Shqiptaret, sa popull i varfer - Nga Tirana!

[Dita]

tirana
Ekonomist
Posts: 505
(8/5/01 9:35:21 am)
Reply Shqiptaret,sa popull i varfer

--------------------------------------------------------------------------------

Shifra që do të shpenzohet këtë vit është më e madhja e e këtyre 6 viteve të fundit. Kjo shifër tregon që numri i familjeve të varfëra jo vetëm që nuk po zvogëlohet por ka premisa të rritet

Të varfër, nga më të varfërit në
Evropë, pa punë, me të
ardhura minimale, me dëshirë për tu larguar nga vendi. Politika e këtyre 10 viteve të fundit nuk diti të krijonte vende pune, nuk diti të ulte varfërinë, nuk diti të ngrinte nivelin e jetesës, nuk arriti të pëmbushë ato që u premtuam nga të dy forcat politike para 10 viteve. Gjatë 10 viteve të fundit shqiptarët me dashje ose pa dashje i kanë provuar të gjitha mënyrat për uljen e varfërisë. I është ofruar bingo, lojra fati, i janë premtuar rritje rrogash, i janë premtuar hapje vendesh pune, i është premtuar emigracion në masë (që për një qeveri normale do të ishte pranimi i disfatës së vet), i është ofruar kontrabanda, armët, i është ofruar fallsifikimi dhe i janë hapur edhe piramida për të ulur varfërinë. Vetëm vende pune dhe paga të denja për ët jetuar nuk i është ofruar shqiptarëve për të ulur varfërinë. Pas 10 vitesh, Shqiptarët duan të ikin, nuk kanë besim dhe janë ekonomikisht të varfër.

Në shqipëri ekzistojnë komuna apo zona ku rreth 80% e familjeve përfshihen në skemën e varfërisë. Aktualisht janë mbi 150 mijë familje dhe rreth 30 mijë persona që marrin ndihmë ekonomike nga shteti. Duke e marrë mesatarisht një familje me katër persona i bie që jo me pak se 700 mijë persona në Shqipëri, ose 1/4 e shqipërisë jeton me para varfërie. Varfëria në Shqipëri ndahet në katër zona. 1. Zona me varfëri të papërfillshme. në këtë grup përfshihen ato zona që kanë nën 10% të familjeve në skemën e ndihmës ekonomike. Në këtë grup bëjnë pjesë 40% e komunave dhe bashkive. 2. Zona me varfëri të ndjeshme. Në këtë grup bëjnë pjesë ato zona që kanë 10-30% të familjeve në skemën e ndihmës ekonomike. Në këtë grup përfshihen 28% e komunave dhe bashkive të vendit. 3. Zona të varfëra. Në këtë grup përfshihen ato zona ku 30-60% e familjeve bëjnë pjesë në skemën e ndihmës ekonomike. Kjo zonë përfshin rreth 28-30% të komunave dhe bashkive. 4. Zona ekstremisht të varfëra. Në këtë grup përfshihen ato zona ku mbi 60% e familjeve bëjnë pjesë në skemën e ndihmës sociale. Në këtë grup përfshihen rreth 4% e komunave të Shqipërisë, si Kukësi, Shkodra, Dibra, etj.
Aktualisht rrethet me varfëri ekstreme janë rrehet verilindore. Në këto rrethe varfëria arrin të përfshijë rreth 80% të familjeve. Efekti financiar që duhet të përballojë buxheti i shtetit për të zvogëluar varfërinë e rreth 150 mijë familje për vitin 2001 llogaritet të jetë rreth 6 miliardë lekë. Ndërkohë që që nga viti 1993 deri në vitin 2000 shuma e shpenzuar nga shteti shqiptar për familjet e varfëra arrin deri në 23 miliardë lekë. Shifra që do të shpenzohet këtë vit është më e madhja e e këtyre 6 viteve të fundit. Kjo shifër tregon që numri i familjeve të varfëra jo vetëm që nuk po zvogëlohet por ka premisa të rritet.




[b9bato ipare[/b]
Diskutant i rregjistruar
Posts: 8
(8/5/01 9:20:07 pm)
Reply re:

--------------------------------------------------------------------------------

Pershendetje Tirana. Me bene shume pershtypje statistikat qe ofron. Numrat jane si puna e fotografive. Flasin me teper se sa 10000 fjale, dhe s`lene vend per demagogji, dhe numrat qe lexoj ketu jane si te biesh ne nje pellg me uje ne mes te debores. Gjithshka fillon edhe mbaron me pjaten dhe lugen qe njeriu eshte ne gjendje t`i vere para vetes dhe familjes se tij cdo dite. Cdo thirrje per patriotizem, per shqiptarizem, per te luftuar influencen greke, per te mobilizuar kete apo ate ne emer te kesaj apo asaj, pro kesaj partie apo kunder asaj tjetres jane te gjitha perralla me hic. Shok-un me te madh dhe ballafaqimin e pare me realitetin e eger te varferise shqiptare e kam pasur ne vitin 1989-90, kur ne disa fshatra te Kukesit, ne kufi me Jugosllavine, 90 % e familjeve merrnin buke veresije ne furren e fshatit se s`ishin ne gjendje ta paguanin, dhe kur ne Bulqize minatoreve u kish ardhur thika deri ne ate pike sa ata i thane drejtuesve t etyre se ishin gati te therrisnin edhe "Rrofte Miloshevici" po qe se ai do i paguante me shume. Nuk ka mjerim e te keqe me te madhe se sa varferia. Ajo te heq burrerine, fisnikerine, njerzillekun, deshirat e mira, te heq gjithshka qe te ben njeri e te le vetem ato qe te bejne kafshe.





tirana
Ekonomist
Posts: 506
(8/6/01 2:31:18 am)
Reply Re: re:

--------------------------------------------------------------------------------

Shifrave qe dhashe me lart,po i bashkangjis nje artikull te:"Zerit te Popullit,ne menyre qe,çdokush te kuptoje paradoksin e deklaratave te papergjegjshme qe institucionet ekonomike tejet te politizuar japin.Mund te vereni se ç'llogari te gabuara bejne ekonomistet deshtake shqiptare:




Rritet standarti i jetesës, 1.3 herë më i lartë nga ‘93

Tiranë - Deklarohet një përmirësim i situatës ekonomike të familjeve shqiptare nga Instituti i Statistikave. Familjet shqiptare kanë arritur të shpenzojnë deri në 11 mijë lekë për frymë në muaj dhe shpenzimet reale të konsumit që nga viti 1993 janë rritur 1.3 herë. Sipas Drejtores së INSTAT-it, znj.Milva Ikonomi, në përgjithësi situata ekonomike ka një përmirësim. Po të bëjmë krahasimin me vendet europiane, tha Ikonomi, duhet të kemi parasysh faktin që struktura e ushqimit në vendet evropiane nuk zë një peshë kaq të madhe sa në familjen shqiptare, por deri 20-22%. Megjithatë, po të shikohen të dhënat e fundit të INSTAT-it, kur në 1993 ushqimi për shqiptarët arrinte në 67.7% të totalit të shpenzimeve dhe në vitin 2000, 49.2%, dëshmon se ka një përmirësim të gjendjes ekonomike.

Shpenzimet vjetore për konsum të familjeve qytetare për vitin 2000 arrijnë në 120 miliardë lekë. Në muajin maj 2000, një familje mesatare qytetare prej 4 personash, shpenzonte mesatarisht në vit rreth 445 mijë lekë; në muaj rreth 37 mijë lekë dhe për frymë në muaj rreth 9 mijë lekë. Shpenzimet mujore për frymë kanë një rritje prej 3 herësh që nga viti 1993, por duke pasur parasysh se periudhën 1993-2000, inflacioni ka qënë 129%, 2.2 herë, atëherë mund të themi se shpenzimet për konsum të familjeve janë rritur 1.3 herë.

Vërehet se 90% e familjeve qytetare harxhojnë 70% të shpenzimeve vjetore gjithsej. Një familje qytetare që përfshihet këtu shpenzon mesatarisht 28 mijë e 764 lekë në muaj, ndërsa 10% e familjeve qytetare shqiptare shpenzojnë rreth 110 964 mijë lekë në muaj. Mbështetur në këto rezultate mund të themi se se kjo pjesë e familjeve qytetare shqiptare ka një konsum mesatar për frymë 7 mijë e 191 lekë në muaj, kurse 10% e familjeve, këtë tregues e ka 27 mijë e 737 lekë në muaj ose 4 herë më të lartë.

Që nga viti 1993, shpenzimet për ushqim në familjet qytetare janë zvogëluar ndjeshëm, 18.5%, ndërkohë që rritur shpenzimet për ushqim jashtë shtëpisë me 4.5%. Pra, shqiptarët konsumojë më shumë se 7 vjet më parë në "fast food", bare dhe restorante. Rritje të ndjeshme kanë njohur shpenzimet për veshje, këpucë me 2.5% si dhe për pagesën e korentit, ujit dhe ngrohjen e banesës me 1.8%. Edhe shërbimet kanë njohur një rritje të konsiderueshme prej 5.7%, ato për kujdes personal me 1.7% dhe shpenzimet për festat dhe ceremonitë, gati dyfish. Shpenzimet për arsimin janë rritur 2.3% që nga viti 1993 dhe ato për kujdes shëndetësor, 1.7%.


Komenti im

Me lart,une kam dhene shifra relative me te ardhurat per frume te popullates,duke konsideruar qe eshte pikerisht ky zeri qe duhet shqyrtuar per te shikuar nese jeta ekonomike eshte permiresuar apo jo.
Kjo rritje e shpenzimeve,tregon vetem rritjen galopante te inflacionit:Pra anka e Shqiperise,vazhdon e pret bankenota,pa perfillur inflacionin qe po rritet me kete bankenote.Duke ecur me keto hapa,do te arrinim ne konditat e Rusise apo Jugosllavise,ne te cilat,kur shkon te blesh nje kafe,te duhet te marresh trasten me bankenota me vehte.

Nje gje e tille,siç e citova me lart,ka pasur preçedente ne vendet e ish kampit komunist ku,per te blere nje kafe nevojiteshin miliona dinare.Por kjo nuk do te thote qe standarti i jeteses eshte rritur.

Pra,keto deklarata te papjekura,lypset qe specialistet e ekonomise shqiptare ti kursejne.





shqipo
Diskutant i rregjistruar
Posts: 1
(11/20/01 8:07:24 pm)
Reply Re: Shqiptaret,sa popull i varfer

--------------------------------------------------------------------------------

Se cfare llogjike kane perdorur ekonomistet e shpuar (desha te them te shquar) te INSTAT apo Zeri i Popullit hajde merre vesh. Se si mund te gjykosh qe, pse rritja e sasise qe shpenzojne Shqiptaret do te thote qe edhe niveli i jeteses rritet une nuk e kuptoj. Kjo thjesht do te thote qe indeksi i cmimeve eshte rritur. Por nese nuk jane rritur edhe te ardhurat, si mund te jete rritur niveli i jeteses?





tirana
Ekonomist
Posts: 893
(11/21/01 5:01:39 pm)
Reply Re: Shqiptaret,sa popull i varfer

--------------------------------------------------------------------------------

Zeri i Popullit,ka patur gjate gjithe ekzistences se tij detyren e disinformimit te popullit.Nuk e di nese kujtoni deklaratat paradoksale ku thonin qe prodhimi ne kete apo ate fushe ishte rritur me 100,200,apo 300% nderkohe qe populli s'kish ushqim per te ngrene,tregu ishte bosh,duhej mbajtur rradha 5 ore per nje grusht gjize e ushqeheshin me tallona me pulat hungareze te skaduara..

Kohet kane ndryshuar por jo per Zerin e Popullit.Ai vazhdon ta kryeje me se miri detyren e ngarkuar nga Partia per dizinformacionin.

E drejte ajo qe thua Shqipo.Rritja e shumes qe u duhet popullit per te shpenzuar tregon rritje te inflacionit e jo te mireqenjes.Ne rast se ty,per te mbuluar nevojat e per te blere produktet,te nevojiten dhe shpenzon me teper para,kjo tregon qe inflacioni ecen perpara dhe me hapa galopante madje,qe paraja eshte zhvleresuar dhe kostoja e prodhimeve apo sherbimeve eshte rritur.

Por keta pseudo ekonomiste,duke qene te instrumentalizuar nga klanet politike ne fuqi,kerkojne te hedhin hi syve popullit,duke kerkuar ti tregojene qe fuqia blerese eshte rritur.Por fuqia blerese nuk matet ne kete menyre,perkundrazi.



Edited by: tirana at: 11/21/01 5:11:28 pm

[BlueBaron]

Ej,o cuna po pse nuk i shprehni shifrat ne euro apo usdollar qe ta marrin vesh edhe militantet me te flakte sa poshte jemi,ne krahasim me "rritjen ekonomike" qe kemi ne krahasim me vendet e tjera,eshte per te ardhur keq kur arrihet nje nivel kaq i larte mashtrimi,INSTAT te mos marre per kampion deputetet e tenderistet qe bejne gara ndermjet tyre se cfare marke i kane veshjet apo orat e dores,se sa mijera dollare u ka kushtuar,por le te marrin ato qytetare te cileve ju shkon djersa tek ulluku b.... ,per te plotesuar nevojat minimale dhe pastaj te shohim rritjen ekonomike.
Pershendetje te gjitheve.
Skuthi vogel