A duhen burgosur politikanët e koruptuar?

[CEZARND]

A Duhet Qe Qeveria E Re Dhe Kryeministri I Ri Berisha , Te Burgose Politikanet E Koruptuar ????????

[CEZARND]

Flet eksperti për Evropën Juglindore, Franc Lotar Altman, anëtar i Fondacionit për Shkencë dhe Politikë në Berlin

Altman: “Berisha duhet të arrestojë politikanët e korruptuar”


Shekulli

TIRANË - Eksperti për Evropën Juglindore, Franz Lotar Altman, pohon për “Deutsche Welle”, se fitoren e Berishës e ndihmuan vetë socialistët. Pas zgjedhjeve të vitit 2001, përfaqësuesi i Fondacionit për Shkencë dhe Politikë në Berlin, Volf Oshlis, për liderin e atëhershëm opozitar pohonte: "Sali Berisha është fajtor për shkatërrimin e Shqipërisë. Berisha anjëherë nuk e ka pranuar humbjen në zgjedhje". Vetëm katër vjet më vonë, demokratët dhe aleatët e Berishës shënuan fitore në zgjedhjet parlamentare. Franc - Lotar Altman, udhëheqës i seksionit për Evropën Juglindore, nga i njëjti fondacion, thotë: "Shpresoj që Berisha gjatë këtyre viteve ka mësuar diçka më shumë. Befasia më e madhe për mua ishte kthimi i një numri të madh bashkëpunëtorësh të dikurshëm të tij, të cilët së bashku me Berishën zhvilluan edhe fushatën elektorale. Do të thotë, Berisha ia doli t'i bindë këta njerëz se ka mësuar nga gabimet e kaluara dhe se do të përpiqet që gjërat t'i zgjidhë ndryshe. Këtu, në radhë të parë, mendoj në Genc Pollon dhe ekspertin e ekonomisë, Genc Ruli". Altman pohon se fitores së Berishës i kanë kontribuar në masë të madhe edhe vetë qeveria e mëparshme e kryeministrit Nano, e cila humbi besimin e popullit, për shkak të korrupsionit dhe thellimit të varfërisë". "A do të ketë sukses Berisha në luftën kundër korrupsionit dhe krimit të organizuar? Në të vërtetë është edhe çështja më e rëndësishme, sepse duhet konstatuar sa të thella janë rrënjët e këtyre fenomeneve negative në strukturat e vendit. Megjithatë, mendoj se një qeveri serioze do të kishte sukses. Shpresoj se Berisha ka nxjerrë mësime nga e kaluara, sepse dështimi eventual në luftën kundër krimit të organizuar dhe korrupsionit dhe si për zbutjen e varfërisë, do të thoshte humbje përgjithmonë e partisë së tij", - pohon Altman. Në kohën kur ishte president, Sali Berisha dhe qeveria e tij nuk hezitonin të burgosnin edhe kundërshtarë politikë. Premtimi për luftë kundër korrupsionit dhe kriminalitetit mund të nënkuptojë edhe arrestime të reja, ndoshta edhe të politikanëve. "Pikërisht këtë duhet ta bëjë, në qoftë se Berisha synon që t'i besohet dhe do t'i realizojë premtimet e dhëna. Është kontestuese vetëm sesa Berisha do të ketë mbështetjen e policisë, e cila do të drejtohet prej një ministri relativisht të ri, dhe sa gjykatat janë në gjendje të funksionojnë si duhet. Ende nuk dihet se si është gjendja në këto struktura, të cilat kanë nevojë për reforma - në veçanti gjykatat", - thekson Altman. Një rol shumë të rëndësishëm në zhdukjen e korrupsionit dhe kriminalitetit mund të luajë mbështetja që Berisha do të ketë te strukturat partiake dhe partnerët në koalicion. Ndërsa përsa i përket shanseve të Shqipërisë për integrim në strukturat euroatlantike, Altman thotë se edhe kjo varet prej Berishës. "Kjo varet pikërisht prej politikës së Berishës dhe vendosmërisë së tij për të luftuar korrupsionin dhe kriminalitetin. Varet prej reformimit të administratës së shtetit, gjykatave dhe plotësimit të kushteve të tjera, të cilat deri tani kanë penguar nënshkrimin e marrëveshjes së asociim - stabilizimit me Bashkimin Evropian. Këto mangësi kanë ndikuar që edhe Nato të ketë rezerva ndaj Shqipërisë."
Për mbështetjen e bashkësisë ndërkombëtare ndaj Berishës, Altman pohon se "Në fillim do të pritet ca kohë. Do të shikohet nëse Berisha do t'i realizojë premtimet e dhëna për luftimin e korrupsionit dhe kriminalitetit. Në qoftë se në muajt e parë tregohet se Berisha e ka seriozisht, me siguri që nuk do të mungojë as mbështetja. Mirëpo në këtë moment ka rezerva, sepse Berisha nga e kaluara njihet si një partner shumë i papërshtatshëm. Pra, e gjitha varet prej tij", - pohon eksperti gjerman, Franc Lotar Altman.




09/09/2005

[niku-nyc]

Sigurisht kjo gje duhet ber, sepse eshte e vetmja menyre qe korrupsioni rrezoet dhe bie frika qe te tjeret nuk e bejn apo e provojne.

Ne Amerike prsh, qeveria nuk eshte vetem se ka dhe FBI dhe agjenci te tjera shum te forta dhe cdo here kapen te gjtihe ata qe bejn korrupsion nga kompanit si Enron dhe te tjerat.

Po nuk pate rregull sot, nuk ke ce do demokracin apo gjera te tjera si liri, te drejta...kur qevria nuk arrin dot te vej rregullin mbi politike dhe mbi popullin.

[CEZARND]

Cilet mund te jene "kandidatet" me te mundeshem????

[niku-nyc]

Cilet mund te jene "kandidatet" me te mundeshem????

Aty eshte problemi sepse kur lider te partive te ndryshme akuzojn njeri tjetrin ashtu behet me e keqe dhe me veshtir situata per te arritur objektivin se sdo jet budalla ai te dali e te tregoj, prandaj duhen agjenci shteti te forta me ligj te fort qe e ka te drejten te akuzoj dhe te fusi ne burg kedo qe ben korrupsion.

As un vet se di se kush mund te jet "kandidate" se gati te gjith jane, por "kokat e madhe" duhe larguar. Kur kap 1, kap te gjithe ose kur kap me te madhin pastaj vijn dhe te tjeret me rradhe.

Si mendoni ju te tjeret kush mund te jen "kandidatet" me te mundshem sic e beri dhe CEZARND pytjen me larte?

[CEZARND]

A MENDONI SE FILLOJE OPERCIONE E DUAR TE PASTRA" ?



Arrestohet biznesmeni Nard Koka, i akuzuar per kontrabande cigaresh


Data e Publikimit: 09/09/2005

Autori i Lajmit:
24 ore
Policia arrestoi sot në mbrëmje (e Premte) biznesmenin Nard Koka, (vëllai i kryetarit të bashkisë së Durrësit, Lefter Koka dhe mik i shpallur i ish kryeministrit Fatos Nano), nën akuzën për kontrabandë cigaresh.
Burime zyrtare të Prokurorisë së Përgjithshme bënë të ditur se organi i Prokurorisë së Krimeve të Rënda, bazuar në fakte dhe prova i kërkoi Gjykatës së Durrësit, arrestimin e shtetasit Nard Koka.
Biznesmeni Koka, është ndaluar fillimisht në Durrës, ndërsa masa e arrestit është marrë në mbrëmje nga policia e Tiranës

WHO IS NEXT.............?

[SKAI]

A Duhet Qe Qeveria E Re Dhe Kryeministri I Ri Berisha , Te Burgose Politikanet E Koruptuar ????????

"Large qofte ti burgosin te tere" se pastaje do te ngelemi pa asnje politikane dhe ku do te shkojme ne shqiptaret pa keta politikan te "ndritur".
Nje shprehje popullore andej nga jugu thote: O i biri totorroces ngri kuth e bjeri poces. Keshtu jane edhe politikanet tane.

[CEZARND]

E Shtune, 10 Shtator 2005


DURRES, NIS STINA E ARRESTIMEVE TE MEDHA

Berisha votebesohet ne Kuvend, Sollaku autovotebesohet ne terren. Pas Lefter Kokes, priten te leshohen mandate arresti edhe per Anastas Angjelin, Edi Ramen, Spartak Pocin, Arben Ahmetajn e Dhimitraq Raftin

[Toro]

A Duhet Qe Qeveria E Re Dhe Kryeministri I Ri Berisha , Te Burgose Politikanet E Koruptuar ????????

Cfare pyetje eshte kjo? Ne rradhe te pare Qeveria nuk eshte organ i pushtetit gjyqesor. Qeveria eshte pushteti ekzekutiv. Kompetenca per burgosje te dikujt ka vetem gjykata e cila eshte e pavarur nga qeveria. Po paten prova dhe fakte qe nje politikan ka qene i korruptuar, te gjykohet dhe po u gjet fajtor te burgoset.

Qeveria e Berishes nuk duhet te bjere ne kurthin e hakmarrjes politike. Dhe aq me teper te nderhyje ne punet e gjykatave dhe prokurorise. Perkundrazi, duhet ta diferencoje veten e saj dhe te mos beje asnje koment ne lidhje me punen e organeve te drejtesise.

[KACAKU]

Opo lere ca thone nuk duhet te bjere ne kurth e ne dreq.
Qeveria e kaluar i ka lene politikanet e saj te korruptohen haptas,duke mbushur te gjithe ata xhepat me miliarda,ne nje kohe qe nuk ka akoma uje e drita.
Jo burg qe duhet te bejne tani,po aq sa te mallkojne diten qe u bene politikane.