Rudi Vata-Strakosha, akuza për shitje ndeshjesh me kombëtaren!

[Davius]

Olsi Avdiaj

Ditët e fundit ka nisur një debat mediatik mes dy ish-kapitenëve kuqezinj, Rudi Vata dhe Foto Strakosha, me akuza dhe kundërakuza për njëri-tjetrin. I pari që e ka hapur "luftën" mediatike ka qenë Rudi Vata, i cili në një deklarim për "Tifozat.com", mes të tjerash ka akuzuar Foto Strakoshën për tentativë shitjeje të ndeshjes së para disa viteve mes Uellsit dhe Shqipërisë, gjë të cilën ai e ka refuzuar dhe prej asaj kohe nuk flasin më.

Ndër të tjera, Rudi Vata shprehej: "Do t'i thosha Strakoshës që marrëdhëniet tona janë ftohur njëherë e mirë ndoshta 10 vjet më parë, kur oferta që më bëre para ndeshjes me Uellsin, për ta shitur ndeshjen, u refuzua nga ana ime dhe respekti për ty ka marrë fund që atë ditë. Pastaj ke bëre mirë që ke folur vetëm greqisht në kombëtare, se unë nuk kam kuptuar gjë." Ndërkohë, i njohur përmes shtypit me këto fjalë të Rudi Vatës, dje ka reaguar përmes një deklarate për shtyp, të shpërndarë nga FSHF-ja, Foto Strakosha, ku hidhte poshtë gjithçka të thënë në adresë të tij. "Me keqardhje të madhe, por edhe me indinjatë të thellë kam ndjekur nëpërmjet faqeve të disa gazetave të ditëve të fundit në Shqipëri akuza dhe shpifje pa kurrëfarë morali nga ish-futbollisti i kombëtares Rudi Vata.

Kur i lexova në fillim nuk më erdhi mirë që të njollosej figura e kombëtares shqiptare dhe për këtë arsye u prononcova duke i quajtur të pabaza pretendimet dhe akuzat e ngritura nga po ky njeri. Menjëherë pas kësaj, Rudi Vata ka personalizuar "luftën" e tij kundër Foto Strakoshës. Ai gjoja nuk ka pranuar pazarin që unë i paskam ofruar për të shitur ndeshjen me Uellsin (ju kujtoj, zhvilluar 10 vjet më parë). E përbuz me neveri njeriun e ulët dhe pa moral Rudi Vata për gjithë këtë skenar të ndyrë shpifjesh e akuzash ndaj kombëtares tonë dhe veçanërisht ndaj meje. Ndaj, jam i detyruar të sqaroj çdo shqiptar se qënien time në kombëtaren shqiptare e kam vlerësuar si gjënë më të shtrenjtë dhe më të shenjtë të jetës sime.

E mbajta dhe e dorëzova me nder bluzën kuqezi, por jo shpirtin, të cilin ia kam falë asaj. I kërkoj FSHF-së që të hapë urgjentisht proces hetimi në bashkëpunim me prokurorinë, për t'i kthyer kombëtares dhe personalisht mua dinjitetin e cunguar. Nuk dua të komentoj më për ish-njeriun Rudi Vata, që kërkon të "ngjallet me fytyren e djallit, sipas motos: shpif, shpif, se diçka do të mbetet," - shkruante Strakosha në deklaratën për shtyp të ditës së djeshme.

Menjëherë pas këtij qëndrimi të ish-portierit kuqezi, Rudi Vata, i ka përforcuar deklarimet e tij, duke shtuar se Strakosha i ka afruar atij 50 mijë marka në këmbim të shitjes së ndeshjes me Uellsin. I pyetur se a ka fakte për këtë, Rudi Vata ka shtuar: "Këtë e dinë të gjithë futbollistët e kombëtares që kanë qenë të grumbulluar për atë ndeshje. Nëse janë burra, ata duhet ta thonë këtë të vërtetë, sikurse e kam thënë unë."

[Davius]

Debati mediatik ngjan me një "logjikë të nxituar bizantine" të dëshirave të secilit për të qenë në krye të kombëtares 20-09-2005

Vata-Strakosha, interes i prekur apo i mikluar?

Alfred LLESHI

Një nga akuzat më të spikatura, të dala nga goja e ish-kapitenit të kombëtares shqiptare, Rudi Vata, është ajo që disa kolegë të tij kuqezinj dhe FSHF-ja aktuale janë si binjake të dala nga një monozigotë, e krijuar kjo nga mbarsja e korrupsionit dhe trukimit të ndeshjeve.

Me ç'ka kuptohej në fjalët e Rudi Vatës, në një intervistë për "tifozat.com", del në pah se kombëtarja paskësh qenë e ndarë më dysh që në atë kohë, por që ka gjetur asesi një mënyrë mbijetese në kushtet e krijuara. Tash së fundi, pa e ditur mirë se me çfarë qëllimi, tre nga aktorët kryesorë të kombëtares në dekadën e fundit, tre kapitenët e fundit kuqezinj, Rudi Vata, Foto Strakosha dhe disi më pak Igli Tare janë përpirë në një lumë kundërshtish, madje edhe akuzash të ndërsjellta në shtyp. Kjo tregon qartë kalvarin e pamundur të tyre drejt dialogut qysh atë botë, kur luanin së bashku në kombëtare, por edhe sot, kur dy prej tyre e shohin veten jashtë ekipin përfaqësues. Kjo bindje m'u përforcua dje, kur më ra në dorë një deklaratë për shtyp, që mbante si autor të saj Foto Strakoshën, por që dilte nga zyrat e FSHF-së.

Rreshtat e saj ma poqën bindjen time se ky trinitet kuqezi, më së fundi edhe së jashtmi, po shfaqet në trajtën e denigrimit apo dhe persekutimit të shoqi-shoqit, në funksion të kushedi se cilit qëllim final. Eshtë pikërisht ky i fundit, pra qëllimi final, që për mua mbetet enigmë, pavarësisht ndonjë nënkuptimi, që më bën të mendoj se e gjithë kjo luftë mediatike, pas disa vitesh ndarje nga kombëtarja e përbashkët kuqezi, nuk e ka origjinën tek kalvari mendor i njeriut shqiptar, tek "shkatërrimi" i mendjes sonë nga paaftësia torturuese për të gjetur brenda vetes hapësira për pranimin e tjetrit të ndryshëm. "Tragjedia fillon atëhere kur pjesët e identifikojnë veten me të tërën," - thotë Jaspersi. Në këtë pozicion më duket se gjenden në luftën mediatike të nisur, së paku dy nga eksponentët në fjalë kuqezinj, kush më pak e kush më shumë.

E meqë nuk më rezulton një qëllim i qartë final i kësaj sipërmarrjeje denigruese mes Rudi Vatës, Foto Strakoshës, apo deri diku edhe Igli Tares, po mjaftohem me asistimin në një "kacafytje gjelash", ku secili kërkon të tregohet më joshës nëpërmjet tregimit të bëmave negative të tjetrit, në një kohë të shkuar (deri para 10 viteve, kur kemi luajtur me Uellsin, ndeshje për të cilën Rudi Vata akuzon Foto Strakoshën se ka dashur ta shesë) dhe pastërtisë së
tij krahasuar me të tjerët. Dhe kuptohet se çfarë dialogu mund të bëhet në një klimë ndjenjash armiqësore, të hetuara qartazi tashmë në deklarimet e fundit për shtyp të secilit prej personave në fjalë. Gjithçka ndodh mes tre pikave referuese të kombëtares sonë në dekadën e fundit, çka nënkupton grupe të caktuara pas tyre në kohën kur luanin apo vazhdojnë të luajnë me fanellën kuqezi. Pra, vihet nën akuzë krejt institucioni i përfaqësueses dhe bashkë me të edhe i federatës së futbollit.

Njëherë e njëkohë, të tre këta persona, kur bënin pjesë në kombëtare së bashku, i bashkonte thënia e poetit tonë, i cili i këndonte qëmoti të vërtetës ekzistenciale të njeriut shqiptar: "mëmëdhe quhet toka/ ku më ka rënurë koka/ ku kam mëmë e ku kam átë/ ku më njeh dhe gur i thatë". Por si duket, rikthimi i secilit nga zotërinjtë e nderuar në fjalë në të shkuarën e përbashkët, e cila po mbulohet së fundi nga "plehu" i deklaratave për shtyp, e kthen këtë raport të trefishtë ekzistencial, në një gur të rëndë, varur në qafën e institucionit të kombëtares sonë, si shqiponja e Zeusit në mëlçinë e Prometeut. Eshtë e pranueshme që marrëdhënia ekzistenciale, njeri-mëmëdhe, shqiptar-Shqipëri, kuqezi-kombëtare, që shkëlqen në vargjet brilante të sipërpërmendura, kërkon medoemos, që kahja e marrëdhënies të shkojë drejt njohjes së individit, i njeriut shumë të njohur, i pranuar dhe i vlerësuar jo vetëm nga tjerët, por edhe nga "gur i thatë".
Por, neurozave të kompleksit të superioriteti të aluduar prej ish-kapitenësh kuqezinj, unë do t'i shtoja edhe paaftësinë me dashje të shumicës së bashkatdhetarëve tanë për t'u distancuar nga emocioni apo interesi personal, që shpesh i bën të shëmbëllejnë njerëzit me qënie me krahë shqiponje dhe sy bufi.

Më ka ndodhur shpesh të dëgjoj njerëz që kanë ndryshuar mendim për dikë apo për një çështje në një mënyrë të papritur. Kur kam gërvishtur pak "nën rrogoz" kam zbuluar se prapa këtij "ndryshimi" qëndron një "x" interes personal, i prekur apo i mikluar. Edhe një situatë e tillë shpesh e bën dialogun të pamundur, pasi receptuesi në fjalë nuk ka kurajon të të thotë se ka ndërruar mendim për shkak të këtij interesi. Kështu, akuzat dhe kundërakuzat në shtyp, siç po ndodh në rastin konkret, bëjnë që gjithçka e thënë nga secila palë të rrëshkasë në terrenin e shtirjes dhe gënjeshtrës, mbi të cilin vetëm dialogu i vërtetë nuk mund të ndërtohet. As e vërteta e pretenduar nga palët nuk del në dritë. Thjesht, në terrenin ku gjallmon kombëtarja jonë aktualisht, po derdhen epshe të plakura dhe pasione të reja, të hapura apo të fshehta, dashuri dhe urrejtje klanore apo shantazhe e kundërshantazhe personale. E megjithatë një gjë është evidente në gjithë këtë alambikim misterioz, ai ka për katalizator mungesën e moralit.

Të moralit për t'i thënë gjërat në momentin e duhur, atëherë kur kanë ndodhur, e jo pas disa viteve. A mund të gjendet tjetër shpjegim për tërë këtë kameleonizëm sa dinak, aq edhe absurd, përveçse zbrazëtisë morale, që të lejon të pështysh sot pa shpjegime atë që dikur ke lëpirë? A nuk ka në gjithë këtë lakadredhje një arrogancë që beson në verbërinë dhe mungesën e aftësisë së publikut për të gjykuar, për të qenë skeptik ndaj gjithçkaje thuhet? Nëse nuk baltoset e shkuara apo edhe e tashmja e kombëtares së të gjithë shqiptarëve, për ndonjë interes të mikluar të ndonjërit, deri këtu s'ka asgjë të keqe: letra ? të hapura apo të mbyllura, pusulla, mesazhe elektronike apo në SMS, letra anonime apo fletërrufe mund të shkruajë kush nuk përton. Por, nëse fletërrufetë dhe kundrafletërrufetë, apo epistolaret që denoncojnë si në rastin e Rudi Vatës, për gjoja tentativë të Strakoshës për shitje ndeshjeje me Uellsin, atëherë kemi të bëjmë me sendërgji dinake ndaj kombëtares.

Unë s'dua ta besoj këtë të fundit, por s'kam fakte as ta mohoj se debati publik mes trinitetit në fjalë kuqezi më shumë lidhet me mbijetesën e gjërave që s'treten, me një lloj të jetuari kokëfortësisht në kombëtare, me ndjesinë se asgjë e re s'mund të jetë apriori më e mirë se e vjetra. Shpresoj shumë, që së paku Rudi Vata dhe Foto Strakosha, që e kanë lënë tashmë futbollin e luajtur, të mos bëhen që tani skllavë të një të ardhmeje, që për momentin s'mund të jetë më e mirë sesa një e shkuar ku, dreqi e hëngri, të dyve fati u zgjodhi të ishit me lavdi të pranishëm. Gjithashtu, besoj se nuk ka fare kuptim të zbulohen "mbulesa" të të shkuarës suaj kuqezi, si futbollistë e ish-kapitenë të nderuar të kombëtares në fushë, në funksion të ndonjë "logjike të nxituar bizantine" të dëshirave tuaja për të qenë në krye të kombëtares, edhe pse këto ambicie i keni shfaqur publikisht. Të paktën, tani për tani, është herët...

[Duke_Of_Arberia]

Para se te gjykojme njerin ose tjetrin duhet pranuar qe nje pjese e mire e akuzave te Rudi Vates jane te verteta. Persa i perket shitblerjeve te ndeshjeve nuk dime asgje, por siç thote dhe populli ku ka ze s'eshte pa gje. Rasti i fundit ishte renia e Genoa-s ne serine C1 mbas ndeshjes se trukuar kundra Venezia-s. Pra kur te tilla gjera ekzistojne dhe ne kampionatin me te forte te botes, Itali, keshtu qe nuk me duket aspak çudi qe te kene ndodhur edhe ne kombtaren tone. Mos harrojme qe dikur Neptun Bajko dha doreheqjen si trajner i kombetares pas ndeshjes kundra Portugalise, sepse lojtaret e kishin tradhtuar taktikisht. Me kujtohet si tani kur Strakofsha peson nje gol kot te evitueshem nga nje gjuajtje e dobet Figos. Megjithate s'mund te akuzoje asnjerin per shitblerje ndeshjes. Ndoshta koha do e tregoje...

[FЯODO]

Rudi Vata eshte nje cope pleher, delenxhiler njeri .........
Pse doli tani me keto akuza por nuk i tha atehere kur po ndodhnin?
Ket pyetje e shtruan disa futbolliste te Kombtares.
Thjesht tregon ca hipokriti eshte e te akuzosh Strakoshen qe ka dhene gjithcka per Kombtaren eshte Paturpesi.
Ky dangall vetem fjale ka, nuk eshte hera e pare qe hedh kritika mbi Kombtaren. I hedh faj Federates, Trainerit, Sistemit ...etj

[EDIVLORA]

Rudi Vata po te ishte burre dhe me gjak Shqiptari duhej te denonconte Strakoshen perpara betimit ne fushe se ajo fanelle e kuqe qe ka veshur perfaqeson Kombin Shqiptar.
Ku ishe zoti Vata per 10 vjete ?
Ta futen sa krahu me duket te lane pa pjese .
Strakosha vertet flet gjuhen Greke por eshte Shqiptar dhe Shqiptari te pakten flet dy ose tri gjuhe.
Sa per ndeshjen me Uellsin Strakosha ja ka futur cobaneshe ose Rudi Vata ja fut pordhes kote .

[Mr_cool]

Pse vellai i Tares ve baste e fiton shume para ne ndeshjet e Kombetares?

Pse vellai i Tares lejohet te shoqeroje Kombetaren ngado qe shkojne?!?!

Pse Curri thote qe me kerkuan para per te me grumbulluar ne KOMBETARE?!Pse Rudi Vata thote qe STRAKOSHA me ka kerkuar qe ta shisnim ate ndeshje?

Si e hengri STRAKOSHA golin nga 37 metra ne LEVERKUSEN ne Mars 2001?

Po ne Gjeneve pse hyri ne loje kur doktori i tha ne Dublin qe nuk duhet te prekte topin me dore per 10 dite?

Keto jane pyetje qe kerkojne pergjigje???

[Duke_Of_Arberia]

Rudi Vata eshte nje cope pleher, delenxhiler njeri .........

Plako si sportist Rudi Vates i heqim kapelen te gjithe. Bashke me çipin, Vata ngelet per mua absolutisht nje nga mbrojtesit me te mire te kombetares ne keto 15 vitet e fundit. Natyrisht gjate kesaj periudhe ka dhene kontributin e tyre ne mbrojtje edhe Abazi, Shulku, Xhumba apo ndonje tjeter qe s'po me kujtohet emri tani. Por keta te dy kane qene me jetegjatet dhe me te suksesshmit. Nga ana tjeter edhe Strakofsha i ka dhene shume fanelles kuq e zi, pavaresisht se ne vitet e fundit nuk ishte me ai i pari. Pra dhe Foto Strakofsha ngelet nje legjende e futbollit shqiptar. Keshtu qe si sportista as njeri dhe as tjetri nuk mund te jene cope pleher delenxhiler njeri etj etj.

Megjithate keto akuza bejne te dyshosh shume. Akuzat e Vates nuk me duken shume te ndershme. Shume mire keto fakte ai mund t'i kishte bere publike 10 vjete me pare e ndoshta jo sot. Eshte e vertete, Vata u la jashte kombetares pa asnje shkak kur ishte ne forme dhe per kete nuk u dha asnje shpjegim. Dikur Vata tha qe fajin e kishin disa futbolliste te kombetares qe nuk e donin ne ekip. Ne nje interviste tjeter tha se fajin e kishte trajneri i asaj kohe Demollari mbas nje kontradikte qe kishin patur bashke. Neper gazeta u fol gjithashtu qe Vata deklaroi para ndeshjes me Angline, per mediat britanike se gjate ndeshjeve te kombetares jashte Shqiperise, delegacioni shqiptar perbehet jo vetem me njerez qe nuk duhet te jene aty, por anetaret e FSHF-se marrin dhe familjaret me vete.

Pra deri diku jane te verteta akuzat shqetesimet apo dhe mllefi i Vates. Mirepo keto akuza ai i nxjerr mbas 10 vjetesh. Pikerisht kur qeveria eshte ndryshuar dhe kur edhe FSHF-ja mund te ndryshohet. Dikur ne sitin e FSHF-se kam lexuar emrin e Rudi Vates si manaxhere futbollistesh. Nderkohe qe tani ai akuzon rende FSHF-ne se eshte e korruptuar dhe nuk punon si duhet. Edhe ketu jemi plotesisht dakort me ato qe thote Vata. Mirepo mos ndoshta Vata kerkon ndonje post ne FSHF. Per me teper qe ne sitin e tifozat.com ai thote qe Duka do ta kishte dhe me te lehte te tallej me kombetaren po te ishte akoma Fatos Nano ne krye te qeverise. Nga ana tjeter Rudi Vates i eshte bashkuar edhe Fatmir Vata ne mendim. Ai nuk di te kete ndodhur ndonje shitblerje ndeshjes, por akuzon rende FSHF-ne qe nuk e grumbulloi ne kombetare kur ai ishte ne forme.

Gjithashtu nuk duhet harruar qe Rudi Vata ka thene qe Strakofsha ka bere mire qe i ka folur greqisht sepse ai nuk kupton asnje fjale te kesaj gjuhe. Altin Rraklli dikur deklaroi per sportishqiptar.com se ne kombetaren Shqiptare dikur flitej vetem greqisht dhe per formacionin apo fubollistet qe do grumbulloheshin vendosnin vete futbollistet. Nga ana tjeter ish-trajneret e kombetares te asaj kohe me perjashtim te Neptun Bajkos nuk dine te kete ndodhur ndonje trukim ndeshjesh. Pra edhe ketu kemi disa gjera qe mund te jene te verteta.

Mos harrojme qe Foto Strakofsha eshte i vetmi futbollist Shqiptar qe ka marre nacionalitetin grek dhe qe ne sitin e Panioniosit ku ai luante vitin e kaluar, emri i tij ishte shkruar greqisht. Pra siç e dime ne greqi kemi me mijera emigrant shqiptar, dhe te vetmit qe kane marre nacionalitetin grek kane qene Piro Dhima, Mirela Manjani, Luan Shabani, apo ndonje tjeter sportist qe luan per greqine por qe s'po me kujtohet emri tani. Megjithate ishte pikerisht Foto Strakofsha bashke me Edvin Muratin qe vajtin e ngushelluan familjen e te ndjerit Gramoz Palushit vrare ne greqi vetem se po festonte fitoren e Shqiperise kundra greqise.

Gjithe keto fakte qe dhash dua te them qe akuzat e Rudi Vates bejne te dyshosh. Megjithate çdo shembulli mund t'i japim nje kundershembull. Pra sa te verteta jane akuzat e Rudi Vates kete do e tregoje koha.


Ndoshta ky nuk eshte momenti i duhur te flasim per keto akuza. Kombetarja dhe futbolli shqiptar kane shume probleme. Per mendimin tim duhet shkarkuar ne rradhe te pare nga detyra trajneri Briegel. Perveç se ka luajtur rolin si manaxher futbollistesh dhe qe ka vene deri diku nje fare disipline ne ekip, gje qe eshte vene re dhe ne disa ndeshje, ai ka lene pa shpjeguar jashte kombetares, Bogdanin, Beqajn, Fatmir Vaten, Jupin dhe Currin. Gjithashtu ne plot raste nuk ka dhene asnje shpjegim per keto vendime te mara dhe here pas here ka deklaruar per mediat e huaja shume gjera negative per kombetaren tone. Gjithashtu duhet spastruar njerhere e mire FSHF-ja me te gjithe ata bajraktaret e zorraxhinjte qe jane ne krye. Ne shume raste e kane treguar qarte joprofesionalizemin e tyre ne çeshtje qe kane lidhje direkt me kombetaren.

Te shpresojme qe çdo gje do sqarohet dhe do rregullohet sa me pare!!!

[Davius]

Bushi: Nuk kam folur me asnje person te Fshf-it

21.09.2005 -

Menjehere pas botimit ne adresen zyrtare te FSHF-it qe disa lojtare te kombetares distancohen nga deklaratat e Rudi Vates, flet ekskluzivisht golashenuesi me i mire i kombetares nder vite Alban Bushi. Bushi qe eshte sulmues i cili gjithmone i ka bere shqipetaret anembane ku jane te gezojne me golat e tij nuk eshte i preferuar me per t´e qene titullar. Ai eshte krenaria jone dhe kudo me te do te mburremi.

Ketu po botojme dhe interviste e plote te Bushit:

- Alban, sot jeni deklaruar per mediat shqipetare se keto qe po ben Foto dhe Rudi nuk i sherbejne Kombetares pse mendoni keshtu?

- Ne radhe te pare dua tju falenderoj juve per kete faqe interneti, qe keni hapur, qe te gjithe shqiptaret kudo qe jane te japi mendimet e tyre per ekipin kombetar, dhe per shum gjera te tjera qe i interesojne ekipit kombetar.

Nuk me habit fakti, qe mediat shqiptare te permendin emrin tim, nuk eshte hera e pare. Por meqe mu dha rasti nepermjet faqes tuaj dua te pergenjeshtroj ate lajm qe kane thene ne adresen time. Nuk me ka marre asnje gazetare per kete ceshtje. Dua ti bej dhe njehere thirrje te gjithe atyre TV ose gazeta qe kane permendur emrin tim, te kene kujdes se keto pune jane me zarar, dhe nuk mund te perdoresh emra do si do kush do qofte ai. Nuk dua te flas per kete gje, nuk eshte gje per tu komentuar apo per te dhene nje mendim. Eshte dicka qe u takon vetem atyre te dyve, sepse vetem ata e dine te verteten. Te dy i kam shok, kam luajtur me te dy, dhe kam shum respekt per te dy, si njerez, dhe per ate qe i kane dhene futbollit shqiptar. Me vjen keq per te dy, dhe dua qe sa me shpejte qe te jete e mundur te mbyllet kjo histori, sepse jane dy figura shum te medha te futbollit shqiptar.

- Alban, si golashenuesi me i mire i te gjithe koherave, si po e komentoni lenjen e vazhdueshme ne stol ?

- Sa per pyetjen e dyte qe me bete, ju falenderoj shume. Asnje gazetar deri me sot nuk ma ka bere. U be nje kohe e gjate qe luaj me kombetaren, gjithmone kam dhene maksimumin per ate bluze, sa here qe me eshte dhene mundesia kam arritur te shenoj, se me kete matem dhe une, me golin. Dhe kur kam qene ne stol nuk e kam ngritur kurre zerin qe perse jam ne stol, por jam futur dhe kam arritur ti thyej hundet me golat e mi atyre njerzve qe mendojne qe kam mbaruar. Dua t'ju them dicka interesante " A e dini ju se sa ndeshje kam une me trajnerin Brigel? Po ti mbledhesh te gjitha minutat bashke bejne 7 ndeshje" pak apo jo ,,por a e dini se sa gola?? Kam bere 6-te, shume apo jo? Dhe keto me ekipin Kombetar. Por prape jam ne stol. Une e respektoj dhe do ta respektoj prape vendimin e trajnerit, kushdo qofte ai, sepse ai vendos per gjithcka ne fushe. Ju fola pak per statistikat e mia kohet e fundit, se ketu jashte shtetit mediat keshtu te masin, nuk te masin kush jep me shum kafe apo ndonje gje tjeter ku ta di une? Dua te shtoj dhe dicka tjeter, qe mos ti shkoj ndonjerit ne menje qe ALBAN BUSHI do te largohet nga ekipi kombetar, sepse per ta vjedhur ate fanelle kaq te shtrenjte kam derdhur shume djerse, le te derdhin dhe sulmuesit e tjere dhe bujrum le ta marrin. Do te luaj deri sa te me mbajne kembet dhe jo mosha. Futbolli tani eshte bere pjese e jetes sime dhe nuk mund te ndahem kaq lehte, por nuk diskutohet qe nje dite do te largohem sepse eshte normale. Nuk luaj me kombetare sepse kam ndonje perfitim nga ajo, absolutisht jo, por vete se dua te jap per kombin tim deri sa te me lejne fuqite.

- Alban, keni qene prezent ne ndeshjen ndaj Uellsit? Keni verejtur ndonje paregullsi ?

- Me Uellsin po kam qene prezent dhe kam luajtur 15 minutat e fundit. Di vetem qe Foto dhe Rudi kane shkembuer disa llafe mbrapa ndeshjes, por nuk e di se per cfare, nuk guzoja te interesohesha atehere, isha i ri ne ekip.

- Perse fshf perdori emrin tuaj ne deklaraten qe kane botuar tek faqa zyrtare e fshf, pa ju kontaktuar? - Ja dhe deklrata e juaj: Alban Bushi: Lojtar I ekipit kombetar • Nuk dua te mbaj anen e askujt por keto deklarata me duken pa vend. Si Rudi Vata dhe Foto Strakosha jane dy figura te futbollit shqiptar prandaj akuza te tilla nuk I sherbejne futbollit tone. •

- Po e degjoj tani nga ju qe fshf paska perdorur emri tim, nuk di gje per kete, nuk kam folur me asnje person te Fshf-it.

- Tifozave nuk ju pelqen qe juve rrini ne stol sepse juve gjithmone na keni gezuar por juve a jeni i pakenaqur per kete?

- Tifozat kane qene gjithenje pika ime e dobet, besoj se ja kam shperblyer sa here qe kam luajtur. Eh ka pas dhe raste qe kam luajtur dobet por ata asnjehere nuk me kane share, perkundrazi me kane perkrahur. Jane te vetmit qe flasin mire per mua. I pershendes perzemersisht.

- Cila do te jete e ardhmja e Bushit?

- E ardhmja ne Greqi me ekipi tim Livadhjakos, dhe per nje vit objektivi qe i kam vene vetes eshte se shpresoj te luaj me nje nder 4 ekipet me te mira te Greqise, besoj se do tja arrij. Faleminderit

Tifozat.com pershendesin idhullin e tyre perzemersisht qe pranoi te jepte kete interviste per neve dhe ne emer te gjithe tifozave abembane trojeve i urojme sukse kudo dhe me gola per kombetaren.

Gëzim Ll. & Gazmend S. - Tifozat.com

[Davius]

RUDI VATA JEP DETAJE TE TJERA

20.09.2005 -

Po e filloj kete shkrim me disa sqarime qe kam per t´u thene ne pergjithesi mediave Shqipetare sepse po te thuash pa perjashtim te gjitha e kane cunguar intervisten time te dhene per tifozat.com, Gazeta Shqipetare dhe Balkanweb e botuan intervisten te shkurtuar. Po keshtu ndodhi edhe me mediat elektronike qe nuk dhane te plote intervisten time ne edicionet qendrore te lajmeve. Ata e dhane biseden telefonike te shkurtuar dhe nuk i dhane te gjitha faktet dhe detajet per c´fare me pyeten. Do te doja qe Vizion-plus dhe Top-Channel te mos i cungojne fjalet e mia.


Megjithese rrespektin qe kam per mediat ne pergjithesi e them se juve nese nuk i transmetoni te plota ato qe them une, me mire mos i nxirrni fare, sidomos ketu per Vizion-plus sepse kishte dhene vetem ato qe i kane interesuar dhe me shume i kane hedhur benzin zjarrit sesa kane marre detaje ne lidhje me intervistat e mia. Ketu dua te falenderoj nga zemra stafin e tifozat.com qe jane te vetmit qe e botuan intervisten time pa asnje çensure apo ndryshim, gjithashtu falenderoj edhe Panoramen dhe Gazeten Metropol.

Rrespekt per juve qe jeni teper realiste dhe objektive ne punen tuaj prandaj dhe kete s´qarim per mediat po e botoj perseri ne kete media reale dhe te drejte. une. Ne intervisten e pare qe dhashe per Gazeten Shqipetare gazetari ka perdorur fraza dhe shprehje qe une kurre nuk i perdor. Nuk eshte ne karakterin tim te flas per te tjeret me gjuhe vulgare, por gazetari i ka interpretuar theniet e mia gabim. Pra , jo te gjitha ne intervisten e pare jane thenie dhe fraza te mia. Intervista e plote dhe e pa cunguar eshte botuar vetem ajo tek tifozat.com.

Jam pyetur se perse nuk kam folur perpara ne media dhe po j´ua them perse: Une sa here qe j´u kam dhene interviste juve e keni botuar te shkurtuar ose se keni botuar fare. Ju nuk i keni botuar kurre te plota intervistat e mia. Ju e keni bere kete se te tjere j´u kane ndaluar t´i botoni. Kjo eshte dhe arsye perse Rudi Vata nuk ka folur perpara per keto fakte te pakontestueshme per shitje ndeshjesh. Dua t´i them FSHF-it, se si juve dilni ne komunikate per shtyp per nje person qe nuk eshte me ne kombetare dhe nuk eshte punonjes i institucionit tuaj. Perse juve e merrni ne mbrojtje Foto Strakoshen? C´fare fshihet pas kesaj edhe si nje institucion behet vegel e nje individi qe prej kohesh nuk debuton me per kombetaren. Turp i madh per FSHF-it per kete qe beri dje duke lexuar deklaraten e Strakoshes sepse u kthyet vegel e tij. Por kjo ndodh sepse edhe juve jeni te zhytur dhe tani j´u duhet t´a mbroni.

Kjo gje qe juve bete tregon amatorizem dhe komunizem sepse s´keni arsye te dilni menjehere juve ne deklarate ne nje konflikt qe s´ju takon juve fare. Por kete e di qe juve Strakosha j´u komandon por jo vetem juve sepse po te kishte Nanon ne pushtet akoma, deklarata do te lexohej nga zedhenesi per shtyp i tij. Duke kritkuar punen e kombetares dhe te federates ti zoteri reagove menjere, perse? Perse s´i lexon intervistat e mia me vemendje, ku une ne asnje rresht nuk kam share apo ofenduar njeri. Kujt i djeg kjo kaq shume qe e ben te humbin kontrollin dhe nuk dine me se ç´fare thone neper media. Tani po i them dhe disa detaje te tjera per Foto S.

Z. Strakoshe nese e ke lexuar intervisten time te pare nuk te kam permendur askund , nuk te kam ofenduar ne asnje vend dhe duke e ditur se kush ishe ne te vertete. Perse ti re viktime e gazetareve siç dhe je shprehur? Perse fole me ate gjuhe rruge qe nuk i shkon pershtat nje njeri me pak llogjike. Cilat ishin arsyet qe me ofendove ne intervisten tende me te pa drejte? Une e di qe ti je nje lypes profesionist se kete e ke treguar gjithmone duke j´u lepire Greqise por edhe Shqiperise.

Ti erdhe te Dinamo aty me gjete, ti erdhe ne kombetare aty me gjete. Une e kam fituar me djerse vendin ne kombetare, por ti jep shpjegim per ato gola qe ke ngrene nga 30m dhe perseri qendrove ne kombetare. Per ç´fare kam deklaruar une i mbroj dhe do t´i mbroj sepse ne debate ka patur dhe te tjere qe do te reagojne per ato qe kane degjuar ne konfliktin tone, per kete problem.Strakosha je me karriere me te dyshimte qe mund te kete njeriu.Ti gjithmone je mesuar te mbrohesh nga miqte e tu ne FSHF-it, por une gjithmone kam qene i vetem qe nuk kam patur miq qe te me mbronin. Tani po e besoj qe ti ke bere loje te dyfishte ne kombetare, ti ke nje post prej kohesh ne FSHF-it. Une jam me te drejten e zotit, nuk kam njerez neper institucione siç ke ti.

Mua me ka perkrahur dhe do te me perkrahi populli. Nuk dal une ne konference per shtyp me FSHF-it se e di se kush jane ata. Ke thene se nuk din se ku dua te dal me kete qe kam nisur, por po j´ua them me pasterti se Rudi Vata ka plane dhe objetiva qe duan me shume se dy vjet. Nuk dua qe te behem drejtuas a ku di une se ç´fare mendon ti. Une i perkas Kombit tim, vendit tim dhe per kete do te flas dhe do te kerkoj qe futbollin e vendit tim t´a shoh lart e me lart. Pra une nuk synoj asgje me kete qe po bej. Por ti? Ty pse te dogji? Me thuaj se sa here e ke ngritur zerin per te permisuar dicka apo dhe per te bere prezent gjendjen qe eshte ne FSHf-it. Apo se ke ngritur zerin se kishe frike se te eleminon siç bene edhe me mua. Une s´jam i kompromiseve por ti je nje i tille qe per interesat e tua han ne kurriz te te tjereve.Ti duheshe te mendoheshe para se te flisje per Rudi Vaten, por ti ke menduar se po e eleminoj Rudi Vaten se keshtu do te kishe rruget me te hapura. Gabimi yt me i madh eshte qe ke bashkepunuar me federaten dhe per kete do te te vrase ndergjegja gjithe jetes. Nga nje provokim gazetari, dhe nje pergjigje qe s´duhej t´a jepje sepse ti e di shume mire kush jam une. Ti duhej te mendoheshe shume kur te flisje per Rudi Vaten. Bere gabimin dhe gabimin duhet t´a paguash per gjithe jeten me ndergjegje te cunguar. Neve nga jeta marrim ate qe meritojme. Ti se ke ngritur zerin se ty s´te intereson ,sepse futbolli jone ka probleme plot. Ti me sulmove dhe une t´u pergjigja. Une te ktheva monedhen mbrapsht, por me nje ndryshim te madh, pa fyerje dhe ofendime vulgare. Une po te them se me ty mund te ballafaqohem me ç´do gjykate ku te kesh deshire sepse e verteta do te triumfoje. Ekziston mendimi yt se une e bej kete per interes ose dua te perfitoj diçka. Nuk jane te verteta zoteri se planet e mia nuk jane per te perfituar ne kurriz te te tjereve se se kam patur kurre ne karakter dhe kete ti e di mire.

Rudi Vata eshte djale malesori dhe nuk i trembet askujt edhe i vetem do ta udheheq kete lufte per t´i hequr te korruptuarit per te cuar futbollin perpara. Por mua do te me mbeshtesin edhe tifozat ne kete lufte se kombetarja eshte e tyre e jo e te korruptuarve qe te bejne sic duan ata. Une te gjitha rrespektet dhe nderimet qe me behen i kam fituar me pune dhe me djerse nuk i sherbej askujt pervec se kombit dhe familjes sime. Kam qene dhe do jem gjithmone atdhetare edhe futbolldashes. E dua flamurin e vendit tim prandaj dhe flas per kete dhe nuk kam frike nga askush. Do jem gjithmone ne sherbim te kombit. Uroj qe njerezit e ndershem dhe atdhetare te me mbeshtesin ,njerez qe e duan Shqiperine me te gjitha trojet kodo qe jane brenda dhe jashte saj. Une nuk e njoh friken per te mbrojtur vendin tim, futbollin e vendit tim.

Jam Shqipetar dhe shqipetar do vdes po ti ç´fare je. Une do te flas se s´mund te rrij pa folur kur behet fjale per te ardhmen e futbollit te vendit tim. I mjeri ti qe gjithe jetes do te te vrase ndergjegja se nuk je i paster, do jesh i cunguar se ke abuzuar ne kurriz te popullit. Ke permendur qe nje budalla hedh gurin dhe te tjeret marshojne. Jo zoteri, budallenj nuk ka me sot ndoshta kishte ne komunizem tani jo me sepse njerezit jane bere te zgjuar jane dale dhe kane pare me sy.

Ai që nuk di dhe nuk di pse nuk di – është i marrë; largohu prej tij
Ai që nuk di dhe e di se nuk di, është fëmijë, mësoje; nëse ti di, e nuk e mëson ke bërë gabim.
Ai që di dhe nuk e di që di, është i fjetur; mos e lë të flejë por zgjoje – nëse nuk e zgjon ke bërë mëkat.
Ai që di dhe e di se di është i mencur; andaj shko pas tij, nëse shkon pas tij do të kesh udhën e ndriçuar.

Po ti kuptoni keto theni do te me besoni se perse une po flas.

Sa per ate "a don me per belulin" une te them ty se njeriun e ndjek nje Curiculum vita, ajo tregon vlerat dhe meritat e njeriut. Ajo tregon se sa ka bere njeri dhe sa ka bere tjetri. T´ja leme kohes se ajo do te na vlersoje se sa peshon njeri apo tjetri. Suksestet tona i dine Shqipetaret dhe per kete e kemi gjykatesin tone s´kemi si flasim ne per veten. Une flas se kam dhene gjak per kombetaren prandaj dua te them se keto fjale per shitje ndeshjesh s´duhet te qarkullojne . Ku ka ze nuk eshte pa gje. Te gjithe ne tirane thonin qe ka shitje ndeshjesh prandaj dhe do t´i demaskoj te gjithe se populli nuk duhet te mashtrohet. Kam qendruar keto kohet e fundit larg kombetares se me perzune me te padrejte. Me ndaluan te shkoj me lart. Ata miqte e tu ta thone perse me larguan sepse ju the qe ai nuk korruptohet se juve do te kishit nje pengese te madhe pastaj po te isha une aty dhe qe keshtu e pate te arsyeshme te me shkaterronit karrieren dhe te beni c´te donit me kombetaren sic edhe bete. Ata te tregojne edhe perse e eleminuat Fatmir Vaten qe ishte sulmuesi me i mire i gjermanise per disa kohe, te tregojne perse edhe Bogdanin e denuan me dy vjet larg kombetares ne kulmin e karrieres se tij. 2 vjet ne futboll jane si 20 vjete ne jete e keshtu qe juve Bogdanit i keni borxhe te medha. Borxhe te medha juve ju keni edhe tifozave qe e keni tallur dhe mashtruar. Kush jeni juve qe shkaterroni karriera sportistesh te talentuar, e bete me neve por tani nuk do t´u lejojme ta beni me te tjeret.

Te vjen keq kur shikon se nje amator i mohon nje futbollisti shembullor luajtjen me kombetaren. Kete te drejte ja mohuat dhe nje talenti dhe patrioti te madh Kosovar. Perse mbrojti Strakosha federaten apo jane te perlyer me njeri- tjetrin. Kjo eshte amatorizem dhe krim ndaj sportdashesve dhe vendit. Rudi Vata s´eshte se mund te perdoret sic duan te tjeret, se mbyll gojen, si bindet padrejtesise pra, kjo eshte arsyeja qe me larguan dhe kete e din ti dhe FSHF-it shume mire. Do t´i thoja z. Duka une jam Rudi Vata dhe e njoh mire futbollin. Juve kush jeni dhe ç´fare lidhjesh keni me futbollin? Kush jeni juve qe shkateruat karrieren time dhe te F.Vates dhe shume te tjereve. Per kete dua qe te dalesh ne konference per shtyp dhe te sqarosh opinjonin publik se perse keto lojtare i eleminove dhe formove klanin tend qe te beje si te doje me kombetaren. Te sqaroje shqipetaret se Kombetarja dhe federata jane e shqipetareve. Kombetarja ju perket te gjitha trojeve dhe te gjithe atyre qe e duan shqiperine . Do te jem atdhetar, patriot qe mendoj per te miren e popullit dhe Shqiperise prandaj dua te mos mendoje njeri se dua post apo dicka tjeter. Une dua vetem qe te mos degjoj me qe Kombetarja i shet ndeshjet.

Uroj qe njerezit e sportit dhe profesioniste te vihen ne krye te drejtimit te Federates. Do jap kontributin tim nese eshte e nevojshme me eksperiencen qe kam per t´i ndihmuar drejtuesit qe e duan futbollin. Jeten time e kam ngritur mbi bazat e punes dhe me djerse, asgje nuk e kam marre dhurate. Uroj fat drejtuesve te rinj ne FSHF-it. Fat dhe suksese federates ne te ardhmen, por e pastruar nga te korruptuarit. Shpresoj se gjerat do te rregollohen dhe perseri do te kthehet besimi ne kombetaren e te gjitheve. Falenderoj tifozat e zjarrte te kombetares dhe ju them qe te mos e humbin besimin dhe shpresen sepse Rudi Vata do te jete avokati juaj dhe nuk do te lejone njeri te tallet me mundin dhe djersen tuaj.

Me respekt Rudi Vata

Per tifozat.com Gezim. Ll.

[Juvi]

Turp te kete Rudi Vata qe fillon e flet tani pas 10 vjetesh. Apo e ben kete se ka ardhur ne pushtet PD-ja dhe mos merr ndonje post ne federate. Strakosha te kete turp per vete qe nuk kerkon ta mbylle kete muhabet, por i hedh benzine zjarrit. Edhe federata te kete turp qe behet pale me Strakoshen dhe sulmon Rudi Vaten ne vend qe te jete asnjanese dhe te perpiqet te sqaroje gjithcka. Vellezer, kjo eshte nje lufte e hapur frontale mes Rudit dhe Fotos, por Rudit t'i vije turp qe perbalt emrin e kombetares. Nese Rudi Vata eshte i njohur sot ne bote dhe dredh zinxhirin ne Skoci meriten e ka vetem kombetarja. Te gjithe te kene turp, Rudi, Fotoja dhe federata qe na felliqen e turperuan ne kete fare feje. Kombetarja eshte e shenjte dhe emri i saj nuk duhet te lakohet per pazare te tilla te uleta edhe sikur te kete bere vaki me te vertete. Turp te kene te gjithe se edhe kombetaren e shikonkan si interes personal. Nuk di cte them me, jam shume i revoltuar, nuk do ta besoja kurre se do te vinte nje dite dhe do te neperkembej emri i kombetares, i asaj kombetareje qe me mundesite e pakta qe ka na ka dhuruar kaq e kaq gezime, te asaj kombetaraje qe ka bere qe ne rruget e Tiranes te zbresim mbi 1 milion njerez per te festuar. Turp te kene te gjithe.