Si te pershendetim?

[ArberXYZ]

Po postoj ca shkrime ne lidhje me menyren se si duhet te pershendetemi kur takojme dike, cili duhet ta jape doren i pari, si pershendetin zoterinjte apo zonjat etj... Jane marre nga libri "Kodi i miresjelljes".

Jana gjera interesante dhe qe vlejne


Lexim te kendshem.

21-shi.

[ArberXYZ]

Si përshëndetin zotërijtë

Do të tregojmë në fillim se si duhet të përshëndetë një zotëri.Kur takon një zonjë, burri përshëndet i pari. Në përgjithësi,përshëndetja nënkupton që të heqësh kapelën afërsisht dy metra para takimit, të përkulesh lehtë, duke e vështruar qetësisht në sy personin që përshëndet, pastaj ta vësh përsëri kapelën në kokë.
Nuk e shpjegoj dot pse ky zakon, për të shfaqur një shenjë respekti ndaj dikujt, te ne është zhdukur pothuajse krejtësisht. Pasi kapelja u zëvendësua nga kasketa ose nga kësula, kjo mbahet në kokë, në çdo rrethanë! Kam vënë re se mbahet kësula ose kokorja në kokë në sallat e ekspozitave, në kinema ose në restorante. Disa herë kështu sillen edhe ata që mbajnë kapela. Temperatura e ulët nuk mund ta justifikojë këtë sjellje. Është rreptësisht e ndaluar të rrish me kapelë në kokë në të gjitha këto vende. Po bëj shaka, asgjë nuk është rreptësisht e ndaluar në sjelljen e një personi, por rreziku për t'u etiketuar si i paedukuar është i pashmangshëm.

Le të kthehemi te përshëndetja: zotëria që takon rmgës një femër të njohur, pushon së tymosuri cigaren ose pipën dhe nuk rri me duart ndër xhepa. Ngritja e kapelës bëhet gjithmonë me dorën që nuk është nga krahu ku ndodhet personi që përshëndetet. Në rast se e mban kapelën në kokë, përshëndet
me gojë, pa e prekur pjesën e përparme të kapelës me gishtërinj. Por ç'ndodh nëse nuk mban kapelë? Rregulla ështe shume e thieshtë- kënaqesh me një përkulje të kokës, e cila mund te pak më e thellë se atëherë kur përshëndet me kapele. Shikojme shpeshherë në TV të rinj që janë ulur dhe bisedojne Për shtatë palë qejfe, edhe me persona në moshe, duke mbajtur Ne koke turli kasketash. Ndoshta është një mode qe do te kaloje, por këta të rinj nuk do të mësojnë kurrë se nuk eshte mire te qëndrosh kokëmbuluar në një mjedis te mbyllur.

Si përshëndetin zonjat

Po ju, zonjë, si do të përshëndetni? Shumë thjesht. do t'i përgjigjeni përshëndetjes që ju është drejtuar me nje buzeqeshje dhe duke lëvizur pak kokën për t’i dhënë të kuptoje personit që keni takuar, se e keni njohur.

Në shtetet anglo-saksone, femra pershendet e para. qe t’i japë mundësi në këtë mënyrë personit që ka takuar ta pershendete edhe ai. Në Evropën kontinentale rregulla eshte ashtu sic e përmendëm më lart: zotëria përshëndet, zonja pergjigjet.

Një zonje më e re në moshë e përshëndet e para të moshuaren e cila i përgjigjet po duke buzëqeshur. Dy persona te te njejtit seks dhe moshë përshëndeten njëkohesisht.

Si mund të shmangim një përshëndetje

A ke të drejtë të mos pranosh t'i përgjigjesh një përshë ndetjeje? Një mospranim i tillë do të thotë t'i japësh te kuptoje tjetrit se të ka ofenduar shumë rëndë ty ose ndonjë pjesetar te families sate. Përveç këtyre rasteve, të mos i pergjigjesh pershendetjes së tjetrit, do të thotë që t’i shkelësh rregullat me me elementare të mirësjelljes. Në raste të tilla kërkohet shume takt per te gjetur një zgjidhje të mençur.Përpiqemi ta shmangim takimin që kur ndodhemi në një largesi te madhe. Ne rastse se është i pashmangshëm, mund të përshëndetim shkurt. Kjo përshëndetje mund të jetë për atë tjetrin një mësim i mirë (në rast se është fajtor). Kurse, po të jemi ne fajtorë, pershëndetja mund të çojë në pajtim.


Ndodh shpesh që disa persona - rrethi i marrëdhënieve të të cilëve është shumë i zgjeruar ose thjesht që kanë kujtesë të dobët - kanë përshtypjen se përshëndeten gabimisht prej personash të panjohur. Edhe kur jemi të sigurt se nuk i njohim ata që na përshëndetin, duhet t'i përshëndetim edhe ne. E
harrojmë shpejt përshëndetjen e një të panjohuri, por nuk e harrojmë kurrë që nuk na ka përshëndetur një person i njohur.

Nuk ka rregulla pa përjashtime. Kështu, për shembull, do të shmangim përshëndetjen e një personi, sidomos të një zonje, në rast se e takojmë në një shoqëri komprometuese për të.

...>

[ArberXYZ]

Përshëndetja kur jemi me uniformë

Në ushtri, përshëndetja ka rregulla të tjera, sepse këtu eprori është gjithnjë ai me një gradë më të lartë. Sa kohë që janë të veshur me uniformat ushtarake, një zonje me gradën kapiten (inferiori) e përshëndet zotërinë me gradën kolonel (eprori).

Por në jetën civile, zoti kolonel e përshëndet zonjën kapitene. Për personelin e hekurudhave dhe të postës, për doganierët, ka rregulla specifike. Që të gjitha këto kategori mund të përshëndeten pa u njohur, vetëm duke u nisur nga fakti se mbajnë të njëjtën uniformë.

Kur përshëndetim të parët?

Ata që hyjnë në një lokal, përshëndetin të parët; personat që ndodhen në lokal i përgjigjen përshëndetjes. Kjo rregull është e vlefshme në restorante, në tren, në sallat e pritjes, në ashensor, në dyqane.

Një njeri i edukuar nxjerr kapelën dhe ndalon për një çast, kur kalon një kortezh mortor. Gjithashtu, ngrihet në këmbe dhe zbulon koken, kur ekzekutohet himni kombëtar, kur ngrihet flamuri i nje shteti. Gjatë tërë ceremonisë duhet të qëndroje pa levizur, per të treguar se respekton ndjenjat e të tjerëve.

Nje gje tjetër e rëndësishme: përshëndetim gjithë grupin ku ndodhet një i njohuri ynë. Kuptohet se ata që e shoqerojne i pergjigjen pershëndetjes sonë, por nuk interesohen për të marre vesh emrm tonë. •

Përshëndetja gojore

Shtrohet pyetja: A duhet t’u shtojme gjesteve te pershkruara me lart edhe nje formule pershendetjeje? Sipas rastit. Gjithsesi formula diktohet, se pari, nga zakonet e vendit dhe pastaj nga rrethanat konkrete. Per shembull, ekzistojne persona qe i njohim vetem se i kemi pare per vite e vite me radhë, të cilët i përshëndesim me nje te përkulur të lehtë të kokës, pa shqiptuar asnje fjale. Ne rast se takojme farefis, miq a të njohur të afërm do të shkembejmë një "Mirëdita!", edhe sikur të mos ndalojme per te biseduar me ta. Por, kur takojmë person jo kaq shume te aferm, formules së zakonshme ("Mirëdita!" ose "Mirëmbrema!”), i shtojme, detyrimisht, "zonjë" ose "zotëri". Nuk është e domosdoshme që të themi emrin e personit. Kështu, kurrsesi nuk do te themi: “Miredita, zoti X!”. Personi qe kemi takuar e di shume mire emrinn e vet dhe, ndoshta, nuk dëshiron ta marre vesh e gjithë bota si quhet.

Por situata ndryshon kur është fjala për drejtorin e një firme te madhe ose për një oficer. Këta mund t’i pershendetim duke shqiptuar ehde emrin dhe kjo gje do te jete e barabarte me nje kompliment.

Ne rast se ata qe takoni jane nje zoteri dhe nje zonje eshte mire qe ne fillim te themi “Miredita, zonje!” dhe pastaj “Miredita, zoteri!”, edhe ne rast se zonjen nuk e njohim. Nese themi shkurtimin “dita” ne vend te “miredita”, tregojme se nuk jemi te kulturuar. Gjithashtu do te shmangim formulat e tipit “Hello” ose “Ciao!” dhe “adio!”, qe u lejohen adoleshenteve.

Kur ndahemi me dikë, fonnulat e përshëndetjes janë "Mirupafshim!", "Ditën e mirë!", "Natënemirë!" dhejo "Paçim"...

Kur takojmë dikë që nuk e kemi parë prej kohësh, e tregojmë (në mënyrë të moderuar) gëzimin; kur ndahemi, duhet t'i themi: "U gëzova që u takuam, shpresoj që të shihemi përsëri... të bisedojmë." Pastaj shkëmbejmë numrat e telefonit, duke e dhënë me saktësi numrin tonë. Jemi ne ata që do të vendosim se në ç'masë do ta rifreskojmë lidhjen. Të mos i ngatërrojmë kurrë të njohurit me miqtë, dhe të mos bëhemi ngulmues, sa ta mërzitim tjetrin.


<...>

[ArberXYZ]

Shtrëngimi i dorës

I shtrëngojmë duart sidomos kur qëndrojmë për të biseduar pak.

Është një formë përshëndetjeje që daton qysh nga Antikitet, dhe që përmban një simbolizëm të thellë. Të përshëndetësh dikë duke i shtrënguar dorën, është shenjë e një nderimi shumë të madh.

Kush zgjat dorën i pari?

Në këtë rast, ndodh e kundërta: ajo që zgjat dorën e para, është zonja, personi më i moshuar ose eprori. Gjithmonë personit të një rangu më të lartë i takon nisma e kësaj formule. Por ka raste kur, nga nxitimi ose nga mosnjohja e kësaj rregulle, i riu e zgjat dorën i pari, që tregon se ai nuk i ka përvetësuar rregullat e mirësjelljes.

Të mos pranosh të shtrëngosh një dorë të zgjatur, është një ofendim shumë i rëndë dhe nuk ke të drejtë të sillesh në këtë mënyrë, veçse në raste shumë të veçanta. Edhe pushtetarit më të lartë nuk i lejohet të mos shtrëngojë një dorë që i zgjatet, qoftë edhe e një tipi të mërzitshëm me kërkesat e tij.

Ndërsa i shtrëngon dorën dikujt, ose e heq kapelën (por nuk është e detyrueshme), ose përkulesh pak dhe e vështron në sy bashkëbiseduesin.

Një burrë do të ngrihet kurdoherë në këmbë. Gratë nuk duhet të ngrihen, veçse atëherë kur i japin dorën nje personi me te moshuar ose dikujt që kërkojnë ta respektojnë ne menyre të veçantë.

Si shtrëngohet dora?

Kam dëgjuar shumë komente rreth atyre që nuk dinë të japin doren. Thuhet, me të drejtë, se mënyra si ia shtrëngon dorën dikujt tregon ç'karakter ke. Nuk është mirë që ta kemi doren të lagesht (çka quhet "peshk i ngordhur") ose t’ia shtrengojme dorën sa t’ia dëmnojmë fare. Gjithashtu, do te kemi kujdes të mos i kapim vetëm majat e gishtërinjve. Meqenese shume persona janë supersticiozë, do të shmangiin shtrengimin e dores duke i venë përsipër dorën tjetër (përveçse kësaj menyre mungon çdo elegancë). Do të shtrëngojmë duart, duke ndjekur rendin e natyrshem të përparësive: 1) zonjat ndërmjet tyre, 2) zonjat dhe zotërinjtë, 3) zotërinjtë ndërmjet tyre.

Dora që shtrëngohet, tradicionalisht është e djathta. Ky zakon ka mbetur qysh në kohët e lashta, kur në dorën e djathtë mbahej arma dhe, kur e zgjatje dorën bosh, kjo gjë tregonte se kërkoje paqe.

Shtrengimi i dores mund te kete dhe nje nje tjeter kuptim pervec pershendetjes, per shembull per te treguar realizimin e nje biznesi, per te shoqeruar ngushellimet, urimet, nje lutje, nje falenderim a kerkim te falure. Eshte nje shenje shoqerie, miqesie ose edhe dashurie.

[MiLaNiStE]

ueeee po qe me kulturove ti muve tashi :P qeka proces i gjat ky mer pse nuk thu ti :P

nice tem