Mustafaj: Kosovës t'i jepet pavarësia e kushtëzuar

[Davius]

E Premte, 09 Shtator 2005

Vetem dy dite pas votebesimit te qeverise se tij, Berisha fillon mandatin me pjesemarrjen ne Samitin Boteror te OKB-se, ku do te mblidhen, ne nivelin me te larte, 170 krere shtetesh dhe qeverish, nder te cilet dhe Bush, i cili organizon nje pritje private per te gjithe

Ernest Bunguri

Mandati i Qeverise Berisha pritet te filloje me kembe te mbare, te pakten per kreun e qeverise, i cili votebesohet sot, maksimumi neser, nga Kuvendi shqiptar. Fill pas marrjes se mandatit, Sali Berisha do te largohet jashte atdheut, jo me pushime, por per te marre pjese ne takimin e nivelit me te larte qe zhvillon Organizata e Kombeve te Bashkuara ne Nju Jork. Me 14, deri me 16 shtator, Alfred Moisiu, Sali Berisha dhe Besnik Mustafaj, do te perfaqesojne keshtu Shqiperine ne takimin, qe mbledh per here te pare, plot 170 krere shtetesh dhe qeverish, nder te cilet, sigurisht ato me te rendesishmit, ne seline e OKB-se.

Pas samitit te Sarajeves ne vitin 1999, ku Mejdani, Majko dhe Milo ishin ne nje salle me Klintonin, ky eshte edhe takimi i dyte, jo i te njejtit nivel, ku tre drejtuesit me te rendesishem te diplomacise shqiptare, pritet te jene ne te njejte salle me Bushin. E rendesishme, pervec seriozitetit te pamohueshem te nje takimi te tille, edhe kur dihet se cfare shkakton per shqiptaret, qofte edhe nje foto e lidereve tane me Presidentin Amerikan.

I ftuar prej kohesh nga kjo organizate, kryesuesi i delegacionit, Presidenti i Republikes, deri para disa ditesh, nuk e kishte plotesuar akoma mire listen e anetareve te tjere te perfaqesuesve shqiptare, megjithese ne ftese perfshiheshin edhe Kryeministri dhe Ministri i Jashtem i vendit. Ky i fundit, Besnik Mustafaj, konfirmoi para dy-ditesh pjesemarrjen e tij ne kete samit te rendesishem, i shtyre dhe nga bindja e plote, qe qeveria e re dhe posti i tij, do te konfirmohen dhe votebesohen ne Kuvend, para dates se nisjes per ne Nju Jork. Nderkohe qe, Sali Berisha nuk kishte vendosur ende ne do te merrte pjese apo jo, deri dje, kur pjesemarrja e tij u konfirmua nga zyrtare te larte te Partise Demokratike.

Nga ana e Presidentit, para ketij konfirmimi, rezerva kryesore ishte, fillimisht vonesa dhe zvarritja e procesit zgjedhor, gje qe rrezikonte te linte vendin pa qeveri dhe kryeminister, deri ne kete date. E per te mos i bere qejfin askujt, ne menyre qe askujt te mos i mbetej hatri, fillimisht kishte vendosur te niset, si perfaqesuesi i te vetmit institucion shqiptar. Kjo duke pasur parasysh, qe votebesimi i vonshem i qeverise do te kishte bere qe ligjerisht, te ishte Fatos Nano kryeministri i vendit. Nderkohe qe para 14 shtatorit, kryeminister megjithe kabinet dhe mandate, konfirmohet vetem Berisha. Ky i fundit, se bashku me Mustafaj, gjate samitit shoqerojne Presidentin e Republikes, i cili ne rolin e kreut te delegacinit, eshte i vetmi nga te tre qe do te mbaje fjalen, duke perfaqesuar Shqiperine. Por takime te tilla, per kryeministrin e sapozgjedhur, jane nje shans i vertete per shtrengime duarsh dhe lidhje kontaktesh me krere shtetesh dhe qeverish, te cilet mblidhen se bashku ne sallonet, korridoret, dhe sallat e ndryshme te Selise se OKB-se ne Nju Jork. Sipas zyrtareve te PD-se, Moisiu dhe Berisha do te largohen nga samiti, ne perfundim te dy diteve te takimit te nivelit te larte. Nderkohe qe Besnik Mustafaj, ministri i jashtem i vendit, do te qendroje dhe perfaqesoje Shqiperine ne Asamblene e Pergjithshme, qe zgjat deri me 22 shtator.

Cfare synon samiti i OKB

Samiti Boteror 2005, qe mbahet me 14 deri me 16 shtator ne Seline e Organizates te Kombeve te Bashkuara ne Nju Jork, bashkon kesaj rradhe, ne nje rekord historik, 170 shefa shtetesh dhe qeverish nga i gjithe globi. Nje rast ky per te marre vendime ne fushat e zgjedhura nga Kofi Anan, Sekretari i Pergjithshem i organizates, dhe qe kane te bejne me zhvillimin, sigurine, te drejtat e njeriut, por edhe me reformen e vete Organizates te Kombeve te Bashkuara. "Samiti boteror do t'i ofroje vendeve te Botes, rastin e rralle per t'u bashkuar kunder kercenimeve te renda qe peshojne mbi te gjithe dhe qe kerkojne zgjidhje kolektive dhe energjike", nenvizon Kofi Anan, ne lidhje me kete takim te nivelit te larte. "Ky samit do te ofroje gjithashtu, rastin per ringjalljen e OKB-se, duke qene me nje fjale, rasti per t'u kapur, per te tere njerezine", fton Anan.

Bush, pritje private lidereve

Zyra e informacionit e Presidentit Amerikan, ne nje komunikate per shtyp te shperndare dje, ka konfirmuar, se Presidenti Xhorxh Bush do te marre pjese ne Samitin Boteror te OKB-se per kete vit. Pervec kesaj, nga komunikata mesohet se ky i fundit do te mbaje edhe nje pritje private per lideret e pranishem ne Nju Jork, ne pasditen e 13 shtatorit, nje dita para celjes se samitit. Ne kete te fundit, dhe ne pjesen e fjalimeve te nivelit te larte, Bush do te mbaje fjalen e tij, pikerisht pas hapjes se takimit te Asamblese te Pergjithshme. Njoftohet se Presidenti amerikan do te theksoje angazhimin e SHBA-ve ne nje axhende te zgjeruar nderkombetare, e cila lidhet me lirine, demokracine, tregetine dhe zhvillimin si dhe me sigurine

[GWENI]

Kreu i shtetit shqiptar tha në OKB se terrorizmi nuk ka lidhje me besimin

Presidenti i Republikës, Alfred Moisiu, në fjalën e mbajtur në takimin e OKB, ka vlerësuar se, pavarësia e Kosovës është zgjidhja më e mirë për rajonin dhe qytetarët. Në fjalën e tij, Moisiu është përqëndruar në luftën kundër terrorizmit, ku theksoi se nuk duhet pritur që terrorizmi të godasë, por duhen marrë masa për parandalimin e tij. Presidenti ka hedhur poshtë çdo ide për lidhje me terrorizmin dhe përplasjen e qytetërimeve. “Shqipëria bashkohet me vendet e tjera të të njëjtit mendim në dënimin e ashpër të terrorizmit në të gjitha mënyrat e paraqitjes së këtij fenomeni, si një nga kërcënimet më serioze për paqen dhe sigurinë ndërkombëtare. Ne jemi të mendimit që ne nuk duhet të presim që terrorizmi të na godasë, në të kundërt, ne duhet të forcojmë bashkëpunimin dhe të krijojmë institucione të fuqishme në mënyrë që të jenë gati për t'u kundërpërgjigjur me shpejtësi dhe vendosmëri. Ne përsërisim idenë e hedhjes poshtë të çdo lidhjeje midis terrorizmit dhe përplasjes së qytetërimeve, besimeve fetare dhe jemi të bindur se duke forcuar dialogun, duke zgjeruar mirëkuptimin midis civilizimeve dhe duke parandaluar diskriminimin dhe diferencat fetare dhe kulturore, do të rrisim luftën ndërkombëtare kundër terrorizmit”, tha Presidenti në fjalën e tij. Presidenti Moisiu ka marrë fjalën dhe në takimin e Byrosë së Këshilliti Ekonomik dhe Social (ECOSOC), gjatë të cilit është shprehur në favor ë reduktimit të varfërisë dhe të arritjes së objektivave të mijëvjeçarit. “Në botën e sotme të ndërvarur është e drejtë dhe nevojshme të konsiderojmë që zhvillimi, siguria kombëtare dhe të drejtat e njeriut janë të ndërthurura e të ndërvarura. Ato përbëjnë gjithashtu shtyllën kryesore të sistemit të OKB-së. Në këtë kontekst, ne njohim rolin thelbësor të ECOSOC-ut në procesin e zbatimit të objektivave të miratuara ndërkombëtarisht, përfshirë OZHM në reduktimin e varfërisë, në promovimin e rritjes së qëndrueshme ekonomike, zhvillimin e qëndrueshëm dhe begati globale për të gjithë”, tha Presidenti Moisiu. Më pas, kreu i shtetit shqiptar ka zhvilluar një takim me homologun bullgar Parvanov, me të cilin ka diskutuar mundësinë e realizimit të një Shengeni rajonal.

[Iliriani]

Zeri Amerikes

"Pas takimit, sipas komenteve të shtypit serb, zoti Drashkoviç ka shprehur pakënaqësi me qëndrimin tuaj, që Beogradi dhe Tirana të qëndrojnë jashtë bisedimeve për statusin e Kosovës. Sa të thella janë mosmarrëveshjet midis Tiranës dhe Brogradit? "


Mustafaj: Imazhi i Shqipërisë përmirësohet përmes ndryshimit të realitetit
Intervistoi: Arben Xhixho
21-09-2005



Zëri i Amerikës: Zoti Mustafaj, vizitën tuaj të parë si Ministër i Jashtëm i qeverisë së Kryeministrit Berisha ju e bëtë në Nju Jork, ku për vetë natyrën e aktivitetit, patët mundësi të takoheni me shumë homologë. Cila ka qënë tema e këtyre takimeve?

Besnik Mustafaj: Takimet kanë patur dy objektiva kryesore, së pari njohja personale, pasi është e nevojshme një njohje personale me homologët me të cilët ne do të punojmë këto vite si Ministri e Jashtme dhe unë si drejtues i këtij institucioni dhe e dyta njohja e drejtëpërdrejtë e këtyre personaliteteve me programin e qeverisë dhe angazhimet imediate dhe afat-mesme të saj për të realizuar ato pikësynime të shpallura gjatë fushatës elektorale. Kam patur dy lloj takimesh, një kategori kanë qënë ato me organizatat ndërkombëtare, me drejtues të organaizatave, apo strukturave ku Shqipëria bën pjesë, me të cilat punon për integrimin e saj. Një takim i rëndësishëm ishte ai me Nicholas Burns (Nën Sekretar Amerikan i Shtetit) së bashku me ministrat e jashtëm të Maqedonisë dhe Kroacisë për Kartën e Adriatikut. Takim i rëndësishëm ishte me Kai Aide. Po ashtu pata takime me shumë ministra të jashtëm, por doja të veçoja rëndësinë që patën takimet me Ministrin e Jashtëm grek, me atë italian e holandez, me Ministrin Britanik për Çështjet Evropiane, me Ministren e Maqedonisë, pra me një numër ministrash, që janë faktorë të rëndësishëm për të ardhmen e afërt të Shqipërisë.

Zëri i Amerikës: Zoti Mustafaj, ju e keni vlerësuar punën e qeverisë së mëparshme në politikën e jashtme dhe keni theksuar se edhe përparësia juaj do të jetë e njejtë, integrimi i Shqipërisë në strukturat euro-atlantike. Këto ditë aleanca e Natos bëri të ditur se nuk do të ketë zgjerim të paktën deri në vitin 2008. Si e pritët ju këtë njoftim, i cili u dha disa ditë para fillimit nga detyra të qeverisë tuaj?

Besnik Mustafaj: Ka dy gjëra që duhen veçuar nga njëra tjetra. Për ne integrimi në Nato mbetet një objektiv strategjik i rëndësisë së veçantë. Aspekti i parë është reforma që duhet të kryejmë ne në Shqipëri, jo vetëm në nivelin e reformimit të ushtrisë dhe përshtatjen e ushtrisë për të qënë e denjë si anëtare e Natos, por edhe një sërë reformash të tjera, më të gjera, të karakterit politik e juridik, sepse integrimi në Nato ka një aspekt politik, ka edhe një aspekt ushtarak. Ne do të vazhdojmë me të njejtën këmbëngulje, me të njejtin seriozitet, siç edhe kemi deklaruar, punën për kryerjen e gjithë reformave. Aspekti i dytë është kalendari që ka vetë Natoja. E rëndësishme për ne është që të mos bëhemi pengesë, që të mos bëhet qeveria pengesë për integrimin e Shqipërisë në Nato. Ne, natyrisht me miqtë amerikanë, me miqtë e tjerë, vende të tjera anëtare të Natos, do të jemi në kontakte të vazhdueshme për të parë të gjitha mundësitë e përshpejtimit të këtij ritmi.

Zëri i Amerikës: Zoti Mustafaj, shumë vetë kanë thënë se Shqipëria ka një problem imazhi në botë. Ju e keni pranur këtë konstatim. Cilat janë shkaqet e këtij imazhi dhe a mendoni se është një problem i kapërcyeshëm? Çfarë përparësie do të ketë kjo çështje në punën tuaj si Ministër i Jashtëm?

Besnik Mustafaj: Ka një problem imazhi, një problem mjaft serioz, por në konceptin tim, përmirësimi i këtij imazhi nuk është çështje retorike. Gabimi që unë mendoj se është bërë në të kaluarën ndaj këtij problemi, është se ai shihej kryesisht si një problem retorike, apo paraqitjeje. Problemi i imazhit të Shqipërisë buron nga problemet që ka patur në Shqipëri. Shqipëria është e damkosur si një vend korrupsioni, si një vend i krimit të organizuar, si një vend ku shteti ligjor nuk funksionon sa duhet, si një vend ku zgjedhjet e lira kanë qënë në limitet e cungimit të tyre thelbësor. Pra përmirësimi i këtij imazhi, në konceptin tim, përfundon tek lufta kundër këtyre fenomeneve negative në Shqipëri. Në momentin që realiteti shqiptar do të jetë ndryshte, atëhere diplomacia shqiptare dhe strukturat e tjera politiko-diplomatike dhe kulturore që ka Shqipëria, qeveritare dhe jo qeveritare, do të kenë ç’të paraqesin jashtë. Unë jam i bindur se imazhi i Shqipërisë përmirësohet përmes ndryshimit të realitetit. Këtu dhe vetëm këtu, duhet të jetë e përqëndruar puna e qeverisë shqiptare dhe e diplomacisë, që duhet të jetë në shërbim të kësaj pune, që do të kryhet në Shqipëri. Unë nuk mendoj se duhen fajësuar të tjerët përse Shqipëria ka imazh të keq. Të tjerë mund ta kenë zmadhuar për arësye të mosnjohjes sa duhet, apo për arësye të tjera, por faktet kanë qënë të tilla, që nuk kanë lejuar shumë ngjyrosje të këtij imazhi.

Zëri i Amerikës: Zoti Mustafaj, në Nju Jork këto ditë ju jeni takuar edhe me Ministrin e Jashtëm të Serbisë dhe Malit të Zi, Vuk Drashkoviç. Pas takimit, sipas komenteve të shtypit serb, zoti Drashkoviç ka shprehur pakënaqësi me qëndrimin tuaj, që Beogradi dhe Tirana të qëndrojnë jashtë bisedimeve për statusin e Kosovës. Sa të thella janë mosmarrëveshjet midis Tiranës dhe Brogradit?

Besnik Mustafaj: Nuk ka marrëveshje, sepse për fatin e Kosovës nuk vendos as Tirana dhe as Beogradi. Për këtë të jemi të qartë. Unë pata një bisedë, mendoj të dobishme me zotin Drashkoviç. Ishte një bisedë e gjatë, por e dobishme, që u përqëndrua në një shkëmbim pikëpamjesh në përgjithësi. Në radhë të parë unë insistova që të flisnim për të ardhmen e marrëdhënieve midis dy vendeve tona. Është bërë një punë e rëndësishme. Janë bërë hapa të rëndësishëm në normalizimin e marrëdhënieve midis dy vendeve dhe unë i shpreha zotimin e plotë të qeverisë shqiptare, që kjo bazë e krijuar të pasurohet në mënyrë të ndjeshme dhe me shpejtësi. Janë një numër marrëveshjesh që presim të negociohen dhe të nënshkruhen midis dy vendeve. Ne jemi plotësisht të vendosur t’i nënshkruajmë këto marrëveshje në interes të të dyja palëve. Marrëveshje të karakterit politik, ekonomik e kulturor dhe më gjerë. U fol për Kosovën. Unë i bëra analizën time zotit Drashkoviç, duke thënë se në qoftë se çështja e Kosovës bëhet një problem i brendshëm për Shqipërinë, ose për Serbinë, atëhere do të jetë shumë më e vështirë zgjidhja e tij, pasi opinioni publik ka peshën e tij mbi vendimet e politikanëve. Unë i bëra thirrje atij për realizëm në veprimet diplomatike dhe në përgjithësi në politikën e jashtme. Dhe realizmi të çon tek fakti se faktorët kryesorë në Kosovë janë institucionet e Kosovës, UNMIK-u, Grupi i Kontaktit dhe institucionet e tjera ndërkombëtare. Midis tyre duhet të zgjidhet çështja e statusit.

--------------------------------------------------------------------------------

[GWENI]

Shefi i diplomacisë së Shqipërisë, Besnik Mustafaj, ka kërkuar që Kosovës t'i jepet një pavarësi e kushtëzuar nga unioni SMZ, ndërkohë që homologu i tij serb, Vuk Drashkoviq, ka shprehur befasinë që Shqipëria e ka ndryshuar politikën e saj dhe angazhohet për pavarësinë e Kosovës.

[Michigan2005]

Qe duhet ti jepet nje pavaresi e kushtezuar eshte dicka qe kane thene disa diplomat edhe nga vende te tjera te botes. Pra, kjo nuk eshte asgje qe duhet te habisi Drashkovic-in kur kjo kerkes vine nga nje perfaqesues i Shqiperise.

Puna eshte, cfare mund te thot tjeter Mustafaj (a kerkon ai nje kohe specifike per kete vendim, dhe cfare konsiderohet e kushtezuar...)? Sa mund te ndikoje vertete Shqiperia?

[ideus]

Kjo eshte diplomacia shqiptare, po pse nuk e thot qarte Mustafaj se cdo zgjidhje tjeter pervec pavarsise eshte kunder vullnetit te shumices kosovare, andaj eshte koha t'u njihet e drejta per vetvdendosje shqiptareve te Kosoves.
Kushtezime kemi pas neper shekuj, c'na duhen kushtezimet ne kete fryme moderne sot.
Per mendimin tim, me efektiv ne qarqeyt nderkombetare do te kishte qene nje deklarim i Mustafajit me fjalet: "Shteti shqiptar eshte i gatshem ta njohe shtetin e ri te ardhshem te Kosoves dhe te bashkpunoj me te njesoj si me shtetet tjera fqinje. Per paqe ne Ballkan dhe ne Evrope e bote, te njejten gje lus ta bejne edhe homologet tane ne Beograd, ne menyre qe t'u japin mundesin serbeve qe jetojn ne Kosove te pajtohen me realitetin, te inkuadrohen ne institucione dhe ne rrjedhen e jetes ne pergjithesi."
Ky deklarim i Mustafajit rreth pavarsise se kushtezuar i bie, si thot populli: "Edhe po du, edhe s'po m'len nena".

[Michigan2005]

Sigurisht qe te gjithe ne si shqiptare do te donim qe Mustafaj te shprehej ashtu sic keni then dhe ju. Por, problemi eshte se shqiperia nuk eshte ne gjendje sot te beje deklarata te tilla.

Korrupsioni, varferia, ekonomia ne pergjithesi (papunesia, niveli ulet i arsimit) e shume e shume arsye te tjera qe jane sigurisht edhe te lidhura me njera tjetren e bejne Shqiperine te varur te bota sot nese duam te shohim permiresim. Ne kete menyre politika shqiptare peson nje ndikim te menyra se si shprehet per ceshtje kryesore qe kane te bejne me rajonin ne pergjithesi.

Nuk ka shume mundesi Mustafaj, i sapo ardhur, per vendimarrje apo ndikim kur vjen puna te statusi i kosoves. Edhe nese nxjerr nje diplomat per te sqaruar se ka avantazhe per rajonin duke i dhene kosoves pavaresi, mund te dali homologu i tij nga nje shtet tjeter dhe te tregoj "disavanazhet". Kuptohet qe historikisht, "vendet e tjera" te botes kane patur nje ndikim me te madhe te grupet nderkombetare vendimarrese (per kete mund te ekzistojn shume arsye, por ndoshta nje nga ato arsye eshte pikerisht stabiliteti ne vete keto vende).

Duke patur parasysh pengesat per pavarsine e kosoves, une do isha kenaqur sikur te realizohej nje pavaresi e kushtezuar ne te ardhmen e shpejt, sepse gradualisht edhe kushtet mund te zvogelohen duke ecur perpara...

[ideus]

Ke te drejte plotsisht. Mirepo, bota e di se jemi te nje gjaku, kemi te njejten gjuhe e kulture dhe nje pronocim i Mustafajt per nje Pavarsi te plote si te vetemen zgjidhje te domosdoshme per paqe ne rajon, bota do ta kishte marre lehte, si nje klithme nga nje vella me krah te thyer qe ben perpjekje ta ndihmoje vllain tjeter te dale ne krye te qellimit.

[Michigan2005]

Arian, une dhe ti e dime mire se jemi nje gjak dhe nje popull qe flet te njejten gjuhe. Mirepo per boten, nuk mjafton vetem gjaku dhe gjuha per te cilesuar nje Kombe (sepse nese do te mjaftonte vetem gjaku dhe gjuha atehere Shqiperia dhe Kosova do te ishin bashkuar me kohe). Dhe ka versione te ndryshme te menyres se si identifikohet nje Kombe (nation).

Dalin pengesa per hire te minoritetit serb ne kosove, dalin pengesa per hire te frikes qe mund te kene fqinjet e shqiptareve nese kosova fiton pavaresine. Frike se Kosova dhe Shqiperia mund te bashkohen dhe te behen nje kombe me i fuqishem.

Mustafaj po tregohet i kujdesshem dhe njekohesisht kerkues. Ne fakt, po vepron tamam ashtu si duhet te veproj nje politikan qe perfaqeson popullin e tij, sidomos tani si fillim.

Le te shpresojm se do te kete suksese ekonomiko-politike-shoqerore ne Shqiperi dhe Kosove. Sepse nese vertete shohim suksese, atehere e ka shume me te veshtire bota te ndali mardheniet e natyrshme midis shqiptareve te shqiperise edhe te shqiptareve te kosoves. Duke patur suksese ne keto pika, atehere do te vi dhe ai sukses ne lidhje me vendet e tjera te europes.

Mireqenia ekonomike krijon nje situat shume te favorshme per te gjithe, prandaj eshte dicka qe duhet te synojn politikanet shqiptare ku do.

Ju pershendes.

[tani_26]

Mustafaj:Prioritetet e politikës së jashtme

Z.Mustafaj: pavarësia e Kosovës është zgjidhja më e qëndrueshme


Ministri i Jashtëm i Shqipërisë, Besnik Mustafaj, në një intervistë për BBC-në deklaron se Politika e Jashtme e deritanishme e qeverive të majta ka qënë e drejtë dhe se në të nuk ka ndonjë gjë për të korrigjuar.


Duke folur për piketat kryesore të kësaj politike, zoti Mustafaj nënvizon diplomacinë ekonomike, për nxitjen e zhvillimit ekonomik të vendit përmes investimeve të huaja, diplomacinë kulturore, për theksimin e identitetit kombëtar shqiptar, si dhe rritjen e rolit të Shqipërisë pranë organizatave ndërkombëtare ku ajo bën pjesë.

Korrespondenti i BBC-së në Tiranë, Aleksandër Furxhi, intervistoi ministrin e Jashtëm, Besnik Mustafaj dhe fillimisht e pyeti rreth objektivave të vizitës së delegacionit shqiptar në Kombet e Bashkuara.

BBC: Zoti ministër, çfarë prisni nga vizita në Kombet e Bashkuara?

Z.Mustafaj: Qëllimi kryesor është marrja e fjalës së presidentit dhe kryetar i delegacionit në samitin e radhës. Ky është një samit i veçantë sepse është 60 vjetori i OKB-së.

Qëllimi kryesor i kryeministrit do të jenë takime me kryeministra dhe kryetarë të ndryshëm qeverishë, pra përfitimi për rivendosje kontaktesh . Ka gjithashtu takime me Kofi Anan, me disa nga drejtuesit e agjencive kryesore që veprojnë në Shqipëri ku më e rëndësishme për t'u përmendur janë administratori i PNUD, ai i USAID.

Berisha ka takim me Kryetarin e Komitetit kundër drogës. Presidenti ka takime me homologë,kryesisht të rajonit, pa llogaritur dhe takimet e mia me shumë homolgë nga vendet kryesisht të Europës, por edhe më gjërë.

BBC: Zoti Mustafaj në këtë fillim të qeverisë së Partisë Demokratike dhe koalicionit të djathtë, cilat mund të përmendni si piketat kryesore të politikës së Jashtme?

Z.Mustafaj: Dua të theksoj me kënaqësi se në konstatimin tim dhe të Qeverisë ku unë bëj pjesë, kursi i ndjekur nga qeveritë e majta ka qenë një kurs i drejtë, pra nuk ka asgjë për t'u korrigjuar, orientimi euroatlantik është ruajtur, kështu që në këtë drejtim i gjithë veprimi ynë diplomatik do konsistojë në përmirësimet në disa drejtime.

Ne mendojmë se Shqipëria tashmë po hyn në një etapë të re të zhvillimit të vet ekonomik, kështu që një drejtim kryesor do të jetë zhvillimi me përparësi i diplomacisë ekonomike me qëllim që politika e jashtme e trupit diplomatik ta shoqërojë dhe inkurajojë gjithë atë punë që do bëhet në përgjithësi nga Qeveria, sipas programit të saj për të realizuar piksynimin në fushatën elektorale , për ta bërë Shqipërinë vendin më atraktiv për biznesin e huaj në rajon.

Ne mendojmë se nuk ka integrim me prapambetje ekonomike, pasi vetë prapambetja është pengesë për integrimin në NATO, por sidomos në BE. Mos harrojmë që një nga kushtet që duhet plotësuar për integrim në NATO është rritja disa herë e buxhetit aktual që ka Shqipëria për ushtrinë, pra një vend i varfër nuk mund ta bëjë një rritje të tillë pa një zhvillim të fuqishëm ekonomik.

Do të zhvillojmë më përparësi diplomacinë kulturore e cila ka dy pikësynime të rëndësishme. I pari - afirmimin e identitetit shqiptar, nëpërmjet të cilit synohet dhe përmirësimi i imazhit dhe së dyti, përfshirjen e Shqipërisë në qarkullimin global të vlerave kulturore, çka do të thotë dhe tërheqje e turistëve drejt Shqipërisë.

Një drejtim i tretë do të jetë rritja e rolit të Shqipërisë në organizatat ndërkombëtare ku Shqipëria është anëtare me të drejta të plota. Këtu kam parasysh një numër organizatash të cilat gjatë gjithë shekullit të XX , qeveritë që kanë qeverisur Shqipërinë, e kanë integruar atë, ku më kryesore është OKB me një numër të madh agjencish, por edhe Këshilli Europës, edhe OSBE.

Këtu është dhe organizata frankofonisë, edhe koalicioni anti-terror, pa llogaritur një numër shumë të madh, disa dhjetëra e dhjetëra konventa të karakterit ekologjik, arsimor, kulturor, ekonomik tek të cilat Shqipëria duhet të afirmojë rolin e vet dhe t' i jap kuptim të drejtës që ka si anëtar i barabartë me të gjithë të tjerët.

BBC: Po në lidhje me Kosovën a do të ketë ndonjë kontribut të veçantë Qeveria e djathtë?

Z.Mustafaj:Në përgjithësi qeveritë e majta ndaj Kosovës kanë patur një qëndrim pozitiv që ka ndikuar në qetësimin e gjendjes dhe jo në acarimin e saj. Ne do t'i përmbahemi kësaj fryme.

Dallimi ynë me qeverinë paraardhëse qëndron vetëm në faktin se ne në analizat tona jemi të mendimit se vetëm pavarësia e Kosovës mund të sjellë stabilitet në rajon, mund të sjellë mirëqenie për Kosovën.

Është në dobi të të gjithë fqinjëve, përfshirë Serbinë, Malin e Zi, Shqipërinë, Maqedoninë. Pra, ne mendojmë se statusi final i Koosvës është pavarësia.

Kjo duhet negociuar vetëm nëpërmjet Prishtinës dhe komunitetit ndërkombëtar. As Shqipëria dhe as Beogradi nuk mund të jenë tutor të këtij procesi.

Kosova ka tashmë një klasë politike gjithnjë e më të pjekur, ka institucionet e zgjedhura në mënyrë demokratike, ka një shoqëri që po avancon dhe formati i kësaj pavarësie duhet të diskutohet.

Mua nuk më duket i paarsyeshëm një version i pavarësisë së kushtëzuar, çka do të thotë një tutelë ndërkombëtare për një periudhë të caktuar në mënyrë që të sigurohen plotësimi i standardeve, sidomos qëndrimi ndaj minoriteteve.


BBC: Qeveria e majtë ka patur oshilacione disa herë në marrëdhëniet e saj me fqinjët, përmend rastin e Greqisë. Po qeveria juaj si do jetë me Greqinë dhe fqinjët e tjerë?

Z.Mustafaj:Ne konsiderojmë se është fat për Shqipërinë që ka fqinjë dy anëtarë të NATO dhe BE, siç është Greqia dhe Italia.

Ne i konsiderojmë prioritare marrëdhëniet me këto dy vende. Marrëdhëniet politike dhe diplomatike janë shumë të mira si dhe ka një numër të madh marrëveshjesh dhe memorandumesh të nënshkruara dhe ratifikuara në parlament në mardhëniet mes këtyre vendeve, por që në shumicën e rasteve nuk janë shoqëruar me programe shkëmbimesh.

Pra, ne si synim imeidat kemi që t'i kthejmë në vlerë këto dokumenet që ekzistojnë duke ndërtuar programe shkëmbimesh çka do ti bënte këto marrëdhënie të dobishme për të dyja palë, jo vetëm në nivel të fjalëve, por edhe të veprave.

BBC: Zoti ministër i Jashtëm, cilën kandidaturë ka ndërmend të mbështesë Shqipëria për anëtar të përhershëm në Këshillin Sigurimit të OKB, Italinë apo Gjermaninë?

Mustafaj: Tani janë të dyja versionet në debat. Është një fat për mua që nuk do diskutohet kësaj here, nuk hidhet në votë. Ne jemi të bindur që në marrëdhënie nuk duhen krijuar përç arje në komunitetin ndërkombëtar.

Ne si qeveri shpresojmë që meqënëse kanë filluar të interesohen në mënyrë më aktive dhe SHBA, Rusia dhe Kina që janë tre anëtarët e përhershëm të Këshillit të sigurimit aktual, atëhere do arrijmë në një versjon konsensual sepse as SHBA, as shtetet e tjera nuk kanë interes që të përçahet komuniteit ndërkombëtar.

Në rast se ne duhet të zgjidhim midis Italisë dhe Gjermanisë ne do gjykojmë në përputhje me interesat e Shqipërisë.