Deklarata e pare e Mustafait: pavaresi e kushtezuar, e dyta: me nentekstin - mos e jepni as kete te kushtezuar, se nuk garantojme per mosprishjen e kufinjve, se do te behen bashke te gjithe shqiptaret e Kosoves, Maqedonise me Shqiperine. Ky eshte nenteksti i dy deklaratave te tij. Cila eshte vlera e kesaj deklarate sot?
Nese decentralizimi, nenkupton ndarjen e Kosoves, pse u filluan bisedimet dy here rradhazi? A eshte dhene definicioni i decentralizimit dhe si parashihet te jete!
“PAVARËSIA E KUSHTËZUAR” E PENGON ZHVILLIMIN EKONOMIK TË KOSOVËS - Shkruan: Dr Bedri Selmani
“PAVARËSIA E KUSHTËZUAR” E PENGON ZHVILLIMIN EKONOMIK TË KOSOVËS
Shkruan: Dr Bedri Selmani
Para fillimit të bisedimeve ndërkombëtare për statusin përfundimtar të Kosovës, në opinionin publik ndërkombëtar dhe atë të vendit, kanë filluar spekulime të ndryshme rreth asaj se si do të zgjidhet statusi i ardhshëm dhe i vonuar i Kosovës?
Pra fjala është, prej atyre të cilët pavarësinë e shohin si zgjidhje të vetme të natyrshme, gjer te ata të cilët edhe më tutje spekulojnë në mënyra dhe forma të ndryshme kundër pavarësisë, apo varianti më i ri që është jo i natyrshëm dhe i pa aplikueshëm, zgjidhja e ashtuquajtur “pavarësi e kushtëzuar”!?.
Tërë kjo dilemë rreth statusit final nga ana ,,qendrave të vendosjes” në diplomacinë ndërkombëtare, gjendjen aktuale socio-ekonomike dhe politike të Kosovës e ka bërë të paqëndrueshme për institucionet e përkohshme të Kosovës, që në realitet mund të ketë pasoja të pakompenzueshme për qytetarët dhe perspektivën e tyre?!. Në të vërtet, këto gjenerata janë në rrezik të humbin krejtësisht mundësin e perspektivës në vendin e tyre, për shkak të papunësisë dhe krizës ekonomike që e ka kapluar Kosovën. Të vetmen mundësi qytetarët tani e kanë të ikin në ,, mënyrë ilegale” në botën e jashtme për të siguruar ,,kafshatën e gojës”, dukuri kjo e cila po merr përmasa gjithnjë e më alarmante!..
Çka në realitet po ndodhë me ekonominë e Kosovës?
Termi “pavarësi e kushtëzuar” në rend të par është mjaft i gjerë dhe i pakuptueshëm, tani për tani disa qarqe ndërkombëtare po e kuptojnë më tepër si një shenjë të re të statusit kalimtar se sa si një përmbajtje të saktë. Kjo përmbajtje pa dyshim është shprehje jo logjike dhe e panatyrshme nga aspekti juridik!?. Por,në tërë këtë një është shumë qartë rezoluta 1244 e OKB-ar është bërë e paqëndrueshme, për arsye se ajo nuk i ka dhënë rezultatet e duhura sa i përket zhvillimit ekonomik në këto gjashtë vite të kaluara, edhe pse kjo rezolutë ka garantuar zhvillimin ekonomik të Kosovës gjatë mandatit të sajë...
Ekonomisë Kosovare i ka ndodhur deindustrializimi pothuajse i të gjitha kapaciteteve ekzistuese industriale. Kurse tani po përballet me mungesë të akumulimit vendor të kapitalit (me pamundësi të marrjes së kredive të jashtme për shkak të statusit të pa definuar, UNMIK-u nuk ka mundur të garantoj për kthimin e këtyre kredive), shkallë jo reale të kamatave, me papunësi ekstreme, kurse investimet e jashtme e kanë anashkaluar ekonomin kosovare për shkak se mungon adresa e sigurisë juridike shtetërore?!.
Tërë kjo ka bërë që në Kosovë reformat e domosdoshme shoqëroro-ekonomike, ende nuk kanë filluar për shkak të mungesës drastike të mjeteve financiare. Ndërsa procesi i tranzicionit /transformimit është në ngecje të plotë, kurse pas pesë viteve të rindërtimit, (të asaj që është rrënuar nga agresori gjatë robërisë dhe luftës çlirimtare) në këtë vit Kosova do të ketë rritje ekonomike negative,(vlen të theksohet se për tu arritur prodhimi industrial i viteve të tetëdhjeta, Kosovës i duhen s’paku edhe dhjetë vite të ardhshme). Po thuajse të gjitha këto trende negative po ndodhin për shkak pse burokracia ndërkombëtare tani e gjashtë vjet ende po hamendet dhe po e zvarrit, pa nevojë, që të pranoj ndërkombëtarisht Shtetin e pavarur të Kosovës, si proces të natyrshëm, që ka ardhur si pasoj e ngjarjeve në vitet e nëntëdhjeta të shekullit të kaluar në këto hapësira, për shkak të ndryshimeve gjeo-politike dhe gjeo-strategjike. Prandaj, ,,qendrat e vendosjes” ndërkombëtare më në fund duhet ta kuptojnë që pavarësia e Kosovës duhet të zgjidhet shpejt dhe në mënyrë konkrete, sepse kjo është bërë domosdoshmëri për qytetarët e saj, të cilët gjithnjë e më shumë po tregojnë “lodhje nga pritja e kohërave më të mira” ata tani me të drejtë “po ndjehen të privuar dhe të getiizuar” nga e drejta për fillimin e zhvillimit normal shoqëror-ekonomik, për shkak të statusit ende të pazgjidhur?!
Vlen gjithashtu të theksohet se tërë kjo gjithnjë e më shumë po bien në kundërshtim, me idetë themelore të procesit objektiv të globalizmit që drejtpërdrejtë është i lidhur për konceptin “për rendin e ri botëror” i cili i ka pranuar dhe i respekton pesë vlerat themelore të cilat janë themel i lidhmërisë dhe bashkëpunimit ndërkombëtar: paqja ; e drejta për zhvillim shoqëroro-ekonomik ; respektimi i të drejtave njerëzore ; drejtpeshimi ekologjik dhe demokracia .
Pse pavarësia e plotë është çelës i fillimit të zhvillimit ekonomik?
E drejta e lirisë së vullnetit qytetar në Kosovë është në rrezik, për këtë misioni ndërkombëtare mund do ta humbë besimin e qytetarëve, po që se edhe më tutje zvarrit të drejtën legjitime për vetëvendosje për Shtetin e pavarur të Kosovës. Nga të gjitha analizat shkencore që janë bërë gjerë me tani, rrjedhë se pavarësia e plotë e Kosovës, jo që nuk paraqet rrezik për askënd por përkundrazi siguron bazën për fillimin e zhvillimit ekonomik të vendit, kurse kjo më tutje është garanci për sigurinë ushtarako- politike të rajonit, si dhe siguron funksionimin e demokracisë së mirëfilltë për të gjithë qytetarët e saj.
Prandaj, vetëm pas shpalljes dhe pranimit ndërkombëtar të Shtetit të Kosovës, mund të flasim për një fillim të zhvillimit të qëndrueshëm ekonomik. Me këtë Shteti juridik i Kosovës do të krijonte bazën e sigurisë ligjore për investimet vendore dhe investimet direkte të jashtme, të cilat do të mundësonin nxitjen e shpejtuar të zhvillimit ekonomik, punësimin, rritjen e ofertës konkurruese të ndërmarrjeve, mundësin e lehtësimit të pjesëmarrjes në burimet financiare ndërkombëtare (kredit e jashtme), tërë kjo do të ndikonte në rritjen e prodhimtarisë dhe të eksportit. Ndër të tjera, kjo do të mundësonte fillimin e ardhjes së filialeve të korporatave transnacionale, të cilat janë të domosdoshme për procesin e transformim dhe ristrukturimit modern të ekonomisë kosovare. Nuk duhet harruar që korporatat transnacionale janë aktorët global kryesor për nxitjen e hulumtimeve dhe zhvillimit, të teknologjive të reja, të veprimtarive të reja prodhuese dhe shërbyese, janë njëherit edhe bartës të rregullave të reja organizative të sjelljes. Me ardhjen e pasurisë së tyre të prekshme dhe të paprekshme të kapitalit, teknologjisë, arsimimi dhe riaftësimi i fuqisë punëtore, standardet e mbrojtjes së ambientit... Të gjitha këto në afat të gjatë munden t’i kontribuojnë fillimit të zhvillimit të ri të qëndrueshëm ekonomik të Kosovës. Mirëpo, kompanitë transnacionale investojnë vetëm në ato vende, ku ekziston adresa e funksionimit të shtetit juridik, sepse vetëm kjo garanton kapitalin e tyre.
Pavarësia e plotë e Kosovës është e vetmja terapi, që u mundëson qytetarëve të sajë të fillojnë të dalin nga varfëria dhe jo perspektiva si shkak i papunësisë së lartë. Kurse vendit i garanton zhvillim dhe dalje të sigurt nga kriza ekonomike,tërë kjo institucioneve shtetërore të Kosovës do t’ju mundëson që sa më shpejt t’i fillojnë parapërgatitjet për plotësimin e standardeve për integrim në Unionin Evropian...
Do t´i luftoj spiunet dhe tradhtaret e kombit deri ne vdekje.
Sipas tij, kjo çështje për komisionin është e mbyllur dhe ajo u mbyll edhe nga Bruskeli, pasi edhe aty nuk bën kush politikë me sajime dhe spekullime.
12:00/24.03.06 - Zogaj: Deklarata e Ministrit Mustafaj eshte tjetersuar per qellime politike
Kryetari i komisionit parlamentar të Politikës së Jashtme, Preç Zogaj, e cilësoi si të tjetërsuar deklaratën e pak ditëve më parë të Ministrit të Punëve të Jashtme, Besnik Mustafaj për çështjen e Kosovës.
Ministri Mustafaj, u paraqit në komisionin e jashtëm, me kërkesë të deputetit të opozitës, Paskal Milo, për të sqaruar këtë deklaratë. Nga zbardhja e kasetës filmike të TV Alsat, ku është bërë dhe deklarata, u kuptua se rreth saj ka një zhurmë të instrumentalizuar. Qëndrimi ndaj Ministrit është bazuar mbi tjetërsimin e fjalëve të tij, duke ndjekur logjikën e telefonit të prishur, mbi të cilën është ndërtuar e gjithë zhurma, sqaroi Zogaj pas mbledhjes së komisionit.
Duke iu referuar kasetës filmike, ai shpjegoi se fjalët e Ministrit janë e zeza mbi të bardhë. Përmes tyre ai i referohet një mëngjesi pune të vitit të kaluar, me disa përfaqësues të qendrave politikbërëse të vendeve të Europës dhe SHBA-së. Pra është një deklaratë që i referohet së kaluarës. Padyshim, që qëndrimi konstant i qeverive shqiptare të 15 viteve të fundit, i Kryeministrit aktual Berisha dhe i Ministrit Mustafaj është kundër ndarjes së Kosovës. Shqipëria e ka refuzuar këtë ndarje, ndaj dhe është pranuar si obsion. Ky është qëndrimi që mbetet, ndërsa pjesa tjetër është një instrumentalizim.
Gjithsesi, Zogaj bëri të ditur se komisioni vendosi që materialin e zbardhur të kësaj mbledhje ta vërë në dispozicion të tre deputetëve socialistë, që nuk ishin të pranishëm sot në mbledhje. Pasi të njihen me të vërtetën rreth kësaj çështje do t'i kërkoj atyre tërheqjen e rezolutës që PS ka propozuar për çështjen e Kosovës. Besoj se kjo është një zgjidhje për të dalë nga kjo spirale zhurmash që nuk i shërben askujt, tha zoti Zogaj.
Duke konfirmuar qëndrimin e mazhorancës, e cila nuk e mbështet rezolutën në fjalë, Kryetari i Komisionit të Jashtëm Parlamentar sqaroi se nuk ka sens dhe motiv për të miratuar një rezolutë. Të bësh një rezulotë në parlament ky është një akt madhor dhe jo një fjalë goje. Ne kemi bërë një rezolutë para pak muajsh për pavarësinë e Kosovës, ku kemi shprehur gjithë vizionin shqiptar për një Kosovë të pandarë, demokratike dhe europiane. Por kjo është manovër për të siluruar ministrin, tha Zogaj. Sipas tij, kjo çështje për komisionin është e mbyllur dhe ajo u mbyll edhe nga Bruskeli, pasi edhe aty nuk bën kush politikë me sajime dhe spekullime. Tani ka qartësi të plotë që Shqipëria është për pavarësinë e Kosovës unike, demokratike, europiane, multietnike, është për tre JO-të, në njërën pre të cilave ka ndikim dhe politika shqiptare.
|||Lajme.Net|||
http://www.lajme.net/lajmi.php?lajmi=0000008412
O malet' e Shqipërisë, që mbani kryet përpjetë,
Tëmerr e frikë përhapni, përpini qiejt e retë!
Porosia diplomatike e Mustafajt: po thanë grekët, hiqni
brekët!
Kur është puna të vetëveprojë për të mirën e politikës e të
diplomacisë shqiptare ministri Mustafaj nuk di se çfarë të
bëjë. Kur është puna për t’iu përshtatur politikës së
antishqiptarëve e të tjerëve e gjen menjëherë se çfarë
duhet të bëjë. Para se të udhëtonte për në Athinë për
veprimtaritë diplomatike shumëpalëshe e kemi dëgjuar Besnik
Mustafajn të shprehej për homologun e tij grek “Miku im
Moliviatis” (që sapo është zëvendësuar nga Dora Bakojanis).
Se kur ishte bërë mik me atë grek nuk e kemi marrë vesh dhe
nuk ka rëndësi ta dimë, sepse po e quajmë se Besniku ka
përdorur këtë shprehje për elegancë diplomatike, meqenëse
Shqipëria dhe Greqia janë vende fqinjë dhe shqiptarët e
grekët janë siç titullohet një libër i Enverit i botuarnga
Sofokli Lazri “Dy popuj miq” ( me thonj grekë në fytin
shqiptar).
Shpresojmë se do të shpëtojmë nga bezdia që Besniku të
shpehet “mikesha ime Bakojanis”, sepse do të dijë ta
përmbajë veten tani që është bërë publike në gazetë
besnikëria që ka në shtëpi. Por nuk shpresojmë se Besniku
do të heqë dorë nga melodia e fjalët e këngës “mirë me
serbët, mirë me grekët...”, sepse pa dashamirësinë e
Greqisë ka kohë që nuk zihet e nuk mbahet posti i ministrit
të jashtëm të Shqipërisë. Deri tani edhe grekëve Besniku
ua ka dhënë provat e duhura. Gazeta “Korrieri”e datës 12
tetor 2005 botonte lajmin “Mustafaj: shkollë greke në
Himarë”. Jo më vonë se 3 muaj pas këtj lajmi shkolla greke
në Himarë u përurua, madje nën tingujt e himnit grek, nën
valëvitjet e flamujve grekë dhe nën britmat e grekomanëve
himariotë dhe të grekëve të ardhur nga Greqia “Himara është
Greqi” dhe “Duam bashkim me Greqinë”.
Ministri i jashtëm i Shqipërisë, Besnik Mustafaj, që është
shumë i shqetësuar se mos ndryshohen kufijtë e Ballkanit
kur të bëhet Kosova shtet i pavarur nuk është merakosur
fare për këto provokime greke, se për kozmopolitizmin e tij
ato janë në rregull. Kujtuam se Besniku do ta kalonte në
heshtje për një kohë këtë episod se do të ndjehej në
vështirësi. Por u gabuam. Besniku duket i gëzuar dhe i
kënaqur që ka ndodhur kështu, sepse po përmbushen premtimet
e tij. Ai ka deklaruar në “Standard”: “E kam thënë qysh në
tetor (2005) se do të punojmë për hapjen e shkollave
(greke)...Ekziston në Tiranë shkollë greke. Pse duhet të
ketë në Tiranë dhe jo në Himarë, apo në Korçë”. Ama duhet
të përgjigjet pse nuk ka shkolla shqipe në Çamëri, në
Selanik, në Athinë, në ishujt grekë.
Në qershor të vitit 1993 në një pritje të shtruar nga
ish-presidenti i Turqisë, Sulejman Demirel, për
delegacionet parlamentare qeveritare në takimin e vendeve
të Detit të Zi në kopshtin “Dollma Bahçe” në Stamboll më
është dashur të grindem ashpër me deputetin grek Efremolu
që kërkonte shkolla greke deri në vendlindjen e Sali
Berishës, por e quante të pamundur të hapeshin shkolla
shqipe në Greqi se vetë shqiptarët, sipas tij, nuk e
kërkonin dhe nuk e donni një gjë të tillë. Kur pyeta
ministrin e jashtëm të Rumanisë që ndiqte debatin se a
besonte që mund të ketë njerëz në botë që nuk dashkan
shkollë në gjuhën e tyre, nënqeshi me ironi. Po ja që një
ministër i jashtëm në Shqipëri tani e quan normale që për
grekofonët e jo grekët të hapen shkolla greqisht në katër
anët e Shqipërisë, pa kurrfarë reciprociteti për shqiptarët
në Greqi.
Atëherë Efremolu ishte i inatosur me kryeministrin
Aleksandër Meksi se gjatë vizitës në muajin maj 1993 në
Athinë nuk kishte premtuar të plotësonte kërkesën greke për
shkollë greke në Himarë dhe prandaj vizita e Meksit ishte e
dështuar (mbeti pa u nënshkuar Traktati i Miqësisë,
natyrisht jo thjesht për këtë). Iu përgjigja se unë Meksin
nuk e kisha fort qejf, por tani u dashka ta respektoj më
shumë.
Atë që nuk pati guxim ta bënte një bir oficeri grek nga
Lunxhëria e Gjirokastrës e bënë fët e fët në vitin 2006 dy
burra nga Malësia e Gjakovës, Sali Berisha dhe Besnik
Mustafaj. Madje Besniku me mburrje shprehet se gjatë
qeverisjes së parë të PD-së ( Berisha-Meksi kur Besniku nuk
ishte ministër i jashtëm, por ambasador në Paris) të dy
palët, grekët e shqiptarët kanë treguar ”papjekuri e
nervozizëm arkaik të tejkaluar në pjesën tjetër të
Europës”. Tani kemi Besnikun që tejkalon çdo kufi në
nëpërkëmbjen e të drejtave e të dinjitetit kombëtar
shqiptar që të duket modern para asaj pjesës tjetër të
Europës dhe grekët ta marrin me sy më të mirë se birin e
ish-oficerit të tyre Aleksandër Meksin.
Kjo ndodh për arsyet që ka theksuar Henri Çili në shkrimin
”Vasil Bollano, misioni i përkëtej detit” (“Standard” 1
mars 2006) : “Nga viti 2000 Berisha nis e adopton një
qëndrim të ri, sekreti i të ciit ishte “bëj një hap më
shumë se kundërshtari”. Kjo do të thotë se Berisha përkrahu
shënimin e kombësisë në regjistrimin e popullsisë, ftoi
partinë e minoritetit (grek) në koalicion, derisa arriti...
në gjëra të paimagjinueshme 5 vjet më parë”. E
paimagjinueshmja është strategjia: bëj një hap më shumë se
vetë grekët në greqizimin e Shqipërisë. Këtë “fillim të ri”
e çon edhe më përpara ministri i jashtëm I Berishës, po
tropojan, Besnik Mustafaj. Ai po tregon zell të bëjë jo një
por dy e më shumë hapa para grekëve në greqizimin e
Shqipërisë. Besnik Mustafaj këtë e quan me cinizëm mbrojtje
të interesave kombëtare të Shqipërisë me politikë
kozmopolite ndaj Greqisë. Bravo Besnik!
Logjika e Besnikut është vërtetë e lezetëshme për një që
hiqet si kozmopolit shqiptar por bën atë që kërkon
nacional-shovinizmi grek ”kur ka shkollë greke në Tiranë,
pse të mos ketë në Himarë”. Në Tiranë nuk ka pasur shkollë
greke, dikush e hapi vitet e fundit. Tani me këtë pretekst
Besniku do të hapë shkolla greke të mbushë Shqipërinë.
Ndoshta ëndërron të hapë një të tillë dhe në fshatin e tij
të lindjes në Tropojë. Në Tiranë nuk kishte Anastas
Janullatos. Ramiz Alia, Fatos Nano, Sali Berisha,
Aleksandër Meksi e sollën “përkohësisht”. Dhe na mbeti
këtu, do të na vdesë këtu dhe do ta varrosin këtu që ta
përdorin si Shën Kozmanë për të mbështetur greqizimin e
Shqipërisë nëpërmjet ortodoksisë. Meqenëse është një
Janullatos në Tiranë duhet të ketë priftërinj grekë në
gjithë Shqipërinë? Në Tiranë kishat ortodokse, madje dhe
ajo e zaptuar nga Janullatosi janë ndërtime në stil
shqiptar. Tani Janullatosi po ndërton katedralen e madhe
ortodokse të stilit grek në qendër të Tiranës. Pas disa
vitesh ndonjë Besnik i tij mund të dalë të thotë se kur një
e tillë është në Tiranë pse të mos ketë edhe në Tropojë.
Po Tropoja e Salës dhe Nikut ku do përfundojë? Apo ajo ka
prapa shpine Kosovën dhe shpëton? Logjika që përdor
Mustafaj në intervistën në “Standard” është në frymën e
atij palolibrit “Nacional-islamizmi shqiptar, Baleta e
Feraj”, botuar nën autorsinë e Kastriot Myftarajt në vitin
2001 që kërkonte hapje dyersh për helenizimin e Shqipërisë
së Jugut. Nga intervista e Besnikut del dhe një element
tjetër që dëshmon se cilët janë autorët e vërtetë të
palolibrit për pjesën diplomatike.
Mustafaj ka nevojë për kualifikim diplomatik për fillestarë
Një tjetër gazetë e Tiranës më 25 shkurt 2006 botonte
shënimin “Mustafaj informon ambasadoren amerikane për
vizitën në SHBA”, Fillimisht kujtuam se titulli i
papërshtatshëm ishte ngatërresë nga pakujdesia e gazetarit.
Por edhe në tekst thuhej se dy ditë më parë Besnik Mustafaj
kishte pritur ambasadoren amerikane në Tiranë për ta
informuar për vizitën e Besnikut më 13-15 shkurt në SHBA në
kuadër të takimit të komisionit të partneritetit të Kartës
së Adriatikut dhe takimet dypalëshe me zyrtarë amerikanë.
Njoftime të tilla ambasadores amerikane ia bën Departamenti
i Shtetit i SHBA. Nuk kishte përse t’i bënte ministri i
jashtëm i Shqipërisë, kur veprimtaritë ishin bërë në
Amerikë, jo në ndonjë vend tjetër, apo në Tiranë. Ndoshta
Mustafaj ka dashur t’i dëshmojë ambasadores sa ka mësuar
nga leksionet në Amerikë! Mënyra si ka folur Besniku në
intervistën në “Standard” të çon në një mendim të tillë.
Mbase kur të fillojë ajo Akademia diplomatike edhe këto
gjëra do t’i ketë më të qarta Besniku. Duhet të urojmë që
kjo Akademi të jetë vërtetë diçka e mirëorganizuar që të
paksohen shkaset që në shtypin e Tiranës të shkruhen
artikuj si ai me titull “Zvetënimi i diplomatëve” ( e
përjavshmja “ABC” 4 shkurt 2006)., ku autorja thekson se
nëpër korridoret e Ministrisë së Jashtëme dëgjohen
nëpunësit të shprehen “ka ikur koha e atyre burrave” (të
diplomatëve të parë të shtetit shqiptar pas pavarëisë) dhe
“shqiptarët e fillimit të mijëvjeçarit janë bërë më
pragmatistë dhe më pak të kujdesshëm kur është fjala për
përfaqësimin e vendit të tyre”. Edhe pse nostalgjia për të
shkuarën ka zakonisht dozat e saj të teprimit është e
vërtetë se Shqipëria në periudhën midis dy luftrave
botërore përfitoi shumë nga shërbimi diplomatik i një numri
të kufizuar kuadrosh të përgatitur jashtë vendit më parë.
Edhe pse diplomacia shqiptare e periudhës së komunizmit
pati kufizimet e saj, ajo ngriti dhe u mbështet në një
strukturë të qëndrueshme, të cilës nuk i mungoi dinjiteti
në përfaqësimin e shtetit.
Pas 15 vitesh zhvillimesh demokratike është turp që
shërbimi diplomatik shqiptar të jetë në kaos, që drejtuesit
e këtij shërbimi të bëjnë gafa që turpërojnë vendin e
kombin, siç ishte rasti i trajtimit të “përvetësimeve” në
ambasadën në Uashington, i trajtimit të emërimit të një
ambasadoreje po në Uashington, apo i një përfaqësuesi në
OKB etj. Është vertetë turp që për vite të tërë nën
qeverisjen socialiste agrementi për ambasadorët qenka
kërkuar pasi kryetari i shtetit nxirrte dekretin e
emërimit. Kjo është fyerje e rëndë për vendin pritës, që
vihet kështu para faktit të kryer. Le t’i bëjnë si të duan
rregullimet për emërimin sipas legjislacionit të vendit,
por praktika dhe etika ndërkombëtare diplomatike kërkon që
më parë të merret pëlqimi i vendit pritës, pastaj të
përfundohet publikisht emërimi i ambasadorit. Këtë Mustafaj
e rregulloi.
Shqipëria ka ambasada e ambasadorë, ka personel diplomatik
në Ministrinë e Jashtëme. Po këta nuk ndjejnë ndonjë
përgjegjësi morale e profesionale për këto që ndodhin?!. Të
gjithë këta shkokan sipas filozofisë së Nastradinit “zjarri
t’i bjerë diplomacisë”, veç larg prapanicës së karrierës e
përfitimve të mia?!
5 mars 2006
Abdi Baleta
Postuar më parë nga ARIANI_TB
Dicka qe e thashe edhe ne nje forum tjeter shqiptar.
SHBA-ja ka interes qe te kete ca rremuje ne Balkan, ne fund te fundit historia perseritet (turqit e kishin perca e sundo).
Kjo ama nuk i jep te drejte Ministrit tone te beje keshtu gomarlliqesh para se gjitheve. Preteksti nuk eshte njesoj me arsyen por prape punen e ben, biles ca here edhe me mire. Ky Minister jo shume i ndritur tani i jep pretekse sa te duash te gjitheve. Nje analogji do te ishte "Nuk luhet me zjarrin kur nuk e di se ku eshte bidoni i vajgurit".
Pavaresia e Kosoves duket se po vjen por mendimi im nuk eshte "bashkimi" fizik i trojeve shqiptare. Kjo do te ishte nje hap i nxituar dhe rrjedhimisht i gabuar. Nqs ne duam te ecim perpara duhet te ndihmojme njeri tjetrin ekonomikisht dhe te mos behemi skllever ekonomik te fqinjeve.
Te tjerat vijne vete...
S'keni pse ti suleni Z. Mustafajt.
Ai ben tha dicka qe nuk duhej thane. Jane edhe vete zyrtaret nderkombetare qe nuk garantojne se cfare do te ndodh ne rast te ndarjes territoriale te Kosoves.
Talent wins games, but teamwork wins championships.
Micheal Jordan
Jam darkord me ate, as nderkombtaret nuk po thojne gje por ky eshte koka e diplomacise shiptare dhe ben keshtu gjerash. Nuk eshte se tha vetem nje gje qe nuk duhet thene. Ai tha shume me teper dhe nga rendesia ato kursesi nuk mund te neglizhohen.
Ndryshuar për herë të fundit nga Kinezi : 30-03-2006 më 12:53
Regullat e Postimit
Përgjigju Duke Cituar
Krijoni Kontakt