A duhet të hyje Shqipëria në BE ?

[gesti_7]

Problemi eshte qe nuk duhet te nisemi me idene paresore qe BE eshte gjithcka sepse krijohet nje fixim i kote pastaj. dhe kjo duket edhe ne gjithe fjalimet e politikaneve tane qe e perfshijne integrimin ne BE dhe ne NATO ne cdo fjalim te tyrin ne shume raste pa lidhje. Nuk duhet punuar me fiksimin e "integrimit ne BE" sepse me duket se te gjitha qe po behen po behen vetem "per te kaluar klasen". Duhet punuar qe ne te ndihemi me mire ketu ku jemi dhe te mos kemi mendjen tek BE-ja e famshme. Sepse BE eshte vetem shpresa e politikaneve tane per ndihma me teper ne menyre qe te vjedhin me teper. Edhe njehere po e them e mira jone jemi vetem ne dhe askush tjeter. kush eshte ai qe te ndihmon nqs ti nuk ndihmon veten tende. Pra qellimi yne duhet te jemi vete ne dhe jo BE. vetem ne kete menyre ftesa nga BE vjen vete dhe ne si vend e pranojme sepse duam miq dhe jo prinder qe te na tregojne dhe drejtojnene cdo gje qe bejme.

[TOKE GEGA]

Ranieri: Në maj, Qeveria italiane do miratojë MSA-në !!!



Marveshja e Stabilizim-Asociimit mes Shqipërisë dhe Bashkimit Evropian do të miratohet nga qeveria italiane në mes të muajit maj. Kjo u bë e ditur nga kryetari i Komisionit për Çështjet e Jashtme në Dhomën e Deputetëve të Parlamentit italian, Umberto Ranieri. Ai u prit paraditen e djeshme nga Kryetarja e Kuvendit të Shqipërisë, Jozefina Topalli. Që në fillim të takimit, Ranieri shprehu mbështetjen e plotë të vendit të tij në perspektivën evropiane të Shqipërisë. “Italia ka qenë gjithmonë në krah të vendit tuaj që në fillim të kësaj rruge dhe ju garantoj për vazhdimësinë e kësaj mbështetjeje deri në integrimin e plotë në BE”, është shprehur ai. Ai tha se menjëherë pas miratimit të MSA-së nga qeveria italiane, në mes të muajit maj, më pas do t’i dërgohet Parlamentit, i cili do të fillojë menjëherë procedurat për ratifikim. Parlamentari italian e garantoi kryeparlamentaren Topalli, se ky votim do të bëhet brenda një kohe të shkurtër. Ndërsa Kryetarja e Kuvendit e ka njohur shkurtimisht Ranierin me situatën politike dhe ekonomike në vendin tonë. Topalli e ka siguruar mysafirin se integrimi evropian mbetet prioriteti i të gjithë klasës politike dhe i të gjithë shqiptarëve. “Në funksion të kësaj perspektive, por edhe në funksion të zhvillimit të vendit, kemi punuar seriozisht dhe kemi arritur rezultate të dukshme në luftën kundër krimit e korrupsionit, kundër informalitetit në të gjitha fushat, kundër evazionit fiskal, ndërsa jemi të angazhuar për krijimin e një klime sa më të favorshme për investitorët”, tha ajo.

[de Balzak]

si e konceptojne te rinjte hyrjen e shqiperise ne BE?

[Imperator]

Mendoj qe dhe Shqiperia duhet te beje pjese ne BE, por jo pa permbushur rekomandimet qe ka vene komuniteti Europian per integrimin e vendit tone ne BE. Do ishte gabimi me i madh qe te futej Shqiperia ne BE pa permbushur kushtet kryesore siç jane lufta kunder korrupsionit dhe krimit te organizuar pasi dhe ketyre personave do u krijoheshin lehtesira ne aktivitetin e tyre, pa krijuar vende te reja pune dhe pa arritur nje stabilitet te qendrueshem ekonomik pasi atehere do ngelej Shqiperia pa Shqiptare pasi te gjithe do mernin rruget e emigrimit.
Keto jane kushtet kryesore per mendimin tim per integrimin e Shqiperise ne BE dhe duhet te permbushen sa me pare te jete e mundur ne menyre qe dhe Shqiperia mos te shikohet me ate syrin qe shikohet sot por te gezoje respektin e plote e te gjitha shteteve, mos te perbuzen shumica e Shqiptareve siç perbuzen sot ne mbare boten por te ecin me koken lart e te respektohen si te gjithe te tjeret.

Imperator

[Fejzi]

përshëndetje të gjithve një bashkim i gjith trojeve shqiptare një shqipëri nga 6 milon e mëtepër shqipëtarë do të ishte mirë që të pranohet në BE

[TOKE GEGA]

Tom Ridge: Shqipëria tashmë një vend i sigurt
Nga Tema

Sekretari Tom Ridge u tregua i gatshëm t’i përgjigjej disa pyetjeve për “Çështje të Sigurisë”, botim i Institutit për Demokraci dhe Ndërmjetësim. Ish-Sekretari i Sigurisë i presidentit Bush, z.Tom Ridge, dhe Këshilltar i kryeministri Berisha për Sigurinë, ka lindur në Pitsburg, Pensilvani, më 1945-sën në një familje të klasës punëtore. Më 1967-tën u diplomua për jurist në universitetin e Harvardit me diplomë nderi. Pa e mbaruar shkollën, ai u thirr nën armë dhe shërbeu në Vietnam, ku fitoi disa medalje. Pas diplomimit, punoi si jurist privat dhe si prokuror i kontesë Eire. Më 1982-shin u zgjodh në Dhomën e Përfaqësuesve të Kongresit Amerikan dhe u rizgjodh nga votuesit e Pensilvanisë pesë herë si përfaqësues i tyre, pa humbur asnjë herë. Në vitet 1995-2001 ai u zgjodh dy herë guvernator i Pensilvanisë, duke drejtuar një zhvillim të vrullshëm teknologjik, arsimor, ekologjik dhe shëndetësor të atij shteti. Pas ngjarjeve tragjike të 11 Shtatorit 2001, presidenti Bush i kërkoi guvernatorit Ridge të vinte në Uashington për të zhvilluar dhe bashkërenduar një strategji kombëtare gjithëpërfshirëse për të fuqizuar mbrojtjen kundër kërcënimeve terroriste ndaj SHBA-ve. Më 8 tetor 2001, Tom Ridge u emërua Ndihmësi i parë për Sigurinë e Atdheut pranë presidentit Bush. Nga viti 2003 deri në vitin 2005-së ai ishte i pari Sekretar i Departamentit për Sigurinë e Atdheut. Pas më se 25 vjetësh shërbimi publik, tani Tom Ridge këshillon për një sërë çështjesh, përfshirë sigurinë, marrëdhëniet ndërkombëtare, zhvillimin ekonomik, ndërtimin e institucioneve civile, teknologjinë, arsimin, etj.

Për opinionin e Sekretarit Tom Ridge, cilat janë sfidat e sigurisë, me të cilat përballet Shqipëria?

Sikurse me shumë kombe të tjerë, veçanërisht demokracitë e reja, çështjet sfiduese të sigurisë përqendrohen në manaxhimin e kufijve dhe veprimtaritë kriminale, si tregtia e drogës, trafikimi i qenieve njerëzore dhe krimi i organizuar. Gjatë një periudhe kohore, zbatimi i ligjit ka qenë i dobët dhe në nivel të ulët, ndërsa sistemi i drejtësisë ka vuajtur nga korrupsioni endemik. Për shumë vite Shqipëria ka qenë një vend tranzit, si edhe strehim për kriminelët, korrupsionin dhe veprimtaritë joligjore të lidhura me to.

Megjithatë, në dy vitet e fundit krimi i organizuar ka marrë një goditje të fuqishme, sepse grupet kryesore kriminale janë nxjerrë para drejtësisë dhe lidhjet midis krimit dhe politikës janë këputur. Kjo ka sjellë stabilitet të shumë-nevojitur në rajon.

Gjithashtu, është përmirësuar kultura e bashkëpunimit brenda agjencive të zbatimit të ligjit dhe shërbimeve informative, si edhe midis agjencive partnere, që i ka bërë këto të veprojnë në mënyrë më efikase kundër elementëve kriminalë të Shqipërisë brenda dhe jashtë vendit. Për më tepër, transparenca më e madhe dhe reformat e tjera po shfaqin një ndikim në uljen e korrupsionit dhe shumë përpjekje të tjera po ndërmerren në këtë drejtim.

Siguria e kufijve është kthyer në një sfidë kritike për të gjitha kombet, përfshirë edhe kombin tim. Në Shqipëri, masat e ndërmarra së fundi për kontrollin e kufijve kanë rritur sigurinë për njerëzit dhe mallrat që përshkojnë kufijtë e shtetit. Me fuqizimin e këtyre masave autoritetet do të jenë në gjendje t`i identifikojnë më mirë ata që tentojnë të hyjnë në vend për qëllime kriminale.

Përveç kësaj, reformat qeveritare që synojnë sistemet e regjistrimit dhe identifikimit të qytetarëve do të thellojnë institucionet e demokracisë dhe, ç’është më e rëndësishme, do të krijojnë një mjedis, ku qytetarët e Shqipërisë mund të marrin pjesë në zgjedhje të ndershme. Kështu, ndërsa Shqipëria përballet me këto sfida, përparim domethënës po bëhet për t’i adresuar ato, gjë që dëshmon për një Shqipëri më të sigurt që ecën përpara.

Për mendimin e Sekretarit Ridge, cili është mesazhi i Samitit të Rigës për vendet e Kartës së Adriatikut? A mund të kthehet Samiti i vitit 2008-të në një histori suksesi për secilin prej këtyre vendeve për të marrë ftesën e anëtarësimit në NATO?

Mesazhi i Samitit të Rigës mbi Kartën e Adriatikut është një mesazh shprese. Një bashkësi globale patjetër që fuqizohet prej këtyre vendeve që dëshirojnë të përmirësojnë jetët e qytetarëve të tyre. Ka shpresë (optimizëm) midis Aleancës dhe, si rrjedhojë, një dëshirë për të ndihmuar qytetarët dhe qeveritë e Shqipërisë, Kroacisë dhe ish-republikës jugosllave të Maqedonisë për të përmbushur përgjegjësitë e anëtarësisë së NATO-s.

Aleanca kërkon vende që përmbushin standardet uniforme, por edhe që janë në gjendje të kontribuojnë konstruktivisht në sigurinë dhe stabilitetin euro-atlantik. Mendoj se ka arsye për shpresë në lidhje me Samitin e 2008-tës. Tashmë, ne kemi parë suksese që ia vlen të përmenden. Paqeruajtja ndërkombëtare, bashkëpunimi me shtete të tjera në një klimë të vështirë të sigurisë dhe përpjekja për të avancuar bashkëpunimin rajonal kanë qenë të mirëpritura dhe janë në fakt të nevojshme në luftën e sotme ndërkombëtare kundër terrorizmit.

Zhvillimi parimor dhe i përmirësuar i zgjedhjeve parlamentare të 2005-sës ka fituar një vëmendje të favorshme – sikurse edhe masat për të përqafuar dhe mbrojtur zbatimin e ligjit dhe luftuar krimin e organizuar. Edhe Kroacia ka lënë përshtypje të mirë, me bashkëpunimin e saj me Gjykatën Ndërkombëtare për Krimet në ish-Jugosllavi dhe me sukseset për avancimin e reformave në politikë, ekonomi, zbatimin e ligjit dhe mbrojtje. Ndërsa për ish-republikën jugosllave të Maqedonisë, edhe ajo në vitin 2006-të zhvilloi zgjedhje parlamentare të përmirësuara. Janë premtuese përkushtimi dhe përpjekjet e saj për të rrënjosur më tutje reformat ekonomike, politike, të mbrojtjes dhe juridike.

Në vendet e Kartës së Adriatikut (A3) po ndodh një progres domethënës në shumë fronte për të lehtësuar hyrjen në NATO, në mënyrë që këto vende më së fundi të jenë anëtare të plota, të respektuara dhe kontribuese. Kam shpresë së Samiti i vitit 2008-të do ta pranojë progresin e rëndësishëm që është bërë drejt plotësimit të kërkesave për anëtarësinë në NATO.

Në opinionin e Të Nderuarit Tom Ridge, cili është roli që mund të luajë shoqëria civile në reformimin dhe qeverisjen e sektorit të sigurisë? Si mund të arrihet bashkëpunimi sa më i mirë i institucioneve dhe autoriteteve të sigurisë me shoqërinë civile?

Në gjithë botën ne e kemi parë rolin e rëndësishëm dhe me ndikim të shoqërive civile në kontekstet e qeverive të veta. Qytetaria brenda çdo vendi dhe brenda bashkësisë ndërkombëtare ka përgjegjësitë e veta. Përparimet që janë bërë i detyrohen qytetarëve që kanë kërkuar dhe përkrahur siguri për familjet e tyre, drejtësi në sistemet ligjore dhe mundësi më të mëdha ekonomike në vendet përkatëse.

Ne e kemi mësuar këtë në Amerikë – sepse ne jemi vënë në lëvizje nga zërat e atyre që kanë mbrojtur, përkrahur lëvizjet e së drejtës së votës dhe të drejta të barabarta për personat e çdo race, feje, gjinie dhe besimi. Pas 11 Shtatorit, qytetarët me vend kërkuan përgjigje për shume pyetje: Ç’po bën qeveria për të siguruar vendin? Kush e siguron vendin e punës? Kush i siguron fëmijët tanë në shkolla? Dhe, një pyetje, të cilën ne i nxitëm qytetarët tanë ta ngrinin: Si mund të ndihmoj? Shoqëria civile e Shqipërisë ka potencialin për të luajtur një rol vital në avancimin e çështjeve prioritare të qeverisë, përfshirë edhe sigurinë. Ky rol mund të arrihet me anë të fuqizimit të dialogut dhe komunikimit midis qytetarëve dhe qeverisë. Në kohën e tanishme OJF-të që veprojnë në sektorin e sigurisë janë të pakta, ndërsa ato që fokusohen në zbatimin e ligjit janë të kufizuara kryesisht në veprimtari për rritjen e vetëdijes së publikut.

E gjithë mund të ndryshojë dhe ka filluar të ndryshojë. Fuqizimi i sektorit të OJF-ve dhe llogaridhënia e transparenca më e madhe prej institucioneve qeveritare janë dy mënyra kryesore, me anë të cilave po fillojmë të shohim një kulturë bashkëpunimin midis shoqërisë civile dhe qeverisë. Shqipëria ka filluar ta shohë këtë nivel shkëmbimi. Disa organizata të shoqërisë civile kanë qenë me ndikim në ushtrimin e trysnisë mbi qeverinë për të përmirësuar sundimin e ligjit dhe zbatimin e ligjit, si edhe për të promovuar politika dhe programe për përmirësimin e rendit shoqëror dhe ekonomik të vendit. Këta janë hapa pozitivë. Hapa të mëtejshëm duhen nxitur. Komunikimi i hapur midis njerëzve dhe qeverisë është një karakteristikë përkufizuese e shoqërive demokratike. Ai prodhon ide të reja, besim, përparim, ndryshim konstruktiv – dhe një klimë pozitive, në të cilën të gjitha palët mund të debatojnë çështje të vështira dhe të prodhojnë marrëveshje, përfundime dhe përparim.

“Mbrojtja e sovranitetit të një shteti jo domosdoshmërisht përputhet me mbrojtjen e integritetit territorial të tij”. Cili është komenti i Sekretarit Ridge mbi këtë shprehje? Çfarë nënkupton kjo për sigurinë dhe bashkëpunimin në Evropën Juglindore?

Detyrimi parësor i një vendi për të mbrojtur sovranitetin, në gjykimin tim, duhet të përfshijë një përkushtim të qëndrueshëm për të mbrojtur integritetin e vet territorial. Çdo përpjekje kombëtare e hartuar për të siguruar qytetarët dhe mbrojtur rendin civil, ekonomik dhe shoqëror është e paplotë pa një manaxhim efektiv të kufirit, i cili legjitimon dhe mbron kalimin e ligjshëm të njerëzve, sendeve dhe shërbimeve.

Shumë prej sfidave, me të cilat përballen demokracitë në formim dhe ekonomitë në zhvillim të Evropës Juglindore, janë të ndërlikuara më tej nga faktorët historikë dhe realitetet e një botë globale e konkurruese.

Ndërsa çdo vend duhet dhe do të planifikojë rrugën e vet të arritjes së qëllimeve të tij politike, shoqërore dhe ekonomike, bashkëpunimi rajonal është në mënyrë absolute thelbësor për t`i përmbushur ato aspirata. Respekti i ndërsjelltë për sovranitetin dhe integritetin e njëri-tjetrit është absolutisht i rëndësishëm për stabilitetin dhe suksesin e çdo grupimi rajonal të fqinjëve.

Veprimtaria ndërkufitare kriminale dhe imigrimi ilegal kanë një efekt të ngadalshëm gërryes mbi sovranitetin e një vendi dhe kjo është arsyeja pse bashkëpunimi i ndërsjelltë është një integral i çdo nisme kombëtare në këtë drejtim. Zhvillimi bashkarisht i manaxhimit të kufirit dhe i sistemeve kombëtar të identifikimit do të ndihmojë në përparimin e shumë qëllimeve të përbashkëta të vendeve të veçanta në rajon, përfshirë integrimin, stabilitetin, sigurinë dhe mirëqenien ekonomike.

Cilat duhet të jenë këshillat apo parimet që shteti dhe shoqëria shqiptare duhet të ndjekin për të përmirësuar efikasitetin e sigurisë dhe zhvillimin e vendit?

Një luftë e vazhdueshme kundër krimit dhe korrupsionit, fuqizimi i mëtejshëm i institucioneve dhe një përkushtim për mirëqeverisjen janë qëllimet kryesore që Shqipëria duhet të përpiqet të arrijë. Zgjedhjet e hapura dhe të lira, stimuj më të mëdhenj ekonomikë dhe një infrastrukturë e brendshme më e mirë do ta rivitalizojnë Shqipërinë dhe jetët e qytetarëve të saj. Shoqëritë e lira dhe të sigurta i bëjnë kushtet më të vështira për terroristët dhe veprimtaritë kriminale dhe kështu unë do të nxisja më shumë lëvizje në reformat që po shohim se po ndërmerren – si p.sh., masat për manaxhimin e kufijve dhe përpjekjet për të zbatuar një sistem kryesor identifikimi.

Sfidat e vendit janë akoma që të bëjë të mundur një demokraci funksionale, një sundim konsistent të ligjit dhe një ekonomi të lirë të tregut. Por këto janë sfida që çdo demokraci e di që janë të vazhdueshme. Janë sfida që duhet të monitorohen dhe mbajtur gjallë vazhdimisht dhe ndryshuar me të ndryshuar kohërat dhe rrethanat.

Unë kam besim se me mbrojtjen dhe çuarjen përpara të këtyre parimeve, përparimi dhe zhvillimi i Shqipërisë do të bëhet i qëndrueshëm. Dhe me përkushtim të vazhduar, ajo çfarë është një demokraci e re në Shqipëri, do të lulëzojë dhe rritet për të qenë një anëtare e suksesshme, me iniciativë dhe me kontribut e bashkësisë globale. Ata ndër ne që kanë një dashuri të fuqishme për popullin shqiptar do ta mirëprisnin këtë arritje.

[no name]

Shqiperia ka mbeshtetje per integrimin ne BE

Derguar me: 18/05/2007
• Shqiperia ka mbeshtetjen e Gjermanise dhe Cekise në integrimin në BE dhe NATO. Keshtu eshte bere e ditur ne takimin e sotem te Berishës me Dumann

Kryeministri Berisha priti sot në mesditë zotin Kurt Rossmanith, kryetar i Grupit Parlamentar të Hapësirës Ajrore në Bundestagun gjerman dhe zotin Manfred Dumann, anëtar i parlamentit të Bavarisë dhe anëtar i Forumit Drejtues të Hapësirës Ajrore. Parlamentarët gjermanë shprehën vlerësimin për zhvillimin e vendit dhe përkrahjen e Gjermanisë për integrimin e Shqipërisë në BE dhe NATO. Në mënyrë të veçantë u vlerësuan ritmet e rritjes ekonomike të Shqipërisë, tregues i qartë i rezultatit të reformave. Ata konstatuan me kënaqësi rritjen e interesit të investitorëve gjermanë për Shqipërinë. Bashkëbiseduesit u shprehën se midis dy vendeve ekzistojnë marrëdhënie shumë të mira dhe ndanë të njëjtin vullnet për intensifikimin e bashkëpunimit mes dy vendeve në fushën ekonomike, të mbrojtjes, turizmit etj..


Kryeministri Berisha i shprehu parlamentarëve gjermanë mirënjohjen për ndihmën e çmuar dhe mbështetjen që Gjermania i ka dhënë dhe i jep Shqipërisë në rrugën e saj të integrimit në strukturat euroatlantike. Më tej, Kryeministri u bëri parlamentarëve një prezantim të reformave të ndërmarra nga qeveria shqiptare në disa drejtime kryesore si reformat ekonomike për shndërrimin e Shqipërisë në vendin më tërheqës për investimet e huaja, lufta kundër informalitetit, lufta me tolerancë zero kundër korrupsionit, trafiqeve dhe krimit të organizuar. Duke u ndalur në zhvillimet në rajon, parlamentarët gjermanë vlerësuan rolin konstruktiv të Shqipërisë në rajon, në shërbim të paqes dhe stabilitetit. (Departamenti i Informacionit)

[LuLiKraS]

Europa e bashkuar euopa demokatratike dhe Shqiperia ne mes do ishte diqka shum e bukur.

[LuLiKraS]

Europa e bashkuar euopa demokatratike dhe Shqiperia ne mes do ishte diqka shum e bukur.

E Dua europen por pa Shqiperin ne mes nuk e pelqej.

[FierAkja143]

Nuk na takon te hym ne BE tani per tani.
Kur te futem une ne qeveri mbas nja 10-15 vitesh shofim e bejm