Përpjekje poetike

[Ullmar Qvick]

undefined

KOHA MODERNE

Me postë më erdhi fatura nga faltorja
Xhuxhi dhe shkurtabiqi grinden keq në parlament
Vigani punon me bodybuilding
Zana lexon përalla për fëmijët në bibliotekë
Shtojzovallet kanë hapur një institut masazhi
Gjergj Elez Alia dergjet që nëntë vite përpara kompjuterit

Velot e mistikës së lashtë u grisën nga koha moderne
I zëvendesoi me epshet e veta
Sot është koha e varfërisë së vërtetë
Imazhet automatike, efektet digjitale-elektronike
Kanë boshatisur dorën e njeriut
Veq prekni tastin dhe hyni në cyberspace!
Ja cybergirls, ja cybersex, ja destruksioni total...

Diku shumë larg dëgjohet prapë një fyell
Me melodinë e malësorit të fundit

2005-09-15

Ullmar Qvick
Svedi

[dikeafajtore]

undefined

Gjergj Elez Alia dergjet që nëntë vite përpara kompjuterit

-----------
Sot është koha e varfërisë së vërtetë
-----------

Diku shumë larg dëgjohet prapë një fyell
Me melodinë e malësorit të fundit

2005-09-15

shume bukur. megjithese zhvillimi ndoshta nuk duhet te na trembe kaq shume. urime.

[Brari]

nuk po duket me Ullmar Kviku ketu..

cka ndodhur?

kush ka lidhje me te te na informoje..

Po kjo Dikea nga benet..?

[Ullmar Qvick]

I dashur Brari:
Më vjen mirë dhe më vjen keq të lexoj pyetjen tuaj pse u zhduk Ullmar Kviku.
Ndoshta do të përdor fjalët e humoristit të njohur amerikan Mark Tuein:
"C'ka thuhet për vdekjen time është mjaft e tepruar!"
Jo vetëm se jam i gjallë por edhe sot punoj në moshën 73-vjecare.
Dhe me këtë lidhet fjalia ime e parë "Më vjen mirë dhe më vjen keq". Vërtet kam qenë i detyruar të kufizoj angazhimin tim në cështjet shqiptare.

Shumë gjëra jashtë sferës shqiptare janë lënë anash në rastin tim gjatë viteve, për arsye se kam qenë me mish dhe me shpirt i angazhuar për kulturën dhe popullin shqiptar. Dhe kam familje shqiptare, me gruan Samka, me të bijen Arlinda, dhe tani familja ime ka më shumë nevojë për mua se kurrë. Samka hapi dyqanin e vet këtu në Norrköping, ajo punon si të them ditë e natë tani në fillim. Dhe duhet "të ruaj kështjellën" këtu, në shtëpi, më shumë detyrime, pra.

Nga ana tjetër, në kohën e fundit kam përjetuar caste gëzimi të papërshkrueshme. Me vizitoi një ekip shqiptar nga Norvegjia, dy miq të vjetër Imri Trena dhe Shemsi Rukovci me kameramanin Rexhep Shehu. Bënë një intervistë me incizime dhe planifikojnë të prodhojnë një dokumetar për albanologun Ullmar. Dhe të martën u transmetua një program shume emocionues nga "Radio Follo" në Norvegji, me Imriun para mikrofonit dhe me pjesëmarrjen e shumë dashamirësve shqiptarë përmes telefonit. Telefonoi nga banesa ime edhe mjeku Armend Agolli, i cili rastësisht më vizitoi bashkë me dy vajza - një prej tyre Zana Hoxha me banim në Paris.... Dhe Zana është e bija e shoqes së vjetër të Samkës Nurije, ndërsa Armendi paska qenë nxënës i Samkës në gjimnaz..... Oh, të dashur miq, sa e vogël dhe në të njëjtën kohë sa e madhe qenka bota shqiptare!!! Këto lidhje që përmenda më përpara ishin të panjohura për mua.

Mjaft për sot. Një shenjë jete. Ju falënderoj për vëmendjen, Brari! Të jeni të sigurt: Shqiptarët më rrethojnë me dashuri, simpati, mirësjellje.... por jo gjithmonë kam kohë sa duhet!
UIlmar Qvick

[Brari]

Herr Ullmar..

Gezohem qe u lajmeruat ketu ne Forum.. dhe besoj si une gezohen dhe shume te tjere qe ju kan ndjekur me respekt Juve ne veprimtarine tuaj shkencore e kulturore ne boten shqiptare..
Me vjen mire qe jeni mire e qe i kushtoheni familjes Tuaj dhe qe kini pasur lidhje me shqiptare te mirenjohur kohet e fundit e qe nje dokumentar eshte pergatitur per Ju.
Te uroj shendet e qetesi e mbaresi ne jeten tuaj e te te afermeve tuaj.
Me shum respekt, nga une.

Dukuni..

Ju i duheni Shqiptareve per kulturen qe rrezatoni e per zemren e bardhe qe kini.

Vi ses vi hörs..

[bili99]

Pergezime shume te vonuara , i nderuar z.Ullmar Qvick,

Me pelqeu poezia "Koha Moderne", i nderuar poet, mesues, albanolog ke shkruar varg me shpirt suedezi-shqiptari njeriu...varg lashtesie dhe profeci ardhmerie shqiptare . Perkushtim respekti, kujdesi dhe dashamiresie i nje njeriu te mire , i nje albanologu eshte vargu yt.
Falemnderit qe ke zgjedhur gjakun dhe kulturen tone si interes dhe si fat.
Per boten qe thua eshte e vogel dhe e madhe , shume e vertete kjo thenje.Mjeku qe te ka vizituar Armend Agolli nese eshte nga Dibra e Madhe ..dhe ka studjuar ne Prishtine ne vitet 80-ta besoj qe njihemi...une kam qene student i vitit te pare dhe Armendi ne vit te katert.....Shtepia banese studentash nga Maqedonia ne Aktash 2.Nr..50..12 ..Jeta na ndau shpesh te gjitheve, por ne rruget e jetes shpesh edhe takohemi .
Pershendetje i nderuar Juve me gjithe familje, paci jeten e lumtur me te gjithe qe ju rrethojne.


me nderime,
bili99

[xani1]

nuk po duket me Ullmar Kviku ketu..

cka ndodhur?

kush ka lidhje me te te na informoje..

Po kjo Dikea nga benet..?

Unë këto ditë kam pasur një letërkëmbim me këtë mik të shqiptarëve, i cili pos tjerash u ankua se është shumë i zënë me pëkthime të letrave të ndryshme (ankesa,vendime,qertifikata..) dhe i vjen keq që nuk ka kohë të merret me përkthimin e ndonjë romani nga shqipja në suedisht, apo anasjelltazi. Unë shfrytëzoj rastin që nëpërmes këtij forumi ta përshëndes z. Ullmar e t`i uroj gëzuar festat e fundvitit.