ke vip-at !!

Kom qef te lujme me ndjenjat e 70 milion Turqve ....LOL

FORCA SHQIPRIA

[Davius]

Të mërkurën do të zgjidhen enigmat e grupit 2, ku pa dyshim në fokus do të jetë "Qemal Stafa" 10-10-2005

Sikur Shqipëria të ishte qendra e botës!...

Ahmet Shqarri


Ndodh, një herë në njëqind vjet, ose më tepër, kur një ngjarje krejtësisht e veçantë i tejkalon kufijtë dhe tërheq vëmendjen në mënyrë të tillë, sa që rreth saj të flitet aq shumë, sikur të bëhej fjalë për qendrën e botës. Sigurisht, janë raste të rralla, prandaj dhe tema vërtitet ashtu plot interes, sikur të flitej për "qendrën e botës", derisa shumë e shumë kohë më vonë të vijë një tjetër ngjarje e përmasave të përafërta me të, që njerëzimi ta harronte të parën dhe pastaj të mund të merrej me një tjetër "qendër bote"...
Natyrisht, ajo që kam ndër mend të them, nuk është se përbën një ngjarje të përmasave të atilla, sidoqoftë ai barazim i kombëtares sonë në Ukrainë dhe lëmshi i krijuar tashmë në grupin tonë eliminator, ku filli për ta zgjidhur atë mund të gjendet vetëm në Tiranë, kjo domosdo që, në një farë mënyre, e bën Shqipërinë, deri në mbrëmjen e vonë të së mërkurës së 12 nëntorit 2005, sikur të ishte qendra e botës.

Edhe thjesht për faktin se të interesuar për rezultatin e ndeshjes së asaj mbrëmjeje në stadiumin "Qemal Stafa" janë jo pak, por 3 shtete, dhe jo dosido, por superfuqi me ndikim të madh në arenën ndërkombëtare, si Danimarka, Greqia dhe Turqia, mjaftojnë për ta quajtur Shqipërinë në këtë rast qendrën e botës! Aq më tepër se i gjithë ky interesim në këte rast nuk është për gjë tjetër, veçse për t'i hapur rrugën njërit prej vendeve të sipërpërmendura që të shkojë në finalet e botërorit të ardhshëm, në Gjermani. Dhe ai barazim 2?2 në Dnjepropetrovsk, pas një loje me mend dhe aspak spontane, apo me fat, sikurse mund ta quajë ndokush për "forcë zakoni", ia rrit më shumë "kredencialet" skuadrës sonë përfaqësuese në futboll, duke i bindur kështu edhe më shumë, sidomos ata më skeptikët, rreth lojës sonë dhe aftësive të gjermanit Brigel, se, vërtet, nga skuadra shqiptare varet fati i 3 pretendentëve që synojnë të shkojnë në finalet e botërorit 2006.

Nuk dua t'u hyj përllogaritjeve, as parashikimeve për atë se çfarë mund të sjellë përfundimi i ndeshjes me Turqinë pasnesër, ngaqë të interesuarit i kanë bërë me kohë kalkulimet rreth atij ekuacioni të vështirë që pritet të zgjidhet mbrëmjen e kësaj të mërkure në stadiumin "Qemal Stafa". Ajo që ka rëndësi për të gjithë ne shqiptarët, sidomos pas asaj paraqitjeje të mrekullueshme në Ukrainë, është se ne tashmë jemi një forcë reale futbollistike për t'u marrë në konsideratë, gjë që në fakt bota ka nisur ta njohë si të vërtetë prej kohësh, nëpërmjet rezultateve të arritura, të bujshme madje, kur bëhet fjalë për fitore të tilla si ndaj Rusisë, apo për të mos shkuar larg, ndaj Greqisë, që sapo ishte kurorëzuar me titullin kampione e Evropës...

Për të mirë apo për të keq, kjo varet nga interesat e palëve që atë mbrëmje do ta kenë përqendruar vëmendjen te rezultati i ndeshjes Shqipëri?Turqi, ne, atë mbrëmje do të fokusohemi sikur të ishim qendra e botës! Sepse Turqia aty do ta mësojë të ardhmen e saj; po ashtu edhe Greqia aty do ta varë shpresën e saj; për ta lënë mes drithërimave edhe Danimarkën, që gjithashtu sytë e mendjen aty në "Qemal Stafa" do t'i ketë...

Pra, nuk është thjesht një rastësi që Shqipëria shihet kështu, sikur të ishte qendra e botës. Edhe një herë duhet ta risjellim ndër mend atë lojë në Ukrainë, që për pak na çoi te fitorja. Ju kujtohet mirë, besoj, se sa me siguri luajtën të gjithë; se me çfarë besimi e kërkuan barazimin pas golit të të madhit Shevçenko! E patë se ç'nivel paraqiti Lorik Cana; si depërtonte Ervin Skela, apo intelegjencën e përhershme të Altin Haxhit; pjekurinë e çmuar të Hasit; karakterin e fortë të Altin Lalës dhe Igli Tares; rritjen e Armend Dallkut e veçanërisht të simpatikut Elvin Beqiri; papërkulshmërinë e Adrian Aliajt dhe intuitën e Ervin Likës, për të mbërritur tek mrekullia Erion Bogdani... Nuk është se thjesht jam i eksituar nga ajo lojë dhe ai barazim, por thjesht po përpiqem të bëhem zëdhënës i të gjithëve, për atë lojë të mirë që paraqitëm në Ukrainë, ku tashmë edhe ai më pesimisti dhe skeptiku për kombëtaren dhe trajnerin Brigel, do të duhej të ndërronin mendim. Natyrisht, gjithsecili ka mendimet dhe shijet e veta, por kur një gjë çmohet dhe pranohet nga shumica dhe mbetet si vlerë edhe për të ardhmen, siç po ngjet me kombëtaren tonë që gati është kthyer tashmë si "qendër e botës", atëherë logjika duhet të jetë më e ftohtë për të gjykuar. Mendoni se çfarë mund të ndodhte tek ne, sikur p.sh. Kazakistani të na merrte 1 pikë, jo më në fushën e tij, por në Tiranë!?

Ndërkohë ishte Kazakistani që ia mori pikën Gjeorgjisë, pikërisht në Tbilisi dhe nuk u bë kiameti, ndërkohë që nga ai barazim i tyre dhe sidomos nga ky yni, ne tashmë jemi në renditje atje ku po thoshim se duhej të ishim, a thua se ajo "vazo goglash" për shortin e ardhshëm do ta shpëtonte një herë e përgjithëmonë nga hallet futbollin tonë! Ja, tani nuk jemi më të parafundit. A u kënaqëm apo duhet të vazhdojmë ende të rrahim ujë në havan se "përse nuk shkuam në finale?". Jo se me atë barazim ne arritëm gjithçka që mund të merret nga një ndeshje futbolli, por shija që na la loja e së shtunës së kaluar në Dnjepropetrovsk, na ka mbetur ende e këndshme, dhe në fund të fundit, kjo është edhe një prej magjive të futbollit, që vështirë se harrohet lehtë; se janë raste që, veçanrisht për vende si ky yni, vijnë jo shumë shpesh, për të mos thënë se janë tepër të rrallë. Prandaj është dhe kaq i diskutueshëm dhe po kaq i bukur futbolli! Se ka edhe raste kur të mund pa gjë të keq edhe Andora, siç edhe ka ndodhur me ne, ose të barazosh me Luksemburgun, që gjithashtu ka ndodhur me ne, ndërsa të shtunën e kaluar një tjetër "liliput futbolli", Lihtenshtejni, arriti të kalojë edhe në avantazh ndaj Portugalisë, pikërisht në Lisbonë, ndaj asaj skuadre që drejtohet, as më pak dhe as më shumë, por nga vetë "shkëlqesia e tij", Felipe Skolari, kampion bote me Brazilin e finaleve të shkuara...

Kështu, pasi kemi kaluar një "uikend" të bukur, duket se nuk na mbetet gjë tjetër veçse ta vazhdojmë këtë javë me futbollin tonë me një tjetër "happy and", por kjo, do të thoja, nuk mund të jetë shumë e sigurt, pikërisht për ato arsye që i përmenda më sipër, ku jo gjithnjë një ndeshje futbolli t'i jep të gjitha ato që ti kërkon të arrish. Prandaj është dhe kaq i diskutueshëm dhe po kaq i bukur futbolli, kudo në botë. E rëndësishme për ne shqiptarët është se aktualisht, duam apo nuk duam, jemi bërë, në njëfarë mënyre, një realitet i bukur futbollistik. Dhe më e rëndësishmja e të rëndësishmëve është se ky interesim, për ne këto ditë, nuk është thjesht spekulativ, siç mund të ketë ndodhur për ngjarje të tjera, sidomos për fusha larg futbollit, por është një vlerësim real për atë çka në të vërtetë mbart për gjithë botën futbollistike ndeshja që do të luhet pasnesër në stadiumin "Qemal Stafa", ku Shqipëria po shihet me të vërtetë sikur të ishte qendra e botës!...

[lumiani]

a di ndo kush se ku do ta japin ndeshje ne londer?

[Davius]

a di ndo kush se ku do ta japin ndeshje ne londer?

Te nderuar Tifoze,

Ju informojme se ndeshja e shumepritur mes Shqiperise dhe Turqise, e cila zhvillohet te merkuren ne ora 18.00, do te transmetohet drejtperdrejt ne kanalet satelitore SAT + (TV Shqiptare e koduar), SHOW TV (TV-Turke) dhe PREMIERe sport (TV-Gjerman e koduar dhe vetem her pas heri do lidhen ne Tirane) Ndersa edhe ne rrjetin tokesor do te keni mundesi ta ndiqni ndeshjen e kuqezinjve ne RTK. Shikim te kendshem.

Tifozat.com

[diikush]

a di ndo kush se ku do ta japin ndeshje ne londer?

Po ne ne usa, ku mund ta shohim, di gje njeri?

[inter_forever]

Kete ndeshje llogjikisht kemi shume pak mundesi per rezultat pozitiv . Le te flasim me optimizem sa te duam .

Shembull eshte ndeshja me Ukrainen . Ata desh i rrafem pa problem fare , vetem sepse loznin pa gjak e te pa motivuar ...dukej sikur ishte miqesore .
Identik eshte turku me ne ...
Ata me te vertete do lene shpirtin ne fushe , se i thone boteror ...kurse ne edhe motivimin per vendin e 3 nga fundi , nuk e kemi se e siguruam ate vend...
(Terimi do te nxeh gjakrat , se ka frik nga qetesia jone .Ne nuk kemi cfare te humbim e mund te lozim pa tension)


Nese ndeshja nuk shitet (shpresoj) , atehere mund te marre 2 drejtime :

- nuk diskutohet qe turqit do sulmojne dhe ne do lozim si me Ukrainen,... mbrojtje e kundersulm (shpresoj me Bogdanin e Kapllanin ne sulm ) ...nese turqit me pak shanc e fusin golin pjesen e pare , atehere nuk kemi shance...
- nese turqit nuk arrijne dot te fusin golin shpejt , atehere do nervozohen dhe mund ti palosim per qef...


Te shofim...Nuk do doja te isha ne vendin e turqve , se ndonjehere nga ekipe qe lozin kot , te pjell belaja....

[MiLaNiStE]

shpresojm per barazim tpakten...

[Hyllien]

Nuk e besoj se Ukraina luajti pa gjak, perkundrazi ishint e gjithe gati atje. Kush eshte ai ekip kombetar qe len ndeshjen perpara tifozerise se vet ? ASNJE. Edhe Suedia kur humbi me ne i dogji kaq shume saqe nuk lan vend pa shkrujt dhe pa hyjnizu dy mungesa te qelbta qe paten. Me Turkun fitorja eshte nje rezultat shume normal per mendimin tim. Do ishte jo normale sikur Turku do na rrifte brenda ne Qemal Stafa, duke qene se gjithmone historikisht i kemi rrahur madje me rezultate shume te thella kur kemi qene edhe me keq. Nese lojtaret tane do jene te pamotivuar, sic ndodh shpesh fatkeqsisht ateher eshte tjeter muhabet.