Maxhoranca sjell në kuvend ligjin anti-korrupsion

[Lioness]

Raporti i Amnisty International për vitin 2005. Ndër 159 vende, Shqipëria renditet e 126-ta



Niveli i lartë i korrupsionit në Shqipëri duket se vazhdon të mbetet problemi më serioz i zhvillimit të vendit. Kjo çështje bëhet edhe më alarmante nisur nga raporti i fundit i publikuar nga Transparenca Ndërkomëbtare, ku Shqipëria rezulton vendi më i korruptuar i Evropës. Kështu Indeksi i Transparencës Ndërkombëtare i Perceptimit të Korrupsionit për vitin 2005 e rendit Shqipërinë në vendin e 126-të ndër 159 shtetet e ndryshme të botës që u monitoruan gjatë kësaj kohe. Kështu me një koeficient të përceptimit të korrupsionit 2,4, Shqipëria renditet vetëm një shkallë më poshtë Ukandës dhe një shkallë më lart Nigerisë, ndërsa të gjitha vendet e tjera të rajonit të Ballkanit kanë koeficient më të lartë të përceptimit të korrupsionit se vendi ynë.

Një vit më parë në të njëjtin raport të Transparencës Ndërkombëtare Shqipëria renditej në vendin e 108, ndërsa 2 vjet më parë në vendin e 91-të. Drejtuesi i zyrës për Mbrojtjen e Qytetarëve, Kreshnik Spahiu, i cili bëri publike të dhënat e këtij raporti, vërejti se ishte e qartë se Shqipëria ka bërë hapa prapa në luftën kundër korrupsionit. “Dy vjet më parë Shqipëria radhitej në klasifikim në shkallën 91, një vit më parë ajo bëri disa hapa pas duke u radhitur në nivelin e 108, ndërkohë për vitin 2005 Shqipëria ka shënuar regresin më të thellë të historisë së saj, duke zbritur 18 shkallë dhe duke u rreshtuar si vendi më i korruptuar në Evropë, por dhe i 126-ti ndër 159 shtete në të gjithë botën.

Ndërsa një vit më parë Shqipëria mbante të njëjtat niveli korrupsioni me Xhahamarinë e Madhe të kolonel Kadafit dhe autoritetin e Palestinës, këtë vit që po kalojmë këto vende ndodhen 20 shkallë më lart krahasuar me Shqipërinë. Fakti që Shqipëria sot radhitet 10 shkallë poshtë Afganistanit, nuk ka nevojë për shumë koment”, - tha Spahiu. Sipas tij, kjo renditje në këtë raport do të shërbejë si referencë për të gjitha strukturat evropiane në hartimin e çdo dokumenti që do të lidhet me qeverisjen e vendit dhe në hapat që do të ndërmarrë qeveria e re në forcimin e shtetit të së drejtës. Spahiu vërejti se kjo është kostoja që duhet ta paguajmë të gjithë, si pasojë e papërgjegjshmërisë dhe mosfunksionimit të institucioneve të shtetit.
Kërkesa për qeverinë

Ndërkaq kreu i Zyrës për Mbrojtjen e Qytetarëve i ka bërë thirrje kryeministrit, Sali Berisha dhe qeverisë së drejtuar prej tij që të ndërgjegjësohet se 3 korriku nuk ishte fundi i luftës kundër korrupsionit, por fillimi i saj, duke kërkuar prej Berishës të ndërmarrë hapa konkretë radikalë e ligjorë në këtë drejtim. “Ristrukturim dhe reformim i institucioneve të shtetit, por edhe të sistemit të drejtësisë, të cilat kanë përgjegjësinë ligjore dhe kushtetuese për këtë nivel të lartë të krimit në Shqipëri; Fillimi i procedimit penal për të gjithë ish-deputetët, qeveritarët, politikanët, bashkiakët, komunarët si dhe zyrtarët e administratës, të cilët kanë qenë objekte të dyshimit për veprën penale të korrupsionit; Aktivizimin e menjëhershëm të të gjitha dosjeve të SHISH-it, të cilat kanë informacion për lidhje të politikanëve, gjyqtarëve apo prokurorëve me trafikantë apo subjekte të tjera të krimit; Sekuestrimi i të gjitha aseteve dhe pasurive të zyrtarëve të korruptuar, trafikantëve, kontrabandistëve dhe çdo subjekti të akuzuar për këto vepra penale;

Ngrirja e menjëhershme e llogarive bankare të individëve të veshur me apo pa pushtet, të cilët nuk justifikojnë dot të ardhurat dhe shpenzimet; Regjistrim të të gjitha pasurive të paregjistruara më parë; Deklarim të llogarive bankare të fëmijëve të subjekteve zyrtare të cilët kanë detyrimin ligjor, që për hir të mbajtjes së postit duhet ta bëjnë një gjë të tillë”, - janë disa nga procedurat ligjore që Spahiu i rekomandoi dje kryeministrit Berisha, si hapa që duhen ndërmarrë në luftën kundër korrupsinit. Sipas tij, e rëndësishme është që të realizohet edhe transparenca e arkave dhe financimeve private të partive politike. Spahiu ka ripërsëritur edhe një herë domosdoshmërinë për kufizimin e mandatit të deputetit në të mirë të thellimit të luftës kundër korrupsionit.

[Lunesta]

Ky Muci i nxjerr lakuriq idiotlleqet e qeveris Sala.....

-------------------------------------------------------------------------------

Nje urdher absurd dhe ministrat- memeca
E Merkure, 19 Tetor 2005
Nga Mustafa NANO

Rendom qeverite identifikohen me emrin e Kryeministrit. Dhe keshtu kemi qeverine "Berlusconi", qeverine "Karamanlis", qeverine "Blair", e me radhe. Kemi edhe qeverine "Berisha", ashtu si kemi patur qeverine "Meksi", "Nano", "Meta", "Majko". Ne te gjitha rastet kjo behet per nje kollajllek leksikor a sintaksor, ndersa kur themi qeveria "Berisha", edhe pse ndjekim instiktivisht cliché-ne e mesiperme, ne ne fakt i bieme pikes. Qeveria "Berisha" eshte qeveria e Berishes. Ne tere kuptimin e fjales. Ai, jo vetem qe eshte kryetari i qeverise, por ai eshte dhe secili minister. Shkurt, eshte vetem ai.

Ka disa muaj qe eshte bere konstituimi i qeverise e maxhorances se re dhe kudo shfaqet vetem e thjesht Berisha. Here pas here e thone ndonje fjale ne Parlament edhe thjeshtrat e qeverise, por nuk ka asgje origjinale ne ligjerimin e tyre. Ata artikulojne gjera qe jane thene pak me pare apo qe u jane peshperitur ne vesh prej kapos se tyre. Eshte ky i fundit pra qe paralajmeron cdo iniciative e cdo ndermarrje qeveritare. Eshte ky i fundit qe shfaqet perballe kamerave ne mbledhjet e qeverise e qe komunikon me ton urdherues e ex cathedra me anetaret e kabinetit te tij. Nuk u permend as emrin atyre qe ka perballe apo rrotull. U drejtohet me "zoti minister....", a thua se eshte ne mbledhjen e keshillit bashkiak te qytezes "N", anetareve te te cilit nuk ua di e nuk ka si t'ua di emrat. Dhe kamerat televizive, me te perfunduar Berisha performance-en e vet ne mbledhjet e kabinetit (te cilat, sipas Kushtetutes, duhet te jene te mbyllura e pa pranine e gazetareve), ikin. Ikin per te thurur me ngut kroniken gazetareske me fjalet e Berishes, e cila transmetohet ne te gjitha edicionet informative te te gjitha televizioneve. Vetem ai perben lajm. Te tjeret jane numurore topi, te cilet nuk po shihen me as neper studiot televizive.

Ka shume fakte per ta ilustruar kete dukuri (flet ai dhe vetem ai per heqjen e imunitetit, per luften kunder skafeve, per uljen e taksave, per shkollat e per studentet, per shtangistet qe kane marre medalje, per datelindjen e vet, etj, etj), por ilustrimi me i mire eshte urdheri me i fresket, sipas te cilit asnje minister nuk lejohet te ngreje padi kunder ndonje gazetari, cfaredo qe te thote ky i fundit. Me kete, Berisha kerkon te propagandoje me pahir imazhin e nje Kryeministri qe i ka xhan shtypin e gazetaret. Vetem kaq? Jo, ka edhe me. Ne momentin qe nje minister nuk i pelqen, Berisha mund te nderseje gazetat e gazetaret e vet (Berisha eshte i vetmi ne qeveri qe ka gazetare e gazeta te tijat) dhe me kete mund ta beje cope- cope imazhin e ministrit "antipatik a bukeshkale". Ministri, sipas urdherit te shefit te tij, do te beje sigurisht pergenjeshtrimin, por e verteta eshte qe asnje pergenjeshtrim nuk mund ta frenoje furtunen mediatike te baltosjes. Eshte ndonjeri ne gjendje te na thote se i ka mbetur ne mendje ndonje pergenjeshtrim i bere nga ndonje i akuzuar publikisht? Me siguri, jo. Amá secili prej nesh ka ne mendje te gjitha akuzat qe jane bere ne adrese te autoreve te pergenjeshtrimeve. Pervec kesaj, keto akuza, edhe pse do te pergenjeshtrohen, do te mblidhen fije- fije ne dosjet qe Kryeministri do te kete per secilin minister per t'u perdorur ne momentin qe Kryeministrit do t'i leverdise. Dhe do ta kete te lehte t'i perdore, pasi e verteta ka mbetur jetime ne lojen "hidh e prit" midis akuzuesit e pergenjeshtruesit.

Kesaj loje, ne te cilen Berisha e paracakton veten si arbitrin e gjyqtarin e vetem ne marredheniet midis nje ministri e nje gazetari apo gazete, ka per t'i dale tymi me vone. Ajo qe te shqeteson ne kete fillim eshte arroganca dhe papergjegjshmeria, me te cilen Kryeministri jep nje urdher qe nuk qendron as ne qiell as ne toke. Vini re: nuk eshte se ben nje sugjerim. Jo! Jep nje urdher. E ben kete kinse ne emer te mbrojtjes se gazetareve, apo thene me terma me te rrumbullakosur, ne emer te mbrojtjes se lirise se shprehjes. Por e gjitha kjo rezulton te jete ne thelb nje strategji per te mbrojtur lirine e shpifjes dhe nje strategji per te carmatosur ministrat, per t'i lene ata ne meshire te dashamiresise se Berishes per te mirekuptuar pozitat e tyre apo te vullnetit te tij per te zhbiriluar dashakeqesine e ligesine e gazetareve ne raste te kesaj natyre. Qe Berishes nuk i digjet barku per gazetaret e per shprehjen e lire te opinioneve, kete vetem ndonje leshko mund ta vere ne dyshim. Ai gjate tere kohes (edhe kur digjte e priste me duart e shik-asve e policeve) na eshte shitur si luftetar e partizan i shtypit te lire, e megjithate te gjithe e dine, se urdheruesi e frymezuesi i dhunes ndaj shtypit ka qene ky e vetem ky. Gazidede, Shehu, etj, kane qene ca vegla te mjera, te cilat Berisha i ka perdorur brutalisht.

Nje pyetje lind natyrshem ne kete meselene e urdherit drejtuar ministrave per te qendruar sus sa here qe do te sulmohen ndyresisht nga gangstere te mass-medias: Si ka mundesi qe ky njeri i njeh vetes te drejten per t'u mohuar nje te drejte bashkepunetoreve te vet? Si ka mundesi qe ky njeri leshon nje urdher, sipas te cilit asnje minister nuk e gezon me te drejten kushtetuese per te ngritur nje padi penale ndaj atij apo ndaj atyre qe fyejne e shpifin publikisht? Si ka mundesi me ne fund qe asnje prej ministrave nuk u ngrit per t'i thene: "prit, mor burre i dheut, se kjo qe po ben ti nuk ka kuptim. Ti kete te drejte mund t'ia heqesh vetes, por nuk mund t'ua heqesh te tjereve"?

Jane pyetje pa pergjigje? Ne fakt, te gjitha e kane nga nje pergjigje; me sakte, te gjitha kane te njejten pergjigje: qeveria "Berisha" eshte qeveria e Berishes, ashtu sic jane te tijat kepucet, kemishat, pantallonat, breket, qe i vesh cdo mengjes.

[Brari]

u ankua ndonje minister i sales tek muci i Klosit.. ???
joo..
po cka ki qeros qe kerkon qiqrra ne hell..

rri o muc e beji yzmet balukeve a derbardh..

[Lioness]

Doris Pack, drejtuesja e Parlamentit Europian per marredheniet me vendet e Europes Juglindore tha se Shqiperia eshte me prapa se vendet fqinje qe pretendojne te futen ne BE. Problemi kryesor eshte se Shqiperia "vuan" me shume nga mentaliteti i periudhes totalitare, ne krahasim me vendet e tjera, si psh Bullgari.

Ky artikull ilustron me se mire kete mentalitet. Ky "gazetar" apo injorant me shume personifikon kete dukuri.

E para, eshte nje oxymoron qe ky "gazetar" te shkruaj nje artikull te tille per kryeministrin si rrjedhoje e lirise se fjales, liri fjale te cilen ai e diskretiton kur ceshtja eshte mbi ministrat.

Por duke u kthyer serish tek ceshtja e lirise se fjales, qe autori e anashkalon si "term i rrumbullakosur" behet e qarte qe akoma vuajme nga mentaliteti i periudhes totalitare. Liria e Fjales eshte nje nga kolonat, nje nga fondacionet, nje nga perfaqesuesit me esencial te demokracise. Ne fund te fundit, per cfare u rrezuan "muret e Berlinit" kudo ne lindje?! Nga ana ekonomike, ka akoma shume njerez qe thone se ishim me mire ne sistemin komunist, e kishim te siguruar nje cope buke. Por a merrnin dot fryme te lire? Cfare ndryshimi kishte midis nje populli te shtypur "memec" dhe nje kope delesh? Nje cope Buke?

Qe te kthehem serish tek ky autor, duke pare se projektet e reja te qeverise jane cilesuar si teper pozitive, jo vetem brenda vendit, por edhe nga kritiket e huaj, z. Nano, kerkon te kapet me ceshtje te tilla qe "mund t'u dale tymi me vone." Ministrat apo vete kryeministri nuk mund te padis cdo gazetari qe shkruan kunder tyre. Ne US, nqs do te ndodhte dicka e tille, dukuria e gazetarise nuk do ekzistonte. Po ashtu dhe ne vendet e tjera te perendimit. Nqs nje minister e gjykon te arsyeshme te mbroje veten ndaj akuzave sipas tij te fabrikuara, fare mire mund te shkruaj ne te njejten gazete, fare mire mund te beje nje deklarate per shtypin. Ndoshta per z. Nano, keto jane koncepte te reja, te panjohura, por shpresojme qe me kohe te ambjetohet, ashtu sic duhet te ambjetohet e gjithe shoqeria shqiptare. Ka ardhur koha, ka ardhur dita, qe shqiptaret te kene te drejten natyrale, humane, per nje vizion te ri, per nje shprese te re. Z. Nano, (ndoshta vuan dhe nga kompleksi i te pasurit mbiemrin e nje te deshtuari) heret a vone do arrije ta kuptoje.

Dhe dicka tjeter, nuk e dija qe sipas kushtetutes mbledhjet e kabinetit duhet te kryhen me dyert e mbyllura, nje mbeturine besoj e "mbledhjeve te komitetit." Nqs ky ligj vertete ekziston atehere duhet ndryshuar de juro, sepse sic duket, de facto Berisha e ka ndryshuar.

Z. Nano, do ishte me mire sikur te shkruaje nje post scriptum per deklaraten e sotme te PS, te cilet i hedhin faj Qeverise "Nano" per korrupsionin e larte sidomos ne vitet e fundit.