Agjencia britanike e lajmeve Rojters pas lajmit se presidenti i Kosoves Ibrahim Rugova vuan nga nje semundje e rende filloi te shkruante me gjeresisht per figuren e tij duke e cilesuar ate, ikone te aspiratave 15-vjecare te shqiptareve te Kosoves per pavaresi. Rugova deklaroi dje se tek ai eshte diagnostifikuar kanceri ne mushkeri, por theksoi se mjeket i kane thene se gjendja e tij shendetesore eshte duke u permiresuar dhe se ata jane optimiste se ai do te kendellet. Ai nuk permendi mundesine e doreheqjes se tij eventuale nga funksioni i kryetarit. Si nje person i zgjedhur kater here per kryetar te Kosoves dhe udheheqes i partise me te madhe politike ne kete vend, Rugova eshte nje figure e fuqishme politike per 2 milione shqiptaret e Kosoves, te cilet po angazhohen per pavaresi nga Serbia.
Pritej qe Rugova te marre persiper rolin kryesues ne drejtimin e rivaleve politike shpesh te percare ne Kosove, ne negociatat e sponsoruara nga OKB-ja, te cilat mund te fillojne ne tetor, nderkohe qe ai nuk ka ndonje pasardhes te tij te qarte ne LDK-ne e tij te percare nga fraksionet, ne rast se gjendja e tij shendetesore perkeqesohet. Rugova, nje profesor i letersise, i edukuar ne Sorbone, ka qene arkitekt i rezistences pasive dhjetevjecare kunder dominimit serb qe nga viti 1989, kur ish-diktatori jugosllav, Sllobodan Milloshevici, shfuqizoi autonomine e Kosoves. Por, pas shperthimit te luftes ne territoret e ish-Jugosllavise, ne vitet e 90-ta, shume shqiptare te Kosoves ishin te mendimit se shkeputja e Sllovenise, Maqedonise, Kroacise dhe Bosnjes ishin shenje se rezistenca pasive ka deshtuar dhe mbeshtetja e tyre u rreshtua perkrah Ushtrise Clirimtare te Kosoves. Konflikti erresoi doktrinen e rezistences pasive te Ibrahim Rugoves.
Por, pasi u zgjodh 2 here president ne zgjedhjet e viteve 90, te cilat nuk u njohen jashte kufijve malore te Kosoves, ai serish beri nje kercim, duke ia arritur qe te zgjedhet dy here me radhe per kryetar te perkohshem te Kosoves. Ne dukje te pare i dridhshem, por tejet dashamires, me shallin e tij karakteristik te mendafshit ne qafe, ai konsiderohet si figure atesore nga shume shqiptare te Kosoves. Semundja e Rugoves paraqet goditjen e dyte per shqiptaret e Kosoves, te cilet "humben" kryeministrin e tyre ne mars te ketij viti, kur ish-udheheqesi i kryengritesve shqiptare, Ramush Haradinaj, iu dorezua Tribunalit te OKB-se qe zhvillon hetime per krimet e luftes ne ish-Jugosllavi, me seli ne Hage te Holandes. em/em(QIK/Balkanweb)
Krijoni Kontakt