IMF boton raportin mbi Shqipërinë!

[Estella]

UASHINGTON, Shtetet e Bashkuara -- FMN nxorri një raport të përgjithshëm mbi Shqipërinë të premten (5 korrik), së bashku me një memorandum qeveritar mbi përparësitë e politikës ekonomike gjatë tre viteve të ardhshëm. Ai lavdëron autoritetet për zbatimin e programit tre-vjeçar të mëparshëm dhe për politikën financiare të shëndoshë, por theksoi nevojën për reforma strukturore në sektorin e energjitikës. Pavarësisht prej normave të zhvillimit ekonomik të qëndrueshëm të kohëve të fundit prej 7 përqind në vit, raporti i personelit vuri në dukje se nivelet e të ardhurave ishin ndërmjet më të ultave në Europë. Më 21 qershor, FMN dhe Banka Botërore miratuan programet tre-vjeçare për Shqipërinë për uljen e varfërisë. (IMF web site - 05/07/02)

[Estella]

Shqipëria miraton memorandumin mbi nxitjen e investimeve të huaja


TIRANE, Shqipëri -- Qeveria ka miratuar në parim një memorandum mirëkuptimi me Korporatën Financiare Ndërkombëtare (IFC), tha zyra e shtypit e qeverisë të dielën (21 korrik). Qeveria do të fillojë një projekt të quajtur "Shërbimi Këshillimor për Investimet e Huaja" sipas programeve me FMN-në dhe Bankën Botërore. Një studim i zhvilluar me dhurues ndërkombëtarë do të vlerësojë pengesat administrative ndaj investitorëve dhe do të ofrojë ndryshime legjislative për përmirësimin e klimës së biznesit. Qeveria thotë se nxitja e investimeve të huaja është një përparësi ekonomike.
Gjithashtu në Tiranë, zyrtarët në një seminar të organizuar nga Banka Botërore përgëzuan qeverinë të enjten për nënshkrimin e Strategjisë së parë të përgjithshme për Zhvillimin dhe Zvogëlimin e Varfërisë në Europën Jugore dhe Azinë Qëndrore. Programi i Bankës Botërore do të përqëndrohet në infrastrukturën dhe mbrojtjen sociale në rajonet rurale. (ATA - 21/07/02; Albanian News - 20/07/02)

[Estella]

Shqipëria dhe OKB nënshkruajnë dy programe ekonomikë


TIRANE, Shqipëri -- Qeveria e Shqipërisë nënshkroi dy marrëveshje për zhvillimin ekonomik me Programin e Zhvillimit të OKB-së (UNDP) të hënën (22 korrik). E para, një projekt mbi Administrimin e Ndihmës së Huaj me vlerë 500,000 dollarë, do të përqëndrohet në krijimin e kapaciteteve profesionale, zhvillimin ekonomik dhe zvogëlimin e varferisë drejt integrimit të Shqipërisë në BE. Marrëveshja e dytë, Administrimi Ekonomik, do të sigurojë 1.2 milion dollarë në financime nga qeveria hollandeze për ndryshimet institucionale dhe mbështetje për procesin e hyrjes në BE. (ATA - 22/07/02)