Fshatari nga Malisheva shtirej si agjent i CIA-s

[Xhuxhumaku]

Fshatari nga Malisheva shtirej si agjent i CIA-s

Një shtetas kosovar që hiqej si agjent i Shërbimit Inteligjent Amerikan (CIA-s), është dëbuar nga rradhët e ministrisë shqiptare të Rendit, duke u shpallur person i padëshiruar, pasi nga vëndi simbol i lirisë ka ardhur konfirmimi se gjithsa kish prezantuar ai kishte qenë një mashtrim. Lajmin e mbajtur të fshehur, për kaq ditë, e kanë dekonspiruar për gazetën “SOT” burime konfidenciale nga ministria e Rendit, të cilat kanë sqaruar se bëhet fjalë për një kosovar mbi të dyzetat, i cili duke përdorur me plot sukses profesionin “neoklasik” të mashtruesit arriti jo vetëm të depërtonte në MR por edhe t’i krijonte vetes një aureolë paprekshmërie që vetëm autoriteti i SHBA-së mundi t’ja thërrmoj.Mbante në brez kobure, përdorte një makinë të tipit “Mitsubishi Pajero”, me ngjyrë jeshile, e nëpërmjet aftësive “hipnotizuese”, të rrjedhura nga qënia e tij krah i djathtë i shefit të Shërbimit të Kontrollit të Brendshëm (SHKB), Sami Rasha, arrinte të hapte të gjitha dyert që i duheshin për të realizuar punët e veta.Personazhi, që ka realizuar talljen më të madhe që mund ti bëhet një strukture shtetërore, thirrej “Aksen” kurse, në të vërtetë, identiteti i tij ishte Naim A. M., shtetas kosovar me vendlindje Malishevën. Jetoi e punoi më shumë se gjashtë muaj në strukturat e ministrisë së Rendit ku, fillimisht, u prezantua si agjent i CIA-s, që kish ardhur për të ndihmuar në forcimin e punëve në këtë dikaster dhe ngjitjen e policisë shqiptare në standartet e vëndeve perëndimore. Sipas burimeve tona konfidenciale, nga dikasteri i Rendit, gjatë gjithë kësaj veprimtarie të përditëshme, askush nga titullarët nuk u kujtua ti kërkonte një dokument identifikimi profesional, sikurse askush nuk morri mundimin t’i referonte Shërbimit Inteligjent Amerikan një kërkesë për të verifikuar dëshminë e dhënë nga “Akseni”. Denoncuesit e këtij rasti skandaloz, tregojnë se ai hyri në ministri si i dërguar i CIA-s, dhe garanti vërtetues i këtij vetëprezantim të tij ishte Sami Rrasha, i cili njihet si “dora e hekurt” e ish ministrit të Rendit Igli Toska.”Që ishte pjesë e klanit të Rrashës e vërteton edhe fakti që “Akseni” ( më këtë emër e njihnim ne, sepse siç doli disa javë më parë, ai quhej Naim A. M.), jo vetëm që ishte pjesë e afërt e marrëdhënieve me Shefin e SHKB-së por përdorte një makinë të Sami Rrashës që ky ia kish dhënë “Aksenit” pa shofer. Ishte një “Mitsubishi Pajero”, me ngjyrë jeshile. Vërtet është rast i turpshëm por ç’të them, ja kjo është ministria e Rendit, deri më momentin që flasim bashkë”, ka treguar dje në konfidencialitet një agjent i SHKB-së jo shumë i njohur si kundërshtar i Rrashës. Sipas tij, dhe disa kolegëve të tjerë, “Akseni” ishte dhëndër në Dibër, në vendin nga ku është edhe Sami Rrasha, gjë kjo që jo vetëm ia ngriti barrierën e paprekshmërisë dikasteriale por e pajisi me statusin e “eminencës gri“. “Aksen” Naim A. M. hynte e dilte në të gjitha pikat doganore, që nga Durrësi e deri në Kukës, sikurse kishte për borxh të hiqte e të ngrinte ne detyrë cilindo punonjës policie për të cilin bindej se dinte të sillej siç e kërkonin standartet perëndimore. Kështu, vazhdoi ta shtyj veprimtarinë e vet zyrtare në MR mashtruesi kosovar nga fshati Malishevë, deri disa javë më parë, kur, dikush nga ministria (pa i marrë dorën shefit të SHKB-së), “u kujtua” të investigonte dhe të zbulonte se “Aksen”-i nuk kishte asnjë lloj lidhje me CIA-n.

http://www.sot.com.al/index.php?opti...Itemid=1&lang=

[White_Angel]

epo te ka faj lulkaaaaa

[andi podvorica]

Kjo me te vertet eshte qesharake,por ne anen tjeter edhe e hidhur kur kupton njeriu se cfare shteti te sigurt kemi ne shqiptaret (edhe pse jam nga Kosova e quaj shtet timin SHQIPERINE).

[RTP]

Një shtetas kosovar që hiqej si agjent i Shërbimit Inteligjent Amerikan (CIA-s), është dëbuar nga rradhët e ministrisë shqiptare të Rendit, duke u shpallur person i padëshiruar...

E paskan "dënue" randë!