Agjencitë turistike 8,4 milionë euro nga turistët shqiptarë në Antalia

[CEZARND]

Agjencitë shqiptare kanë dërguar gjatë këtij sezoni veror rreth 12 mijë pushues në brigjet e Antalias

Agjencitë turistike 8,4 milionë euro nga turistët shqiptarë në Antalia


Fjoraldi Zguro

TIRANË - Agjencitë turistike shqiptare që këtë verë charteruan Antalian, kanë xhiruar rreth 8,4 milionë euro. Vetë operatorët turistikë mendojnë se numri i shqiptarëve që këtë vit kaluan pushimet verore në zonën turistike të Antalias, në total për të gjitha agjencitë turistike shkon në 12 mijë persona. “Numri i turistëve shqiptarë në Antalia për këtë sezon veror në total për të gjitha agjencitë turistike arriti në rreth 12 mijë persona. Ndërkohë që vetëm nëpërmjet agjencisë sonë u regjistruan 3 mijë e 500 persona që i kaluan ditët e nxehta të kësaj vere pranë plazheve turke”, - tregoi Dritan Pajo, administratori i ATHS-së, agjenci e cila kapi gati 30 për qind të këtij tregu. Në këtë mënyrë, me gjithë disa probleme që u shfaqën në fillim të sezonit turistik për shkak të fushatës elektorale, edhe muajt e nxehtë të këtij viti konsiderohen si të suksesshëm nga ana e operatorëve turistikë shqiptarë, përsa i përket frekuentimit të brigjeve turke në Antalia. Nga informacioni i marrë pranë disa agjencive turistike në Tiranë, mësohet se kohëzgjatja mesatare që një turist shqiptar pushoi në Antalia ishte 10 ditë. Ndërkohë që 80 për qind e shqiptarëve preferuan të akomodohen në hotele luksoze me 5 yje, me sistem ushqimi “all inclusive” apo “ultra all inclusive”. Gjithashtu, këtë sezon veror u vu re një rritje e çmimeve të paketa turistike nga 10 deri në 20 për qind qysh në fillim të sezonit. Në këto kushte paketat turistike në tregun e agjencive në Tiranë startuan nga 400 euro për hotelet me 3 yje për të kaluar shifrat 1 mijë euro për person kur bëhej fjalë për hotelet luksoze në zonën e Antalias. Pra mesatarisht, çdo turist shqiptar pagoi rreth 700 euro pranë agjencive turistike kundrejt paketave me destinacion bregdetin turk në Antalia. Duke pasur parasysh numrin prej 12 mijë turistësh, rezulton se agjencitë turistike shqiptare kanë marrë 8,4 milionë euro këtë sezon veror, vetëm për opsionin e pushimeve në Turqi. Nëse do të marrim në konsideratë faktin se turistët janë të prirur të jenë më dorëlëshuar gjatë kohës së pushimeve, atëherë shifra prej 8,4 milionë euro mund të rezultojë dy herë më e lartë, pasi përveç pagesës për paketën turistike pranë agjencive në Tiranë, shqiptarët kanë shpenzuar edhe për suvenire, transport të brendshëm, ushqim jashtë hotelit apo argëtim në bregdetin turk.




08/09/2005

[CEZARND]

Nga nje ane eshte nje gje pozitive ,pasi tregon se shqiptaret kane ne duart e tyre kapitale te konsiderushme ,dhe se po vjen duke u konsiliduar me teje opinioni se shqiptaret nuk jane vetem ata qe mediat e huaja na paraqesin si vendi botes se 3
Por nga nje ane eshte per te ardhur keq qe e gjithe kjo valute te largohet nga Shqiperia.
pse valle ne nuk kemi mundesi qe te zhvillojme turizmin tone edhe me mire .duke e ditur e ne kemi nje fate qe kemi nje nga bregdetet nga me te mrekullueshmit dhe me te virgjer. Ishalla ka ardhur dita edhe ne si popull kthehemi nga e mbara

[anina]

skam pasur mundesi te vizitoj shume, pervec dy shteteve fqinje nga pak dite ,nuk mund te mohoj qe ja kam kaluar shume mire por sivjet ju them me bindje se kam shetitur vende shume perrallore, qetsuese, vende qe me kane riperterire dhe keto gjenden vetem 200km larg. Himar , Jale , Vlore , Zvernec dhe jua siguroj qe natura e ketyre pak vendeve qe kam shetitur me ka shlodhur mjaft.E di qe eshte ne mode ta kesh pashaporten te vulosur, po fundja fillimisht nje turist i mire duhet te njohi vendin e tij ne cdo cep pastaj te eksploroj jashte . Gjithsesi dhe turisti shqiptare smund te fajesohet nese zgjedhe te udhetoj jashte ,kur ne Himare nuk kishte nje internet caffe apo ishte vetem nje fastfood ku duhej te porosisje 45min me pare per te ngrene dicka.Une jam per turizem ne Shqiperi por sherbimi kudo le shume per te deshiruar.Duhet dhe investitoret te krijojne me teper alternativa sepse jane shume te paorganizuar.

[oiseau en vol]

Epo kur u beme dhe ne te mbushim xhepat e turqve mustaqellinj

Sepse gjoja ne nuk mund te bekemi thirrje per nje ndjenje patriotike ne harxhimin e parase... pika qe s'na bie...

U ça kryeministri francez burri i botes, duke thene qe te shpenzohet "francezçe" per t'i dhene nje shtytje ekonomise, e ne nuk mundkemi se na quajne pastaj nacionaliste te terbuar !

Pushime per pushime per tu zhgerryer ne rere une i bej ne Shqiperi dhe pike ! Aaaa... tjeter pune pastaj kur shkon per te vizituar nje vend per arkitekturen e lashte apo ku ta di une

Nejse, nejse, jepini mbare e mbrapsht se ne na i ka nxjerre e mira mendte