Lajme nga Boterori!

[Davius]

Stadiumi i Këlnit ndër të parët që kanë përmbushur standartet e sigurisë të kërkuara nga FIFA

Stadiumi i Këlnit dhe Kampionati Botëror i Futbollit kanë një histori të veçantë. Këtu zgjohen vetiu kujtime nga viti 1974, koha kur u zhvillua një botëror në Gjermani. Por derisa në shumë stadiume të tjera atëherë rrotullohej topi, në Këln mund të dëgjoje çekiçin pneumatik.

Në Këln u fillua atëherë shumë vonë me ndryshimet në stadium. Në 1975-ën ishte gati stadiumi i Myngersdorfit - botërori i takonte tashmë së kaluarës; por përgjegjësit në Këln kanë nxjerrë mësime: "Me shfaqjen e ambicieve për ta sjellë kampionatin botëror edhe një herë në Gjermani në Këln u tha: gabimin e asaj kohe nuk guxojmë t'a përsërisim", thotë Hubert Röser, zëdhënës për shtyp i firmës Mjediset Sportive të Këlnit.

Pra këtë herë janë bërë gati në kohë në Këln Jo vetëm kaq - edhe në studimin thuajse legjendar mbi sigurinë të kryer nga fondacioni ‚Warentest’ ndryshe nga stadiume të tjera atij nuk iu tregua kartoni i kuq. Megjithatë thotë Hubert Röser në Këln u zemëruan për vlerësimin: "Për arsye se në argumentim përmenden ende mangësi që nuk janë të sakta; që ne kemi dy porta largimi në rast rreziku në tribuna. Kjo është e saktë, dy kemi, por kemi edhe tri porta lehtësuese, përmes të cilave njerëzit mund të largohen po ashtu. U kritikuan edhe portat prej hekuri që rrotullohen në pjesën e hyrjes; se do të duhet t'i kapërceje ato për të shpëtuar. Por as kjo nuk qëndron. Në rast paniku i gjithë gardhi i stadiumit hapet dhe njerëzit mund të largohen gjithandej nga stadiumi. Nuk ka porta ku të ketë ngushtim. Prandaj ky studim është i çuditshëm për ne."

Pavarësisht studimit deri tani në stadiumin e Këlnit të zgjedhur nga FIFA për botërorin nuk janë vënë re mangësi sigurie. As gjatë hapjes zyrtare më 31 mars 2004 me ndeshjen ndërkombëtare Gjermani/Belgjikë gjatë Kupës së Konfederatave dhe as gjatë ndeshjeve të Këlnit në fushën e vet.

Këtë stadium mund t'a përshkruash me fjalët: "katror, praktik, i mirë." Me siguri që ka arena më mbresëlënëse në Gjermani, në këtë kuadër Këlni spikat më shumë me elegancë të thjeshtë. E megjithatë stadiumi është kthyer tashmë në simbol të qytetit. Jo vetëm kaq, ai shërben edhe si sistem drejtimi, siç sqaron Hubert Röser: "Parë nga ana arkitektonike, natyrisht që katër shtyllat e prozhektorëve janë tipari ynë dallues. Me to kemi vendosur piketa. Kjo do të thotë se stadiumi i Këlnit është e para gjë që shihet kur vjen në qytetin e katedrales nga perëndimi. Shihni stadiumin para se të shihni katedralen e Këlnit. Shtyllat ndriçuese bien në sy dhe e di që përtej duhet të jetë Këlni."

[Davius]

Hanoveri, qyteti buzë lumit Lajne, është në korrik një prej 12 qyteteve ku do të zhvillohen ndeshjet e Kampionatit Botëror të Futbollit. Një portret i qytetit.

"Kemi një stadium të mirë,në arenën AWD është investuar shumë. Rajoni është shumë i dhënë pas futbollit dhe një shans të madh për të tërhequr shumë shikues, të paktën kështu shpresojmë të gjithë. Kjo do të jetë një festë e vërtetë në Gjermani dhe për tifozët e futbollit kjo është pa dyshim një ngjarje e madhe."

Ish-kancelari Gerhard Schröder gëzohet për qytetin në të cilin jeton. Katër ndeshje të raundit të parë dhe një e gjashtëmbëdhjetëshes luhen nga 12 deri më 27 qershor në arenën e re AWD - megjithatë emri i koncernit të shërbimeve financiare do të hiqet gjatë botërorit, arena sportive që u rinovua tërësisht deri në fillim të 2005-ës quhet thjesht stadiumi i Hanoverit. 42.000 shikues do të zënë vend gjatë botërorit - dhe atyre nuk do t'iu duhet të udhëtojnë gjatë me autobusë e trena si gjetiu nga qendra e qytetit thotë Ingo Winter, zëdhënës për shtyp i ekipit Hanover 96:

"Atje arrihet shumë lehtë. Nga stacioni hekurudhor janë vetëm dy stacione. Zbritet në sheshin Vaterlo, prej andej është pesë minuta më këmbë, kështu që mbërrihet pa probleme."

Më 12 qershor do të luftojnë këtu Italia dhe Gana për pikë, katër ditë më vonë Meksika dhe Angola. Më 20 qershor në këtë stadium luhet ndeshja Kosta Rika kundër Polonisë, dhe në fund më 23 takohen Zvicra me Korenë e Jugut. Edhe për një ndeshje të gjashtëmbëdhjetëshes mund të gëzohet Hanoveri, më 27 qershor. 63 milion euro ka kushtuar ristrukturimi i të moçmit stadium Niedersachsen / Saksonia e Poshtme, i cili u krye nga 2003-i deri në 2005-ën derisa veprimtaria sportive vazhdonte si zakonisht. Spikat konstruksioni i mbulesës: një unazë e brendshmee mbyllur kalon mbi një pjesë xhami të tejdukshëm, vetë fusha e lojës është e hapur, por shikuesit janë të mbrojtur. 29 lozha dhe 1.200 të ashtuquajtura ulëse biznesi e bëjnë arenën edhe në rrafsh ndërkombëtar të pranueshme.

Për të dytën herë përfiton qyteti i Hanoverit nga një kampionat botëror futbolli. Që më 1974 është luajtur këtu, më parë stadiumi ishte plotësuar me një mbulesë të madhe mbi tribunën perëndimore. Pas botërorit stadiumi u kthye në tempull të muzikës rok. Më 1982 qëndruan këtu për të parën herë Rolling Stones:

Atëherë le të fillojë loja - Hanoveri gëzohet për pritjen e rreth 250.000 tifozëve të futbollit nga mbarë bota.

[Davius]

Berlini do të ketë një festë të veten për hapjen e kampionatit botëror të futbollit dhe ajo do të zhvillohet me 7 qershor në portën e Brandeburgut. Kjo është vendosur. Por ka edhe më shumë. Me këtë vendim Berlini ka kaluar në ofensivë dhe i bën presion Fifës dhe qeverisë gjermane.

Në Berlin do të zhvillohet një feste e posaçme për hapjen e kampionatit botëror të futbollit, por pa zyrtarizimin, pa mbështetjen financiare të FIF-ës. Me 7 qershor, dy ditë para lojës hapëse të kampionatit të futbollit Gjermani Costa Rika në Münih, në Portën e Brandenburgut do të kete festime të mëdha. Kete e bëri të ditur kryetari i bashkisë Klaus Wowereit, të martën.

Berlini do të ketë një festë të veten për hapjen e kampionatit botëror të futbollit dhe ajo do të zhvillohet me 7 qershor në portën e Brandeburgut. Kjo është vendosur. Por ka edhe më shumë. Me këtë vendim Berlini ka kaluar në ofensivë dhe i bën presion Fifës dhe qeverisë gjermane.


Sepse fillimisht ishte qeveria gjermane, edhe pse e vjetra, që dëshëronte një festë për hapjen e kampionatit botëror. Si Fifa edhe qeveria të vëna nën presion kanë reaguar deri tani me rezerva.


Fifa, përmes shefit të saj Josef Platter, i shkroi kryetarit të bashkisë së Berlinit Klaus Wowereit, se e pershendet një ceremoni të tillë, por mbështetje financiare shtesë nuk premtoi. Kjo e shqetëson Wowereitin.
"Jam pak i shqetësuar, por e them fare qartë. Ne do të jemi mikpritës të mirë, pavarësisht në se FIFA merr pjesë financiarisht, apo jo. Unë pres sigurisht, që FIFA të marrë pjesë këtu edhe që të riparojë dëmin. Dëmi nuk mund të riparohet, por sigurisht mund të minimizohet."


Berlini ushtron presion moral për të fituar financimin e festës se hapjes. Përndryshe qyteti ka mundësinë që ta paguajë festën përmes sponzorëve, partneriteteve të mediave, apo edhe parave nga llotaritë. Kryetari i bashkisë së Berlinit nuk do të disutojë vetëm për para. Eshtë fjala edhe për diçka tjetër.


"Ne nuk e bëjmë këtë vetëm për Berlinin. Këtë e bëjmë për të gjithë republikën. Dhe këtu kryeqyteti ka edhe përgjegjësi, dhe këtë përgjegjësi duam ta justifikojmë."
Përgjegjësi ka edhe dikush tjetër thotë Wowereit, qeveria gjermane. Ai zemërohet edhe për reagimin e saj.
"Ajo që më bie në sy është se republika federale gjermane nuk është prononcuar aspak deri tani, ose unë nuk i kam ndjekur si duhet mediat. Dhe kjo më çudit, sepse ka qenë një marrëveshje ndërmjet RFGJ-së dhe zotit Platter që FiFa e ka marrë përsipër aktivitetin e planifikuar nga qeveria gjermane."


Berlini mendon se qeveria gjermane duhet të bëjë presion tek Fifa për të. Deri tani Woverreit nuk ka arritur që qeveria gjermane të reagojë. Se si duhet të jetë festa e hapjes nuk ka informacione. E qartë është vetëm se me 7 qershor ajo do të zhvillohet para portës së Brandenburgut. Hyrja nuk do të kushtojë asgjë dhe Berlini pret qindramijëra të ftuar, thotë Wovereit. Se çfarë duhet të ndodhë në skenë, akoma nuk dihet. Andre Heller i cili ka përpiluar konceptin për galën e kampionatit nuk do të punojë për festën e re të hapjes. Ky është një aktivitet i një lloji krejt tjetër mendon Wovereit.

[Davius]

Dortmundi, "zemra e Vestfalisë", thonë dortmundasit për veten e për qytetin e tyre - dhe nuk gabohen. Sepse me rreth 590.000 banorë Dortmundi është qyteti më i madh dhe qendra ekonomiko-kulturore e Vestfalisë, e cila gjendet në një proces transformimi të shpejtë strukturor.

Mikroprocesorë në vend të qymyrit, parqe në vend të oxhaqeve të fabrikave, muze dhe salla koncertesh në vend të uzinave të koksifikimit dhe linjave të presimit. Falë globalizimit ish-metropoli i birrës ka ndërkohë më shumë për të ofruar.

"Këtu ka një mjedis kulturor të ri, tepër të gjallë me teatro të hapura, klube shumë të mira ku bëhet muzikë. Edhe xhazi lulëzon në Dortmund. Pra këto me siguri e ndryshojnë pak mikpritjen e Vestfalisë dhe na pasqyrojnë ne në një mënyrë të re, moderne."

Për Kampionatin Botëror Dortmundi do të paraqitet i hapur, tolerant dhe mikpritës. Për këtë arsye nën moton "kokë e këmbë për futbollin" qendra e qytetit të Dortmundit po kthehet në Mekë të Botërorit. Së paku këtë premton i ngarkuari i qytetit për Botërorin, Gerd Kolbe.

"Ne do ta vendosim theksin më shumë tek vizitorët. Gjithçka sjellin vizitorët tanë: muzikë, kërcim, kulturë etj, të gjitha këto duam t'i paraqesim. Ne duam të kënaqim vizitorët me vendasit dhe mikpritësit me vizitorët."

Brazili, Togoja, Trinidad Tobagoja, Suedia, Zvicra, Japonia dhe natyrisht tifozët gjermanë do ta shndërrojnë qytetin në një "shtëpi dëfrimi".

Për Kampionatin Botëror Dortmundi pret vërshimin e rreth 250.000 turistëve të futbollit, por duke qenë se shtretërit në dispozicion që ofrojnë hotelet nuk mjaftojnë, një "kamp tifozësh" u ofron miqve të futbollit rreth 4.000 vende fjetjeje shtesë në kompleksin Westfallenhallen me një kosto prej 35 eurosh nata, nëse prenotohet për tri netë.

Bota për vizitë tek miqtë - këtë moto dortmundasit e kanë përvetësuar që tani.

[Davius]

Adidasi përfiton nga botërori 2006 me artikujt e futbollit


Me hapjen e Kampionatit Botëror të Futbollit 2006 me ndeshjen Gjermani Kostarikë më 9 qershor merr fund biznesi i Adidasit, prodhuesi më i madh në botë i artikujve të futbollit

Për koncernin e artikujve sportivë Adidas futbolli nuk është vetëm një aktivitet i bukur anësor në botë, por çështja kryesore. Kjo pasi tek futbolli konsiston edhe thelbi i komptencës së Adidasit. Për herë të parë ekipi kombëtar gjerman u prezantua në kampionatin legjendar të vitit 1954 me atletletet që mbanin logon me tri shirita të Adidasit. Themeluesi i firmës Adolf Dasler ua mbërtheu me dorën e vet thumbat në atlete Fritc Valterit dhe ekipit të tij. "Adi" Dasler jo vetëm i dha drejtimin ndërmarrjes, por edhe emrin, pra Adidas.

Qysh prej atij viti, kur Gjermania doli kampion bote, prodhuesi i artikujve sportivë është partner i kombëtares gjermane. Ndërkohë koncerni është edhe partner i federatës botërore të futbollit Fifa si dhe e federatës evropiane të futbollit Uefa. Në Kampionatin Botëror në Gjermani krahas kombëtares gjermane janë edhe pesë ekipe të tjera që përdorin veshjet dhe atletet e Adidasit. Gjithashtu prej kësaj firme vishen edhe të gjithë arbitrat, gjyqtarët anësorë, ndihmësit dhe personeli i shërbimit. Edhe topi që mban emrin kuptimplotë "fryma e ekipit" është prodhuar prej Adidasit. Zëdhënësi i koncernit Oliver Brygen thotë: "Mendoj, se emri flet vet. Fryma e ekipit është faktikisht një tipar i rëndësishëm, që duhet të ketë një skuadër për t´u bërë kampione."

Topi mishëron në mënyrë ideale pikërisht globalizimin e ekonomisë. Ky top është krijuar prej Adidasit në Gjermani. Ventili dhe komardarja e kanë prejardhjen nga India, veshja prej pambuku e pjesës së brendëshme është prodhuar në Vietnam, lëkura artificiale vjen nga Koreja dhe ngjitësja është prodhuar në Tajlandë. Topi përfundimisht është montuar në Tajlandë në një ndërmarrje japoneze. Topi që mban emrin "fryma e ekipit" do të shitet në të gjithë globin.

Ndaj një kritike të ngritur punonjësit e Adidasit reagojnë me nervozizëm. Fjala është për kritikat, sipas të cilave të gjitha komponetët e topit janë prodhuar nga puna e fëmijëve në fabrikat e furnizuesve aziatikë. Adidasi jo vetëm përjashton punën e fëmijëve për prodhimin e produkteve të veta, por bashkëpunon edhe me organizatat për zhvillimin në luftën kundër punës së fëmijëve dhe çdo forme tjetër të shfyrtëzimit. Anet Putc deklaron: "Ne i kushtojmë rëndësi edhe sigurisë së shëndetit dhe të mbrojtes së mjedisit. Gjithashtu i kushtojmë rëndësi pagave dhe orëve të punës si dhe lirisë së sindikatave. Ndaj ne kemi një kod etik që është komponent ligjor i kontratave tona me partnerët e biznesit. Pra ata janë të detyruar t´i përmbahen këtij kodi."

Në mbarë botën Adidasi do të shesë më shumë se dhjetë milionë topa të botërorit, në kampionatin e fundit u shitën gjashtë milionë topa. Gjithashtu do të shiten gjysmë milioni bluza të kombëtareve të veshura prej Adidasit. Këtyre u shtohen edhe gati 300.000 xhupa, pantallona, çanta, t-shirts me logon e firmës. Nëpër stadiume krahas lojtarëve dhe ekipeve partnere rreth 14.000 ndihmës e personel shërbimi, djelmoshat që gjuajnë topat dhe ata që kujdesen për rregullin do të jenë të veshur me rroba të Adidasit, gjë që siguron prezencën nëpër ekranet e televizionit. Për 64 nedhje të botërorit janë vënë në dispozicion gjithsej 2.650 topa.

E gjitha kjo është reklamë për produktet e sponzoruesve, furnizuesve dhe të të licensuarve zyrtarë jo vetëm për këtë kampionat, por edhe për tuneun e 2010 në Afrikën e Jugut si dhe atë të vitit 2014. Për Adidasin futbolli nuk është vetëm një lojë, por edhe biznes, e madje biznes i madh. Oliver Brygen: "Një qëllim konkret i yni është që për herë të parë në vitin 2006 do të kemi një xhiro prej mbi një miliardë eurosh vetëm me artikujt sportivë. Deri më sot xhiroja ka qenë vetëm me artikujt e futbollit mbi 900 milionë euro. Pra këtu kemi sërish një rritje domethënëse. Të jeni të sigurtë, se qëllimi që i kemi vënë vetes që të kemi për herë të parë xhiron prej një miliadrë, do ta arrijmë".

Gjithsej vitin e kaluar Adidasi me artikujt sportivë dhe modën e sportit ka pasur një xhiro prej më shumë se gjahstë miliardë eurosh. Me blerjen e konkurentit amerikan Reebok xhiroja vjetore është rritur në më shumë se dhjetë miliardë euro me një fitim prej 500 milionë eurosh. Në këtë mënyrë Adidasi e ka lënë pas konkurentin e madh Nike. Me Reebok-un në radhë të parë po forcohet prania e zbehtë që ka pasur Adidasi në tregun amerikan si dhe në tregun mjaft të rëndësishëm mbarëbotëror për produkte të tilla si atlete, moda e sportit dhe artikuj të tjerë sporti.

Prodhimi në Gjermani është ndërprerë qysh prej më shumë se dhjetë vjetësh. Adidasi ka pasur dikur 2.000 punonjës, që prodhonin nëpër fabrikën e këpucëve në Frankenland atlete futbolli dhe atlete të tjera. Sot ndërmarrja prodhon pothuajse tërësisht në Azi, kryesisht në Kinë, në Indi, në Indonezi, në Vietnam, në Tajlandë dhe në Korenë e Jugut. Por 2.000 punonjësit në selinë e koncernit në Hercogenaurah vazhdojnë të punojnë krahas 15.000 të punësuarve që ka gjithsej Adidasi. Këtu s´kemi të bëjmë vetëm me punëtorë fabrike, por edhe me specialistë për novacionet, marketingun, dizenjon, drejtimin prodhimit në mbarë botën si dhe për logjistikën dhe distribucionit. Nisur nga fakti që Adidasi është një ndërmarrje ndërkombëtare në selinë e firmës ka punonjës nga 53 kombe. Qendrat e dizenjos janë në Herzogenaurah si dhe në Nju Jork dhe në Tokio. Në të gjitha tregjet relevante Adidasi
është i pranishëm me shoqëritë e distribucuionit.

Për Kampionatin Botëror në Gjermani qysh tani në Berlin në parkun mes Rajshtagut dhe kancelarisë po ndërtohet një stadium në miniaturë sipas modelit të stadiumit olimpik të Berlinit me 10.000 vende që është emërtuar "Adidas world of football". Kjo bëhet për t´u dhënë mundësi të gjithëve që nuk mund të blejnë biletat të ndjekin këtë festë sportive përmes monitorëve gjigandë në natyrë. Adidasi shpenzon për marketingun e këtij evnimenti gati 20 milionë euro duke shpresuar që të tërheqë vëmendjen në mbarë botën. Të gjitha ndeshjet do të transmetohen përmes monitorëve "Adidas world of football". Në stadiumet provizore do të ketë edhe sheshe argëtimi, restaurante e natyrisht edhe artikuj të Adidasit. Natyrisht që menaxherët e Adidasit janë tifozë të çmendur futbolli, por ata janë edhe biznesmenë të zgjuar. Ndonëse turneu hapet më nëntë qershor biznesi i Adidasit prej muajsh po funksionon me intensistet të lartë. Ekipet kombëtare as që kanë mbërritur nëpër komplekset e stërvitjes, ndërkohë që biznesmenët e Adidasit ndodhen atje. E siç thekson Oliver Brygen: "Vërtetë që kështu do të ndodhë: me hapjen e kampionatit më 9 qershor, kur të hidhet topi i parë ne do të themi: Botërori ishte një sukses për Adidasin."

[zeus]

----------------------------------------------

Eshte prezantuar ne Berlin topi qe do te perdoret ne finalen e Kampionatit Boteror 2006.

----------------------------------------------

[bayern]

Sa do postoja topin e finalaes, shikoj qe ma paska kaluar Zeusi.
Megjithate une e kam topin me nje fitues 2 finalesh si lojtar edhe si trajner.
I njejti top do perdoret per 63 ndeshjet e tjera ama ngjyra e arte do jete e zeze ne ndeshjet e tjera. Vetem finalja do kete kete top.

[bayern]

4 doktorret e gjysemfinaleve te CL sipas FOXSoccer

[inter_forever]

OWEN RIKTHEHET NE FUSHE !


Lajme te mira per Angline dhe Erikson . Pas nje demtimi te gjate rekuperohet sulmusi i kombetares Michael OWEN .

Newcastle e ka grumbulluar per ndeshjen e kampionatit kunder West Bromwich.

[inter_forever]

PELE : KUJDES NGA ANGLIA DHE ITALIA !


<< Per mendimin tim Brazli nuk do e kete te lehte te fitoje . Anglia dhe Italia kane 2 formacione te kompletuara dhe mund te fitojne titullin.
Parreira ka formacionin me te mire te kampionatit , por do e kete t e veshtire . Problem eshte edhe Franca , q e ka lojtare talent si Zidane dhe Trezeguet.>>