Brigel rri - Eshte koha te vazhdosh punen e nisur

[Qerim]

Deklarata e gjermanit pas përfundimit të zborit triditor


Brigel: Deri në fund kontratën me Shqipërinë



FATJON KODRA

Trajneri i kombëtares shqiptare, Hans Peter Brigel u ka bërë një apel talenteve që aktivizohen në kampionatin shqiptar. “Duhet të ndryshojnë mentalitetin e tyre, në mënyrë që ata vetë të kërkojnë për të arritur në kombëtare.

Tekniku i kuqezinjve të Shqipërisë e ka zhvilluar nën shi seancën e fundit të stërvitjes me futbollistë të kampionatit shqiptar. Gjermani nuk ka veçuar asnjë prej 19 të grumbulluarve, duke folur për ta me terma të përgjithshme. “Stërvitja ka qenë e mirë. Lojtaret kanë punuar dhe kjo është parë, por duhet të them se ata kanë qenë të papërgatitur. Kjo nuk ka të bëjë me trajnerët shqiptarë, pasi unë e di që ata punojnë në kushte shumë të vështira”, ka sqaruar Brigeli në një prononcim për gazetarët. Tekniku i kuqezinjve ka ritheksuar edhe një herë idenë e tij për aktivizimin e futbollistëve pretendentë për kombëtare në ekipe të huaja. “Talentet duhet të kërkohen dhe të zbulohen, pasi ata nuk dalin spontanisht në skenë. Nëse do të ishte e mundur të luanin edhe në një ekip të huaj do të ishte më mirë. Futbollistët shqiptarë duhet të ndryshojnë shumë koncepte të tyre si në stërvitje ashtu edhe në lojë, ka deklaruar trajneri gjerman. Kemi planifikuar që të zhvillojmë edhe një zbor tjetër stërvitor në muajin dhjetor, e më pas këto elementë do t’i marrim me vete edhe në turneun e Norçias, për të pasur edhe eksperiencë ndërkombëtare. Por, me talentet duhet punuar sistematikisht që të ndryshojnë mentalitetin dhe që ata vetë të kërkojnë të arrijnë në kombëtaren madhore”, shtoi Brigeli. Ndërsa për sa i përket çështjes së ofertës së ardhur nga Federata Kineze e Futbollit, Brigel është përgjigjur se kërkon të jetë sa më korrekt dhe të respektojë deri në fund kontratën që ka me drejtuesit e Federatës Shqiptare të Futbollit. “Oferta të tilla janë të shumta, por unë u jam përgjigjur se kam një kontratë me Shqipërinë. Unë jam një njeri që e mbaj fjalën dhe e kam thënë gjithmonë se do ta çoj deri në fund kontratën time këtu”, përfundoi Brigel. Në fund, gjatë zborit treditor të zhvilluar në Kamëz, nuk kanë munguar edhe problemet me dëmtimet. I pari ka qenë vetë trajneri Brigel, i cili po kalon një gjendje gripale gjatë këtyre ditëve. Përveç tij, dy lojtarët e talentuar Veliaj e Agolli kanë ndërprerë stërvitjen për shkak të dëmtimeve muskulare. Brigeli do të rikthehet në Shqipëri pas 2 javësh, për të zhvilluar stërvitjen e fundit për këtë vit me futbollistët e kampionatit.

[romeoOOO]

Per mendimin tim me aqw sa kam pare dhe ndjekur, Brigel duhet te qendroj sepse me ka pelqyer puna qe ka bo deri tani!

Normal qe ne si Shqiptar deshirojme dhe duam qe kombtarja jone te qendroje sa me lart dhe te kualifikohet en kompeticionet e ndryshme qe zhvillohen si boterori dhe europiani, por per fat te keq per momentin eksperienca dhe lojtaret qe kemi nuk na e lejojme kete gje!


Nuk duhet tja vejm fajin trajnerit sepse kemi skuadra me te forta perpara, dhe sa i perket rroges ai nuk len shpine e vet e te punoje ne Shqiperi per shpirt te nonen.


Un shpresosha shume qe tu kualifikoheshim ksaj here, edhe ne fakt me me shume perpjekje dhe fat ma mer mendja qe mund ti ishim afruar ketij objektivi, qe si gjithmone shtyhet !


me resp. romeoOOO

[panchovilla]

Brigel duhet te rrije sepse me punen e tij Shqiperia nderroi vazo kete here. Dmth keshtu qe kur te hidhet shorti per kualifikimet e evropianit Shqiperia nuk do terhiqet nga vazoja e fundit. Duhet te jemi realiste me mundesite qe pati Brigel ka bere shume pune.