Mohimi i çështjes kombëtare

[Newhost]

MOHIMI I ÇËSHTJES KOMBËTARE

Në Shqipëri ka një rrymë, zëdhënës i së cilës del shpesh Fatos Lubonja së bashku me disa të tjerë, që për të justifikuar dhe përjetësuar ndarjen midis Kosovës dhe Shqipërisë, përhapin teorinë se shqiptarët në të dy anët e kufirit janë zhvilluar tashmë si dy kombe të ndryshme për shkak se qenkan krijuar dy kultura të ndryshme, një në Kosovë dhe një në Shqipëri, Kurse Kajmak Gazideda në Kosovë bën një gjë edhe më cinike dhe po aq të rrezikshme, sepse hedh idenë se nuk paska fare kulturë shqiptare, por një "kundërkulturë turko-islame”…

Pas "zhdukjes" së ndërgjegjës kombëtare për ta zëvendësuar me "ndërgjegje kastriotike", Gazideda tenton të zhdukë edhe çështjen kombëtare shqiptare, duke e zëvendësuar atë me "çështjen kulturore shqiptare". Ai këmbëngul shumë në mendimin se çështja kulturore shqiptare ende nuk është zgjidhur. Këtë e bën, sepse e di që teorikisht dhe praktikisht, po të mos jetë zgjidhur çështja kulturore, atëherë nuk ka përfunduar as procesi i formimit të kombit dhe për rrjedhojë, nuk mund të lindë as çështja e tij kombëtare, domethënë, ajo e krijimit të shtetit të pavarur kombëtar. Që kjo është një përçarje e rrezikshme e kupton gjithkush. Por duhet kuptuar se të tilla përçarje bëhen me synime të caktuara mirë, janë në funksion të një politike të njohur antishqiptare në Ballkan dhe në Evropë. Synimi është që të mohohet ekzistenca e kombit të formuar shqiptar, të zhduket çështja kombëtare shqiptare në formën që ekziston sot, domethënë të mohohet e drejta e kombit shqiptar për bashkim në një shtet të të gjithë pjesëve të ndara dhe të trojeve etnike të coptuara. Prandaj, dalin kësi të mençurish që shtrojnë nevojën e zgjidhjes më parë të "çështjes kulturore shqiptare", e cila, siç e pohojnë gjithë studiuesit seriozë dhe siç e dinë gjithë njerëzit që e kanë mendjen në rregull, është e zgjidhur me kohë, sepse kultura shqiptare është krijuar me kohë, është një kulturë e mirëfilltë kombëtare, e niveleve shumë të larta dhe e njëjtë në të gjitha trojet etnike shqiptare. Ata që bëjnë sikur po luftojnë për kulturën shqiptare, me mënyrat që u rekomandon Gazideda, në të vërtetë luftojnë kundër kombit shqiptar.

vazhdon....

[Newhost]

Gazideda edhe më cinik se Lubonja!

Në Shqipëri ka një rrymë, zëdhënës i cë ilës del shpesh Fatos Lubonja së bashku me disa të tjerë, që për të justifkuar dhe përjetësuar ndarjen midis Kosovës dhe Shqipërisë, përhapin teorinë se shqiptarët në të dy anët e kufirit janë zhvilluar tashmë si dy kombe të ndryshme për shkak se qenkan krijuar dy kultura të ndryshme, një në Kosovë dhe një në Shqipëri. Kjo nuk është aspak e vërtetë, sepse megjithë vështirësitë që ka krijuar copëtimi i kombit shqiptar, megjithë kushtet e ndryshme në të cilat janë zhvilluar proceset kulturore në Kosovë dhe në Shqipëri, kjo kulturë në përmbajtje, në natyrë dhe në formë është e njëjtë. Ajo është e njëjtë, sepse është krijuar në një proces të gjatë, në bashkëveprim. Dallimet që i janë imponuar nga ndarja fizike, nuk kanë qenë të atilla sa zhvillimet kulturore të bëhen krejt të shkëputura dhe jashtë trungut të kulturës së përbashkët.
Kurse kajmak Gazideda në Kosovë bën një gjë edhe më cinike dhe po aq të rrezikshme, sepse hedh idenë se nuk paska fare kulturë shqiptare, por një "kundërkulturë turko-islamike", që dominon në trojet shqiptare dhe që u dashka shkatërruar sa më parë, që të rritet rudimenti i "kulturës katoliko-latine të mesjetës", të një kulture që në fakt nuk ka ekzistuar, apo që edhe po ta pranojmë për t'u bërë qejfin disave se ka ekzistuar në një farë forme, nuk ka qenë kurrë mbizotëruese në trojet etnike shqiptare. Gazideda do ta shtrembërojë plotësisht thelbin e çështjes shqiptare sot, duke vënë në vend të përpjekjeve për bashkimin e pjesëve të ndara të kombit, përpjekjet për të prishur një kulturë dhe për ta zëvendësuar me një kulturë që ekziston në mendjen e tij, që bazohet etëm në katolicizëm. Por, kthimi në "mesjetën e shkëlqyer" që kërkon ai, në fakt do të thotë kthim në ortodoksinë lindore dhe në bizantinizëm, sepse para muslimanizimit, bizantinizmi ka dominuar në trojet shqiptare.




MOHIMI I IDENTITETIT KOMBËTAR SHQIPTAR NËPËRMJET TERMAVE "IDENTIFIKIM NEGATIV"

Me shumë djallëzi me shkrimet e veta. Gazideda përsërit shpesh një tezë spekulluese mbi "identifikimin negativ" të shqiptarëve, të cilët sipas tij qenkan identifikuar me osmanllinjtë dhe me turqit dhe vazhdojnë tani të vuajnë pasojat e kësaj gjëje. Me këtë ai do të mohojë se sot ekziston një identitet i veçantë shqiptar dhe të pohojë se vetëm një grusht i vogël njerëzish të besimit katolik mund të përfaqësojnë këtë identitet. Pra, sipas Gazidedas, nga 7 milionë njerëz që flasin shqip në Ballkan, vetëm 3% qenkan me indentitet shqiptar. Kurse të tjerët duhet të kërkojnë dhe të marrin një identitet të ri, sepse deri tani mbeten turq e osmanllinj ose bizantinë. Provokime të tilla kaq fyese shqiptarëve nuk guxojnë t'ua bëjnë sot as shovinistët më të tërbuar serbë dhe grekë.
Është paturpësi të hidhet mendimi se të gjitha fatkeqësitë që u kanë rënë në kokë shqiptarëve janë pasojë e asaj se ata kanë bërë një "identifikim negativ" dhe kanë zgjedhur "modele politike dhe kulturore të gabuara". Sipas Gaidedas, ky "vetëidentifikim negativ" i paska penguar shqiptarët të krijojnë atë që u duhet më humë, "mbinjeriun shpëtimtar", të cilin Gazideda e emërton "njeriu autonom, kritik dhe autokritik, me pozitivitet profesional shkencor, me dinjitet dhe krenari kastriotike". Thirrja për të krijuar këtë identitet të ri nëpërmjet kthimit të shqiptarëve muslimanë në katolicizëm, është si ajo teoria e Enver Hoxhës mbi krijimin e "njeriut të ri socialist", nëpërmjet braktisjes së fesë dhe pranimit të ateizmit (fesë së kthyer kokëposhtë, sikurse e ka përcaktuar kokëposhtë, sikurse e ka përcaktuar ateizmin Millovan Gjillasi). Enveri e krijonte "njeriun e ri socialist" nëpërmjet një përpunimi të përbindshëm ideologjik marksist-leninist. Gazideda do ta bëjë këtë nëpërmjet kthimit të muslimanëve në katolicizëm.

vazhdon ....

[Newhost]

Çka fshihet prapa spekulimeve me Skënderbeun?

Thirrja e Gazidedas që pas shembjes së imazhit të "njeriut të ri" të Enver hoxhës, të krijohet "njeriu autonom kritik dhe autokritik", është tentativë për ta zgjatur edhe më tej procesin e tjetërsimit të shqiptarëve, për t'i futur shqiptarët sa më thellë në rrugën pa krye të eksperimentimeve tjetërsuese, deri sa të zhduket edhe ai shqiptarizëm që ka mbetur. Gazideda luan me vlerat më të respektuara të kombit dhe keqpërdor edhe emrin dhe imazhin e Skënderbeut për të cilin nganjëherë thotë se shqiptarët e kanë bërë hero, nganjëherë e paraqet sikur atë e kanë nënvleftësuar dhe bën thirrje që të ngrihet kulti i Skënderbeut. Pas kësaj fshihet një synim i qartë që, duke spekulluar me Skënderbeun, t'u imponohet muslimanëve shqiptarë kthimi në katolikë, megjithëse dihet se Skënderbeu ka qenë edhe ortodoks, edhe musliman, edhe katolik. Siç dihet edhe i ati i tij quhej edhe Gjon, edhe Hamza dhe ishte katolik i kthyer në musliman.
Mënyra si po spekullojnë disa qarqe fanatike e katolike me emrin dhe legjendën e Skëdnerbeut, e bëjnë edhe më të nevojshme që periudha e luftës së tij dhe vendi i tij në historinë shqiptare të analizohen me seriozitet të madh shkencor, të nxirren vlerat e vërteta të Skënderbeut si prijës ushtarak dhe politik i shqiptarëve për mbrojtje të interesave shqiptare dhe jo si "shpata e krishtërimit".
Dihet se shtetet katolike të perëndimit e bekonin dhe e lëvdonin Skënderbeun, por pak e ndihmonin dhe shpesh e tradhëtonin. Megjithatë, Gazideda vazhdon t'i bjerë "trumpetës së tij kastriotike" dhe shkruan: "Nuk do të të ketë zgjidhje të çështjes sonë pa krijimin e njeriut autonom, kritik dhe autokritik, me pozitivitet profesional dhe shkencor, pa ngritjen e kultit të Gjegj Kastriotit Skënderbeut në shkallën e kodit moral kombëtar… pa denoncuar krimet e pushtuesve osmanë". Pra, Gazideda ngul këmbë gjithnjë në teorinë e krijimit të "njeriut të ri" dhe për këtë shpërdoron emrin e Skënderbeut, rsajon "kastriotizmin" që ta përdorë si Enveri marksizëm-leninizmin. Kjo është një mënyrë tejet banale për t'i hedhur gjithë shqiptarët në donkishotizëm politik, fetar dhe kombëtar.
Kur bëjnë thirrje për kthim në "kastriotizëm", Zef Mirdita, Kajmak Gazideda dhe të tjerë, edhe vetë e dinë se kjo është fjalë pa logjikë, por atyre u duhet një mënyrë veprimi për të nxitur frymën e tjetërsimit të shqiptarëve që të prishet fizionomia e kombit shqiptar. Ndryshe, s'ke si t'i kuptosh përçarjet e tyre.

OSMANIZMI QENKA "ARMIKU MË I MADH I SHQIPTARËVE"
Këtë kërkon t'u ngulisë në kokë njerëzve Gazideda. Ai falsifikon të vërteta mbi armiqtë e shqiptarëve, ngatërron raportet midis miqve dhe armiqve. Për të paraqitur si armiq kryesorë ata që ka një shekull që s'janë më të tillë, ata që s'kanë qenë asnjëherë armiq, ose që kanë pushuar së qeni armiq dhe janë bërë miq. Për këtë sjellje të Gazidedas ia vlen të kujtohet një fjalë e urtë popullore që e kam lexuar në polemikat e Shefqet Jasharit me Rexhep Qosen: "Një njeri që s'e njeh dashamirin për dashamir dhe hasmin për hasëm, mos qoftë".
Është vërtetë tejet absurde kur Gazideda përpiqet të përçojë idenë se edhe sot armiku më i madh i shqiptarëve na qenka osmanizmi, sikur të ishim në shekullin e 14-të, kur sulltan Murati i Dytë dhe Mehmeti i Dytë vinin me ushtri gjigande të rrethonin kështjellën e Krujës. Sa për të mos u demaskuar krejt hapur, Gazideda përmend në të vërtetë shkarazi edhe panhelenizmin e bolshevizmin pansllavist, madje kur flet për pansllavizmin, ai ruhet shumë që të mos e dënojë atë në tërësi, por flet vetëm për atë pansllavizëm që e përfaqësonte bolshevizmi. Më "e çuditshmja" është se Gazideda nuk zë gjekundi në gojë se armiqtë më të egër dhe më të mëdhenj të kombit shqiptarë sot janë Serbia dhe Greqia, shovinizmi serb dhe grek dhe kohët e fundit dhe ai maqedon, kishat ortodokse serbe dhe greke. Këto "harresa" nuk ndodhin nga pakudjesia, por sepse Gazideda është i prirur që t'i mashtrojë shqiptarët e armiku i tyre është vetëm osmanizmi i shekujve të kaluar dhe panturqizmi, me një fjalë do të thotë se armik është Turqia, pikërisht në kohën kur Turqia është dhe sillet: si miku më i mirë i Shqipërisë dhe i shqiptarëve.

[Albo]

NewHost, ky duhet te jete patjeter Haxhi Qamili i shekullit te XXI pasi vetem ai "mbrohet duke sulmuar", sic bejne dy kunder-rrymat fetare ne gjirin e shoqerise shqiptare.

Është vërtetë tejet absurde kur Gazideda përpiqet të përçojë idenë se edhe sot armiku më i madh i shqiptarëve na qenka osmanizmi, sikur të ishim në shekullin e 14-të, kur sulltan Murati i Dytë dhe Mehmeti i Dytë vinin me ushtri gjigande të rrethonin kështjellën e Krujës.

Duhet shqiptaret te shqetesohen per osmanizimin e shqiptareve? Mjafton ti hedhesh nje sy realitetit ne trojet shqiptare. Ne qytetet kryesore ne Kosove flitet turqisht nga njerezit ne rruge e kafene, ku rekord mban Prizreni, qe deshiron ta ktheje Prizrenin ne kryeqytet te Kosoves, se ne Prizen "nuk kena Kal Troje" (referenca e osmanllinjve te mbetur ne Kosove per bustin e Gjergj Kastriotit ne mes te Prishtines). Kane hapur edhe teme ne forumin shqiptar, e gjen tek ceshtja kombetare. I dergojne edhe femijet te studiojne ne Turqi, edhe pse i kane mundesite per ti derguar ne Perendim. Duhet te shqetesohemi ne shqiptaret per kete? Duhet ti dedikoje nje shkrim te vecante Haxhi Qamili i Tiranes ketij problemi?

Kurse ne Maqedoni, kryebashkiaku i Gostivarit, qe edhe pse i zgjedhur nga rradhet e shqiptareve cuditi boten kur shpalli krahas shqipen edhe turqishten si gjuhe zyrtare te Gostivarit, ne kuadrin e mareveshjes se Ohrit dhe ndryshimeve kushtetuese ne Maqedoni. Dhe krahas flamurit maqedon dhe atij shqiptar, donte te ngrinte edhe flamurin turk. Duhet te shqetesohemi ne shqiptaret per kete? Sigurisht qe jo, eshte shume normale bile.

Shqiptaret nuk vuajne nga "osmanizimi" pasi une jam nga ata qe besoj se gjaku asnjehere nuk behet uje, por shqiptaret vuajne nga driteshkurtesia historike dhe kjo driteshkurtesi nuk i lejon qe te shikojne se jo te gjithe shtetasit shqiptare, si ne Shqiperi, Kosove e Maqedoni jane shqiptare, edhe pse pashaportat e tyre mund te jene shqiptare, edhe pse mund te flasin shqip.

Shqiperia dhe Bosnje Hercegovina ishin te vetmet rajone te Ballkanit ku mbetjet e perandorise otomane nuk u flaken tej, sic i flaken popujt e tjere ballkanike. Dhe ti dallosh keto mbetje ne trojet shqiptare nuk eshte gjithmone e thjeshte.

Shqiponjat gjithmone e gjejne rrugen e kthimit ne folene e tyre, ashtu si korbat e zinj gjithmone perpiqen te zene folete e zogjve te tjere.

Albo

[Newhost]

Duhet shqiptaret te shqetesohen per osmanizimin e shqiptareve? Mjafton ti hedhesh nje sy realitetit ne trojet shqiptare. Ne qytetet kryesore ne Kosove flitet turqisht nga njerezit ne rruge e kafene, ku rekord mban Prizreni, qe deshiron ta ktheje Prizrenin ne kryeqytet te Kosoves, se ne Prizen "nuk kena Kal Troje" (referenca e osmanllinjve te mbetur ne Kosove per bustin e Gjergj Kastriotit ne mes te Prishtines). Kane hapur edhe teme ne forumin shqiptar, e gjen tek ceshtja kombetare. I dergojne edhe femijet te studiojne ne Turqi, edhe pse i kane mundesite per ti derguar ne Perendim. Duhet te shqetesohemi ne shqiptaret per kete? Duhet ti dedikoje nje shkrim te vecante Haxhi Qamili i Tiranes ketij problemi?

Kurse ne Maqedoni, kryebashkiaku i Gostivarit, qe edhe pse i zgjedhur nga rradhet e shqiptareve cuditi boten kur shpalli krahas shqipen edhe turqishten si gjuhe zyrtare te Gostivarit, ne kuadrin e mareveshjes se Ohrit dhe ndryshimeve kushtetuese ne Maqedoni. Dhe krahas flamurit maqedon dhe atij shqiptar, donte te ngrinte edhe flamurin turk. Duhet te shqetesohemi ne shqiptaret per kete? Sigurisht qe jo, eshte shume normale bile.

Shqiptaret nuk vuajne nga "osmanizimi" pasi une jam nga ata qe besoj se gjaku asnjehere nuk behet uje, por shqiptaret vuajne nga driteshkurtesia historike dhe kjo driteshkurtesi nuk i lejon qe te shikojne se jo te gjithe shtetasit shqiptare, si ne Shqiperi, Kosove e Maqedoni jane shqiptare, edhe pse pashaportat e tyre mund te jene shqiptare, edhe pse mund te flasin shqip.

Shqiperia dhe Bosnje Hercegovina ishin te vetmet rajone te Ballkanit ku mbetjet e perandorise otomane nuk u flaken tej, sic i flaken popujt e tjere ballkanike. Dhe ti dallosh keto mbetje ne trojet shqiptare nuk eshte gjithmone e thjeshte.

Shqiponjat gjithmone e gjejne rrugen e kthimit ne folene e tyre, ashtu si korbat e zinj gjithmone perpiqen te zene folete e zogjve te tjere.

Albo

Ne radhe te pare kete teme nuk e kisha vene tek Toleranca Fetare sepse nuk kam kohe te diskutoj.

E dyta eshte se ti Albo si Bizantin qe je nuk e pranon dot faktin qe shqiptaret Kosovare dhe Maqedonas jane muslimane prandaj fillon e nxjerr klecka te kota per diskutim. Autori (edhe une jam i te njejtit mendim) nuk thote qe te kthehemi ne Perandorine Osmane por te rishifet maredheniet Shqiptaro- Turke qe driteshkurter si puna jote mos ta shofin historine mbrapshte.

Per sa i perket atyre qe flasin Turqisht , autori nuk kerkon Turqizim por bashkim kombetar ; ne nje menyre qe tipat si puna jote mos ti shofin Shqiptaret kosovare apo maqedonas si njerez te ndryshem per faktin se jane muslimane. Ata kane qene te shtypur prej shume kohesh dhe te ndare nga ne dhe nuk duhet te jete feja arsye per mosbashkim. Perandoria Osmane tashme eshte pjese e historise e Shqiperise dhe historia nuk mund te kthehet mbrapa. Autori kerkon bashkim dhe ngjalljen e ndjenjave kombetare dhe nuk kerkon Turqizim (sic mund te vihet re nga titulli).

Nqs ty Albo do te shqetesonte dicka duhet te ishte mos perpjekja e shqiptareve per afrimitet me kosovaret dhe maqedonasit (te kujtojme Besnik Mustafaj qe deklaron per Kosoven "Pavaresi te Kushtezuar").

Ty Albo te shqeteson kaq shume pse Kosovaret apo Maqedonasit shqiptare flasin Turqisht ne nje kohe qe po bejne me shume se nje shekull te shkeputur nga ne , kurse Jugu i shqiperise sot flet greqisht dhe ngre flamurin grek ne Himare. Historia Albo eshte lende e veshtire per ty prandaj mos i hyj kot ketij diskutimi per qellime te tjera. Historia nuk eshte bardh e zi dhe duhet pare ne prizma te ndryshem per te krijuar nje opionion objektiv. Shkrimi i autorit eshte e qelluar dhe ti nje klon konkret i tipit Gazidede qe autori flet me larte.

Newhost

[Newhost]

A është islamizimi, shkak për moszgjidhjen e çështjes sonë kombëtare?

Shumë harbutçe, Gazideda fajin për moszgjidhjen deri tanë të çështjes kobmëtare shqiptare kërkon t'ia lërë osmanizmit dhe islamizmit. Në shkrimin e pabotuar "Ata promovuan tradhëtinë" ndër të tjera thotë "Shkas për moszgjidhjen e çështjes sonë deri më sot është fakti se mbi 50% e popullit shqiptar janë muslimanë". Pra, përsëri askush tjetër nuk duhet të mbajë përgjegjësi, as serbët, që kanë pushtuar tokat shqiptare, as grekët, që veç tokave që pushtuan dikur, tani kanë pushtuar ushtarakisht shtetin e cunguar shqiptar dhe sigurisht, as diplomacia evropiane e asaj Evrope, që me kohë,. Fishta e ka cilësuar "kurva e motit". Dhe Fisha ishte katolik i vërtetë, madje prift françeskan, jo si Gazideda, një mercenar i vonuar i katolicizmit. Fisha i dinte shumë më mirë se gjithkush edhe punët e mesjetës dhe po të ishte ashtu, se për hir të "latinizmit mesjetar" duhet pranuar që çdo gjë e politikës evropiane është e drejtë, Fishta nuk do ta kishte lënë këtë gjë që ta thoshte Gazideda sot. Është intersante se në shkrimet e Gazidedas nuk ndeshet as referenca më e vogël për poetin kombëtar Gjergj Fishta.
Po të shkosh me mendtë e Gazidedas, atëherë duhet të pranosh absurditetin se po të mos ishin bërë shqiptarët e dikurshëm muslimanë, çështja shqiptare do të ishte zgjidhur sot, por kjo mund të nënkuptojë edhe mënyrën më të mbrapshtë për zgjidhjen e kësaj çështjeje, domethënë asimilimin që mund të ishte ralizuar nga sllavët dhe grekët. Shqiptarët para disa brezave, pikërisht se e kuptuan si duhet këtë rrezik nuk pritën nja 300 vjet sa të lindnin dhe të bëheshin të mençur Gazideda me shokë t'u shpejgonin të mirat e katolicizmit mesjetar, ndaj të cilit ata ishin më të afërt në kohë, por bënë atë që duhej bërë: u kthyen në fenë islame, që ta kishin më të lehtë të shpëtonin identitetin e tyre si shqiptarë.
Gazideda servir analiza të djallëzuara edhe për ngjarjet e periudhës janar-qershor 1997 në Shqipëri, për të shfajësuar politikën e fqinjëve dhe diplomacinë perëndimore. Ai edhe në këtë rast pohon se shkaku i tragjedisë që goditi shqiptarët ishte "riidentifikimi negativ" i shumicës së shqiptarëve me ish-pushtuesit osmanë. Pra, sipas tij, tradëtia Shqipërisë nuk iu bë vjet, por ishte bërë para 300 vjetësh, vetëm se u përsërit dhe për këtë shkak, edhe Evropa, edhe SHBA e ndëshkuan Shqipërinë, duke përkrahur forcat bolshevike në Shqipëri. Shqiptarët e sotëm pra po ndëshkohen për mëkatet që kanë bërë paraardhësit e tyre para disa brezash. Gazideda nxit shqiptarët e gjallë kundër shqiptarëve të vdekur.

vazhdon.....

[Newhost]

MOTO POLITIKO-FETARE E GAZIDEDËS "KATOLICIZIMI MBI TË GJITHA"

Gazidede kërkon t'i bindë shqiptarët se civilizimi perëndimor është i përkryer, se e tillë është dhe politika perëndimore dhe se tragjedia që ngjau në Shqipëri në vitin 1997 është thjesht një ndëshkim për shqiptarët e shumë brezae më parë që pranuan fenë islame. Pra, as bandat greke, as politika greke, as asgjenturat e huaja nga të cilat shtypi i shumë vendeve përmend CIA-n, nuk paskan faj për organizimin e rebelimit komunist dhe nxitjen e valës së kriminalitetit që ka mbuluar dhe rrënuar Shqipërinë.

Qëllimi i gjithë shkrimeve të Gazidedes është t'u shpëlajë trutë shqiptarëve për t’u ngulitur idenë se katolicizmi qenka mbi gjithçka dhe i vetmi shpëtim për vendin. Nuk ka përse të mos pranojmë se besimi tek Perëndia është edhe shpëtimi i shpirtit, edhe bazë e përballimit të problemeve në jetë. Por, nejrëzit Perëndisë i luten në mënyrë të ndryshme, gjë që pasqyrohet në ekzistencën e disa religjioneve si: muslimanizmi, katolicizmi, ortodoksizmi, budizmi, hinduizmi, etj. Këto religjione janë universale nuk janë pronë apo tipar i një kombi të veçatë. Por, krijuesi i ka bërë njerëzit të racave, fiseve e kombeve të ndryshme e në Kur'an thuhet se janë bërë kështu: "Të njihen me njëritjetrin e të duhen me njëri-tjetrin". Prandaj, as eja më unviersialiste nuk synon zhdukjen e kombeve dhe as kobmet nuk kanë dobi e prirje të ngrihen kundër universializmit të fesë. Ortodoksizmi e ka më të theksuar identifikimin me kombe te veçanta e sidomos me kishën. Prandaj, kishat ortodokse janë ngritur dhe veprojnë sipas parimit të autoqefalisë.

Pasion i tepruar për katolicizmin
Respekti i ndërsjellë në barazi është i domosdoshëm si midis kombeve dhe midis feve që bota dhe njerëzimi të gjejnë mirësi. Përpjekjet për të vendosur përparësi apo hegjemonizëm të një kombi me një tjetër, të një feje mbi një tjetër, çojnë vetëm në dizekuilibrime shpirtërore e shoqërore dhe në fatkeqësira. Nënë Tereza, në një intervistë në gazetën "Time" ka thënë "I respektoj të gjitha fetë, por jam e dashunuar në fenë time" (e citoi sipas revistës sovjetike "za Rubjezhom" nr. 1/1990, faqe 8). Sipas këtij shembulli, çdo njeri ka të drejtën të dashurojë fenë e vet, por të mos përbuzë të tjerat. E njëjta gjë mund të thuhet edhe për kombin: "Respektoj të gjitha kombet, por jam dashuruar në kombin tim".
Mrëpo kur lexon shkrimet e Kajmak Gazidedes të bie në sy një pasion i tij i tepruar për ta vënë me çdo kusht katolicizmin mbi fetë e tjera, për të fyer e sulmuar islamizmin, për të detyruar shqiptarët të pranojnë se vetë munviersializmi i fesë katolike ka vlerë mbi gjithçka, madje edhe mbi atë ç'ka kanë arritur deri më sot shqiptarët në jetën e tyre kombëtare. Shpërdorime të tilla të karakterit universialist të fesë janë të dëmshme dhe të papranueshme, si kur bëhen në emër të fesë së krishterë, ashtu dhe në emër të fsë muslimane. Dihet se ka edhe intelektualë shqiptarë të besimit musliman që në shkrimet e tyre tentojnë të vendosin primatin e universializmit të fesë islame mbi kombëtarizmin, me të cilët gjithashtu nuk mund të jemi dakord. Dihet gjithashtu se në Shqipëri, në periudhën midis dy luftërave botërore, bëheshin mjaft polemika se cila ishte formula më e saktë "Fe e atdhe", apo "Atdhe e fe". E dyta sigurisht duhet pranuar si më e saktë dhe më e dobishme, veçanërisht për shqiptarët.

vazhdon....

[Alket123]

A është islamizimi, shkak për moszgjidhjen e çështjes sonë kombëtare?

Serbia dhe Greqia dolen te pavaruara nga i semuri i bosforit me kohe,me dekada, me hir apo me pahir.

Shqiptaret jo. Se per cfare arsye ate te e japin shumica e tyre, dmth myslymanet sepse mbi ta bie e tere pergjegjesia direkte si shumice ne mos-mbrojtjen e tokave shqiptare.

per shembull

Kur ushtaret jenicere shqiptare ne ushtrine turke luftuan per te i dhene Malit te Zi Ulqinin. Kjo ne baze te marreveshjeve per by---then e Turqise me Europen. Kjo eshte direkt nje mohim i ceshtjet kombetare shqiptare nga ana e ketyre myslymaneve ushtare ne ushtrine turke.

Keta e konsideronin veten islam ne rradhe te pare sesa shqiptare.

mos shpikni historira te tjera se keta luftuan per te mbrojtur ulqinin. Turqia kishte nenshkruar marreveshje me Europen. Keni kopje zyrtare ne arkiva te ketyre marreveshjeve.