Dashuria - Kjo Ndjenjë Hyjnore

[Uarda-1]

Është, pothuajse e pamundur që njeriu të jetojë pa praninë e dashurisë. Ajo është pjesë e pandarë e procesit jetësor dhe tepër e domosdoshme për balancën shpirt - trup. Nuk është e rëndësishme se çfarë dashurie ushqejmë e kultivojmë, çoftë ajo në raport me polin e kundër, qoftë ne raport me fëmijët ose prindërit, qoftë në raport me gjëra tjera, e rëndësishme është prania e elementit të saj me të gjithë fuqinë dominuese që nuk është kurrë e tepërt për shpirtin njerëzore.


Çelësi universal për të gjitha dyert e jetës njerëzore është një dhe i vetmi dhe quhet: dashuri.
D. Demaku

Emocioni më dinamik që njeriu mund të përjetoj, elementi më thelbësore i qenies njeri, ndjenjë e fuqishme dhe e thellë, e zjarrtë dhe e pastër, energji e fuqishme dhe e pafund që depërton deri në poret më të imta të qenies sonë, duke na rrëmbyer trupin e shpirtin... është ndjenja e quajtur DASHURI.

Dashuria... është ëndërr, ëndërroje
Dashuria... është e bukur, adhuroje
Dashuria... është dhimbje, shëroje
Dashuria... është tradhti, mësohu me ta
Dashuria... është detyre, plotësoje
Dashuria... është pasuri, ruaje
Dashuria... është loje, luaje
Dashuria... është mister, zbuloje
Dashuria... është fat, përfitoje
Dashuria... është aventure, kujdes
Dashuria... është luftë, mësohu edhe me te
Por dashuria... është dashuri, lufto për te!

Sa bukur, sa fuqishëm dhe sa të plotë e përshkruaj këto vargje të gjeniut tonë popullor, që qarkullojnë në sa e sa faqe interneti, këtë prirje të brendshme që na tërheq aq shumë, që na pëlqen aq shumë, që lindë dhe buron nga thellësitë më të çiltra të zemrën sonë për vetë jetën, për më të dashurën - dashurin, për fëmijët, për prindërit, për shokun, për mikun për atdheun, për artin, për shkencën, për... e që të gjitha së bashku, si një rrezatim i fuqishëm, si një energji e pashtershme, na shpiejnë drejt rrugës madhështore, drejt çelësit universale, drejt dritës hyjnore.
Është, pothuajse e pamundur që njeriu të jetojë pa praninë e dashurisë. Ajo është pjesë e pandarë e procesit jetësor dhe tepër e domosdoshme për balancën shpirt - trup. Nuk është e rëndësishme se çfarë dashurie ushqejmë e kultivojmë, çoftë ajo në raport me polin e kundër, qoftë ne raport me fëmijët ose prindërit, qoftë në raport me gjëra tjera, e rëndësishme është prania e elementit të saj me të gjithë fuqinë dominuese që nuk është kurrë e tepërt për shpirtin njerëzore. Shumë bukur e ilustron këtë D. Demaku përmes një aforizmi ku thotë: Në botë mund të ketë tepër urrejtje, tepër vuajtje, tepër mjerim, por kurrë nuk do të ketë tepër dashuri. Dhe vërtet, kjo botë e stërmbushur me urrejtje, vuajte e mjerim, ka nevojë për shumë më shumë dashuri.

Rruga e dashurisë është edhe rruga që hap dritaret e mendjes, rruga që çon drejtë ngritjes shpirtërore të njeriut, drejt përsosjes së tij, por, njëkohësisht edhe përsosjes së njerëzimit në përgjithësi. Ajo është energji, ndoshta ndër më të fuqishmet e mendjes njerëzor, që është në gjendje të transformoj të ligën në të mirë, e të mirën ta fuqizoj e lartësoj deri tek hyjnorja, sepse vet fryma e dashurisë është ndijim i veçantë hyjnor. Vetëm fjala “të dua” (thonë tre autorët, që u shpallën më të mençurit e shekullit njëzet) krijon me mijëra ndryshime pozitive në metabolizmin e trupit të njeriut. Pa dashuri jeta nuk do të kishte kuptimin e duhur. Ajo do të kthehej në vuajte dhe mjerim. Botën do të dukej e errët. Vetë ligji dialektik i natyrës është i tillë: dashuria gjeneron dashuri, urrejtja vetëm dhunë, konflikte dhe mjerim. Pra, dashuria është arma më e fuqishme ndaj së keqes.
Dashuri është shpresë, dashuri është motiv, dashuria është respekt, dashuria është solidaritet, dashuria është sakrificë... e mbi të gjitha, ajo është perlë e lumturisë. Ajo zë rrënjë thellë në secilën qenie njerëzore duke ndezur në botën e tij të brendshme zjarrin e pashuar të impulsit jetësor.

[Erlebnisse]

dashuria eshte si njeriu per mendimin tim: kur ndihet i lumtur do me gjithe shpirt, kur ka probleme nuk do asnje, sepse i duket sikur Bota s'eshte per te...

[Gordon Freeman]

Po dashuria asht një ndjenjë hyjnore sepse asht e trashëgume nga Zoti dhe pushteti i tij...

[Besoja]

Edhe ajo mos ishte o shoku dhe të rroje vetëm për të ngrënë e për të fjetur!

[pranvera bica]

Shume teme e bukur Uarda-1!Eshte aq e gjere,aq ka per te shkruar per te sa do futeshim dhe nuk do mjaftonin databazat e gjithe forumit per te shkruar dhe ndjere mrekullite e saj.
Une mendoj dhe nuk leviz asnjehere nga ky perkufizim per dashurine e cila per mua eshte dhe mbetet poezia me e persosur e natyres.Eshte mekat qe lulezon vetem nje here tamam si disa lule te rralla...Te jesh e dashuruar,vlen me teper se te jesh e pasur,sepse te jesh e dashuruar do te thote te jesh e lumtur!Pershendetje!

[shpresa vranari]

Ne kohet e lashta ne nje mbreteri andej nga vendet arabe, i kishte vajtur llafi edhe mbretit te asaj mbreterie per dashurine e cmendur te Lejlase dhe Kaborit.
Fisi i Lejlas nuk donte ta jepte vajzen dhe e terhiqnin neper shkretetire te varferen ,per ta fshehur nga valet perveluese te Kaborit.Por ai nuk gjente prehje,e ndiqte vajzen e enderres pa pushim,pa u lodhur,ne ate det te pafund dunash ranore dhe oazesh.Dhe keshtu arriti lajmi i kesaj dashurie deri tek veshet e te madhit mbret te mbreterise.
Ai dha urdher qe fisi i Lejlase ta sillte ate perpara tij ne pallat,po keshtu dergoi kalores qe te gjenin Kaborin e ja sollen edhe djalin.Te dy para fronit mbreteror.Lejlaja,nje zezake e holle,e gjate,gati e percelluar nga rrezet e pameshirshme te diellit,Kaborri nje zezak i ri buzetrash.
******************************
I cuditur mbreti qe ishte i rrethuar me femra te bukura e te mbuluara me xhevahire,e pyeti Kaborrin-
-Kaborr,kjo eshte vajza per te cilen kebredhur tere shkretetiren?
-Po ,-tha djali
-Po kjo eshte nje cope zezake,e percelluar nga dielli,edhe sherbetorja ime me e mbetur,eshte me e bukur nga kjo.
-Mbret,merr syte e mi te shohesh sa e bukur eshte Lejlaja ime.
Mbreti qeshi,i pelqeu shume ajo pergjigje e mencur dhe i dha mundesine te rinjve te martoheshin.
Mbreti mesoi nje gje te rendesishme per dashurine.

[ILMGAP]

Si duket kjo Temë ju ka pëlqyer, andaj doja të ju pyesja mos e dëshironi një tekst më të gjatë në lidhje me këtë, sepse kjo këtu që është, është vetëm pjesa e parë, por e gjitha është 4 pjesë.

A e doni të gjithë tekstin ?

[zogu dukagjinas]

Dashuria eshte e vetmja gje per te cilen ne duhet te luftojme ne kete jete !

[valdetshala]

Per te gjitha qe deshirojme duhet te luftojmë!

[Uarda-1]

Per te gjitha qe deshirojme duhet te luftojmë!

luftohet per mendimin tim per cka eshte e drejte jo per cka eshte e gabuar