Shefi i shtatmadhorise se ushtrise serbe ne Kosove?!

[perestae00]

17:35/01.09.05 - Qeveria e Kosoves dhe TMK bojkotojne ceremonine e nderrimit te Komandes se KFOR per shkak te Paskash
Në Prishtinë u mbajt ceremonia e ndërrimit të komandës së forcave paqeruajtëse të NATO-së në Kosovë. Gjenerali i deritashëm francez Iv de Kermabo ia dorëzoi detyrën e komandantit të KFOR-it gjeneralit italian Giuseppe Valotto. Ceremonia u udhëhoq nga komandanti i NATO-s për Evropën Juglindore admirali amerikan Harry Ulrich. E pranishme ishte edhe ministrja franceze e mbrojtjes Michelle Alliot Marie dhe personalitete të tjera ndërkombëtare dhe vendëse. Në ceremoni mori pjesë edhe shefi i shtatmadhorisë së ushtrisë serbo-malazeze gjenerali Dragan Paskash.
Në ceremoninë e sotme, për herë të parë nuk kanë marrë pjesë përfaqësues të Trupave të Mbrojtjes së Kosovës, të Shërbimit Policor të Kosovës si dhe përfaqësues të partive opozitare, por edhe drejtues të lartë të partive politike, anëtare të koalicionit qeverisës.
Qeveria e Kosovës përmes një deklarate pas ceremonisë ka kundërshtuar praninë e delegacionit ushtarak serbo-malazez.
Pjesëmarrja e një gjenerali të një ushtrie që ka kryer krime në Kosovë dhe që deri më sot nuk ka kërkuar falje është fyerje për ndjenjat e qytetarëve dhe një akt i papranueshëm për ne, thuhej mes të tjerash në deklaratën e Qeverisë.
|||Lajme.Net|||

C'domethenie ka pjesemarrja e krye-gjeneralit te nje ushtrie te implikuar ne krime lufte ne Kosove, ne cermonine e nderrimit te komandes te forcave te Natos ne Kosove (eshte hera e pare qe prej 1999, qe nje gjeneral serb e viziton Kosoven)? Po vendosja ne krye te forcave te Natos te nje gjenerali nga nje shtet pro-serb si Italia? Si i komentoni ju keto zhvillime ne nje kohe kaq kritike per Kosoven? Mos valle Europa kurve ka vendosur qe Kosova te mbese pjese e Serbise?

[Harudi]

Ju lumtë N.Daci (Kuvendi),A.Salihaj (qeveria) dhe Sh.Ahmeti (SHPK)...vetë prezenca e juve në ceremoni la të kuptohej se gjenerali serb ishte në cilësin e musafirit të një vendi tjetër fqinj,i ftuar nga (ish) komandati i KFOR-it,Iv de Kermabo.
Për krahasim prej partive politke të Kosovës dhe TMK-së të cilat për një plesht e kallën jorganin!!!
Sjelljet e tilla të partive politike në Kosovë,vetëm se do të na izolojnë dhe do të na largojnë nga miqët tanë dhe do të krijojnë favore për kundërshtarët tanë politikë e ushtarakë serb!

[RTP]

Qeveria e Kosovës reagon kundër pranisë së gjeneralit Paskash në Prishtinë


Prishtinë, 1 shtator - Pjesmarrja e shefit të shtabit të përgjithshëm të Ushtrisë së SeM, Dragan Paskash në ceremoninë e ndërrimit të komandës së KFOR-it është përcjellur me reagime të shumta. Ndonëse zëvëndës kryeministri Adem Salihaj ishte i pranishëm në këtë ceremoni, Qeveria përmes një komunikate e vlerëson praninë e Paskashit si fyerje për ndjenjat e qytetarëve të Kosovës. Në reagimin i cili është publikuar pas ceremonisë Qeveria arsyeton pjesmmarrjen e zëvëndës kryeministrit me mungesën e informimit nga ana e KFOR-it por pranon në të njëjtën kohë se është njoftuar 45 minuta para fillimit të ceremonisë. Kermabo në kumtesë citohet të ketë thënë se fjala është për ftesa për përfaqësuesit nga ushtrtë e rajonitë, ndërsa zyra e Shqipërisë i ka konfirmuar Qeverisë se nuk ka marrë asnjë ftesë. Shpjegimi i gjeneralit Ives De Kermabo ka qenë se ai e ka bërë këtë për të mirën e Kosovës dhe të paqes, dhe se kjo nuk ishte e njëjta ushtri që kishte kryer krimeö, thuhet në kumtesën e Qeverisë. Në fund të kumtesës thuhet se Qeveria e Kosovës konsideron se ky veprim i ka lënduar rëndë ndjenjat liridashëse të qytetarëve të Kosovës dhe vlerëson se nuk është dashur të ndodh ky akt, pavarësisht prej qëllimeve të mira të NATO‑s për të krijuar klimë të paqes dhe të bashkëpunimit në rajon. Ndërkohë edhe Trupat Mbrojtëse të Kosovës përmes një komunikate sqarojnë se komandanti i TMK‑së gjenerallejtënant Agim Çeku dhe drejtuesit e tjerë të TMK‑së, përkundër dëshirës se tyre, janë detyruar që të mos marrin pjesë sot në ceremoninë e ndërrimit të komandantit të KFOR‑it, për shkak të prezencës në këtë ceremoni të shefit të shtabit të ushtrisë serbo malazeze, gjeneralit Paskash, i cili është ftuar nga KFOR‑i. SHP i TMK‑së ka vlerësuar se ftesa për gjeneralin serb Paskash, për shumë arsye, ka qenë një vendim jo i qëlluar dhe i parakohshëm. Një vizitë e tillë, në radhë të parë, provokon ndjenjat e shumicës së qytetarëve të Kosovës, të cilët kanë ende shumë plagë të hapura nga lufta. Kufomat e mijëra civilëve shqiptarë të masakruar nga ushtria serbe ende nuk janë kthyer në Kosovë. Gjenerali Paskash përfaqëson ushtrinë e cila ka bërë shumë mëkate në Kosovë. Për më tepër as gjenerali Paskash dhe askush nga udhëheqësit e ushtrisë dhe qeverisë serbe nuk kanë kërkuar falje për krimet që ka kryer ushtria serbe në Kosovë. Në komunikatë TMK-ja vlerëson se Ushtria serbo ‑ malazeze ende nuk i ka pastruar radhët e veta nga kriminelët e luftës. Përkundrazi, kjo ushtri po i mbron kriminelët e kërkuar nga Haga, përshirë këtu edhe kryekriminelin Ratko Mladiq. Ushtria serbo ‑ malazeze ende nuk ka filluar reformat e duhura dhe si e tillë vazhdon të jetë kërcimin serioz për stabilitetin e Kosovës dhe rajonit. Kjo ushtri ende nuk është e denjë për të qenë partnere e NATO‑s dhe TMK‑së. Megjihatë thuhet më tej në komunikatë TMK‑ja do ta ruajë respektin për gjeneralin Karmabo i cili e ka ndihmuar shumë TMK‑në dhe Kosovën, dhe nga Kosova po largohet si mik i mirë. Respektin e vet për gjeneralin Karmabo TMK‑ja e ka treguar edhe me paradën e organizuar për nder të largimit të tij. TMK‑ja po ashtu do të vazhdojë bashkëpunimin e mirë me KFOR‑in dhe në veτanti komandantin e ri të KFOR‑it gjeneralin Valloto, të cilit i uron mirëseardhje në Kosovë. TMK‑ja nuk është kundër bashkëpunimit me fqinjët. Ne jemi të gatshëm të bashkëpunojmë më të gjithë partnerët në rajon, përfshirë këtu edhe Serbinë. Por për këtë duhet pritur kohën dhe momentin e duhur. Ushtria serbo‑malazeze duhet të plotësojë shumë standarde që të meritojnë respektin dhe partneritetin tonë dhe të NATO‑së- thuhet në fund të komunikatës së TMK-së. Me rastin e pjesëmarrjes së shefit të Shtatmadhorisë së Ushtrisë serbo‑malazeze, në ceremoninë e ndërrimit të komandantit të forcave ndërkombëtare në Kosovë ka reaguar Asociacioni i Komunave të Kosovës. Me këtë rast në shenjë proteste kryetarët e komunave të Kosovës të ftuar që të marrin pjesë në këtë ceremoni, përveç kryetarit të komunës së Kastriotit, kanë anuluar pjesëmarrjen në ndërrimin e komandantit të KFOR‑it në Kosovë.

[karaburuni]

Kam frike se edhe kesaj radhe Kosova e humbi trenin e sovranitetit dhe kombi shqiptar rastin e bashkimit.
Theksoj sovranitetin dhe jo pavarësinë sepse ketu po luhet e gjithe loja. Komuniteti nderkombetar me sa duket eshte i gatshem t'i jape Kosoves pavaresine, por duke e mbajtur Kosoven brenda SMZ-se, si nje republike te trete brenda SMZ-se. Ky eshte me sa duket orientimi i politikes se BE-se te pakten.
Ardhja e z. Berisha ne pushtet, megjithese shihet me simpati nga shume kosovare, kam frike se nuk do ta ndihmoje shume Kosoven. Z. Berisha eshte shprehur se: "ne jemi të përcaktuar për mosndryshimin e kufinjëve ndërkombëtarë në jugun e Ballkanit, përfshi këtu kufinjët ndërkombëtarë të Kosovës" dhe se "duhet të respektojnë vullnetin e qytetarëve të Kosovës për vetvendosje, për pavarësi".
Kjo deklarate kontradiktore ne dukje nuk eshte e tille ne te vertete dhe shqip do te thote: "Kosova republike e pavarur brenda unionit Serbi-Mal-i-Zi (SMZ)". Kjo deklarate jo vetem qe perjashton nje bashkim te Kosoves me Shqiperine, por perjashton edhe nje ndarje te Kosoves nga Serbia ose me sakte nga SMZ.

Kesaj pune i thone: "ku ishe - hiçgjekundi". E vetme zgjidhje e vertete mbetet bashkimi i Kosoves me Shqiperine, por sot ka shume pak shqiptare qe e kuptojne kete, si ne Shqiperi edhe jashte saj.
Per fat te keq partite nacionaliste si Balli Kombetar qe mbronin idene e nje bashkimi te Kosoves me Shqiperine, dolen jashte loje ne zgjedhjet e 3 korrikut, ne radhe te pare si pasoje e mos-kuptimit apo mos-interesimit te shqiptareve per ceshtjen kombetare dhe ne radhe te dyte si pasoje e manipulimit te zgjedhjeve nga palet e interesuara perfshi ketu edhe ata qe i financojne dhe i monitorojne keto zgjedhje.

Shpresoj qe kosovaret te gjejne forca qe t'i kundershtojne keto projekte anti-shqiptare e pro-serbe, por nuk e di nese do t'ia arrijne. Per me teper qe Shqiperia nuk duket e motivuar qe t'i ndihmoje po te kemi parasysh perfaqesimin aktual politik.
Qofsha une i gabuar, por kam frike se dite te keqija po vijne per kombin shqiptar dhe Kosoven.

[GWENI]

Ujku kërkon mjegull-Nga Agim Vuniqi, SHBA


Lajmi që dy nga zyrtarët më të lartë të Kosovës u paraqitën publikisht me ushtarakun serb në ceremoninë e ndërrimit të komandës së KFOR-it, ku mori pjesë edhe shefi i Gjeneralshtabit të Ushtrisë së SMZ-së, është një nënqmim tej mase i qytetarëve të Kosovës, është ky vetëm një qëndrim qe nuk "lahet" dot, ky incident "i rastësishëm" nuk do te qojë në shtensionimin e situatës por përkundrazi në tensionimin e mëtejmë me përmasa kritike dhe shqetësuese, sepse në këtë mënyrë është fyerë rëndë edhe populli i Kosovës. Daci dhe Salihaj duhet të japin dorëheqje të parevokueshme, përndryshe duhet të shkarkohen më kërkesë të LDK-së.

Janë brengosëse faktet tek shqiptarët se si interesat partiake janë mbi ato nacionale, kjo ngase klasa politike nuk është e pavarur në gjykimet politike, prandaj ndodhë që interesat e Kosovës janë të ndërlidhura me interesat private.

Çështja e mirëqenies së një populli dhe zhvillimet e brendëshme politike shpeshherë janë në shpërputhje të plotë, meqë logjika politike në të shumtën e rasteve është e ndarë nga dëshira, vullneti por edhe aspiratat e qytetarëve. Proceset e dezintegrimit, nderrimet institucionale të sistemit, ndryshimi i logjikës së të menduarit, por edhe të konceptit jetësor janë në kufijtë e elasticitetit politik për aq kohë sa do të jetë aftësia e qeverisjes, kohë pas kohe mund të rrezikohen por edhe të shpërthejnë vrullshëm saqë mund të rrezikojnë interesat nacionale.

Pjesëmarrje e pakuptimtë dhe jodinjitoze e zv. kryeministrit të Qeverisë Adem Salihaj, bashkë me kryetarin e Kuvendit të Kosovës, Nexhat Daci, morën pjesë në ceremoninë publike, ku mori pjesë gjenerali serb Paskash

Zhvillimet e fundit politike në Kosovë, dëshmojnë për shkurtpamësinë e politikës elitiste të Kosovës mu në kohën e proceseve të zgjidhjes së favorshme(?) për shqiptarë, në politiken ndërkombëtare. Këtë dëshmoi sidomos pjesëmarrja e Dacit dhe zëvendëskryeministrit Salihaj "rastësisht", në ceremoninë e ndërrimit të komandës së KFOR-it, ku mori pjesë edhe shefi i Gjeneralshtabit të Ushtrisë së SMZ-së, që ishte e pakuptimtë dhe jo dinjitoze, për vetë faktin se politika serbe asnjëherë deri më tash nuk u distancua nga politika fashiste e Millosheviqit.

Politika zyrtare e Beogradit asnjëherë nuk kërkojë falje për masakrat dhe dëbimin e dhunshëm të shqiptarëve, nuk dënojë fushatën gjenocidale të Millosheviqit (përkundrazi parlamenti jugosllav pat kërkuar lirimin e tij dhe mbrojtjen e tij në liri, asnjëherë parlamenti serb dhe qeveria serbe nuk u distancuan nga kjo kërkesë). Këtë duhet ta kishin parasysh kryeparlamentari i Kosovës z.Daci dhe zëvendëskryeministri, para çdo rreshtimi në ceremonin publike ngase ata përfaqësonin institucionet e Kosovës (nuk ishin në takim privat) .

Vetë pjesëmarrja e ushtarakut serb pretendon që raportet në mes të shqiptarëve dhe të serbëve t'i ulë në raporte shumë të ulëta institucionale (të nivelit brenda serbo malazias) ashtu siç pretendonte politika serbe haptas, më heret me inkorporimin e Kosovës në parathënien (preambulën) e kartës kushtetuese dhe në vet kushtetutën e ardhshme të Serbisë e Mal të Zi.

Vizita e ushtarakut serb mu në kohën e presioneve të vazhdueshme të Bashkësisë ndërkombëtare për të kushtëzuar Beogradin për bashkëpunim me gjykatën e Hagës (SHBA-së dhe UE-së), për dorëzimin e dy kriminelëve kyç Mlladiqit dhe Karaxhiqit, është një akt absurd por jo edhe i paparashikueshëm, është ky rezultat i një ofensive diplomatike e Beogradit.

Daci dhe Salihaj duhet të japin dorëheqje të parevokueshme, përndryshe duhet të shkarkohen më kërkesë të LDK-së.

Koncepti shqiptar i qeverisjes në Kosove është i mbështetur vetëm në faktorin e jashtëm duke zhvlerësuar tërësisht organizimin e brendshëm politik (konsultimet paraprake) para çdo vizite zyrtare ne vend dhe jashtë vendit. Takimet zhvillohen si gjithnjë ndaras, si kjo e fundit, e krye parlamentarit të Kosovës Dacit dhe zëvendëskryeministrit (të cilët duhet të japin dorëheqje të parevokueshme, apo të shkarkohen në kërkesë të LDK-së, përndryshe edhe ky subjekt politik nuk do të lirohet nga përgjegjësia), këta asnjëherë nuk zhvilluan asnjë konsultim paraprak në mes vete që do të dëshmonte punën ekipore institucionale, jo , atë jo-institucionale, ku secili nga ata pretendon të jetë mbi institucionin që përfaqëson duke mos dashur të kuptojnë faktin se ata janë përfaqësues të institucioneve të Kosovës.

Sindromi i jo kooperativitetit i politikanëve shqiptarë të Kosovës (atyre në pozitë) do të ketë pasoja te paparashikueshme për të ardhmen e Kosovës, meqë marrëdhëniet e brendshme duhet pranuar si marrëdhënie zyrtare institucionale dhe atë sipas kompetencave e jo nga prizmi i tyre individual-emocional (ku smira dhe inati hileqar duhet të jenë pjesë e psikologjisë së tyre individuale) dhe që eventualisht mospajtimet konceptuale partiake të barten dhe transferohen në institucione që përfaqësojnë vullnetin e popullit.

Lajmi që dy nga zyrtarët më të lartë të Kosovës u paraqitën publikisht me ushtarakun serb është një nënçmim tej mase i qytetarëve të Kosovës, është ky vetëm një qëndrim qe nuk "lahet" dot, ky incident "i rastësishëm" nuk do te qojë ne shtensionimin e situatës por përkundrazi në tensionimin e mëtejmë me përmasa kritike dhe shqetësuese, sepse në këtë mënyrë është fyer rëndë edhe populli i Kosovës.

Që të jetë banaliteti më i madh përgjegjësia për këtë incident bie edhe mbi krye parlamentarin Dac dhe zëvendëskryeministrin, sidomos duke marrë për bazë se ky qëndrim jodinjitoz dhe dhelparak dëshmon edhe njëherë vasalitetin e politikanëve shqiptarë ndaj serbo malazezëve, i trashëguar nga periudha e "dashurisë ideologjike "LKJ" (vetë akti i vizitës shkelë në skajshmëri pozitën e Kosovës dhe ngulfat përpjekjet e institucioneve të Kosovës për pavarësi).

Prandaj që tani elektorati i Kosovës nuk duhet mbështet më blanko politikanët shqiptarë të Kosovës, nuk duhet më blanko të mbështetë politikën e korruptuar të zyrtarëve të cilët hiqen si përfaqësues të institucioneve-aspak nacionale, sidomos jo nga pozitat nënçmuese në raport me institucionet ndërkombëtare të locuara në Kosovë, por në baza të reciprocitetit.

[Davius]

Salihaj: Punën e shkëlqyer të Kermabon e ka zbehur ftesa e bërë për gjeneralin serb

Zëvendëskryeministri i Kosovës, Adem Salihaj, të premten i shprehu shefit të UNMIK-ut, Soren Jessen-Petersen, mospajtimin për pjesëmarrjen e gjeneralit serb në ceremoninë e djeshme të KFOR-it dhe ka thënë se punën e shkëlqyer të ish-komandantit të KFOR-it, Yves De Kermabon, e ka zbehur në një farë mase ftesa që i është bërë gjeneralit serb.

PS:
Pall gomar se do del barr. Te gjithe politikanet tane atje jane nishane ne livadhe, tjeter kush e ka timonin ne Unimikistan.

[GWENI]

Prishtinë, 3 shtator 2005 Time: 10 : 48
Adem Salihaj disa ditë përpara e ka ditur se Paskash vjen në Prishtinë.
Kryeministri Bajram Kosumi me kohë ia kishte tërhequr vërejtjen zëvendësit të tij, Adem Salihajt, të mos merrë pjesë në ceremoninë e ndërrimit të komandës së KFOR-it. Megjithatë, zëvendëskryeministri shfaqi jo lojalitet ndaj shefit të tij dhe më 1 shtator u shfaq në Film City për të bërë një përpjekje amatore që të arsyetohej para kosovarëve të revoltuar. I mllefosur dhe i penduar dyzash, ngase po rriteshin reagimet e kosovarëve për praninë liderëve institucionalë në atë manifestim, Salihaj punën e parë që e bëri, në vend se të ballafaqohej me realitetin, në mungesë të Kosumit, e pezulloi nga puna sekretarin permanent të Qeverisë, Mehmet Hajrizin, shkruan “Lajm.”

[GWENI]

TMK: Ftesa për gjeneralin serb në Prishtinë, vendim i gabuar.. Aktuale

Përmes një komunikate, SHP i TMK-së ka sqaruar mospjesmarrjen e komandantit të TMK-së në ceremoninë e KFOR-it, me rastin e ndërrimit të komandantëve. Në komunikatë thuhet se komandanti i TMK-së gjenerallejtënant Agim Çeku dhe drejtuesit e tjerë të TMK-së, përkundër dëshirës se tyre, janë detyruar që të mos marrin pjesë në ceremoninë e ndërrimit të komandantit të KFOR-it, për shkak të prezencës në këtë ceremoni të shefit të shtabit të ushtrisë serbo malazeze, gjeneralit Paskash, i cili është ftuar nga KFOR-i. SHP i TMK-së ka vlerësuar se ftesa për gjeneralin serb Paskash, për shumë arsye, ka qenë një vendim jo i qëlluar dhe i parakohshëm.


Në kumtesë thuhet: ” Një vizitë e tillë, në radhë të parë, provokon ndjenjat e shumicës së qytetarëve të Kosovës, të cilët kanë ende shumë plagë të hapura nga lufta. Kufomat e mijëra civilëve shqiptarë të masakruar nga ushtria serbe ende nuk janë kthyer në Kosovë. Gjenerali Paskash përfaqëson ushtrinë e cila ka bërë shumë mëkate në Kosovë. Për më tepër as gjenerali Paskash dhe askush nga udhëheqësit e ushtrisë dhe qeverisë serbe nuk kanë kërkuar falje për krimet që ka kryer ushtria serbe në Kosovë. Ushtria serbo - malazeze nuk është distancuar nga krimet qe ka bërë në ish – Jugosllavi, dhe nuk i ka pastruar radhët e veta nga kriminelët e luftës. Përkundrazi, kjo ushtri po i mbron kriminelët e kërkuar nga Haga, përshirë këtu edhe kryekriminelin Ratko Mladiq. Ushtria serbo - malazeze ende nuk ka filluar reformat e duhura dhe si e tillë vazhdon të jetë kërcimin serioz për stabilitetin e Kosovës dhe rajonit. Kjo ushtri ende nuk është e denjë për të qenë partnere e NATO-s dhe TMK-së. Përkundër kësaj, TMK-ja do ta ruajë respektin për gjeneralin Karmabo i cili e ka ndihmuar shumë TMK-në dhe Kosovën, dhe nga Kosova po largohet si mik i mirë. Respektin e vet për gjeneralin Karmabo TMK-ja e ka treguar edhe me paradën e organizuar për nder të largimit të tij. TMK-ja po ashtu do të vazhdojë bashkëpunimin e mirë me KFOR-in dhe në veçanti komandantin e ri të KFOR-it gjeneralin Valloto, të cilit i uron mirëseardhje në Kosovë. TMK-ja nuk është kundër bashkëpunimit me fqinjët. Ne jemi të gatshëm të bashkëpunojmë më të gjithë partnerët në rajon, përfshirë këtu edhe Serbinë. Por për këtë duhet pritur kohën dhe momentin e duhur. Ushtria serbo-malazeze duhet të plotësojë shumë standarde që të meritojnë respektin dhe partneritetin tonë dhe të NATO-së.”