Masakër në Tiranë, 4 të vrarë

[Fortis Viatorus]

Ti me lart i njef gje personalisht qe i cileson me "hale". Mos beso dhe shume se
cfare shkruajne gazetat e para, dhe e dyta per shtepi te vet gjithkush eshte i mire.

Ne vitin 1998 te njejten gje bene dhe nje familje ne Shkoder, vrau 5 vete per nje here 3 vellezer.dhe 2 tjere.....ku njeri ishte komplet i pafajshem.

shkodrane keta nuk ishin ne shtepi te tyret por ne klub ne ora 00:30AM duke "diskutuar" teorine e realativitetit qe rastesisht "u masakruan" nga 3 veta me arme me silenciatore. Por s'para ndodh kjo rastesi shpesh.

Vend publik dhe menyra ishte ekzekutim stil mafioz. Masakrat rralle kane te tille stil. Pse duhet te quhet masaker apo tragjedi?

Pse vajten ekzekutuan keta dhe jo te tjere?
Gazetat thone lajme dhe genjeshtra per implikimet me droge etj. hale jane! 4 hale me pak.

[Xhuxhumaku]

Ja nje version mbi vrasjen sipas Gazetes Ekspres.

Pazaret e drogës vranë katër shkodranët

Sherri në “Olalba”. Versionet që “fajësuan” këngëtaren, ndërsa Shkodra përcjell 6 të ekzekutuar për një ditë.

Nikoleta Kovaçi

Në “Olalba”, që një natë më parë, u kthye në një vendbetejë të përgjakshme, brenda së cilës mbetën të vdekur tre persona, dhe një tjetër në parking. Shenjat e përgjakjes së madhe gjendeshin sërish aty. Madje edhe ndonjë provë konkrete, për të cilën policia nuk kishte treguar vëmendjen e duhur për ta bashkuar. Rrethi që mbante të mbyllur qarkun e tavernës dhe qindra kureshtarët që vinin të shihnin vendin ku katër shkodranët mbeten të vdekur në mënyrë të befasishme, përbënin “klientelën” e radhës së “Olalbës” së famshme. Përveç masakrës, pamjet e së cilës janë të fiksuara nga disa persona momenteve të ngjarjes së bujshme, taverna ngjante me një godinë brenda së cilës u zhvillua një luftë e ashpër. Në të vërtetë vetëm njëra palë rezultoi e armatosur. Pala tjetër, të përgatitur për të marrë “gjërat” e tyre, arsyeja që i solli në “Olalba”, morën plumbat mbi trup, duke lënë brenda ambienteve të saj jetët e tyre. Dita e djeshme në Koplik ishte ditë zije, ndërsa Shkodra përcjell për në banesën e fundit vetëm brenda një dite gjashtë përsona, të gjithë viktima të plumbave dhe konflikteve banale. Policia mban dhe mbron motivet e konstatuara, sipas tyre, herët, ndërsa gjashtë familje shkodrane janë në mort prej orësh…


Momentet para vrasjes

Katër të rinjtë shkodranë mbërrijnë në kryeqytet, si duket të motivuar… Vendi ku do darkonin dihej prej tyre. Ambientin e kishin të një të njohuri. Kështu, vendosen në një prej tavolinave të personave të veçantë dhe nisin të darkojnë. Kaluan pak çaste nën shoqërinë e njëri-tjetrit, për të filluar më pas muzika “live”në lokalin që gjendet afër Gardës së Republikës. Gjithçka nis çuditshëm, për të përfunduar në mbërritjen në lokal të dy prej të zotëve të saj. Të shoqëruar edhe me të tjerë, Ilir Gavoci, një prej pronarëve të “Olalbës”, rreth orës 12 të natës afrohet pranë pronës së tij. Brenda gjendeshin të padëshiruarit e mëdhenj, si duket jo vetëm të tijët. Nën shoqërinë e Ismet Uruçit, emrit proverbial, mbi të cilin bie pesha e një prej vjedhjeve më spektakolare të realizuara ndonjëherë, dhe të një tjetri, takohen me “mysafirët” jo të panjohur prej tyre nga zona e largët e vendit. Katër djemtë, të pozicionuar ende në tavolinën e tyre, mësohet se biseduan për diçka të rëndësishme. Njëri ngrihet, siç u dëshmua, dhe i bie me grusht Gavocit, duke i thyer nofullën. Më pas ndërhyn Uruçi me armë. Ndërsa saktësohet se disa dëshmitarë në bisedën e tyre dëgjuan edhe për një sherr femre. Mirëpo në të vërtetë, në lidhje me të s’ka asgjë që komplikoi situatën deri në atë masë. Në të kundërt, si mund të motivohet ndjekja e të katërtit deri tek makina…dhe të qëlluarit mbi të pa asnjë pikë mëshire.


Masakra, në motive të e dyzuara

Pas zënkes, dialogun e së cilës e depozituan dëshmitarët në dokumentimin e ngjarjes, thuhet se mbi tavolinën ku gjendeshin shkodranët qëllohet me dy armë. Në njërën deklarohet tashmë se shtiu Ismet Uruçi, ndërsa me tjetrën, policia ende nuk jep asnjë version për të, pavarsisht se thotë se në vendin e ngjarjes ishte edhe vetë Gavoci. Kështu mbeten të vdekur në tavolinë Ali Beka, 29 vjeç, Altin Xhepaxhiu, 34 vjeç dhe Alban Kruja, 35 vjeç, ndërsa Elvis Berberi, 25 vjeç, me një plumb në kokë mundi të largohet prej tavolinës i gjallë. Niset në drejtim të makinës dhe i përgjakur mundohet të shpëtojë. Sapo hap makinën, dikush numëron mbi të plumbat e tjerë, duke e lënë të vdekur në vend, duke mundësuar eliminimin e të katër “mysafirëve” të largët. Shastisja mbizotëron vazhdimin, ndërsa ekzekutimi makabër sjell në vendin e ngjarjes forca të shumta policie. Viktimat, në vend, tre brenda lokalit dhe tjetri në parking. Identifikimi kryhet shpejt, ndërsa policia hedh dyshimet e para. Nisin me “pasaportat” e viktimave. Si arsyetim, fakti i justifikimit të vendndodhjes së tyre aty, në ato ambiente. Ndërsa startimi është i menjëhershëm; viktimat janë kontigjent kriminal. Vazhdohet më tej, dy prej tyre të dënuar për vepra të ndryshme penale në Zvicër e Itali, ndonëse Altin Xhepaxhiu është i njohur në qarqet e policisë së qytetit verior, si efektiv deri në vitin 1997. Pasohet me masat që po merrte policia me ngritje postblloqesh dhe me të punuarit në mënyrë intensive për identifikimin e autorëve të masakrës. Dëshmitarët e shumtë e panë të paktën badigardin e “Olalbës” të qëllonte mbi ta. U mundësua, sipas tyre, mos dalja e atentatorëve nga Tirana, ndërsa saktësohet se ishte pikërisht policia, e cila e motivoi ngjarjen me shkaqe banale. Në fokus vihet një personazh femër, ndërsa thuhet se djemtë e ardhur nga Shkodra e ngacmuan këngëtaren e ftuar mbrëmjen e së ejntes në “Olalba”. Emri i Ismet Uruçit nuk u lakua në asnjë shkresë zyrtare të policies, madje as në informacionet pasqyruese të punës së tyre, të cilat transmetohen nëpër “vendkalimet” e mësuara herët… ashtu si emri i pronarit, që u gjend menjëherë në vendin e ngjarjes, e që ka të bëjë me Ilir Gavocin.


Kush janë viktimat dhe autorët…

Burimet zyrtare të Drejtorisë së Policisë së Tiranës e fokusuan ngjarjen fillimisht në larje hesapesh. Pastaj u spostua në një sherr banal për këngëtaren, të ngacmuar prej shkodranëve dhe ndërhyrjes së badiguardit të tavernës për ta mbrojtur punonjësen e tyre. Mirëpo, pas identifikimit të viktimave, emrat e të cilëve rezultonin të skeduar, policia nuk nguroi t’i përfshinte personat në kontigjent kriminal. Sipas zërave, mësohet se dy prej viktimave të tavernës “Olalba” kanë dosje të hapura në Zvicër dhe në Itali. Konsiderohen si kokat e një rrjeti shpërndarjeje droge, informacion që sjell ngjarjen në një tjetër dyshim. Orëve të pasdites së djeshme, ndërsa ngjarja ndiqej hap pas hapi nga ekspertë dhe të interesuar të shumtë, u tha se droga dhe pazaret e saj mund të jenë një prej shkaqeve të ekzekutimit. Ngjarja hyn në tjetër rrjedhë, ashtu si edhe emrat e personave që qëlluan mbi ta, duke iu marrë jetën. Burimet saktësojnë se vetëm kuksiani Uruçi mbante armë pa leje, ndërkohë mysafirët nga Kopliku ishin të katër të paarmatosur. Ndërsa për tre viktimat e tjera, policia mjaftohet vetëm me njohjen e elementit criminal. Për 34-vjeçarin Xhepaxhiu mësohet se për shumë kohë shërbeu pranë policisë së Shkodrës si një efektiv i denjë i saj. Ndërkohë për të njëjtin person, informacionet policore tregojnë, gjithnjë pas vdekjes, se në Itali konsiderohej autor i dyshuar i një vrasjeje. Mungon në të gjitha informacionet “begraundi” i njërit prej pronarëve të tavernës, i cili mori pjesë në ngjarje, Ilir Gavoci, për badiguardin e “Olalbës” nuk ka nevojë për “pasaportë”. Emri i tij është i njohur që prej katër vitesh. Mbi emrin e Ismet Uruçit gjendet akuzë për një vjedhje të ndodhur në shtëpinë e Domëve në lagjen “Çelepias” të qytetit të Beratit, në shumën prej 200 milionë lekësh. Emri i tretë që mori pjesë në atentat nuk bëhet i ditur, por mendohet të ishte një shok i dy prej pjesëmarrësve. Ndërsa u saktësua se armët që shtinë mbi shkodranët ishin pistoleta TT dhe “bereta”.

Historia e vjedhjes

Ishte tetori i vitit 2001. Në shtëpinë e Rakip Domit mbërrijnë dy mysafirë. Prezantohen si punonjës të policisë së Fierit dhe të mirinformuar për vendin e dollarëve, nxjerrin armët dhe nën kërcënimin e tyre arrijnë të marrin shumën prej 140 mijë dollarësh, konvertimi në atë kohë kapte shifrën e 200 milionë lekëve (të vjetra). Denoncimi dhe dëshmia e të dëmtuarve ishte sa e habitshme aq edhe dramatike. Atëherë dy pleqtë Domi treguan se hajdutët ishin të veshur bukur, me kostum e të kollarisur. Policia vazhdoi kërkimin e dy personave “policë” dhe grumbulloi në vendin e marrjes së lekëve shumë shenja, të cilat implikuan direkt kuksianin Ismet Uruçi, ngjarje për të cilën në janarin e tre viteve më vonë, policia e Beratit në bashkëpunim me atë të Tiranës, besuan se gjetën autorin e asaj grabitjeje të bujshme. Ndërsa emri i tij u lakua edhe pak muaj më vonë, kur në aeroportin e Rinasit autoritetet kufitare ndaluan me armë një grua, e cila po nisej për në Zvicër. Policia konstatoi se personi që mbante pistoletë ishte Karafile Domi, e cila armën do t’ua dërgonte djemëve, pasi pas arrestimit të Uruçit për vjedhjen në shtëpinë e tyre, u kërcënuan disa herë nga persona të panjohur për ta.


Gjashtë viktimat e një dite

Katër të vdekur shkojnë nga Tirana. Thuhet se janë që të katër nga Kopliku, ndërsa vetëm pak orë më vonë në spitalin e qytetit të Shkodrës vdesin dy të plagosurit e një ditë më parë. Janë Briken Drishti dhe Bardha Pollosha, që nuk iu mbijetuan dot plumbave të marrë në pragun e shtëpisë së Besnik Drishtit, i cili sipas informacioneve, gjendet në gjendje kritike për jetën në të njëjtin spital, ndërsa ditën e djeshme nuk mundi t’u jepte lamtumirën të birit, 22 vjeç dhe të afërmës së tij, 35 vjeçe. Gëzim Allkaçiu që qëlloi mbi ta, u ndalua bashkë me djalin 15 vjeç dhe me një kushëririn e tij, si bashkëpunëtor në këtë krim, kurse për ekzekutimin e katër koplikasve ende nuk ka asnjë të prangosur edhe pse policia pretendon se e zbardhi ngjarjen dhe motivet e vrasjes makabër.

[Davius]

Policia e Tiranës shpall në kërkim biznesmenin Ilir Gavoçi dhe truprojën e tij, Ismet Oruçi si autorë të krimit

Masakra, pas sherrit për këngëtaren

Policia: Motivi i masakrës, ngacmimi i këngëtares së tavernës prej viktimave. Në hetim edhe trafiku i drogës

Dashamir Biçaku

TIRANE- Masakra e përgjakshme në qendër të Tiranës, ku humbën jetën 4 persona dyshohet të ketë si autorë pronarin e tavernës “Olalba” dhe badigardin e tij. Burimet zyrtare të policisë së kryeqytetit kanë pohuar identifikimin e autorëve të këtij krimi të rëndë, të cilët janë biznesmeni Ilir Gavoçi dhe truproja i tij, Ismet Oruçi. Pista e parë dhe më e besueshmja për grupin hetimor është ajo e vrasjes pas një grindjeje për motive banale, por drejtuesit e policisë dhe të prokurorisë pohuan se si autorët e këtij krimi ashtu edhe viktimat kanë qënë të implikuar në trafikun e drogës, ç’ka lë vend edhe për drejtimin e hetimeve në pistën e larjes së hesapeve. “Ne po hetojmë të gjitha versionet e mundshme të masakrës, por paraprakisht mendohet që krimi i rëndë ndodhi për shkak të një konflikti të çastit në mjediset e tavernës”,-pohoi për “Shekullin” një burim nga grupi hetimor. Ali Beqja, 29 vjeç, Altin Djepaxhia, 34 vjeç, ish- oficer në Ministrinë e Brendshme, Alban Kruja, 35 vjeç dhe Elvis Berberi, 25 vjeç, të katërt nga Shkodra, mbetën të vrarë mëngjesin e djeshëm në mjediset e tavernës “Olalba” që ndodhet në afërsi të Gardës së Republikës.

Skema e vrasjes

Taverna “Olalba” ndodhet në bodrumin e një pallati në rrugën “Lidhja e Prizrenit”, i ndërtuar rreth një vit më parë nga pronari i saj, Ilir Gavoçi, i cili akuzohet si autori kryesor i masakrës. Ky i fundit njihet nga policia dhe banorët si pronar i një firme ndërtimi dhe i një numri të konsiderueshëm automjetesh, një pjesë e të cilëve të markës “HUMER”. Burime nga grupi hetimor pohojnë se në tavernën e Gavoçit kanë qëndruar deri në orët e para të ditës së djeshme viktimat, të vetmit klientë të tavernës në atë orë të vonë të natës. Mësohet se katër viktimat, të gjithë nga Shkodra, kanë qenë duke pirë në një tavolinë që ndodhet në të majtë të hyrjes së tavernës. Grupi hetimor ka zbuluar si motiv të krimit ngacmimin e këngëtares së tavernës prej katër viktimave. “Sipas të dhënave dhe dëshmive të mbledhura në vendngjarje, viktimat e këtij krimi të rëndë kanë qënë duke dëfryer në tavernë, por pak para mesnate kanë ngacmuar këngëtaren e tavernës”,-pohojnë burimet. I pari që ka ndërhyrë ka qënë pronari Gavoçi, i cili u është afruar shkodranëve dhe u ka kërkuar që të mos bezdisin këngëtaren e tavernës, por viktimat kanë vazhduar në të tyren. “Gavoçi ka dërguar truprojën e tij, Ismet Oruçin që të “këshillonte” klientët, por këta të fundit kanë filluar ta shajnë dhe ta godasin me grushta. Pikërisht ky ka qënë momenti që ndezi gjakrat në konfliktin që përfundoi me katër të vrarë”,-shtojnë burimet nga grupi hetimor.

Viktimat

Njëri prej viktimave është gjetur nga policia pranë tavolinës ku ndodhej pronari i tavernës dhe truproja i tij, një tjetër në mes të lokalit dhe viktima e tretë ndodhej në tavolinën ku kishte qëndruar me miqtë e tij. Jashtë në oborrin e pallatit, sipas policisë është vrarë Elvis Berberi, i cili madje i ka kërkuar ndihmë policit privat që ruante objektin. “Më vranë”,- ka ulëritur ai, duke i kërkuar ndihmë policit privat. Vetëm pak çaste më pas, jashtë lokalit ka dalë Oruçi, i cili ka qëlluar me pistoletë në drejtim të tij. Nga ekspertimi mjeko- ligjor dhe nga këqyrja e trupave, policia ka vërejtur se tre prej tyre kanë marrë nga një plumb pistolete në kokë, ndërsa Elvis Berberi ka marrë dy plumba, një në kraharor dhe një në pjesën anësore të trupit. Policia ka konstatuar se gjatë krimit të katërfishtë, autorët kanë përdorur dy pistoleta, njëra tip “TT”, si dhe një tjetër të një kalibri 9 mm, që sipas ekspertëve mund të jetë “Bereta”, ose “Zastavë”. Menjëherë pas krimit, një nga autorët është futur sërish në lokal, nëpërmjet derës së pasme të tij, ka hyrë në garazh dhe më pas ka marrë një automjet tip “Benz” pa targa. Në këmbë, sipas policisë mendohet të jetë larguar pronari i tavernës, Ilir Gavoçi, i cili ka hipur në automjet pak metra më tej. Dëshmitarët i kanë pohuar policisë se dyshja ishte larguar nga vendi i ngjarjes me një automjet tip “Benz” 250 pa targa.

HETIMET

Policia shoqëroi 15 persona për krimin

TIRANË- Pas këqyrjes së vendit të ngjarjes dhe identifikimit të trupave të viktimave, policia ka shoqëruar në ambientet e komisariatit nr.2 rreth 15 persona, të gjithë personel i tavernës ku ndodhi masakra. Po kështu është shoqëruar në komisariat edhe polici privat që ruante godinën e pallatit. Të gjithë ata janë marrë në pyetje nga hetuesit dhe nga deklarimet e siguruara është bërë i mundur identifikimi i autorëve të këtij krimi të rëndë. Motivi më i përmendur nga oficerët e krimeve dhe drejtuesit e policisë në lidhje me këtë ngjarje ka qenë sherri për këngëtaren e tavernës, e cila ishte shkodrane. Ky është edhe motivi për të cilin policia dhe prokuroria pohojnë si shkak të krimit të katërfishtë. Policia ka kryer një kontroll të imtësishëm në banesën e Ilir Gavoçit, që ndodhet në katin e nëntë të të njëjtit pallat ku ndodhet edhe taverna e masakrës. Ndërkaq, policia dhe prokuroria kanë verifikuar dhe hetuar edhe versione të tjera që dyshohen si motive të ngjarjes, njëra prej të cilave është larja e hesapeve për pazaret e drogës.


Skeda e autorëve

Ilir Gavoçi

Lindur më: 1972
Vendlindja: Shkodër
Vendbanimi: Tiranë
Gjendja Penale: I padënuar
I njohur si biznesmen në fushën e
ndërtimeve dhe pronar i tavernës “Olalba”

Ismet Riza Oruçi

Lindur më: 1975
Vendlindja: Kukës
Vendbanimi: Tiranë
Gjendja Penale: I dënuar për trafik
droge, femrash dhe vjedhje banesash
Profesioni: bodigard në tavernën ku ndodhi krimi

[Genti^Itali]

Policia dhe prokuroria kanë sekuestruar dje tavernën “Olalba”, automjetin dhe sende të tjera, prona të Ilir Gavoçit

Masakra në tavernën “Olalba”, arrestohet orkestra

Një këngëtar dhe katër orkestratë janë arrestuar nga policia me akuzën e moskallëzimit të krimit

Ened Janina

TIRANË - Arrestohen pesë punonjësit e orkestrës së tavernës “Olalba” me akuzën e moskallëzimit të krimit. Një këngëtar dhe katër orkestrantë janë arrestuar nga policia në lidhje me ngjarjen e tre ditëve më parë ku mbetën të vrarë katër persona. Indrit Mesar Melika, këngëtar, Bledi Luigj Doci, orkestrant; Fatmir Vebi Mesi, orkestrant; Dritan Melika, orkestrant dhe Indrit Agim Kodrakiu, orkestrant, janë arrestuar nga policia dhe prokuroria e Tiranës. Të pestë të arrestuarit akuzohen se nuk kanë bashkëpunuar me policinë dhe prokurorinë për të treguar autorët e masakrës. Ndërkohë policia në bashkëpunim me organin e akuzës ka bërë edhe sekuestrimin e tavernës ”Olalba”, automjetit dhe sendeve të tjera që janë në pronësi të të dyshuarit si autor i masakrës Ilir Gavoçi. Lajmi është pohuar dje nga burimet zyrtare të policisë së kryeqytetit. Sipas tyre, ka filluar një operacion i gjerë, në të gjithë republikën, për të kryer arrestimin e dy të dyshuarve si autorë të masakrës, Ismet Oruçi dhe Ilir Gavoçi.

Arrestimet
Vetëm pak minuta pas masakrës, në tavernën ”Olalba”, kanë mbërritur efektivat e komisariatit të policisë Nr.2 në kryeqytet. Ata kanë bërë rrethimin e zonës si dhe kanë shoqëruar për të marrë në pyetje të gjithë personat që ndodheshin në tavernë në momentin e ngjarjes. Gjatë marrjes së tyre në pyetje asnjë nga anëtarët e orkestrës nuk ka pranuar që të japë të dhëna në lidhje me ngjarjen e ndodhur. Madje ata nuk kanë pranuar që të tregojnë as se kush ishin autorët e krimit. Edhe pse ata nuk i janë përgjigjur pyetjeve policia i ka lënë të lirë për t’i thirrur sërish pasditen e së premtes. Edhe gjatë seancës së dytë të pyetjeve as këngëtari Indrit Melika dhe as katër orkestrantët nuk kanë pranuar që të bashkëpunojnë me oficerët e policisë dhe prokurorët. Në këto kushte policia në bashkëpunim me prokurorinë, kanë marrë vendimin për arrestimin e tyre për veprën penale të moskallëzimit të krimit. “Pas një pune profesionale, shërbimet e Komisaritit te Policisë Nr.2, në bashkëpunim të ngushtë me prokurorinë, kryen arrestimin në flagrancë të pesë shtetasve, për veprën penale të moskallëzimit të krimit, e parashikuar në nenin 305 të Kodit Penal”,_ thuhej dje në njoftimin zyrtar të policisë në lidhje me këtë ngjarje. Sipas tij, të pestë të arrestuarit do të qendojnë në ambientet e paraburgimit deri sa gjykata të caktojë masën e sigurisë.
Sekuestrimet
Ndërkohë policia e kryeqytetit është duke punuar intensivisht për të kryer arrestimin e dy të dyshuarve si autorë të masakrës ku humbën jetën katër persona. Menjëherë policia ka organizuar një operacion për kapjen e të dyshuarve Ismet Oruçi dhe Ilir Gavoçi. Oficerët e policisë kryen kontrolle në banesat e tyre si dhe njerëzve të afërm por pa mundur që të gjejnë dy të dyshuarit. Dyshimet e uniformave blu janë se Ismet Oruçi dhe Ilir Gavoçi janë larguar nga Tirana menjëherë pasi kanë kryer vrasjet. Për këtë arsye fotografitë e tyre i janë shpërndarë të gjitha Drejtorive të Policive në rrethe në mënyrë që të bëjnë arrestimin. Dyshimet e policisë nuk përjashtojnë as mundësinë e largimit të dy të dyshuarve jashtë Shqipërisë. Për këtë arsye fotografitë e tyre janë dërguar në të gjitha pikat e kalimit kufitar por është kontaktuar edhe me policitë e vendeve fqinje. ”Nga ana e policisë është bërë shpallja në kërkim e dy autorëve të dyshuar, janë shpërndarë fotografitë në të gjitha Pikat e Kalimit Kufitar, po bashkëpunohet me Drejtoritë e Policisë së Qarqeve të tjera si dhe me shtetet fqinje, për kapjen e tyre”, thanë dje burimet zyrtare të policisë. Ndërkohë dje policia dhe Prokuroria e rrethit Tiranë kanë vendosur sekuestrimin e pronave të Ilir Gavoçit. Me vendim të policisë dhe prokurorisë shtetasit Ilir Gavoçi ju sekuestrua nga Policia Gjyqësore, në bashkëpunim Prokurorinë e Rrethit Tiranë, prona e tij taverna, automjeti dhe sende të tjera. Ndërkohë po kryhen verifikime për të zbuluar prona të tjera të të dyshuarve si autorë të masakrës.

[Manulaki]

O Manulike, nuk e ke idene se cfare krimesh ndodhin ketu. Mfjafton te lexosh nje gazete dhe do ta kuptosh se cfare psikologjie kemi.

Vret gruaja burrin, djali babain, fqinji fqinji, shoku shokun, per nje veshtrim behet qameti, dhe sipas teje cfare i thuhet kesaj?

Sigurisht qe jo te gjithe bejne keshtu, por me duket se ka rene nje si pune epidemie .

Gjithe te mirat!

Arber!
Faleminderit per pergjigjen dhe per shkrimin tend.
Jam dakord me faktin qe ndodhin gjera te jashtezakonshme. Por te njejtat lloje krimesh i degjojme perdite ne Amerike. (Po te them se shume shpesh degjojme ne lajme per burra qe vrasin grate me barre, apo per gra qe vrasin femijet...etj) Vetem disa dite perpara nje vajze 18-vjec kishte hedhur foshnjen e porsalindur nga dritarja. Nga investigimet doli qe ajo nje vit perpara kishte hedhur nje tjeter foshnje, dhe qe te dyja foshnjat kishin per baba, babain e vete vajzes i cili e kishte perdhunuar.
Nuk jane vetem shqiptaret me probleme te tilla krimesh ne bote.
Shoqeria ka ndryshuar shume.
Shqiptaret vec barres qe mbartin te se kaluares se tyre (qe s'jemi sheruar akoma si shoqeri nga komunizmi, Turqia...mosmarrveshjet me fqinjet..etj) po kalojne dhe presionin e integrimit ne nje bote moderne e te pasur. Keshtu qe na duket sikur "shqiptare hesapi" eshte dicka qe vetem ne e bejme, po ta them me shume siguri dhe me bindje se ka edhe "ruse hesapi", "hispanike hesapi", "italiane hesapi", "zezakeri hesapi"... e shume hesape qe ne fund te fundit nuk ia vlen t'i zesh me goje. Cdo shoqeri ashtu si e jona ka te njejtat probleme. Ne, ngaqe jemi te rrethuar nga problemet tona, na duket sikur ne vetem kemi te tilla krime.
Kjo qe ka ndodhur eshte masaker dhe eshte krim shume i rende qe na njollos, por jo qe t'ia veme vetes damke dhe te themi "shqiptare hesapi"

[Eagle]

mami i vogel ti nuk e ke keq, dhe ta kuptojme hallin, ti sdo ti fusesh te gjithe shqiptaret ne nje thes te zi. ashtu eshte...ama faktet e perditshme jane kokeforte. 4 burra, qe neper gazeta thuhet qe sjane debila, njeri madje ndiqte fakultet ne itali, nje pronar qe kaq vite drejton nje biznes, ja dhe nje roje qe mund te jete i cik i dyshimte po nejse se paragjykojme dot, pra 6 burra jo_minorene, vriten per nje kenge , dhe cfare kenge ishte thua ti, se mos ishte ajo: a kane uje ato burime, meqe uji eshte pike e flori atje, apo mos ishte kenga , ulu mal te dali hana e tna jape pak drite, meqe dhe dritat jane me racion...jo, jo ishte nje kenge SLLAVE, o turp i botes, per nje kenge sllave vriten 4 burra shqiptare...e kupton cfare ironie e shemtuar, se pak u vrane e u therren si berrat ne 99 per hir te sllaveve. per mendimin tim ky ishte lajmi me i turpshem dhe me qesharak qe mund te kem lexuar deri ani...po si i qajne ato te gjora gra xhanem...e dhe rinine per nje kenge sllave, o azgan....bobo, zot na jep nji vdekje te bukur! amin!!!!!

[vampiro]

masaker me 4 veta?!!

[Hyllien]

Kater kriminela me pak, pak rendesi ka se per car u zune. Shkodrane82, nuk di car kerkon te njohesh ti kur po e thone shprehimisht lajmet se qe te katert jane me precedente penale ne gjithe Europen per droge e prostitucion. Nje gje pozitive qe verehet keto vitet e fundit eshte qe larjet e hesapeve te pakten nuk po marrin jeten e njerezve te pafajshem qe qellojne atje ne castin e gabuar.

[vampiro]

qitja ta rregullon shenjestren

[PINK]

Kater kriminela me pak, pak rendesi ka se per car u zune. Shkodrane82, nuk di car kerkon te njohesh ti kur po e thone shprehimisht lajmet se qe te katert jane me precedente penale ne gjithe Europen per droge e prostitucion. Nje gje pozitive qe verehet keto vitet e fundit eshte qe larjet e hesapeve te pakten nuk po marrin jeten e njerezve te pafajshem qe qellojne atje ne castin e gabuar.

Dakort me kete Cyclon me lart
E kujt i plasi me nder .. se kush u vra, vetem ne shqiperi i bejne keto lajme sensancionale , dhe me buje te madhe .
"Masaker" per 4 veta qe e kerkuan vdekjen kot , budallallik me brire .
Tamam 4 plehra me pak , ate qe deshen ate moren .

As mos ju vij keq hic .