Lajme nga Boterori!

[mad]

ca gallate.....çeku jep ne gjate cdo blloku reklamash, spotin qe himnizon kthimin e Nedved per te mbeshtetur kombtaren ne kete moment...nderkohe qe gjysma e popullsise(asaj te interesuar per futbollin, kuptohet) ...e kritizon ashper menyren se si u soll kapiteni legjendar, duke mohuar pjesemarrjen ne kombtare per ndeshjet e grupit.

nesje, me pak fjale, te shtunen ne norvegji, dhe sot java ne Letna, ceket do "mblidhen" te unifikuar duke mbeshtetur ekipin e tyre.

{^_^}

[DeuS]

Ceki...Spanje...Zvicer ---> Nje bast per fiksim neser!

[Davius]

Të besuarit e Aragonesit do të kërkojnë golat ndaj Sllovakisë që shpreson në një kualifikim histori 12-11-2005

Spanja, për autokritikë ndaj Sllovakisë

Formacionet e mundshme:

Spanjë: Casiljas, Salgado, Ibanez, Pujol, Del Horno, Ksavi, Albelda, Ksabi Alonso, Rejes, Raul, Torres

Sllovakia: Kontofalski, Skrtel, Kratoçvil, Had, Petras, Karhan, Hodur, Valaçoviç, Hlinka, Nemeth, Vitek
Gjyqtar: Masimo De Santis (Itali)

Spanja humbi shumë pikë në prestigjin e vet, kur nuk arriti të kualifikohet direkt për në Kupën e Botës 2006. Kapiteni i kombëtares dhe kapiteni i Realit të Madridit, Raul, ka deklaruar se ndeshja kundër Sllovakisë në "play-off" është më shumë se e rëndësishme. "Ne nuk u paraqitëm në nivelim që pritej gjatë kualifikimeve. Ne ishim të pandërgjegjshëm dhe është faji ynë që jemi në "play-off", por tani duhet ta shlyejmë gabimin tonë. Do të ishte një zhgënjim i madh, nëse nuk kualifikohemi për në Gjermani," tha sulmuesi spanjoll. Spanja u detyrua të merrte pjesë në "play-off", pasi doli e dyta në grupin kualifikues për botëror, ndërkohë vendin e parë e zuri Serbia.

Problemi kryesor i ekipit, i cili u vu re qartë, ishte paaftësia e lojtarëve për të kthyer në gola dominimin në mbajtien e topit. Gjithsesi, me sulmues si Fernando Torres dhe Raul duket se gjithçka duhet të rregullohet. "Mendoj se Torres, Raul, Morientes dhe Vila janë lojtarë që dinë të shënojnë. Ata së shpejti do t'i tregojnë vlerat e tyre," tha lojtari i Arsenalit, Hoze Antonio Rejes. Edhe ky i fundit pritet të jetë pjesë e rëndësishme e sulmit, pasi Aragones me shumë mundësi do të formojë në sulm treshen Rejes-Torres-Raul. Edhe pse kundërshtari i tyre, Sllovakia, është një emër jo shumë i madh në futbollin europian dhe botëror, ata treguan një formë shumë të mirë në fazën në grupe, duke dalë në vendin e dytë në grupin e tretë, pas Portugalisë. Trajneri i sllovakëve, Dusan Galis, e ka cilësuar arritjen e kombëtares së tij si më të mirën në 12 vitet e fundit, që kur Sllovakia fitoi pavarësinë. "Ne kemi bërë një paraqitje shumë të mirë. Tani na mbetet edhe vetëm një hap i fundit për t'u bërë, dhe mendoj se do të paraqitemi shumë mirë. Ne treguam se kemi një ekip shumë të fortë, dhe se prezantojmë një nivel të lartë loje. Kjo është arritja më e madhe e futbollit sllovak, që nga koha kur fitoi pavarësinë," tha Galis. Sllovakët janë me moral shumë të lartë dhe synojnë sa më shumë.

"Duke e ditur se Spanja është një emër i madh i futbollit botëror, mund të them që në letër ata janë favoritë. Gjithsesi, ne do të kërkojmë kualifikimin, pasi nuk kemi asgjë për të humbur. Kjo është hera e parë që marrim pjesë në "play-off"-et e botërorit. Është një arritje shumë e madhe, por duhet të kërkojmë edhe diçka më shumë," tha mbrojtësi Roman Kratoçvil. Në ndeshjen ndaj Spanjës, Sllovakia do të udhëtojë pa portierin Juraj Çobej, pasi ky i fundit u dëmtua gjatë një ndeshjeje të ekipit të tij, Artmedias. Ai do të zëvendësohet nga portieri i Tenerifes, Marian Kelemen.

[Davius]

Ballkanasit, të përgjysmuar do të luajnë në Bern ndaj vendësve që nuk humbasim që prej 13 ndeshjesh 12-11-2005

Zvicra pret Turqinë me mungesa

Formacionet e mundshme:

Zvicër: Zuberbuehler, Degen, Myller, Senderos, Manjin, Gigaks, Jakin, Kabanas, Barneta, Frei, Shtreler

Turqi: Demirel, Akiel, Toraman, Alpaj, Ozat, Nihat, Sahin, Çimsir, Metin, Shukur, Altintop
Gjyqtar: Mishel Lubos (Sllovaki)

Trajneri i Zvicrës, Koebi Kuhn, ka deklaruar se nuk është aspak i avantazhuar se Turqia do të ketë disa mungesa për shkak dëmtimesh dhe pezullimesh, në ndeshjen e parë të "play-off"-it. "Nuk mendoj se do të jemi më të avantazhuar nga mungesat që ka Turqia. Kjo nuk do të thotë se ata nuk kanë lojtarë cilësorë për t'i zëvendësuar. Ne i kemi ndjekur ndeshjet e Turqisë në transfertë, dhe kemi vërë re se ata janë shumë të rrezikshëm, pasi sulmojnë shumë," tha Kuhn. Zvicra do të shkojë në këtë sifdë pas 13 ndeshjeve, pa u mundur në fushën e tyre. Edhe trajneri Kuhn do të ketë disa mungesa. Mesfushori Johan Vogel dhe sulmuesi Johan Vonlaten kanë pësuar dëmtim, dhe nuk janë gati për ndeshjen e parë. Por për trajnerin e Turqisë, Fatih Terim, do të jenë më të shumta mungesat.

Emre dhe Hamit Altintop do të mungojnë për shkak pezullimi, ndërsa Bashturk, Hasan Shash dhe Ibrahim Akin janë të dëmtuar. Terim ka rithirrur në kombëtare veteranin Hakan Shukur, duke shpresuar që eksperienca e tij do të jetë e dobishme, pasi mund të luajë në sulm me Halil Altintopin. "Kemi disa mungesa të rëndësishme, por po mundohemi që t'i zëvendësojmë ato sa më mirë. Mendoj se të gjithë do të japin maksimumin në një atë ndeshje," tha Terim. Turqia u rendit e dyta në fazën në grupe, pas Ukrainës, por la pas skuadra si Danimarka apo Greqia.

[Davius]

24 orë përpara ndeshjes, çekët protestojnë për kushtet e fushës në Oslo 12-11-2005

Norvegji-Çeki, fusha vendos "dyfish"

Norvegji: Myhre, Bergdolmo, Hagen, Hangeland, Rise, Soli, Grindeim, Haestad, Pedersen, Kerju, Iversen.

Çekia: Çeh, Grigera, Rozehnal, Ujfalushi, Jankulovski, Poborski, Galashek, Roziçki, Heinz, Smiçer, Barosh.

Gjyqtar: Masimo Busaka (Zvicër)

Norvegjia beson se mund të fitojë në ndeshjen e parë ndaj Çekisë, duke përfituar edhe nga kushtet e këqija të fushës. Fusha e stadiumit ku do të zhvillohet ndeshja është e dëmtuar, për shkak të shirave dhe se në fundjavë është luajtur finalja e kupës për femra e meshkuj. Edhe pse nuk duket diçka që mund ta lejojë një lojë të rregullt, për norvegjezët më shumë rëndësi ka kualifikimi. "Nëse duhet të luajmë lojën tonë, ne kemi nevojë për fushë të mirë.

Në Oslo m'u duk se as fushë nuk mund të quhej. Duhet të bëhet diçka për këtë çështje," tha kapiteni i Çekisë, Tomas Galashek. Në kombëtare është rikthyer Pavel Nedved, por 33-vjeçari do të mungojë për shkak dëmtimi. Edhe shtatlarti Jan Koler nuk do të jetë për kombëtaren e tij, ndërkohë që norvegjezët nuk kanë mungesa të rëndësishme. "Nuk mendoj se fusha do të jetë në favorin tonë. Të dy ekipet do ta kenë pak të vështirë për të luajtur, por mendoj se do të fitojë më i miri.

Kam shumë besim se shpirti i garës që ka ekipi ynë do të fitojë përballë aftësive individuale që kanë çekët. Jemi gati për të siguruar kualifikimin e botërorit, edhe pse nuk është shumë e lehtë," tha mesfushori norvegjez Morten Gamst Pedersen. Ndeshja e kthimit do të luhet të mërkurën në Pragë.

Play off
Europë
(19:30) Norvegji Çeki
(20:45) Zvicër Turqi
(22:00) Spanjë Sllovaki
Amerikë V / Azi
(23:30) Trinidad Bahrain
Amerikë J / Oqeani
(24:00) Uruguaj Australi

[DeuS]

Anglia 3 - Argjentina 2 ...sapo mbaroi ndeshja!

What a fantastic game...

Komentet me vone!

[niku-nyc]

Sic i parashikova ndeshjet sot ashtu dolen! Merite per Cekin qe vajti qe mundi Norvegjin 0-1 dhe jan ekip qe meritojn te shkojn ne boterore! Merite gjithashtu dhe per Zvicren qe mundi Turqin 2-0 dhe duket me afer kualifikimi! Ndeshja tjeter per Spanjen cdo gje po ecen mire!

[inter_forever]

NORVEGJI - CEKI 0 - 1 .... Smicer 32'

Nje gol i Smicer i jep fitoren cekeve ne ndeshjen e pare . Si gjithmone ky Smicer deciziv (shenoi golin 2-3 ne finalen e champions me Liverpool) .
Pashe vetem 20 minuta ndeshje dhe ceket mu duken shume superior ne gjithe repartet dhe e meritojne boterorin .
Theksohet edhe rikthimi i NEDVED ne kombetare ...ishte titullar sot.

[inter_forever]

ZVICER - TURQI 2-0 ......Senderos-41', Behrami-86'

Ndeshjen nuk e pashe . Sipas disa komenteve thone qe turqit kane qene dobet fare.
Konfirmohet ajo turqi skandal qe pame me Shqiperine ne Tirane . Ajo turqi qe lozi me ne , nuk meriton boterorin .
Shenon golin e dyte Behrami , kosovari qe eshte bere zvicerian .

[inter_forever]

URUGUAJ - AUSTRALI 1 - 0 ....Rodrigues 36'.

Uruguaj dominon ndeshjen dhe humb raste te shumta . Shenon Rodriguez pas nje krosi te Recobes.
Skuadra e kangureve e drejtuar nga trajneri PSV Hiddink shume me fat . Do perpiqet ta permbyse rezultatin ne ndeshjen e kthimit te merkuren .