Konsensus tjeter per ligjin e zgjedhjeve?

[Redi]

Komisioni dypartiak shqyrton dhe bie dakort mbi përmirësimet që duhen në disa ligje

Zgjedhjet, pakt mes PS e PD
Ndryshime në Kod: Të ketë vetëm një raund


--------------------------------------------------------------------------------

al.kre.

TIRANE

Pozita dhe opozita bien dakord që të ndryshojnë Kodin Zgjedhor për t'i thjeshtësuar sa më shumë zgjedhjet. Palët nuk janë as kundër idesë për një ndryshim të sistemit zgjedhor. Në një material të paraqitur nga ekspertët në komisionin bipartizan, parashikohen riparimet e Kodit Zgjedhor, sipas rekomandimeve të dhëna nga ana e OSBE-ja dhe ODIHR-i.

Dokumenti ku janë të gjitha propozimet u miratuara nga përfaqësuesit e pozitës dhe opozitës. Në këtë material parashikohen nenet që priten të ndryshojnë ligjet e zgjedhjeve në mënyrë që të mospërsëriten më parregullsitë të cilat u vunë re në zgjedhjet e fundit parlamentare. Thelbi i këtyre ndryshimeve është thjeshtëzimi i zgjedhjeve. Mbajtja e tyre vetëm në një ditë, në mënyrë që të mos ketë më probleme, siç ndodhën në Zonën 60. Komisioni ka lënë të hapur edhe mundësinë e ndryshimit të sistemit zgjedhor, për ta bërë atë sa më proporcional. Megjithatë nuk është parashikuar ndonjë ndryshim në pragun e hyrjes në Parlament për partitë e vogla. Nëse ky prag nga 2.5 për qind rritet disi, atëherë shumë nga partitë që janë aktualisht në Kuvend, do ta kenë të pamundur të futem më, nëse nuk bashkëpunojnë me PS-në apo PD-në, që gjithsesi e kanë të sigurt hyrjen në Parlament. Ndryshimet e tjera kanë të bëjnë me raundet e mbajtjes së zgjedhjeve. Në propozimet e ekspertëve thuhet se ka vetëm një ditë votimi, ku përcaktohet rezultati proporcional. Votimet e tjera mund të jenë vetëm balotazhe. Pikat e Kodit Zgjedhor që parashikohet të ndryshojnë, sipas vendimit të djeshëm të komisionit bipartizan, janë edhe ato që flasin për kandidatët e pavarur, si dhe mundësia e mbështetjes së tyre nga ana e forcave politike për ta ribërë edhe një herë skemën që kërkoi të realizonte PS-ja në zgjedhjet e fundit parlamentare.

Sipas disa prej anëtarëve të komisionit, pritet që të ketë ndryshime të Kodit Zgjedhor edhe në lidhje me marrëdhëniet e KQZ-së me gjykatat apo ndikimin që do të kenë gjykatat në rezultatet e zgjedhjeve. Në dokumentin e propozuar jepet një përcaktim i qartë i gjithë marrëdhënieve, duke pasur parasysh edhe rastet e kontestuara në zgjedhjet e fundit parlamentare, ku më shumë se gjysma e zonave elektorale u ridiskutua nga ana e Gjykatës Kushtetuese. Diskutimi pritet të përfshijë edhe mënyrën e numërimit të votave dhe të mbajtjes së procesverbaleve nga ana e qendrave të votimit. Disa propozime të bëra në këtë komision, parashikojnë që numërimi i votave të bëhet vetëm nga ana e komisioneve të zonave dhe jo nga qendrat e votimit. Kërkesa e vjetër e opozitës është edhe rikompozimi i KQZ-së. Kjo kërkesë s'ka marrë ende një pëxrgjigje të prerë nga ana e pozitës.

Marre nga GZ

---------------------------------------------------------------



Cfare mendoni?

[baobabi]

Keto jane hapa qe priteshin.

Fillimi i mbare gjysma e punes.

Zgjedhjet per pushtetin lokal duhet te behen model i demokracise zgjedhore kete rradhe, ne te gjitha nivelet e procesit.

Mandej kur t'i vije rradha edhe zgjedhjet e pergjithshme.

Njerezit presin shume nga politika