Lajme nga Boterori!

[Davius]

Reagon ashpër Bekenbaueri

I tërbuar, i inatosur në kulm dhe thuajse jashtë vetes nga nervat, është paraqitur presidenti i Komitetit Organizativ të Botërorit, Franc Bekenbauer, pas publikimit të rezultateve të studimit të kompanisë gjermane për mbrojtjen e konsumatorit, "Shtiftung Varentest", që ka evidentuar mangësi të mëdha në stadiumet e Kupës së Botës.

- Në fillim problemet me biletat, tani ky studim i "Shtifting Varentest" për mangësi sigurie në stadiume. A duhet të shqetësohemi vërtet për botërorin?

- Të jem i sinqertë, nuk mundem më me këta zotërinjtë "Gjithçkaditës dhe Mirëbërës", që japin opinionet e tyre për botërorin. Kompania "Shtiftung Varentest" merr vesh ndoshta për kremërat e fytyrës, për vajin e ullirit apo për gjëra të tjera si këto dhe në fakt duhet të rezervohen në këtë fushë.

- Përse kaq i inatosur?

- Këtu flitet se në stadiumet tona mund të bjerë paniku, që do të sillte më pas pasoja tragjike, pa përmendur fakte konkrete. Për gjëra të tilla janë marrë masa, unë e di këtë nga Mynihu, ku ka kontrolle të rrepta të punëtorëve të stadiumit. Kompani të tilla, si "Shtiftung Varentesti", duan vetëm të bëjnë reklamë për vete, duke thënë: shikoni, ne jemi të rëndësishëm!

- Ju i keni cilësuar mbrojtësit e konsumatorëve edhe "hajdutë ditësh", pasi ata ju hodhën edhe në gjyq për shkak të biletave...

- Po, unë e shikoj vërtet kështu këtë punë. Këta mbrojtësit e konsumatorëve vetëm na vjedhin kohën. Kush na mbron neve, tek e fundit, nga ata? Ata pretendojnë se flasin në emër të tifozëve.

- A vazhdoni të jeni i kënaqur me botërorin?

- Nëse do ta kishim ditur përpara kandidimit, gjashtë vjet më parë, se çfarë do të ndodhte tani, atëherë s'do t'i kishim sot këto probleme, pasi me këto "qaravitje" s'do ta kishim marrë asnjëherë botërorin. Nganjëherë pyesim edhe veten: përse po e bëjmë një gjë të tillë? Megjithatë, mendoj se botërori do të jetë përsëri një festë e madhe.

[niku-nyc]

Federata Iraniane dhe qeveria e Iranit rrezikon qe ekipi i tyre te perjashtoet jasht boterorit per arsye polititike. Ditet e fundit Irani ka filluar punen e armeve kimike dhe punimi i energjise berthamore. Poltikane nga Britania duan ta perjashtojn Iranin jasht dhe politikanet nga Gjermania po bejn thirrje qe te perjashtoet nga fjalet e presidentit Iranian per Holocaust qe ndodhi gjate WWII!

Politikane te medhenj nga Kombet e Bashkuara duan ta perjashtojn Iranin qe tu tregojn popullit Iranian qe presidenti i tyre po ben dicka te gabuar dhe po e con kombin Iranian ne nj hap gabuar!

FIFA u shpreh qe nuk e lejon ket arsye sepse ata nuk meren me arse politike dhe nuk e lejojn qe Irani te perjashtoet!


Te shofim cdo te behet na Muajt e ardhshme, ne qofse Irani vazdhon me armet kimike, ka shume mundesi qe Irani te perjashtoet dhe FIFA te viet ne presion nga Kombet e Bashkuara qe ta pranoj!

[Davius]

Trajneri suedez duket i joshur nga oferta e një sheiku që kërkon të marrë Aston Vilën 16-01-2006

Erikson-Angli, lamtumirë pas botërorit!

Trajneri i Anglisë, Sven Goran Erikson, ka deklaruar se nuk ka ndër mend të mos zbatojë kontratën e tij me ekipin kombëtar, madje ka dëshirë ta rinovojë deri në vitin 2010. Sipas disa mediave, Eriksoni do të largohet nga detyra e tij pas Kupës së Botës dhe do të bëhet trajneri i Aston Vilës. Kjo gjë është hedhur si ide, pasi e kanë parë suedezin të takohet me një biznesmen arab, i cili pritet të marrë pronësinë e klubit anglez.

E gjithë kjo ide nuk ka asnjë fakt, madje nga ana e Federatës Angleze të Futbollit thuhet se nuk ka asnjë rrezik që Eriksoni mund të prishë kontratën e tij me kombëtaren. Në fakt, sipas BBC-së, Eriksoni ka pasur një bisedë me një nga drejtuesit e Federatës Angleze të Futbollit dhe i ka thënë atij:

"Mbase unë e kam pranuar këtë punë, duke pranuar gjithashtu edhe mërzitjet që ajo të jep. Ndoshta ju duhet t'i thoni ndonjë fjalë shefit ekzekutiv të federatës, Brajën Baruik, për të parë nëse me të vërtetë jam i dobishëm për ta dhe nëse është e nevojshme të shtyhet kontrata edhe pas vitit 2010."

Pra Eriksoni vazhdon të jetë nën kontratë me Federatën Angleze të Futbollit dhe për këtë arsye oferta që i ka ardhur për në Dubai, ende është e largët.

"Personat me të cilët kam biseduar, më thanë se kërkonin të investonin një shumë të madhe parash në një klub të kampionatit anglez. Mund të them se bëhet fjalë për një nga këto dy skuadra, Aston Vila apo Sandërlend. Për momentin mund të them vetëm kaq nga bisedimet që kam kryer."

Nga ana tjetër, sipas fjalëve që qarkullojnë në mediat angleze, thuhet se Eriksoni është takuar me një sheik arab në një prej hoteleve luksoze të Dubait dhe është folur për skuadrën e Birmingemit. Ndërkohë, gazetarëve britanikë që e kanë pyetur më pas Eriksonin nëse do të ishte i gatshëm të linte përfaqësuesen angleze për të marrë drejtimin e Aston Vilës, suedezi u është përgjigjur:

"Gjithçka është e mundur, megjithatë bëhet fjalë për në fund të sezonit."

Në gazetat sportive britanike shkruhet se Eriksoni momentalisht merr 3 milionë stërlina në vit (5.30 milionë dollarë) si trajneri i përfaqësueses angleze, ndërsa për drejtimin e Aston Vilës i janë premtuar 5 milionë stërlina. Ndërsa kjo skuadër mund të blihet nga sheiku arab për 25 milionë stërlina. Në të vërtetë, kontrata që e lidh Eriksonin me përfaqësuesen angleze, është edhe për dy vite të tjera.

Megjithatë, për këtë çështje ai ka sqaruar se Federata Angleze mund të shpërblehet për prishjen e kontratës dhe si rrjedhojë mund ta lërë të lirë përpara përfundimit të saj.

Po sipas fjalëve të ditëve të fundit, është folur se Eriksoni ka filluar që tani të bindë kapitenin e tij, Devid Bekhamin, për t'u larguar nga Reali i Madritit dhe për të kaluar tek Aston Vila. Ndoshta Eriksoni ka gjetur një moment të përshtatshëm për t'i bërë ofertë Bekhamit, pasi ky është sezoni i tij i tretë në Spanjë dhe ende nuk ka fituar asgjë.

[Adriano-10]

Eriksoni pas deshtimit qe do t'i ndodhe Anglise ne Gjermani kete vere, do te debohet nga Anglia, pra nuk do te leshon me qejfe por nga zori.

Anglia ka ekip teper te dobet ne krahasim me pretendentet tjere si: Brazili, Argjentine, France, Italy.............

[niku-nyc]

Erikson eshte trajnjer i dobet! Anglia ka nji ekip shume te fort dhe po te ken nji trajner me te mire mendoj se jan te pathyshem si Brazili!

Anglia ne ket boteror me Erikson nuk duket aq i fort, vetem kur ta mori Suedia vendin e pare atehere do ti duken gjerat me te veshtira se sa i parashikojn Anglezet!

[DeuS]

Eriksonit i bene pucin anglot daje. Shkoi gjasme se po takonte sheikun arab dhe e prezantuan me nje gazetar te The SUN, i cili e degjeneroi komplet ne publik pasi ja nxorri te gjitha arlliqet qe kishte fol Eriksoni rreth lojtareve te ekipit dhe problemeve te tyre private...la nom ari lales! Kurse persa i perket aftesise se tij si tranier, do ju lutesha shume te mos ja fusni si kau peles (sic e keni zakon) se tjetrit i hiqet kapelja ne ate drejtim. Sa per dijeni, i tere ekipi anglez qe shifni ne formacion tani, eshte ajka e zgjedhur nga vete Eriksoni vite perpara...ne nje kohe qe gjysma e emrave nuk njiheshin fare dhe Anglia rrezikohej te mos hynte fare ne Boteror! Pranej mos ja fusni pordhes mas bregu por thoni ate qe eshte...

[inter_forever]

SPANJA - BONUS GJYSEM MILION EURO !

Federata spanjolle ka bere te ditur se ne rast fitimi te Kupes se Botes do i jape si shperblim nga 540.000 euro cdo futbollisti . Lojtaret e Aragones nese fitojne Kupen e pare te Botes ne historine e Spanjes , mund te vijne me xhepat mbushur me pare.


Nese shkojne ne finale 360.000 euro . Nderkohe 210.000 euro nese munden ne gjysemfinale .
''Vetem '' 90.000 euro per cdo futbollist nese arrijne 1/4 finale .

[Davius]

Turizmi gjerman po përgatitet për kampionatin e futbollit

Tifozat po numërojnë ditët. Fërshëllima e parë e Kampionatit Botëror të Futbollit në Gjermani do të dëgjohet më 9 qershor, por pjesëmarrësit në këtë eveniment kanë filluar nxemjen që tani. Veçanërisht ekonomia.

Dega gjermane e turizmit po pret me padurim fillimin e kampionatit: Një milionë është numri i vizitorëve që pritet të vijnë në Gjermani brenda katër javëve. Petra Hedorfer, Drejtoreshë e Qendrës Gjermane të Turizmit, është e bindur se kjo do t‘i japë ekonomisë së turizmit impulse shumë të mëdha. Kampionati Botëror i Futbollit, do ta shtojë PRodhimn e Përgjithshëm Bruto në Vend me 9 der 10 Miliardë Euro."

Gjatë katër javëve të festës së futbollit dega e turizmit do të llogarisë me 4,8 deri 5,5 milionë fjetje nëpër hotele, më shumë se zakonisht. Por kjo do të ketë edhe një efekt afatgjatë. Me afro 20 milionë mysafirë nga jashtë në vit, Gjermania është shumë pas vendeve të tjera, si Franca, për shembull, që ka trefishin e vizitorëve. Dega e turizimi është përqendruar jo vetëm tek tifozat por edhe tek telespektakorët që e ndjekin kampionatin nëpërmjet ekraneve nga e gjithë bota. "Kampionatet Botërore të Futbollit sot janë ngjarje globale mediatike. 40 miliardë telespektatorë do ta ndjekin atë përmes ekraneve. Ky është një shans i jashtëzakonshëm për të tërhequr vëmendjen për atraktivitetet turistike të Gjermanisë," - thotë Hedorfer.

Që tifozat nuk do të vijnë vetëm për të parë ndeshjet, këtë e kanë llogaritur hoteljerët dhe gastronomët. Rreth 800 milionë Euro pritet të harxhojnë ata në Gjermani, thotë zëdhënësi i Fifës Andreas Herren. "Kampionati Botëror i Futbollit është ngjarja më e rëndësishme sportive në botë. Shprehimisht e gjithë bota i ka të drejtuara sytë nga Gjermania. Jo vetëm brenda në stadium, por edhe rreth e përqark, ajo e shikon Gjermaninë edhe si vend investimi, si vend tursitik."

Edhe ekranet televizive për transmetimin e ndeshjeve në vendet publike do të bëhen faktorë zhvillimi ekonomik. Në Berlin do të ndërtohet një qytezë futbolli pikërisht ndërmjet parlamentit dhe kancelarisë. "Për 64 ndeshjet që janë gjithsej, në se arrijmë që në çdo lokalitet të mbledhim nga 100 mijë spektatorë, ja ku arritëm disa milionë, janë masa të mëdha njerzish që lëvizin," konstaton Herren.

[Davius]

Këmba e Figos dhe laptopi i Bekenbauerit

Hamburg Mannhajmer është zyrtarisht kompania e sigurimit të Botërorit 2006

Bilbili i parë i kampionatit botëror të futbollit do të dëgjohet në qershor, por përgatitjet kanë kohë që kanë filluar. E veçanërisht ekonomia po pajiset, që të mos ta humbasë këtë shans që premton fitime dhe xhiro të lartë.

Kompania e sigurimeve Hamburg Mannhajmer është shoqata zyrtare e sigurimit të kampionatit. Me 25 mijë punonjës dhe 4,2 miliardë xhiro vjetore, ajo e përmbush kriterin e Fifës, për të shpërblyer dëme që arrijnë deri në qindramiliona Euro. Nuk është hera e parë që kjo kompani siguron evenimente sportive.

Sebastian Conrad, koordinatori i projektit të Kampionatit Botëror në Hamburg Mannheimer, thotë se në një ndeshje nuk sigurohet lojtari, "por vetëm këmba, dora, krahu, ose trupi." Por në kampionatin botëror nuk sigurohen vetëm lojtarët apo gjymtyrët e tyre, por edhe spektatorët. Çdo biletë hyrëse ka brenda sigurimin për mbrojtjen avokatore dhe sigurimin në raste aksidentesh. "Në se dikush bie nga shkalla dhe del që nuk e kishte ai fajin, atëherë duhet që dikush t'i pagojë një dëmbshpërblim," sqaron Conrad më tej.

Po në qoftë se dikujt i duket Kupa e Botërorit 2006, zbukurim i përshtatshëm në dhomën e pritjes, "Kupa është gjithashtu e siguruar. Ka pasur raste që ajo është zhdukur," kujton Conrad. Fifa nga kjo ka nxjerrë mësime.

Kupa e Botërorit apo laptopi i Beckenbauerit, këto shuma janë të papërfillshme për gjigantin nga Hamburgu në krahasim me rastet e katastrofave, kur për shembull një avion bie në stadium ose kur ndërpritet kampionati. 158 milionë Euro do t'i kushtonte një rast i tillë shoqërisë së sigurimeve. Por jo çdo katastrofë është e siguruar. Që nga 11 shtatori sulmet terrroriste nuk i mbulojnë më sigurimet, por firma private përmes të ashtuquajturave "obligacione risku" ose ndryshe "cat bonds," "Ka fonde enkas për këto raste", sqaron Conrad.

Javët e së vërtetës do të fillojnë për Hamburg Mannheimer me bilbilin e lojës hapëse më 9 qershor në Mynih, e që aty do të dalë në pah në se ka qenë me fitim apo me humbje evenimenti sportiv më i rëndësishëm në botë.

[Davius]

Logo e Kampionatit Botëror të Futbollit "Gjermania 2006"

Sponzorët e vërtetë dhe të rremë të Kamponatit Botëror të Futbollit 2006

Gati çdo sipërmarrje në Gjermani përpiqet të përfitojë ekonomikisht nga Kampionati Botëror i Futbollit 2006. Por jo të gjitha firmat kanë të drejtë të bëjnë reklamë në kuadër të tij. Federata Ndërkombëtare e Futbollit (FIFA) ka caktuar kritere të rrepta. Ajo ua ka lënë të drejtën e reklamës vetëm sponzorëve zyrtarë, siç janë firma koreane për prodhimin e automobilave, Hyundai, birarria amerikane Anheuser Busch, linja e udhëtimit ajror Emirates, Adidasi dhe 12 firma të tjera.

45 milionë Euro kanë paguar secila syresh për të marrë të drejtën ekskluzive të reklamës. Krahas tyre ka edhe një numër të madh sponzoruesish kombëtarë, ku bën pjesë sipërmarrja e hekurudhave Deutsche Bahn, firma e materialeve të ndërtimit "Obi" si edhe Banka e Postës. Rreth 13 milionë Euro kanë paguar secila prej tyre për të bërë reklamë, por vetëm në Gjermani. Kush përpiqet të bëjë reklamë të paligjshme me Kampionatin duhet të paguajë. Kështu për shembull, gjatë kampionatit më të fundit në vitin 2002 FiFa zbuloi 1900 raste mashtrimesh në 88 vende të ndryshme. 3,2 milionë mallra u konfiskuan.

Në qoftë se dikush shkon në stadium me një bluzë që ka të stampuar një markë të palicencuar në kampionat, atëherë ruajtësit e rendit mund ta detyrojnë atë ta mbulojë bluzën ose ta zhveshë. Kjo "striptizë" masive tifozash nuk është shumë e drejtë, thotë Martin Çakraborty, ekspert i të drejtave të sponzorëve: "Së fundi do të duhet të triumfojë e drejta e lirisë së veprimit dhe ushtrimit të personalitetit të vizitorit të stadiumit. Është ai që duhet të ketë të drejtë të vendosë se çfarë të veshë, e jo t’ia përcaktojë pronari i stadiumit."

Dy firma birrash kanë gjetur gjuhën e përbashkët dhe kanë shpallur armëpushim për periudhën e Kampionatit. Normalisht, koncerni amerikan i prodhimit të birrës, Anheuser Busch, që është sponzor zyrtar i Kampionatit nuk lejohet të bëjë reklamë në Gjermani me birrën e tij që quhet "Bud". Kjo për shkak të ngjashmërisë që ka emri me "Bit", birrën e firmës gjermane Bitburger. Dy koncernet kanë rënë dakord që t’i bëhet reklamë birrës "Bud", por në stadium të shitet birra "Bit.

Ekskluziviteti i sponozorimit ka sjellë idetë më groteske. Hyundai ka vënë në dispozicion parkun e automobilave dhe ka marrë përsipër transportet. Por problemi është që koreanët nuk eksportojnë autobusë në Evropë. Zgjidhja: Autobusave të Mercedesit do t’u vihet nga një logo e Hyundait përsipër. Pra, jo kudo ku duken sponzorët ka me të vërtetë sponzorë brenda.