Masakër në Tiranë, 4 të vrarë

[Eagle]

amon mi Pink, krejt si nazi me je duk me ket post... po jo mi rrush, se pavaresisht si e qysh ishin njerez, kishin femije e familje e goca te dashme, ja kshu si puna jote... keq na vjen se asnji lloj qenie njerezore se meriton vdekjen si qeni ne vreshte...

[Genti^Itali]

Truproja Ismet Oruçi, i akuzuari kryesor për vrasjen e katër të rinjve nga Shkodra u shoqërua në polici për disa orë

Oruçi, në polici dy ditë para masakrës

Policia: Ismet Oruçi u dyshua për vjedhjen e një makine në Qytetin Studenti, dy ditë para krimit

Dashamir Biçaku

TIRANE - Dy ditë para masakrës në tavernën “Olalba”, njëri prej autorëve të krimit të rëndë, Ismet Oruçi, ka qenë për të disatën herë në duart e policisë, si i dyshuar për vjedhjen e një automjeti luksoz në Tiranë. Lajmi bëhet i ditur nga burime të policisë së kryeqytetit, të cilët pohojnë se Oruçi ka qëndruar të martën e javës së kaluar disa orë në qelitë e komisariatit nr.1, ku është marrë në pyetje nga oficerët e policisë kriminale. Motivacioni i shoqërimit të Oruçit në polici, sipas burimeve të mësipërme, ka qenë vjedhja e një automjeti luksoz, të ndodhur atë ditë. Ismet Oruçi, i njohur nga policia për aktivitetin e tij kriminal ishte një ndër personat e dyshuar të kësaj vjedhjeje. Ai është mbajtur i shoqëruar disa orë në qelitë e paraburgimit, në cilësinë e të dyshuarit. Pas verifikimeve të kryera nga agjentët e policisë kriminale dhe nga hetuesit që merreshin me vjedhjen e ndodhur, Oruçi është lënë i lirë. Burime nga komisariati numër 1 pohojnë për “Shekullin” se Oruçi është lënë i lirë, pasi verifikimet e mëtejshme të kryera për vjedhjen e kishin nxjerrë atë jashtë listës së personave të dyshuar. Në këtë mënyrë, autori kryesor i masakrës me katër viktima është rikthyer në vendin e tij të punës, pranë tavernës “Olalba”, deri mesnatën e së enjtes, kohë kur ndodhi krimi i katërfishtë.
Vjedhja e automjetit
Në të gdhirë të ditës së martë, policia është njoftuar se në Qytetin Studenti ishte vjedhur një automjet tip “Benz” me targa të Tiranës. Policia ka marrë denoncimin nga pronari i saj, ndërsa kanë nisur verifikimet në lidhje me dyshimet mbi autorët e mundshëm. Të gjitha shërbimet e policisë kanë marrë shënim targën e automjetit të vjedhur në Qytetin Studenti si dhe llojin e tij. Gjithsesi, edhe pse kanë kaluar disa ditë nga vjedhja e këtij automjeti, policia nuk ka mundur të zbulojë autorët e mundshëm të vjedhjes. Sipas deklarimit të të dëmtuarit para organeve të policisë, automjeti është marrë nga persona që ai nuk i njihte, të cilët më pas janë larguar me shpejtësi nga vendi ku ishte parkuar makina luksoze. Nga dëshmia e pronarit të makinës, policia ka futur në rreth disa të dyshuar, ndër të cilët edhe Ismet Oruçin, i cili njihej për të kaluarën e tij kriminale në veprat penale të vjedhjes.
Hetimet
Menjëherë pas kallëzimit të dhënë në komisariat për vjedhjen e automjetit, policia ka nisur verifikimet ndërsa janë shoqëruar disa persona, si të dyshuar të mundshëm në kryerjen e kësaj vjedhjeje. Sipas burimeve të mësipërme, të gjithë personat e shoqëruar në ambientet e komisariatit njiheshin si të implikuar në veprimtari kriminale. Mes të shoqëruarve, sipas burimeve të policisë, ka qenë edhe Ismet Oruçi, 29- vjeçari i punësuar si shoqërues i pronarit të tavernës “Olalba” dhe si bodigard në tavernë. Pasi ka qëndruar për disa orë në mjediset e komisariatit numër 1 në Tiranë, Oruçi është lënë i lirë, pasi është verifikuar shpejt se ai nuk ka qenë i implikuar në grabitjen e ndodhur në qytetin Studenti. Ismet Oruçi është lënë i lirë, por dy ditë më vonë ai do të bëhej autor i njërit prej krimeve më të përgjakshme të ndodhura në Tiranë gjatë viteve të fundit. Së bashku me Ilir Gavoçin, Oruçi akuzohet se ka vrarë katër të rinj shkodranë, të cilët po dëfreheshin në mjediset e tavernës “Olalba”.


DYSHIMI

Telefonata që denoncoi rrëmbimin e një vajze

TIRANE - Natën e masakrës, vetëm pak orë pas ngjarjes së rëndë të ndodhur në ambientet e një taverne në rrugën “Lidhja e Prizrenit”, salla operative e Drejtorisë së Policisë së Tiranës ka marrë një informacion se në afërsi të digës së liqenit artificial, një person me një automjet tip fuoristradë kishte rrëmbyer një vajzë me dhunë dhe ishte larguar me një makinë. Zona ku ishte dhënë informacioni, sipas policisë, është pikërisht zona ndarëse mes komisariatit nr.1 dhe atij nr.2, ndërkohë që dyshimet e para kishin të bënin me ndonjë informacion të pasaktë, të dhënë me qëllimin e shpërqendrimit të hetuesve të masakrës. Kjo ka bërë që fillimisht policia të ngurrojë në verifikimin e këtij informacioni, duke qenë se ishte angazhuar në ngjarjen e tavernës “Olalba”. Gjithsesi, një grup i gatshëm i forcave të komisariatit nr.1 ka nisur verifikimin e informacionit, duke qenë se kolegët e tyre të 2-it ishin angazhuar në ngjarjen e rëndë. Pak orë më vonë, policia ka mundur të shoqërojë në ambientet e komisariatit nr.1 një çift të rinjsh, të cilët nga verifikimi i kryer ishin grindur vërtet në afërsi të liqenit artificial, pasi kishin kaluar disa orë në një nga pabet e natës në kryeqytet. Gjithsesi ata i kanë pohuar policisë se nuk kishin probleme me njëri- tjetrin dhe se kishin marrëdhënie normale. Më pas ata janë lënë të lirë, pas verifikimit të identiteteve të tyre, duke larguar kështu edhe dyshimin për një informacion të rremë nga autorët e vrasjes së katër shkodranëve në tavernën pranë Gardës së Republikës.