Punonjes te ambasadave, kliente te motelit "Xhimi"

E Shtune, 01 Tetor 2005


TIRANE / Arrestohet pronarja e nje moteli, ndersa hetohet ne gjendje te lire 'prostituta' Margarita Beluli, nene e dy femijeve. "E ushtroja kete profesion per te ushqyer dy femijet e mi dhe fitoja jo pak". Policia: "Kishte si kliente te rregullt edhe te huaj, qe punojne aty prane"

Bledi GILA


Agjentet e Antitrafikut prangosin pronaren e nje moteli, pasi ushtrohej prostitucion nga nje nene e dy femijeve. Moteli me emrin "Xhimi" eshte zbuluar prane Bllokut te Ambasadave, perballe shkolles se mesme te pergjithshme "Qemal Stafa", ne Rrugen e Durresit. Kliente te prostitutes Margarita Beluli, e cila do te ndiqet ne gjendje te lire, sipas burimeve policore, ishin edhe punonjes te ambasadave, qe punojne aty prane. Pronarja e motelit, Violeta Flaga, e cila vazhdon te kete nje ceshtje gjyqesore per te njejten akuze, eshte arrestuar nga uniformat blu, ndersa Margarita Beluli do te ndiqet ne gjendje te lire. "E ushtroja kete profesion per te ushqyer dy femijet e mi deh fitoja jo pak", ka thene Beluli para oficereve te Zyres se Antitrafiqeve.

Prej disa ditesh, agjentet e policise kishin marre informacione se ne nje motel, ne zonen "VIP", ushtrohej prostitucion. Dy dite me pare, ata kane ndermarre nje aksion per te kontrolluar motelin "Xhimi". Duke dale nga ky motel kane gjetur nje zoteri, i cili eshte marre ne pyetje dhe, sipas deklarates se tij, kishte qene ne nje nga dhomat e motelit me nje prostitute. Menjehere, policia ka kontrolluar motelin dhe ka arrestuar ne flagrance pronaren e tij, e cila ishte nje person me precedent te meparshem. "Ajo eshte Violeta Flaga, 50 vjece, banuese ne Tirane", kane shpjeguar uniformat blu. Pas verifikimeve, ka rezultuar se 50-vjecarja ishte arrestuar edhe dy here te tjera, nje here si shfrytezuese per prostitucion dhe nje here per ushtrim te kesaj vepre penale. Madje, policia shpjegoi se aktualisht ajo ka nje ceshtje te hapur ne Gjykaten e Tiranes, ku ndiqet ne gjendje te lire. Nderkohe, ajo qe ushtronte prostitucion ne kete motel quhet Margarita Beluli, 38 vjece, e cila ndiqet ne gjendje te lire.

Sipas deshmise se 38-vjecares Beluli, ajo kishte mese nje muaj qe ushtronte profesionin e prostitutes ne kete zone. Ishte njohur rastesisht me pronaren e motelit dhe kishin bere nje marreveshje, qe Beluli te "shiste" trupin, ndersa Flaga te siguronte vendin. "Nuk kisha c'te beja. Une banoj ne Kombinat dhe jam e divorcuar nga burri. Eshte e vetmja pune qe mund te bej, pasi ne vende te tjera pune, nuk me kane pranuar. Me duhet te ushqej dy femijet e mi te vegjel", ka thene ajo para oficereve te Policise Gjyqesore. Madje, ajo ka treguar se ka me i madhi i femijeve te saj eshte 3 vjec dhe i vogli vetem nje vjec. Ne keto rrethana, hetuesit kane vendosur ndjekjen ne gjendje te lire per Belulin.

Moteli i identifikuar si shtepi publike ndodhet ne nje zone mjaft te frekuentuar te kryeqytetit, vetem 30 metra larg shkolles se mesme te pergjithshme "Qemal Stafa", ne Tirane dhe fare prane Bllokut te Ambasadave. Zona ku ndodhej ai duket sikur i krijon atij nje luks per klientelen e mundshme, te deshiruar prej ushtruesve te prostitucionit. Nderkaq, banoret e zones jane ndjere te lehtesuar pas nderhyrjes se policise, pasi shtepia publike ishte kthyer ne shqetesimin e tyre te perditshem. Nderkohe, burimet e policise thane per "Korrieri"-n se kliente te 38-vjecares ishin edhe punonjes te ambasadave te huaja ne Shqiperi. Sipas hetimeve te para, cmimet per kliente varionte nga dy mije leke per shqiptaret deri ne 100 euro per te huajt. Nga ana tjeter, agjentet e Antitrafikut i kane vene celesin motelit, ndersa procedura e sekuestrimit te tij pritet te perfundoje ditet e ardhshme.

bledigila@korrieri.com