SUPERMAKINA/ Në ambientet e “BMW Showroom”, përurohet hapja e përfaqësisë eksluzive të “Rolls-Royce Phantom”
“Fantazma Rolls Roys” mbërrin në Shqipëri
Për herë të parë “Rolls Roys” vjen në Shqipëri. Tashmë të gjithë ata që kanë dëshirën dhe mundësinë e shpenzimit për një makinë të bukur, të veçantë dhe natyrisht të kushtueshme, mund të drejtohen në “BMV Showroom”, për të gjetur modelin e “Rolls-Royce Phantom”. Ky automobil vjen në Shqipëri në kuadrin e promovimit që kompania “Rolls-Royce Motor Cars” po bën në Evropën Lindore dhe mundësohet nga Kompania “H.L. Group LTD”. “Rolls-Royce” operon në katër tregje globale: transportin ajror civil, transportin ajror ushtarak, marinë dhe në sektorin energjetik. Kompania investon në teknologji dhe kapacitete që mund të shfrytëzohen në secilin prej këtyre sektorëve për të krijuar një gamë konkurruese produktesh. Suksesi i këtyre produkteve manifestohet qartë nga fitimet e shpejta dhe të konsiderueshme të kompanisë në aksionet e tregut gjatë viteve të fundit. Kompania tani ka një total prej 54 000 turbinash karburanti në funksionim në të gjithë botën. Kompania ka klientë nga sektori energjetik në rreth 120 vende. “Rolls-Royce” punëson rreth 35 000 persona prej të cilëve 21000 janë në Britaninë e Madhe. 40 % e punonjësve të saj janë të vedosur jashtë Britanisë së Madhe, duke përfshirë 5 000 punonjës në vendet e tjera të Evropës dhe 8 000 në Amerikën Veriore. Shitjet totale vjetore arrijnë në rreth 6 miliardë paund, prej të cilave 55 % janë të ardhura nga servisi. Porositë arrijnë më shumë se 21 miliardë paund, të cilat së bashku me kërkesën për servis ofrojnë një perspektivë të shkëlqyer për kompaninë.
Përgjigju Duke Cituar
Krijoni Kontakt