Google – superfuqia e re

[Davius]

Amerika është superfuqi ushtarake, Kina mund të jetë superfuqi e ardhshme ekonomike, por superfuqia e informacionit dihet që tani: makina e kërkimit në internet google.com

Google – superfuqia e re

Google është një makinë për kërkimin e informatave në rrjetin mbarëbotëror të internetit. Këtë tashmë e di secili. Mirëpo, gjiganti i internetit ofron edhe shërbime të tjera interesante, të cilat meritojnë vëmendjen e publikut. Këto shërbime janë një ndihmesë e çmueshme në jetën e përditshme – në shtëpi, në punë dhe gjatë udhëtimit. Për shembull google mund të përdoret jo vetëm për kërkimin e faqeve të tjera në internet. Të zëmë se një bankier dëshiron të dijë se në ç’orë mund të niset me tren nga Mynihu për të arritur me kohë në një mbledhje të rëndësishme në Berlin, e cila do të mbahet pasdite. Ai në vendkërkimin e faqes në google mjafton të shkruajë: München Berlin 09:30 (ose kohëra të tjera, sipas dëshirës).

Dhe menjëherë do të keni përpara ëeb-adresën e saktë me orarin e trenave. Makina e kërkimit google është edhe kalkulator (shkruani p.sh. 5+4 dhe klikoni enter; menjëherë do të keni rezultatin: 9). Një shërbim tjetër është plani i qyteteve. Kërkoni një qytet dhe google si rezultat të parë të kërkimit do t’ua prezantojë planin e qytetit. Google ka edhe një shërbim përkthimi, i cili për momentin funksionon vetëm për gjermanisht dhe anglisht (p.sh. shkruani në anglisht fjalën të cilën dëshironi ta përktheni në gjermanisht, pastaj shkruani English-German dhe klikoni enter).

4500 gazeta
Askush nuk ka kohë t’i lexojë mijëra gazeta, që botohen në botë – përveç neës.google. Versioni amerikan “lexon” 4500 gazeta, prej të cilave lexuesit në internet mund të informohen duke shkruar fjalën përkatëse të interesimit të tyre. Me google alert madje mund të njoftoheni përmes email-it për çdo temë që jeni të interesuar.
Një ofertë tjetër falas e google është gmail: posta elektronike e bazuar në ëeb. Për dallim nga hotmail dhe yahoo, gmail ofron më shumë hapësirë memorizuese (2.5 gigabajt) dhe ka një filtër të mirë kundër emailave komercialë (spam).

Shërbimi më i ri i google është ëëë.earth.google.com. Në këtë adresë mund të bëni shkarkimin e programit brenda pak minutash dhe pastaj të shikoni botën nga të gjitha qoshet e mundshme. Pamja është fantastike. Së fundi google ka vënë në dispozicion një version të ri të earth, i cili mundëson shikimin e Shteteve të Bashkuara të Amerikës në 3D (pamje tredimensionale). Kështu mund të fluturohet si supermeni nëpër rrugët e Neë York-ut. Tregimi për google është një tregim suksesi. Makina e kërkimit u themelua në vitin 1999 nga studentët Larry Page dhe Sergey Brin të Universitetit Stanford. Ndërkohë vlera e ndërmarrjes në bursë është 80 miliardë dollarë. Google është shndërruar në folje (anglisht: “to google, gjermanisht: googlen etj.). Ndonëse google nuk mund të krahasohet me gjigantin Microsoft (vlera në bursë: 290 miliardë dollarë), prapë makina e kërkimit është duke u rritur si dikur “perandoria britanike”, shkruan Josef Joffe, editor i gazetës së përjavshme gjermane “Die Zeit”.

Kthjelltësia habitëse

Ajo çfarë e dallon google nga Microsoft është baza demokratike. Në google të gjithë janë të barabartë. Në krye të listës së kërkimit përherë dalin faqet e vizituara apo të propozuara më së shpeshti. Google Neës bazohet po ashtu në frekuencën e shfrytëzimit dhe aktualitetit. Froogle, një faqe e google, na tregon se çka mund të blejmë, me çfarë çmimesh dhe si është mënyra e pagesës. Google earth, ndërkaq, ofron pamje fantastike të globit dhe do të mund të zëvendësonte shumë shërbime sekrete. Me google earth secili mund të shikojë botën nga lart, shtëpi pas shtëpie. Ose: para se të shkoni në agjencinë e udhëtimeve për të rezervuar pushimet, në tavolinën e punës në shtëpi apo zyrë mund të shikoni nga lart, me një kthjelltësi habitëse, ambientin.

Projekti i ardhshëm i google është skenimi i miliona librave dhe vlerësimi i teksteve të gazetave jo vetëm sipas aktualitetit, por edhe sipas cilësisë. Të gjithë këta shembuj tregojnë se google është në rrugë të mirë të dominojë tregun global të informatave. Me strategjinë e zgjerimit google synon të shndërrohet në një ofrues të shërbimeve të gjithanshme të internetit dhe telekomunikimit (së shpejti me google do të mund të telefonohet dhe do të ketë edhe një google messenger, i cili do të atakojë hotmail-in dhe yahoo). Google sot disponon me 6,8 miliardë para të gatshme, shumë më tepër se yahoo me 4,9 miliardë dollarë.

Çfarë do të bëjë kompania google me këto para? Ekspertët llogarisin sa google do të investojë në teknologjinë informative në Rusi dhe Kinë. Tashmë google ka blerë 2 për qind të aksioneve të makinës kineze të kërkimit Baidu. Si gjithnjë deri më tani drejtuesit e google nuk bëjnë shumë zhurmë para investimeve të tyre apo paralajmërimit dhe lansimit të projekteve interesante. Së fundi të gjithë u befasuan me programin google earth. Analistët e bursës nuk janë të entuziasmuar lidhur me politikën e rezervuar informative të google. Kështu ende mbetet në nivel spekulimesh se çfarë synon google me hapjen në San Francisco të hot-spot-it të parë falas për lidhje jokabllolvike në internet. Disa ekspertë supozojnë se në San Francisco janë duke iu vënë themelet një rrjeti kombëtar (ndoshta edhe ndërkombëtar). Google hesht.

Siguria e rrezikuar?

Me prezantimin e programit earth nuk ka ngjallur vetëm entuziasëm. Qeveritë e disa vendeve aziatike kanë bërë të ditur se siguria e tyre mund të jetë e rrezikuar dhe i kanë bërë thirrje google që të heq nga rrjeti së paku pamjet satelitore të ndërtesave qeveritare. Qeveria e Koresë së Jugut deklaroi se do t’ia prezantojë shqetësimet autoriteteve të SHBA-ve për shkak të shërbimit të ri të google. Fotografitë e google tregojnë rezidencën private të presidentit jugkorean, bazat ushtarake dhe komandën e ushtrisë – të gjitha këto ndërtesa, për vendndodhjen e të cilave qeveria në Seul hesht.