Mustafaj: Kosovës t'i jepet pavarësia e kushtëzuar

[PrInCiPiEl]

• "Në përgjithësi qeveritë e majta ndaj Kosovës kanë patur një qëndrim pozitiv që ka ndikuar në qetësimin e gjendjes dhe jo në acarimin e saj. Ne do t'i përmbahemi kësaj fryme."

A do të thotë kjo se janë njësoj në mendime dhe veprime, si PD-ja si PS-ja ?



PO ku je o Mit'hat Frashëri!


...

[Michigan2005]

Dallimi ynë me qeverinë paraardhëse qëndron vetëm në faktin se ne në analizat tona jemi të mendimit se vetëm pavarësia e Kosovës mund të sjellë stabilitet në rajon, mund të sjellë mirëqenie për Kosovën.

Mustafaj hedhe ketu nje hap te madhe dhe me shume vend ne lidhje me pavaresine e Kosoves. Ai pohon se eshte ne favor te rajonit qe te jete Kosova e pavarur. (Keni lexuar gjat 8 viteve te PS-s te bejne deklarata te tilla diplomatat e majte?)

Unë jam i bindur se imazhi i Shqipërisë përmirësohet përmes ndryshimit të realitetit. Këtu dhe vetëm këtu, duhet të jetë e përqëndruar puna e qeverisë shqiptare dhe e diplomacisë, që duhet të jetë në shërbim të kësaj pune, që do të kryhet në Shqipëri. Unë nuk mendoj se duhen fajësuar të tjerët përse Shqipëria ka imazh të keq. Të tjerë mund ta kenë zmadhuar për arësye të mosnjohjes sa duhet, apo për arësye të tjera, por faktet kanë qënë të tilla, që nuk kanë lejuar shumë ngjyrosje të këtij imazhi.

Mustafaj apo PD-ja ne pergjithesi nuk ka nge te merret me “llafe” se kush ka faje per cfare por ka detyre qe te filloj te mari masa per ndryshim ne Shqiperi. Pra, Principiel, nuk eshte koha tani qe PD-ja te filloj te kritikoje partite e Majta por eshte koha qe PD-ja te gjej menyren per te komunikuar me keto parti ne vend qe te punojne se bashku per te miren e Shqiperise. Apo jo?

Në përgjithësi qeveritë e majta ndaj Kosovës kanë patur një qëndrim pozitiv që ka ndikuar në qetësimin e gjendjes dhe jo në acarimin e saj. Ne do t'i përmbahemi kësaj fryme

Duhet permbajtur nje fryme qetesimi, mosacarimi… Kjo qetesi duhet ne qoftese kemi deshire qe vendet e botes te na marrin seriozisht. Politika kerkon nje fare gjakftohtesie dhe llogjike sepse nuk duam qe vendet e tjera te fillojn te thone se terhiqemi vetem nga sentimente nacionaliste.

Për ne integrimi në Nato mbetet një objektiv strategjik i rëndësisë së veçantë. Aspekti i parë është reforma që duhet të kryejmë ne në Shqipëri, jo vetëm në nivelin e reformimit të ushtrisë dhe përshtatjen e ushtrisë për të qënë e denjë si anëtare e Natos, por edhe një sërë reformash të tjera, më të gjera, të karakterit politik e juridik, sepse integrimi në Nato ka një aspekt politik, ka edhe një aspekt ushtarak. Ne do të vazhdojmë me të njejtën këmbëngulje, me të njejtin seriozitet, siç edhe kemi deklaruar, punën për kryerjen e gjithë reformave.

Pra, Mustafaj thekson se Shqiperia ka nevoje per reforma. Ne intervisten me BBC thekson disa pika qe kane rendesi ne rritjen e ekonomise (duke theksuar qe ekonomia eshte dicka kryesore).

Ne jemi plotësisht të vendosur t’i nënshkruajmë këto marrëveshje në interes të të dyja palëve. Marrëveshje të karakterit politik, ekonomik e kulturor dhe më gjerë. U fol për Kosovën. Unë i bëra analizën time zotit Drashkoviç, duke thënë se në qoftë se çështja e Kosovës bëhet një problem i brendshëm për Shqipërinë, ose për Serbinë, atëhere do të jetë shumë më e vështirë zgjidhja e tij, pasi opinioni publik ka peshën e tij mbi vendimet e politikanëve. Unë i bëra thirrje atij për realizëm në veprimet diplomatike dhe në përgjithësi në politikën e jashtme. Dhe realizmi të çon tek fakti se faktorët kryesorë në Kosovë janë institucionet e Kosovës, UNMIK-u, Grupi i Kontaktit dhe institucionet e tjera ndërkombëtare. Midis tyre duhet të zgjidhet çështja e statusit.

Qellimi ketu i Mustafajt eshte qe te kete mardhenie te mira politiko-ekonomike me Serbine. Mustafaj e ka me se te qarte qe nuk ka shume fuqi Serbia apo Shqiperia qe te influencoj ne vendimarrjen e debatit rreth pavaresise se Kosoves, dhe ne kete menyre e lajmeron Serbine qe te mos e beje kete problem por qe t’jua le ne dore atyre institucioneve kryesore. Dihet shume mire se cfare qendrimi mban Shqiperia dhe Serbia ne lidhje me pavaresine e Kosoves.

Gento, ku e ka perdorur Mustafaj shprehjen: "provinca serbe e kosoves"?

[PrInCiPiEl]

• " Pra, Principiel, nuk eshte koha tani qe PD-ja te filloj te kritikoje partite e Majta por eshte koha qe PD-ja te gjej menyren per te komunikuar me keto parti ne vend qe te punojne se bashku per te miren e Shqiperise. Apo jo?"

Sigurisht se po.
- Por jo 'koalicionit' joparimor.

• "Politika kerkon nje fare gjakftohtesie dhe llogjike sepse nuk duam qe vendet e tjera te fillojn te thone se terhiqemi vetem nga sentimente nacionaliste."

Sigurisht se po.
- Por vetëm me qëllime të drejta kombëtare - patriotike.

[Michigan2005]

Ministri i Jashtëm, Mustafaj, shpjegon qëndrimin e qeverisë ndaj Kosovës

Pavarësi të kushtëzuar për Kosovën

Pas kthimit nga pjesëmarrja në Samitin e OKB-së, që u mbajt në Nju York nga 14-16 shtator 2005, ministri i Jashtëm, Besnik Mustafaj, shpjegon edhe mbështetjen e Shqipërisë për pavarësinë e kushtëzuar të Kosovës nën mbikqyrjen e Bashkimit Europian. Ministri i Jashtëm theksoi dje për mediat e Tiranës se "Shqipëria do të vazhdojë të luajë rolin që i takon, një rol moderator, inkurajues për dialogun, jo vetëm për sa u përket shqiptarëve në Kosovë, por në përgjithësi për rajonin". Sipas Mustafajt, "koncepti i pavarësisë së kushtëzuar është një koncept i përpunuar prej muajsh nga Grupi i Krizave dhe që po zë gjithnjë e më shumë vend në kancelaritë perëndimore, koncept më të cilin unë bashkohem tërësisht, që do të thotë konceptimi i statusit të Kosovës si një pavarësi, por që do të realizohet në proces, d.m.th një kohë e caktuar, e monitoruar shumë ngushtë, shumë afër nga komuniteti ndërkombëtar, në mënyrë që institucionet e Kosovës të piqen, që shoqëria kosovare të piqet, sidomos në disa aspkete që janë jetike për demokracinë moderne, siç është trajtimi i minoriteteve. Nuk mund të ketë Kosovë pa një trajtim të denjë të komunitetit serb".


Deklarata për shtet etnik, arkaike

Ministri i Jashtëm, Besnik Mustafaj, ndërsa theksoi se kishte propozuar pavarësi të kushtëzuar për Kosovën, duke deklaruar se ky është edhe një qëndrim i qeverisë shqiptare, ka hedhur poshtë tezat për shtet etnik. Lidhur me deklaratat për shtete etnike, shefi i diplomacisë shqiptare i vlerëson ato si arkaike dhe të papërshtatshme për Ballkanin. Siç thekson Mustafaj, "tashmë evolucioni i ngjarjeve në Kosovë ka hyrë në një etapë decizive. Raporti i Kaj Ajde mbi standartet është në përfundim e sipër, brenda dy javëve të para të tetorit ai dorëzohet në Këshillin e Sigurimit, pasi të kalojë nga Kofi Anan, sekretari i Përgjithshëm. Pra, doemos qëndrimi ndaj Kosovës do të vijë duke u specifikuar dhe ka shumë shanse që ky raport të arrijë në përfundimin se duhen çelur negociatat".

Mustafaj u shpreh se "në përputhje me programin tonë qeveritar, unë, në emër të qeverisë shqiptare, paraqita qëndrimin tonë që është për një pavarësi të kushtëzuar, që do të thotë se ne mendojmë se duhet shmangur fluiditeti dhe duhet propozuar ai konkluzion që ne mendojmë se prodhon stabilitet". E theksoj, u shpreh në vijim Mustafaj, se "qeveria shqiptare dhe Shqipëria do të vazhdojë të luajë rol moderator, rol moderues, paqtues, duke i nxitur të gjithë shqiptarët, faktorët politikë dhe të shoqërisë civile, për sa na takon ne nga jashtë, duke i nxitur që të bashkëpunojnë ngushtë me komunitetin ndërkombëtar, dhe po ashtu të vendosin një dialog intensiv me Beogradin". Duke komentuar Xhaferrin, ai tha se "teza e shteteve etnike është një tezë arkaike, për mua, jo realiste për Ballkanin". Mustafaj tha në fund se "unë mendoj se në Maqedoni ka një marrëveshje që është Marrëveshja e Ohrit, ka një kuadër të rëndësishëm brenda të cilit duhet punuar me vullnet të madh, me durim të madh dhe me këmbëngulje të madhe nga të gjithë faktorët politikë shqiptarë dhe maqedonas, për të realizuar ato të drejta që nuk janë realizuar plotësisht për komunitetin shqiptar". (RD)

[Michigan2005]

E Marte, 27 Shtator 2005
Koha Jone
XHUFI: KOSOVES I DUHET "PAVARESI E SHOQERUAR"

Pellumb Xhufi, zv/kryetar i Levizjes Socialiste per Integrim, deputet i kesaj legjislature dhe nje prej diplomateve te njohur shqiptare, qe ka bere "politiken" e jashtme ne vitet 1998 deri ne 2004, ne nje interviste per "KJ", eshte shprehur se qendrimet politike te Ministrit te Jashtem Shqiptar, jane ne te njejten linje me qendrimet nderkombetare per percaktimin e statusit final te saj. Xhufi e konsideron se shume e rendesishme per arritjen e qellimeve te popullit dhe qeverise se Kosoves, per pavaresi, eshte permbushja dhe plotesimi i te gjitha standardeve te demokracise dhe lirise, ku ne thelb jane permbushja e standardeve per pakicat. "Fytyra" e re e politikes nderkombetare te qeverise se Shqiperise, Besnik Mustafaj, ne mbledhjen e 60-vjetorit te Organizates se Kombeve te Bashkuara, mbajtur pak dite me pare, u shpreh per nje "pavaresi te kushtezuar" per Kosoven, deklarate e cila ka pasur edhe kundershti ne qarqet politike shqiptare. Xhufi eshte i mendimit se nje tjeter term do te ishte me i pershtatshem per percaktimin e statusit final te Kosoves: "pavaresi e shoqeruar".

Si e vleresoni deklaraten e bere nga Ministri i Jashtem, Besnik Mustafaj, ne mbledhjen e OKB-se, qe Kosova te gezoje "pavaresi te kushtezuar", deri ne percaktimin e statusit final te saj?

Deklarata e bere nga ministri i jashtem i Shqiperise, Besnik Mustafaj, eshte ne nje linje edhe me vleresimet qe kane bere kohe me pare qarqe politike dhe institucione prestigjoze nderkombetare si; Grupi Nderkombetar i Krizave dhe qe mendoj se rrahin ne nje drejtim: ne nevojen e kthimit te Kosoves ne nje shtet te pavarur. Jane disa faktore qe e bejne nje gje te tille te domosdoshme dhe te pakthyeshme ne kohe. Eshte fakt qe percaktimi i statusit eshte jashte kohe dhe i rrezikshem, aq sa situata nuk mund te rrije si ka qene, se rrezikohet te degjeneroje. Po ashtu, edhe fakti tjeter se Kosova ne keto 6 vite te clirimit te saj ka bere hapa te rendesishme ne drejtim te ndertimit te institucioneve demokratike, ne respektimin e te drejtave te njeriut dhe vecanerisht ne respektimin e te drejtave te minoriteteve, pavaresisht se ka pasur edhe probleme te shfaqura ne kete drejtim. Se fundi, konstatoj se definimi perfundimtar i statusit te Kosoves ka filluar dhe Sekretari i Pergjithshe i Organizates se Kombeve te Bashkuara, Kofi Anan, ka caktuar koordinatorin Aide, qe po ndjek nga afer procesin e permbushjes se standardeve, te cilat do t'i paraprijne bisedimeve.

Per termin, "pavaresi e kushtezuar" kam rezerva, pavaresisht se e ka perdorur nje institut prestigjoz, si ai i Grupit Nderkombetar te Krizave. Do te isha me shume per te perdorur me mire termin "pavaresi e shoqeruar", pasi pavaresia e Kosoves eshte e pashmangshme. Gjithashtu jam i bindur per realizimin e saj brenda afateve kohore te caktuara me pare. Kosova per disa kohe do te vazhdoje te bashkepunoje me Komunitetin Nderkombetar, vecanerisht per disa ceshtje sensitive, sic eshte ajo e avancimit te demokracise, respektimin dhe mbrojtjen e minoriteteve dhe per ceshtjet e sigurise. Pra, shprehimisht mendoj se keto 3 fusha duhet te shoqerohen me nje bashkepunim dhe prezence nderkombetare, qofte edhe me pranine e specialisteve dhe gjyqtareve te nderkombetare, ne gjykatat e larta te Kosoves, per te siguruar dhe monitoruar mbrojtjen e lirive dhe te te drejtave te njeriut dhe posacerisht atyre te minoriteteve. Mendoj se ne keto kushte, prania e forca ushtarake te KFOR-it, te kete nje format tjeter, me te reduktuar ne numer, ndoshta. Shume te rendesishem deri ne arritjen e qellimit final te popullit dhe qeverise se Kosove, do te jete edhe monitorimet e vazhdueshme te organizmave te ndryshem nderkombetare, per te percjelle arritjet e permbushjes se standardeve.

Me ritmet e deritanishme, mendoni se do te nisin brenda ketij viti bisedimet per percaktimin e statusit final te Kosoves?

Nese do t'i qendrojme rekomandimeve te Grupit Nderkombetar te Krizave, jemi me vonese me ritmet. Gjithsesi procesi ka filluar dhe shpresojme qe ne nje te ardhme te afert te nisin bisedimet, ku vendimarres do te jete vete populli i Kosoves, Bashkimi Europian, natyrisht edhe Shtetet e Bashkuara te Amerikes dhe Keshilli i Sigurimit. Paralelisht me keto etapa do te nise puna edhe per hartimin e Kushtetutes se Kosoves, ku do te trajtohen problemet me sensitive, sic eshte ai i respektimit, mbrojtjes se te drejtave dhe lirive te minoriteteve dhe natyrisht lirive te njeriut. Brenda minoritetit serb ne Kosove, por edhe vete ne Beograd, ka pasur reflektime pozitive dhe kembengulja per ta mbajtur Kosoven ne Unionin Serbi-Mali i Zi, duket pa rezultat, ireale dhe pa shans edhe per ambientet serbe. Ne kete kuader, cdo hap qe Beogradi do te bente per t'u vene ne linje, do te ishte nje hap pozitiv per marredheniet e ardhshme mes Bashkimit Europian dhe Prishtines dhe ne pergjithesi per marredheniet politike ne krejt rajonin tone.

Cfare do te sjelle politika Mustafaj, per Shqiperine ne arenen nderkombetare?

Mendoj se Mustafaj ka atributet per te drejtuar diplomacine Shqiptare me profesionalizem, maturi, duke rivene ne themel te saj mbrojtjen e interesave kombetare. Politika e jashtme ka nevoje per dinamizem, pergjithesim dhe ndjekjen e objektivave konkrete me fqinjet, Bashkimin Europian dhe Ameriken. Eshte e domosdoshme qe te mos neglizhojme, por te hapim dhe te zgjidhim edhe disa probleme qe kane mbetur te hapura ne marredheniet tona me fqinjet. Mbrojtja e interesave te Shqiptareve jashte atdheut, te cilet jane ne nje numer te konsiderueshem, duke perbere minoritet jo ne leter, do te konkretizoje misionin e Qeverise dhe te Ministrise se Jashtme.

intervistoi: Denada Shkodrani

[ideus]

Dokrra. Nje thot "Pavarsi e kushtezuar" tjetri "Pavarsi e shoqeruar" edhe pak dite do te dale ndonje tjeter te kerkoj "Pavarsi te martuar". Shpresoj qe kete martes ta kerkojne me ndonje pjese tjeter te trojeve shqiptare e jo me Beogradin.
Plus nje gje po e perseris, pasi e kam thene edhe dit me pare ne nje tjeter shkrese, hiq fare s'kemi diplomat shqiptar. Pse nuk e mendojne ata njerz qe dalin e japin intervista e deklarata neper media, se cfardo qendrimi qe mban Shqiperia rreth pavarsise se Kosoves nuk luan ndonje rol ne inkuadrimin e Shqiperis ne strukturat euro-atlantike. Sa di une, as te drejte vote nuk ka, nese vie puna te votohet ne K.B. . C'na lodhen me qendrime te tilla "kto koka kombi".

[gent durazzo]

Une per vete si patriot desha te them vetem kete koment.Politikanet shqiptare na kane zhgenjyer dhe po vazhdojne te na zhgenjejne perdite.Ata jane shume te turbulluar dhe mos te ju vije cudi se shume prej tyre e shesin krejt atdheun per nje grusht qindarka.eshte detyra jone si te rinj qe jo vetem ti korrigjojme por dhe ti largojme nga qeverisja nese ata nuk respektojne fatet tona.keshtu vepron bota perendimore dhe keshtu duhet te veprojne dhe shqipetaret.Cdo komb ka qeverine qe meriton por ne duhet te punojme dhe te angazhohemi te gjithe qe vendi yne,atdheu yne te mos qeveriset me nga don kishote dhe hajdute

[Michigan2005]

Nuk keni perse te flisni ne kete menyr. Mos u kapni pas shprehjeve. Cdo detaje ka rendesi, por edhe vete Mustafaj e di kete.

Te gjithe e duam Kosoven te pavarur. Ajo pavaresi do vi me "hapa te matura" dhe ne menyre graduale duke i treguar botes se mund te qendrojm brenda standarteve.

Kam besim se Mustafaj do te veproj ashtu sic eshte ne interes te Shqiptareve ne Shqiperi dhe Kosove.

[ZejnullahOsmani]

Vuk Drashkoviqi mbeti i habitur me zoteri Mustafaj se si Qeveria shqipetare na e paska ndryshu qendrimin per qeshtjen e Kosoves,nuk mund ta quaj nje kriminel si Vukun me epitetin Zoteri pasi qe pikerisht e njof mentalitetin e shkijeve.
Kur kam lexuar artikullin se si Nanoja me bashkqeveritaret e vet i ka bere pritje VUKUT ne Tirane me daulle e me valle shqipetare,me ka ardhe per te vjellur.Ti behet nje pritje e till kriminelve te luftes ne kosove ashte marramendse,eshte marri e vertet.
Ne epoken e Nanoviqit Serrbija mori premtime te prera se qeshtja e Kosoves eshte pune e mbrendshme e Serrbise.
Zoteri Mustafa te lumte,diplomacija shqiptare te cilen e treguan shqipetaret ne vitet e para e mas lufte ishte nder ma te maturat,ne 100 vjetshin e fundit.
Kosova do te kete status, kjo qeshtje e nderkombetarizuar per kosoven eshte faza e fundit e pregaditjeve per finalizimin e statusit te Kosoves.Frazat serrbe ma shum se autonimi e me pak se pavarsi,jane per tu respektuar por jo per kosoven ato fraza,Vuku duhet ti arkivoj se do ti duhen se shpejti qe ti implementoj per Vojvodinen ,Sanxhakun,Medvegjen,Bujanovcin e Presheven.Historia po perseritet do te kemi nje protektorat nderkombtar per finalizimin e shtetit Kosovar,qe e njejta gje ndodhi ne vitin 1912 kur Shkodra e okupuar nga forcat e serrbo malazezve,ishte nen protektorat nderkombetar.

Me nderime
Zejnullah Osmani

[Davius]

Reagime për qëndrimin e Tiranës ndaj Kosovës

Tiranë, 15:25

Një pjesë e së djathtës shqiptare e kritikuan sot Qeverinë e Tiranës për shkak të përpjekjeve që Kosova të fiton pavarësi të kushtëzuar.

Kritikuesit konsiderojnë se qëndrimi i tillë i Qeverisë është i përshpejtuar, meqë nuk përjashtohet mundësia që bashkësia ndërkombëtare të pajtohet edhe me pavarësi të tërësishme të Kosovës.

Reagimet e së djathtës vijuan pas deklaratave të fundit të dhëna nga shefi i diplomacisë shqiptare Besniki Mustafaj, se pavarësia e kushtëzuar e Kosovës është zgjidhje që shpie drejt stabilitetit.

Mediat shqiptare sot e transmetojnë edhe deklaratën e Fatmir Humoloit, njëherit nënkryetar i Lëvizjes Popullore të Kosovës, se ëshët i gatshëm të hyjë në konflikt të armatosur me secilin që do të tentojë ta mbajë Kosovën nën robëri.

"Pavarësia është zgjidhja e vetmë mbi statusin e Kosovës, e nëse ajo nuk arrihet përmes dialogut, do të ndodhë me luftë".