"Shqiperia e Madhe"

[proscriptor]

po ca flet me ate sumcpumin. Ai e ka trunin ashtu si dhe foton, nje orgji ngjyrash

Mos ki merak se nuk me takon te komentoj nje njeri me moral dhe edukate kaq te larte si puna jote. Te rrofshin gradat qe pretendon ti kishe zoti gjeneral.

ia dhe pergjigjen babes se asaj goces me, po leji llafet

[biligoa]

POLITIKANËT SHQIPTARË ME VIZIONE DRITËSHKURTRA DEKLAROHEN KUNDËR RIBASHKIMIT TË SHQIPËRISË NATYRALE!


Ndarja territoriale e Shqipërisë Natyrale, që nga kohët e errëta të inkuizicionit në mesjetë, mendoj këtu për kohën famëkeqe të Car Dushanit e Stefan Nemanjës; Serbia, për ta arsyetuar pushtimin e trojeve shqiptare dhe për ta bërë akt të kryer edhe si të drejtë historike e hapi në Prizren “Patrikanën e Prizrenit” kështu, e planifikoi me strategjinë të regjur sllave ta bënte Prizrenin qendër të sllavizmit i dha goditje të rëndë kombit shqiptar. Ne, kemi mësuar nga histori-gjeografia se harta e shtetit shqiptar në kohën e Gjergj Kastriotit - Skënderbeut, shtrihej thellë në disa vise të Kosovës, pra deri në Vushtrrinë e lashtë, e cila në kohën e ndritur të Ilirisë, quhej gjyteti Vicianum. Që nga ato kohëra të mbarsura me tendenca dhe realizime të përmasash të ndryshme; për ta gllabëruar Shqipërinë Natyrore, qëndresa luftarake e kombit tonë për ribashkim nuk ka pasur as do të ketë të ndalur kurrë!…


Shkruan: Fadil SHYTI


Këto luftëra janë karakterizuar si luftëra lokale; përkundër faktit se ishin dhe janë luftëra çlirimtare, por nuk kishin as s´po marrin përmasa gjithëkombëtare deri në ditët tona, këto luftëra po përfundojnë pa FITOREN e madhe të ribashkimit gjithëkombëtar. Po përfundojnë pa flakjen e robërisë shekullore, e cila trojet shqiptare i ka vënë në geto, i ka rrudhur si mos më keq, i ka bërë shqiptarët që deri sot të jenë kombi më i shtypur dhe më i pa ardhmëri të ndritur. Si mund të jetë i lirë një komb kur është i copëtuar, si mund të jetë i lumtur për ardhmërinë e tij, kur gjysmë- shteti i tij kufizohet nga të gjitha polet gjeografike, me trojet e veta etnike? Mbase, këtë tragjedi tonën, nuk do të mundeshin ta mbanin me shekuj shtetet sllave, por dihet historikisht që për këtë padrejtësi shekullore kundër shqiptarëve kurdoherë e kishin dhe po e kanë edhe bekimin e Evropës reaksionare dhe të Rusisë pro-cariste.


Që nga kohët e Gjergj Kastriotit - Skënderbeut, Ali Pashë Tepelenës Abdyl Frashërit, Ismail Qemnailit, Enver Hoxhës, Shaban Palluzhës e deri në luftën heroike të Adem Jasharit, në programet e tyre si objektivë kryesore kombëtare e u shtrua RIBASHKIMI KOMBËTAR! KJO ide madhore qëndroi kurdoherë si FLAMUR KUSHTRIMI jo i struku,r por krenar i pandalshëm për beteja, deri në FITORE!


Prandaj habit dhe shqetëson fakti i hidhur pse shumë “politikanë largpamës”, sot deklarojnë hapur se ne shqiptarët nuk jemi për ribashkim kombëtar! Duke i shërbyer qorrazi kësaj ideje famëkeqe, e cila bie ndesh me të gjitha përpjekjet për liri, barazi dhe ribashkim kombëtar shqiptar “demo(n)kratët e sotëm i bëjnë një shërbim të madh armiqve shekullorë sllavë dhe aleatëve të tyre evropianë. Njëkohësisht, i bëjnë një dëm të pallogaritshëm kombit tonë, për faktin e hidhur se “bota demokratike” do të kujtojë dhe do të thotë se: “ja politikanët shqiptarë sa të marrë që janë, ata vet e pranojnë ndarjen të cilën dikur ua kemi bërë ne në bashkëpunim me qarqet më të errëta ballkanike.


Ato vendime në konferencat famëkëqija në Versaje, Berlin, Londër, Paris e gjetiu, të cilat paraardhësit e tyre i luftuan me armë në dorë, tani këta zotërinj të “krehur” me ide “demokratike,” po i përqafojnë me ekstazë… Kjo, natyrisht po ndodhë krejt nën ethet e “fitoreve” të tyre për pushtetin e pa shtet!


Këto ditë, në një intervistë dhënë agjencisë së lajmeve austriake „Die APA- Austri Presse Agentur“, dhe e ribotuar edhe në agjencinë e lajmeve “ INA “ në „Maqedoni“ , kryeministri i Shqipërisë administrative, Sali Berisha, deklaroi se: “edhe pas „pavarësisë“, Kosova nuk do të bashkohet me Shqipërinë” - ai, madje shkoi edhe me larg duke theksuar se “nuk do të ndodhë as bashkimi i të gjithë shqiptarëve në rajon”. Kjo deklaratë e ultë kundërhistorike dhe kundër shqiptare ma kujtoi deklaratën e një politikani “largpamës” gjerman, Hans-Dietrich Genscher, i cili vetëm një vit para se Gjermania të ribashkohej, me paturpësi politike pati deklaruar: “Gjermania nuk do të bashkohet edhe 100 vjet”! Atë botë gjermanët nuk u befasuan fare nga ato që llomotiste “i pari” i tyre “socialist” ; prandaj, as ne shqiptarët nuk duhet të befasohemi fare për ato që llomotitët tani “i pari” ynë “demokrat” apo më saktë pro-fashisti, Sali Berisha. E quaj kështu “të parin” e Shqipërisë, sepse kur ky babëziu e pretendonte pushtetin , në fillimin e “jetës së tij politike”, do të premtonte:“Partia Demokratike do të angazhohet për bashkimin e kombit”, madje kjo qe fiksuar në nenin 3 të programit të saj. Natyrisht, se për këtë, padyshim e gjeti dhe përkrahjen e shqiptarëve. Por me të ardhur në pushtetin e gjysmë-shtet, “politikani atdhetar”, S. Berisha, i harroi premtimet e veta përballë elektoratit. Ai, edhe në fillim të viteve 90-ta, pati deklaruar se “forca jo serioze janë për ribashkim kombëtar”!!! Tani, do t´ia shtroja pyetjen krejt natyrshëm se: A ishin forca jo serioze të gjithë ata heronj dhe heroina që ranë në altarin e lirisë me emrin e Shqipërisë Natyrale në gojë?! Ranë me idealin e madh të ribashkimit për të mos vdekur kurrë, që nga koha e Gjergj Kastriotit tonë të madh e deri tek legjendari - Adem Jashari.


"MURI I BERLINIT" NË SHQIPËRINË ETNIKE


Sali Berisha, pa pikë turpi flet në emër të popullit të Kosovës kur thotë në intervistë se: “nëse qytetarët e Kosovës do të mundeshin të votonin për bashkim apo për pavarësi, „absolutisht jam i sigurt se 98% e banorëve do të votonin për „pavarësi“. Gabohet me qëllim kështu, miku i Sllobodan Millosheviqit dhe i Bullatoviqit, të cilët gjatë viteve 90-ta, i furnizonte me naftë gjatë kohës kur Serbia dhe Mali i Zi ishin në bllokadë ekonomike nga bota, për luftërat e tyre të padrejta që i zhvillonin kundër popujve liridashës, boshnjakë, kroatë dhe sllovenë. Tanket serbo-malazeze, vrastare furnizoheshin aga qeveria “shqiptare”, e cila masakronte popuj e në mesin e tyre edhe popullin etnik të saj, shqiptarët që padrejtësisht kishte mbetur jashtë kufijve të shtetit amë-Shqipërisë Natyrale. Po e ritheksoj se që nga koha e Lidhjes së Lezhës, të Kastriotit, Lidhja e Prizrenit, të Frashëriotit, koha e Pavarësisë të Ismail Qemailit, Konferenca e Bujanit e Enver Hoxhës deri në luftën heroike të famëmadhes UÇK - me në krye komandantin, Adem Jashari, ideali më madhor i kombit ishte dhe ka mbetur RIBASHKIMI GJITHËKOMBËTAR!


Kujtoj këtu edhe programin e “Komitetit të Kosovës”, gjatë viteve të pushtetit satrap të Zogut, kur i madhi atdhetar, Avni Rustemi nën trysninë e presioneve të mbretit dhe bashibozukëve të tij serbofilë turkoshakë e drejtonte së bashku me Hoxhë Kadriun, aty fort mirë janë përcaktuar pikat se luftojnë për ribashkimin e Kosovës dhe trojeve të tjera me Shqipërinë. Kujtoj këtu se edhe në betimin e ushtarëve të UÇK-së ishte zotimi se do të luftojmë për bashkim kombëtar!


Por, ja që tani ky betim po thyhet e po nënvlerësohet nga vet ish-udhëheqësit e saj, Hashim Thaçi&Co. Këta, devijatorë të luftës çlirimtare, tani të përkrahur pa rezerva dhe nga ish-kundërshtarët më të flaktë të këtij ribashkimi, me të cilët kanë hyrë në qeveri sa për të ruajtur karriget e tyre; me LDK-në. Theksoj këtu faktin se kur ishte koha për bashkim për çlirimin e Kosovës e të trojeve të tjera shqiptare, nuk u bashkuan dot “trimat” e LDK-së, por tani kur ra ora e kthimit për pushtetin pa shtet, bëjnë kompromise që as të çmendurit nuk do t´i kujtonin…


Në këtë politikë prapakthehu nuk je i vetmuar as nga faktorët e jashtëm, ore “Sali trimi”! Për këtë pikë të zezë që e keni të madhe sa malet e Shqipërisë sot po ju bekon e ndihmon dhe Evropa dinake, sot po ju bekon dhe po t´ia keni hallin, me siguri do t´ju ndihmojnë dhe shtetet armike sllave, me të cilat keni hy në aleanca ballkanike “demokratike”, keni hyrë në kompromise, madje dhe në ricopëtimin e territoreve të Shqipërisë Natyrale! Si dëshmi të qartë po jua jap vetëm një se përndryshe kemi sa të duam: këto ditë përkrah UNMIK-ut, edhe “pushtetarët” shqipfolës deklaruan se “pushteti paralel i serbëve në Kosovë nuk na pengon, ai nuk është i rrezikshëm”!!! Pa le të provonte fjala vjen që Tirana apo vet “pushtetarët” e Prishtinës, kinse “protektorat” ta shtrinin pushtetin e tyre madje të brishtë në Preshevë apo në Ulqin; së shpejti do të shihej si do të reagonin Serbia dhe Mali i Zi dhe përkrah tyre dhe Evropa “mike” e moderuar.


Por dijeni mirë ti dhe të gjithë ata që po i shërbejnë prapakthimit në historinë tonë të re se për këtë si dhuratë do ta keni mallkimin e breznive të reja , dënimin nga historia jonë e ndritur dhe jam i bindur se edhe nënvlerësimin e merituar nga i gjithë opinioni përparimtarë botërorë.


Nëse, qenka hapur kërkesa për pavarësinë e Kosovës, në një periudhë historike, kjo s´do të thotë aspak se ne nuk jemi për ribashkim; kurdoherë ne atdhetarët e Kosovës dhe të trojeve të tjera shqiptare, këtë e kemi konsideruar vetëm si një hap të përkohshëm drejt arritjes së këtij qëllimi madhor. Natyrisht, këtë e kemi bërë jo nga vullneti, por për të qenë më objektiv, bile përkohësisht të mos shkaktuar tronditje të mëdha luftërash në rajon; por tani kur këto luftëra ndodhën dhe pa vullnetin tonë; por me imponimet e faktorëve sllavë dhe miqve të tyre; tani, asgjë nuk ka më realiste dhe me e natyrshme se të përpiqesh me të gjitha mënyrat dhe mjetet e lejuara të luftës sipas konventave ndërkombëtare për realizimin e kësaj të drejte historike dhe kombëtare. Të gjithë shqiptarët e Kosovës dhe të trojeve të tjera e duan ribashkimin me shtetin amë; këtë nuk e duan vetëm ta që dikur dhe sot e kishin dhe e kanë të lidhur qerren e ndyrë të historisë së tyre me jugosllavët, nuk do ta dëshironin RIBASHKIMIN e Kosovës e të trojeve të tjera me shtetin amë Shqipërinë, por me Serbinë dhe shtete të tjera sllave; por fatbardhësisht kjo ëndërr e tyre së shpejti do të përfundojë…


Është fakt i pamohueshëm se për pavarësinë është investuar shumë për vite e vite; me propagandë, në media etj, për pavarësinë dhe kemi luftuar; por sikur kjo të kthehej në investim për ribashkimin kombëtar, me kohë dhe kaq shumë; jam i bindur se populli nuk do ta pranonte pavarësinë para ribashkimit me Shqipërinë. Unë, gjate jetës sime katër herë kam pasur fatin ta vizitojë dhe ta shëtis në shumë katunde dhe qytete të Shqipërisë administrative; në vitet 1979, 2003, 2004 dhe 2007, atje nuk kam takuar shqiptar as shqiptare pa dallim partie, feje dhe krahine të thoshte: jam kundër ribashkimit me Kosovën dhe trojet tjera etnike! Bile, jam takuar dhe me udhëheqës partish komuniste dhe të majta e të djathta; gjithashtu edhe këta e kishin po atë qëndrim parimor kombëtar - thoshin kjo është ëndërr jona shekullore…


Kur ishim në Gjirokastër në vitin 1979, me një grup studentësh e studentesh prej 22 vetash një plak i quajtur Xhevat, atëherë ishte i njohur si valltar dhe punonte bukëpjekës në qytet, kur ne kënduam në rrugë hapur e pa frikë nga “diktatura” për Kosovën dhe për Shqipërinë, ai me lot në sy na u drejtua: “o vëllezër e motra të Kosovës Kreshnike, ne ishim bashkë dhe sërish do të bashkohemi me Kosovën”. Këto fjalë i tha publikisht, po sa e sa të tjerë i kanë folur e shkruar me ne, por kurrë “diktatura komuniste” si kishte dënuar!


Pastaj, kurrë se harroj rastin fatlum kur derisa po shkoja në Butrint në vitin 2003, udhëtova këmbë vetëm të shijoja natyrën e bukur të Shqipërisë së jugut, gjatë rrugës jam takuar me një bari ; pasi u përshëndetëm dhe i tregova se jam nga Kosova më priti fort me bujari dhe midis tjerash më tha: “Dëgjo biri im, ne jemi një popull vëlla, ne duam dhe do të bashkohemi me Kosovën!” Ngjarje dhe biseda të tilla, ku hapur shprehej dhe shprehet dëshira e madhe e kombit për ribashkim më kanë ngjarë dhe me siguri u kanë ngjarë të tjerëve dhjetëra dhe qindra herë nga Kosova deri në Ulqin.


Por dëshmitë më të forta janë dhënë gjatë luftës, kur Kosova, Shkupi, Ulqini Tirana, Vlora e të tjera qytete e katunde shqiptare ia ofruan popullit vëlla shqiptar barotin dhe koromanen e thatë, madje bij e bija të viseve të ndryshme shqiptare e dhanë edhe gjakun për lirinë e Kosovës, Tetovës, Preshevës e të tjera anë, cep më cep të atdheut, Shqipëria u ribashkua shpirtërisht; ajo duhet dhe do të ribashkohet dhe territorialisht!


Këto fakte jetësore i hodha në letër për t´ju treguar shul shqip ty dhe shkretanëve politikë që po rrahin ujë në havanë se: më të mençur dhe të vendosur u treguan dhe po tregohen bukëpjekësit dhe barinjtë e Shqipërisë Natyrale, se vet “të parët” e tyre! Kjo, që ju po trumbetoni nuk qëndron, o Sali Berisha!


Prandaj, për të mos u lënë vend manipulimeve me kombin shqiptar, do të ishte shumë parimore dhe e logjikshme dhe tepër e drejtë njerëzore dhe kombëtare që ju pushtetarët shqiptarë, me ose pa dëshirën e qarqeve armike, të organizonit në nivel gjithëkombëtar një REFERENDUM, me atë rast do të shtronit pyetjen dhe t´i sqaroni dilemat e juaja dhe të miqve tuaj në Ballkan, Evropë dhe në botë se duan apo nuk e duan shqiptarët RIBASHKIMIN GJITHËKOMBËTAR; kjo nuk paraqet asnjë rrezikshmëri në rajon!


Pasi ribashkimi i Gjermanisë u bë dhe askush nuk pësoi asgjë; pse do të pësonte dikush, nëse ndodhë një FITORE, kaq e shumë pritur prej breznive të tëra shqiptare?!


E ritheksoj që: do të ishte në nderin e juaj që si politikanë që jeni të shihni më tej përtej hundës, të shihni dhe prapa kodrave të Bjeshkëve të Nëmura dhe prapa Tomorit, drejt Çamërisë e të mos deklaroni ide paçavuresh si këto!


Këto deklarata si i thonë fjalës “futja së koti” me siguri do t´ju kthehen bumerang atyre që po i vjellin, kot së koti!… Jam i bindur gjithashtu se: për këto shërbime “demo(n)kratike”, tek të huajt mizorë, ballkaniko-evropianë; këta politikanë shkretanë Gjergj Kastrioti - Skënderbeu, do t´i dënonte me vringëllima shpate ndërsa, legjendari Adem Jashari, do t´i dënonte me breshëri automatiku.


Suedi, 25 Janar 2008

[biligoa]

Megjithatë, do të bashkohen…



Nga: Koço DANAJ

…në një shtet të quajtur Shqipëri Natyrale.
Cilat janë ato fondamente që e bëjnë të pashmangshëm bashkimin e shqiptareve? Ja cilat janë:
E para: Ne rajonin e Ballkanit ka më shumë se një dekadë që fuqitë e mëdha, po riparojnë gabimet e së kaluarës. Ato gabime, para nje shekulli u realizuan me të drejtën e forcës.
Por duke qëne te tilla, krijuan nje rajon artificial me emrin Ballkan. Artificialiteti i rajonit solli me vone edhe emertimin politik Ballkani-fuçi baruti. Kush ishin këto krijesa artificiale?
Krijesat më artificiale të këtij rajoni ishin dy : Formimi i mbretërisë sërbo-kroato-sllovene, të quajtur më vonë Jugosllavi ishte krijesa e parë artificiale.
Dhe Shformimi i kombit shqiptar duke e pjestuar për pesë ishte krijesa e dytë artificiale e rajonit.
Ndërsa shformimi i Jugosllavise ishte hapi i pare i kalimit nga artificialiteti në natyralitet. Krijimi i 6 shteteve të përhershme dhe një shteti të përkohshem si Kosova eshte faza e parë e shndrrimit te rajonit të Ballkanit nga artificial ne natyral. Shpërbërja e dhunshme e saj që arriti kulmet në luftën ndëretnike në Bosnjë dhe në gjenocidin sërb ndaj shqiptarëve të Kosovës spiegohet sa me karakterin ultranacionalist të shtetit sërb, aq edhe më sedrën e sëmurë politike të disa fuqive të mëdha, të cilat e patën të vështirë të pranonin se krijesa e tyre me emrin Jugosllavi ishte një dështim.
Faza e dytë eshte unifikimi i kombit shqiptar qe ka përbërë deri më sot artificialitetin e dyte madhor te rajonit. Kjo fazë tashme po përfundon aktin e parë madhor të saj që është shteti i përkohshëm shqiptar i Kosovës. Një Konferencë e tematikës Londër 2 apo Versajë 2 është domosdoshmëri për të ardhmen demokratike të rajonit. Ndërsa një konferencë e nivelit Dejton 2 apo Rambuje 2 vetëm se sa do të konsolidojë në mënyrë të kamufluar konfliktet në rajon.

E dyta : Europa e Bashkuar në themele të saj ka vlerat morale të çdo kombi, që të gjitha bashke përbëjnë ate që quhet Themeli i vetë bashkimit. Mëndësia politike dhe internacionaliste se relativizimi i kufijve është i barabartë me shuarjen e kombeve është sa mashtrues aq dhe vetëmashtrues. Sa më relative bëhen kufijtë, aq me të kultivuara bëhen vlerat kombëtare. E duke qënë kështu, shqiptarët nuk mund të pranohen si pjesë në familjen e madhe europiane dhe ndërkombëtare, sa kohë që vlerat e tyre kombëtare i kanë të shpërndara në pesë shtete. Europa e Bashkuar nuk antarson banorë, por popuj dhe kombe. Organizata Botërore është emërtuar Organizata e Kombeve të Bashkuara dhe jo ndryshe.(Mëndje të ndritur do të ketë pasur ai që ka bërë formulimin e parë: Kombe të Bashkuara, Jo shtete te Bashkuara!!) Prandaj Shqipëria Natyrale është pikpamje dhe nocion europeist, para se të jetë nacionalist. Përbën një vlerë te madhe europiane toleranca fetare e shqiptarëve për Panteonin e vlerave të BE. Për më tepër sot, kur konfliktet ndërfetare po marrin përmasa të frikshme. Përbën një vlerë të rrallë për Bashkimin Europian fakti tashmë i njohur se shqiptarët në shumicë të madhe muslimanë janë euroamerikanë të lindur. Me miliona kristiane katolike apo ortodokse ne rajone te ndryshem te Europes apo botes, jane shume here me primitive se muslimanet shqiptare.
Dhe është në interesin e politikes euroamerikane që këtë vlerë kaq moderne ta ketë të unifikuar për arsyen e thjeshtë, sepse vetëm përbashkimi do ti rezistojë më mirë sa fondamentalizmit islamik, aq edhe fondamentalizmit kozmopolit. Eshtë edhe kjo një arsye madhore që politika euroamerikane eshte dakord me Shqiperine Natyrale.

E treta: Politika amerikane po e nxit me shumë finesë bashkimin shqiptar. Në cfarë mënyre? A e kini ndjekur me vëmëndje se cfarë po ndodh kohët e fundit në politikën dhe diplomacinë panshqiptare? Politikanëve shqiptare dhe veçanërisht atyre të Tiranës Politike po ju thuhet midis të tjerash se gjoja ka një shqetësim se ndoshta pas pavarsisë së saj Kosova mund të bashkohet me Shqipërinë etj. Dhe natyrshem politika zyrtare deklaron se nuk do te këtë një gjë të tillë.
Por në çdo vend ka dy politika; një është zyrtare e cila ka kufizimet e saj. Dhe tjetra është politika reale e cila nuk ka dhe nuk duhet të ketë kufizime. Politika reale ploteson Politiken zyrtare. Politika zyrtare është politike pushteti. Politika reale është politikë publiku, politikë kombi. Dhe të dyja bashkë formojnë atë që quhet politika e shtetit.
Dmth, politika euroamerikane ka hapur «Kutinë e Pandorës». Ajo duket sikur thote: «Mire politika zyrtare, po politika reale shqiptare pse nuk flet, pse nuk e kërkon Shqipërinë Natyrale».
Ju kujtohet para disa viteve kur shtrohej problemi i pavarsisë së Kosovës. Aso kohe nocioni pavarsi ishte njësoj si të predikoje se Politika euroamerikane hapi Kutine e Pandores. Aso kohe politika zyrtare shqiptare e kishte të vështirë ta deklaronte hapur se ishte dakord me këtë pavarsi. Ajo ishte një politikë e ndrojtur. Por në fillim e artikuloi Politika reale dhe një pjese e politikës zyrtare. Tashmë ajo është politikë shtetërore.
Kështu do të ndodhë edhe me bashkimin shqiptar, me Shqipërinë Natyrale. Duke na porositur që të mos e pranojmë, politika euroamerikane e ka hapur «Kutinë e Pandorës» edhe për Shqipërinë Natyrale. Dhe përderisa e ka hapur, u takon shqiptareve, ta nxjerrim nga «Kutia» dhe ta shtrojnë për zgjidhje në tavolinën e dialogut demokratik. Vërtetësia e pohimit të mësipërm bëhet e plotë duke sjellë vetëm një fakt nga veprimtaria e Politikës Zyrtare të Shqipërisë. Kryeministri i Shqipërisë ne seancën pyetje përgjigje të Asamblesë Vjetore të NATO në Reikavik të Islandës, në datë 9 Tetor 2007, në përgjigje të pyetjes se mos shteti shqiptar i Kosovës mund të çojë në krijimin e Shqipërisë së Madhe, u shpreh se: «Nëlidhje me ekzistencën e dy shteteve shqiptare në Ballkan, ndonjëherë pyes veten se çfarë do të bënim ne si shqiptarë. Nuk ishte vendimi ynë për t`u ndarë në 5 shtete të ndryshme, ishte një nga padrejtësitë më të mëdha dhe citoj Robin Kuk, i cili u shpreh në Dhomën e Deputetëve të Mbretërisë së Bashkuar se Ne po zhbëjmë padrejtësitë që bëmë në fillim të shekullit të kaluar . ....
....Askush nuk duhet të trembet nga dy shtete shqiptare, dy miq të rinj në rajon. Mendoj se kjo është një gjë e mirë edhe për NATO-n.»
Fillimisht mjafton edhe kaq….
Bashkimi Shqiptar sapo ka filluar edhe zyrtarisht. Viti 2008 do ta shtroje per diskutim dhe zgjidhje ne Bruksel dhe Uashington


E katërta: Pluralizmi në hapsiren mbare shqiptare, per arsye nga me te ndryshmet fillimisht u kultivua si Pluralizem Krahinor. Dhe thelbi i këtij lloj pluralizmi nuk ishte kombi, por principata. Coptimi kombëtar dhe jo unifikimi i tij. Por ka disa vite që kjo hapsirë mbarëshqiptare, ku më shumë dhe ku më pak po bën kapërcimin e madh të kalimit nga Pluralizëm Krahinor në Pluralizem Politik. Me vështirësi, por progresi duket, është i pranishëm. Dhe thelbi i Pluralizmit Politik është Shteti-Komb dhe jo shteti-multikomb apo shteti-principatë apo edhe shteti pa komb.

E Pesta: Në Shqipëri po ndërtohet Rruga Durrës-Prishtinë. Eshtë një emërtim me kuptim të disafishtë. Por gjithsesi është një imperativ që ngrihet mbi çdo lloj interesi partiak, mbi çdo lloj zgjedhjesh dhe që kapërcen të gjitha grindjet dhe sherret politike
Kuptimi I parë ka të bëjë me rrugën që duhet ndjekur për sendërtimin e Shqipërisë Natyrale. Që do të thotë se krahas politikës dhe diplomacisë publike, shqiptarët po mësojnë gjithmonë e më mirë të aplikojnë politikën dhe diplomacinë reale. Qarkullimi i lirë i njerëzve dhe ideve po sjell në mënyrë të natyrshme edhe largimin nga folkpatriotizmi, por edhe afrimin tek identiteti i përbashkët kombëtar. Shqiptarët gjithnjë e më pak kanë nevojë për mite dhe legjenda për të ruajtur identitetin e tyre kombëtar. Këtë ata po e bëjnë nëpërmjet njohjes reale, kulturës reale, gjuhës reale, politikës reale dhe ndjenjave reale. Ky është një proces i pakthyeshëm. Eshtë progresiv dhe europeist. BE nuk pranon popuj mitikë, por popuj reale. Nuk pranon kombe legjendash, por kombe reale. Nuk pranon shtete që ekzistojnë vetëm në këngë, por shtete që ekzistojnë realisht dhe kontribuojnë realisht. Dhe shqiptarët duke e njohur mire këtë kërkesë të BE, janë nisur në rrugën e pakthyeshme të Shqipërise Natyrale.
Ndërsa kuptimi i dytë ka të bëjë me një rrugë konkrete që do të lidhë Shqipërinë me një nga pjesët kryesore të saj, Kosovën. Kjo rrugë ka filluar të ndërtohet. Duket se kjo do të jetë «Rruga» e Shqipërisë Natyrale. Nuk ka shumë rëndësi se si po quhet sot, nuk ka shumë rëndësi se kush financion. Nuk ka fare rëndësi kush e nisi dje, kush e vazhdon sot dhe kush do ta përurojë nesër. E rëndësishme është se kjo rrugë do te zvogëlojë figurativisht dhe realisht Shqiperinë e Madhe dhe do të jetë pararoja e Shqipërisë Natyrale.
E gjashta:Shqiptarët nuk dëshirojnë të jenë vetëm zjarrfikës të rajonit, ata duan të shndrrohen në paqebërës. Është një kërkesë e drejtë dhe e nevojshme për tu artikuluar nga ana e tyre. Artikulimi duhet bërë në mjedisin rajonal dhe atë europian. Është një artikulim i cili merr për bazë një realitet dhe synon të rregullojë një paradoks. Cilin? Përgjatë 15 viteve të fundit, bashkësia ndërkombëtare ka thirrur në ndihmë shtetin shqiptar, politikën e Tiranës. Kur? Sa herë ka patur protesta, kryengritje, luftë çlirimtare në hapsirën shqiptare në Prishtinë, Tetovë apo Preshevë. Ndihma është kërkuar për të qetësuar situatën, për të civilizuar kryengritjen. Dhe Shqipëria e ka kryer detyrën e saj. Ajo ka treguar se është një regjisore e mirë. Por sa është qetësuar situata, Tiranës i është kërkuar të qëndrojë larg Prishtinës, Tetovës apo Preshevës. Përse? Eshtë përdorur një argument absurd. Eshtë kërkuar largësi, për të mos u akuzuar gjoja për Shqipëri të Madhe. Dhe Politika shqiptare përgjithësisht e ka pranuar këtë. Kësisoj, Tirana ka pranuar rolin e zjarrfikësit, duke mos kërkuar atë që ka realisht: rolin e paqebërësit. Shndrrimi në paqebërës, mos pranimi i Shqipërisë së Madhe dhe përballimi i Shqipërisë Natyrale, do ta shndrrojë Tiranën në kryeqëndrën e hapsirës shqiptare.
Jane gjashte arsyete forta, bazale dhe të mjaftueshme qe te japin siguri se shqiptaret do te bashkohen. Europeizem do te thote bashkim. Otomanizem do te thote ndarje.

[biligoa]

EDHE NË GJUHËN DIPLOMATIKE, PSE JO HAPTAZI, SHQIPËRI ETNIKE?

Nga Adnan Abrashi

Adnan Abrashi

Një herë, në një takim privat dhe shoqëror që kam pasur me një politikan të rangut të lartë të lidershipit kosovar, të cilit, për shkaqe të kuptueshme nuk do t’ia zbuloj identitetin e plotë, e pyeta si miku-mikun dhe pa dorëza: Pse politikanët tanë kosovar dhe mjaft sosh edhe nga viset tjera të trojeve shqiptare, në takimet diplomatike ndërkombëtare me delegacionet e shteteve të huaja, nuk kanë guxim që haptazi para tyre,ta shpalosin aspiratën tonë historike si popull: Bashkimin e të gjitha trojeve etnike shqiptare në një shtet unik, bashkim ky, që patjetër dikur duhet të ndodhi në këto hapësira? Ai, vetëm më shikoi me buzëqeshje dhe pa kurrfarë hamendje u përgjigj shkurt dhe bindshëm: Sepse, edhe pa ju thënë haptas, ata e dinë mirë këtë realitet!
Pas kësaj përgjigje të sinqertë të mikut tim politikan, mbretëroi një heshtje e nemitur e cila u thye shpejt nga po ai vetë: “Kur, para disa kohe, si anëtar i një delegacioni kosovar, pata nderin që zyrtarisht t’i bëjë një vizitë SHBA-së, gjatë një takim protokollar të mbajtur me disa kongresist, para nikoqirëve tanë të këtij rangu të lartë politik dhe shtetëror amerikan, në mes tjerash, ne tentonim që me çdo argument t’i kundërvihemi idesë së propaganduar të politikës serbe, se pas shpalljes dhe njohjes ndërkombëtare të Kosovës si shtet, më vonë shqiptarët do të kenë aspirata për krijimin e një “Shqipërie të madhe”. Menjëherë pas këtij termini të takimit tonë zyrtar, në një kotej rasti të organizuar nergut për ne, mu afrua një kongresist dhe, pa një-pa dy, ma bëri një pyetje të papritur për momentin: pse ju politikanët shqiptar gjithnjë po tentoni që me çdo kusht të na bindni se populli i juaj nuk e dëshironit bashkimin kombëtar, kur kjo është një kërkesë e natyrshme dhe çdo diplomat i arsyeshëm e di mirë se një shkrirje e tillë patjetër duhet të ndodhi dikur?”
Nuk ka fare dyshim se këso gafe edhe mund t’i falen lidershipit të ri dhe të pa përvojë kosovar, i cili, gjithnjë para “kolosëve” të huaj të diplomacisë perfide ndërkombëtare, po tregon ndjesinë e theksuar të kompleksit të vlerës së ultë dhe inferioritetit të tepruar. Por, kurrsesi nuk i kuptoj deklaratat të pamatura, të pakuptimta, absurde dhe të panevojshme publike që kohën e fundit, me një intensitet të shpeshtuar, po i bëjnë disa përfaqësues të lartë politik të shtetit tonë ndërkombëtarisht të njohur-Shqipërisë. Një shembull kësisoj më të freskët e kemi tek interviste e kryeministrit shqiptar, z. Sali Berisha, dhënë këto ditë agjencisë së lajmeve Austriake „ Die APA- Austri Presse Agentur“, në të cilën, ai në mes tjerash deklaronte: “ ...edhe pas pavarësisë, Kosova nuk do të bashkohet me Shqipërinë”, Ai, madje në këtë intervistë shkoi edhe me larg duke theksuar: “...nuk do të ndodhë kurrë as bashkimi i të gjithë shqiptarëve në rajon”?!!
Aspak nuk e marr vesh dot se çfarë janë ato motive psikologjike apo politike që e kanë shtyre kryeministrin Berisha të bëjë një prononcim të tillë publik, por nëse ai për momentin një veprim të tillë e ka vlerësuar si strategjik dhe të nevojshëm, atëherë i them haptas se ka bërë një gabim trashanik dhe të pafalshëm kombëtar, gabim ky që në të ardhmen mund t’i kushtoj shtrenjtë, në rend të parë, para elektoratit të arsyeshëm shqiptar që ia ka dhënë votëbesimin të jetë në pushtet; e, mos të flasim fare për dëmin moral të krijimit të një hipoteke të pashlyeshme në biografinë e tij, njollë kjo që shumë lehtë mund ta rreshtoj atë në rangun e një figure bashkëkohore politike me kontribut më të dyshimtë kombëtar.
Zoti Berisha duhet ta di patjetër se askush nga opinioni i arsyeshëm gjithëshqiptar, si dhe ai ndërkombëtar me përvojë, intimisht nuk ka besuar në sinqeritetin e përmbajtjes së saj. Përkundrazi, ajo në prapavijë ka prodhuar efekte kontra-produktive, duke e paraqitur atë si njeri hipokrit dhe burrështetas naiv dhe të papjekur sa duhet për atë post.
E ashpër pak, por duhet të jetë i tillë ky vlerësim, sepse, një politikan i nivelit të lartë shtetëror, alla Sali Berisha, në këso pyetje të paevitueshme të një gazetari me eksperiencë, ose është dashur që të jetë konkret dhe ta shpalosi haptazi synimin tonë historik si popull për një shtet etnik, ose, nëse i ka munguar ky guxim, ka mundur të jap një përgjigje me të tërthortë dhe më diplomatike, duke lënë gjithnjë të hapët që kjo në kontestin logjik të nënkuptohet.
Unë aspak nuk dyshoj se ky biri i Tropojës kreshnike nuk e di të vërtetën paradoksale të kësaj deklarate, por ende nuk po mundem me i ra fije se nga cili “baba sheh” ka marrë bekimin për një veprim të tillë denoncues. Ishalla jo nga ata, tek të cilët më shkon mendja mua në këto momente?!
E pra, sa për fund zotëri Sali Berisha, edhe pa qenë i sigurt se ky artikull do t’ju bie në sy, duke mos e thënë haptas identitetin e tij, do ta “shpijunojë”një ministër tuajin, i cili së bashku me grupin e delegacionit të shtetit Shqiptar, të udhëhequr nga kryetari z. Bamir Topi, ishte këto ditë në vizitë miqësore në Kosovë. Gjatë ditës së tretë të qëndrimit në vendin tonë, ky delegacion i madh shtetërorë, në mes tjerash vizitoi edhe Prizrenin dhe Kompleksin memorial historik të Lidhjes Shqiptare të Prizrenit. I entuziazmuar nga ajo se çfarë kishte parë aty, një ministër i juaj aktual dhe protagonisti i këtij “shpijunumi” tim, deklaroi haptas para kamerave të një TV lokale të Prizrenit: “Pas gjithë asaj çfarë pash në këtë muze, vërtet ndjehem tepër i emocionuar. Posaçërisht më la përshtypje harta e Shqipërisë etnike nga ajo kohë. Eee...sa toka na ishin marrë neve nga fqinjët! Por, nuk duhet të ketë dyshim, do t’i kthejmë patjetër ne ato!”
- Po zoti ministër i Berishës, do t’i kthejmë patjetër ne ato!- them unë - dhe ju kisha lutur që këtë kërkesë të natyrshme të popullit tonë, t’ia përcillni shefit tuaj kryeministër.
I thoni atij se në mesin e atyre shqiptuarve sikur deklaron ai “të paktë që e kërkojnë Shqipërinë etnike”, jeni edhe ju një partizan i ri neofit pushtetar”!

[Ali Baba Tepele]

Po.Jam shum dakord me mendimet Zotit Koço Danaj.Shqipëria duhet të bëhet antare e bashkimit Evropian si komb etnikisht i bashkuar.Termi i ngushtë Shqipëri, nuk duhet të nënkuptojë territorin e sotëm të cunguar, por duhet të nënkuptojë gjithë vëndbanimet autoktone shqiptare.Pa u zgjidhur ky problem nuk quhet e zgjidhur as çështja shqiptare dhe as ajo ballkanike.

[Enhalon]

Perse gjithe keto shqiptare qe u esht ngulitur ne kok termi 'Shqiperi e Madhe" kjo esht kategorikisht gabim, pervec njerzve te thjesht kam degjuar edhe ca politikan te shpikur na vetja vet qe po na perhapin keshtu idesh. Ne sjemi as te medhej as te vegjel por aq sa duhet te jemi. Nese duhet ta bejm Shqiprin e madhe ather duhet ta bejme me territore jo shqiptare. Kete term e ka hapur ideologjia serbe qe per ne shqiptaret eshte shuum e rrezikshme ne skenen nderkombetare mirpo per fat te keq ne jemi duke e perdorur vet ate. HARRONI SHQIPRIA E MADHE POR SHQIPRIA ETNIKE(ishalla Zoti e ben Kabull)

[xhelil]

Shqiperia e kam thene dhe nje here eshte as e madhe as e vogel,
aty ku Shqiptaret i thone bukes buk dhe ujit uje eshte Shqiperi

[sabah08]

Shqiptaret kerkojne krijimin e shqiperise etnike dhe jo shqiperine e madhe.Termi shqiperi e madhe eshte emertim serbo-grek i cili kerkon te veje ne barazpeshe planet e necartnies serbe dhe megalidese greke me kerkesen e shqiptareve per tu bashkuar brenda trojeve etnike.Si serbet edhe greket planet e tyre i mbeshtesin ne pushtimin me force te teritoreve shqiptare apo te popujve te tjere,ndersa ne me e pakta qe po kerkojme eshte bashkimi i te gjithe shqiptareve ne nje shtet kombetar brenda trojeve te banuara me shqiptare.Pra kerkojme krijimin e shqiperise etnike,nje shqiperi qe do ti sherbeje vec interesave te kombit shqiptar.Te punojme per krijimin e kesaj shqiperie se e meritojme.

[Faik]

TRAKTET E SHPERNDARA NGA AKSH‏:

27/11/08



www.fronti.blog.com
---------------------------------------------------------------------------------------

KOMUNIKATË NR . 13 E FBKSH :




QEVERIA E UNITETIT KOMBËTAR TË KOSOVËS

IMPERATIV DHE DOMOSDOSHMËRI E KOHËS......!





Sekretariati Vendimmarrës i Frontit për Bashkim Kombëtar Shqiptar (FBKSH), në mbledhjen e tij të jashtëzakonshme, të mbajtur më 25 nëntor 2008, pasi analizoi situatat e krijuara në Kosovë, nxorri këto konkluza dhe vendime, si më poshtë vijon :



1. Qeveria PDK - LDK e R. së Kosovës, me në krye zotin Hashim THAÇI, është fajtore për gjithçka ka ndodhur në Kosovë dhe për Kosovën në arenën ndërkombëtare. Zoti Thaci dhe qeveria e Tij, aktualisht ndodhet midis dy alternativave:

a) të ptanojë Planin prej 6 pikash të Këshillit të Sigurimit të OKB-ve,

gjë që do të ishte një tradhëti e rradhës ndaj Kosovës dhe popullit të saj,

ose

b) të japë dorëheqje.

Prandej, Sekretariati Vendimmarrës i Frontit për Bashkim Kombëtar Shqiptar (FBKSH), gjykon që, para se Qeveria THAÇI të japë dorëheqje, zoti Fatmir Sejdiu, zoti Jakup Krasniqi dhe zoti Hashim Thaci duhet të shkojnë në Tiranë dhe të takohen e të konsultohen me Zëdhënësin Politik të FBKSH, zotin Gafurr ADILI, sepse FBKSH prej kohësh e ka të përpiluar Programin e një Qeverie të Unitetit Kombëtar të Kosovës.



2. Qeveria e Unitetit Kombëtar të Kosovës (QUKK), e kryesuar nga FBKSH dhe strukturat e tij, do të jetë një qeveri e spektit të gjërë dhe gjithpërfshirëse, që do të thotë se, në QUKK do të përfshihen të gjitha partitë parlamentare (të pozitës dhe të opozitës), shoqatat e dala nga lufta e UÇK-së, organizatat dhe partitë politike atdhetare: Lëvizja Vetëvendosje (LV), Lëvizja për Bashkim (LB) dhe Lëvizja për Integrim e Bashkim Kombëtar (LIBK), si dhe shumë intelektualë atdhetarë të Akademisë së Shkencave e të Arteve të Kosovës (ASHAK) dhe të Universitetit të Prishtinës.



3. Frontit për Bashkim Kombëtar Shqiptar (FBKSH) me të gjitha strukturat e tij, ndër të cilat është edhe Armata Kombëtare Shqiptare (AKSH), janë të gatshme që, në këto situata të jashtëzakonshme dhe në këto momente historike, të marrin përsipër përgjegjësi të jashtëzakonshme dhe të jenë bartësit kryesor të proceseve të unitetit kombëtar shqiptar, fillimisht në Kosovë, dhe më pas edhe në të gjitha trojet etnike të Shqipërisë Natyrale, si dhe në përshpejtimin e procesit të ribashkimit kombëtar të të gjithë shqiptarëve dhe të trojeve të tyre në një komb - shtet të vetëm, me emrin Shqipëri.


Për Sekretariatin Vendimmarrës të FBKSH- së :

Kryetari i FBKSH-së,

Prof. Dr. Bashkim MITROVICA (d.v.),



Zv. Kryetari i Parë i FBKSH-së,

Mr. Çlirim PRESHEVA (d.v.)



Tiranë-Prishtinë, 25. 11. 2008.

www.fronti.blog.com

[landi45]

sepse te gjithe politikanet tane i marrin rrogat ne nje agjenci te huaj sherbimi dhe i tremb shqiperia e madhe se do ngeleshin pa pune