Shqipëria - Kazakistani (2:1)

[romeoOOO]

Sonte eshte fitore e garantume se ska ku te shkoje! Nji 3-0 ose 2-1!
Ene ishalla po hypim i cikme siper ne renditje!


persh. te gjitheve ene pse shumica eshte milaniste!

romeoOOO

[viganv]

Une them se do te fitojme 3-1 te shohi cka do te ndodhe,suksese kombetares

[Davius]

Haxhi: Kazakistani nuk mund të na ndalë


"Kazakistani nuk mund të na ndalë në fushën tonë." I këtij mendimi është Altin Haxhi, sipas të cilit ekipi ynë përfaqësues nuk do të lejojë që t'i shpëtojnë pikët pa marrë në këtë ndeshje. Në një prononcim të tij për "Sportin shqiptar", Haxhi do të komentonte atmosferën në prag të takimit me Kazakistanin si dhe detaje të tjera nga përballja me këtë kundërshtar, të konsideruar në letër si jo të fortë...

A do të lejoni që Kazakistani t'ju marrë pikë në "Qeëal Stafa"?
Mendoj se është një ndeshje që duhet fituar dhe për këtë jemi përgatitur seriozisht në stërvitje. Kazakistani nuk mund të na ndalojë në fushën tonë, por për të bërë realitet këtë, kërkohet përqëndrim maksimal.

A jeni njohur me vlerat e kundërshtarit?
Sigurisht. Përveç takimit direkt, që kemi pasur me ta në Kazakistan, kemi parë dhe videot e këtij ndeshjeve të këtij ekipi. Nuk është një ekip që mund të nëvleftësohet, pasi ka një mbrojtje të fortë.

Si ndjehet Haxhi para këtij takimi?
Jam mirë dhe dëshiroj që të bëj më të mirën për ekipin përfaqësues.
Si e vlerësoni faktin që trajneri Brigel ka kërkuar përqëndrim dhe tifozeri në stadium?

Janë kërkesa mëse të natyrshme. Çdo lloj nëvleftësimi do të ishte me pasoja, ashtu si dhe prezenca e tifozerisë do të na inkurajonte.

Sa i shërben ky takim kombëtares tonë?
Eshtë një ndeshje ku kërkohet 3-pikëshi. Në këtë drejtim jemi disi të ngarkuar psikologjikisht, por unë mendoj se nuk është vetëm 3-pikëshi që na nevojitet, por edhe një vend më i mirë në klasifikimin e UEFA-s si dhe një vazo më e përshtatshme në eliminatoret e ardhshme të Evropianit.

Sa i ka shërbyer ndeshja me Azerbajxhanin këtij takimi?
Kuptohet që i ka shërbyer për faktin se ka qenë një test me një ekip që i afrohet specifikave të kundërshtarit.

A mund të mposhtet Kazakistani lehtësish?
Nuk do të jetë loja jonë si ajo me Azejbarxhanin. Në takimet zyrtare impenjimi është maksimal, kurse në miqësore është diçka tjetër. Gjithsesi, edhe me Azejbarxhanin ne fituam.

Cila është klima në ekip para këtij takimi?
Klima është realiste dhe optimiste. Jemi realistë që nuk do të kemi një ndeshje të lehtë, ashtu siç jemi optimistë se do të arrijmë ta fitojmë ndeshjen

[Davius]

Igli Tare nuk do të luajë sonte

Kapiteni i kombëtares sonë, njëkohësisht pika referuese e sulmit kuqezi, nuk do të luajë në ndeshjen e sotme. Kjo, për shkak të dëmtimit që ka, i cili nuk i ka kaluar ende dhe e ka lënë atë edhe jashtë miqësores me Azerbajxhanin dhe jashtë javës së parë të Serisë A në Itali. Mosqenien e tij në fushë, në ndeshjen e sotme me Kazakistanin e ka pranuar edhe Brigeli. Sipas gjermanit, kapiteni kuqezi nuk është gati për të luajtur. "Tare përfundimisht nuk do të luajë në ndeshjen me Kazakistanin. Eshtë një humbje për ekipin tonë. Gjithsesi, ai nuk mund të luajë, pasi është i dëmtuar dhe këtë e ka konfirmuar edhe stafi mjekësor i kombëtares," ka përfunduar për këtë çështje gjermani. Tani mbetet për t'u parë se cili do të jetë zëvendësuesi i gjigantit kuqezi, Tare. Titullar i padiskutueshëm duket Erion Bogdani, krahas të cilit mund të luajë Bushi, Myrtaj ose Kapllani. Zgjidhje për të cilin do të mendojë vetë trajneri Brigel.


Bogdani: Mendoj Kazakistanin dhe Milanin

Në seancën stërvitore të zhvilluar në fushën e qytetit të Shijakut, sulmuesi kryesor i ekipit tonë përfaqësues Erion Bogdani është shprehur se pas ndeshjes me Kazakistanin, ekipi i tij, Siena, në kampionatin italian do të ketë përballë një nga ekipet më të forta të botës, Milanin. Bogdani është shprehur se gëzon formë të mirë përballë këtyre dy ndeshjeve që e presin dhe se shpreson që çdo gjë të shkojë mbarë si për ekipin tonë përfaqësues ashtu dhe për Sienën. Bogdani është realist kur deklaron se sfida në kampionatin italian me Milanin do të jetë më e vështirë se sa ajo me Kazakistanin.

[Davius]

Lala: Që tani të mendojmë për Europianin

Pas humbjes së mundësisë për të pretenduar finalet e Botërorit të Gjermanisë, kombëtarja jonë kuqezi po i bën hyzmetin marrjes së sa më shumë pikëve, për t'u futur në një vazo të privilegjuar të shortit për europianin e radhës. Të këtij mendimi janë të gjithë futbollistët kuqezinj dhe stafi teknik i kombëtares. Edhe njëri prej liderëve kuqezinj, Altin Lala e pohon një gjë të tillë. Në seancën e fundit stërvitore, futbollisti i Hanoverit, Altin Lala, është shprehur se ndeshja me Kazakistanin ka një rëndësi specifike në krahasim me ndeshjet e tjera.

Sipas tij, një fitore dhe 3-pikësh në këtë takim do të krijonte mundësinë që ekipi ynë t'i drejtohej kuotës së 12 pikëve, që do të thoshte një vazo tjetër për Shqipërinë në eliminatoret e kampionatit të ardhshëm europian. Sipas Lalës, përballja me kundërshtarë më të dobët do t'i jepte më shumë shanse ekipit tonë përfaqësues për të shpresuar në një kualifikim në grup. Në këto kushte, Lala konfirmon se ekipi do të jetë i karikuar për ta fituar këtë takim përballë një kundërshtari me më pak kualitete, por jo të papërfillshëm.

"Kazakistani nuk ka marrë asnjë pikë deri tani në grup, çka tregon diferencën e kësaj skuadre me rivalet e tjera në grupin tonë. Megjithatë, nuk i duhet kushtuar shumë rëndësi këtij fakti, sepse fusha e lojës e veçanërisht futbolli dhurojnë shpeshherë surpriza të pakëndshme. Unë mendoj se kombëtarja jonë duhet të hyjë me mendje të mbledhur në ndeshje, pa asnjë lloj nënvlerësimi për kundërshtarin, sepse ndryshe mund ta pësojë. Ne kemi parë që Kazakistani luan mirë në mbrojtje dhe mundohet më shumë për të prishur lojën e kundërshtarit. Pra, them se kjo skuadër nuk ka ardhur sa për të kaluar radhën në Tiranë. Edhe në ndeshjen e parë, të luajtur atje, na ka vënë mjaft herë në vështirësi.

Ne duhet të luajmë lojën tonë, sikur të kishim përballë Greqinë, Danimarkën, Ukrainën apo Turqinë. Çdo ndeshje vlen 3 pikë, edhe kjo e sotmja, prandaj i duhet kushtuar vëmendje maksimale. Një fitore sot ndaj Kazakistanit na çon në kuotën e 12 pikëve, çka do të thotë një vazo më e privilegjuar në shortin e europianin të ardhshëm. Ne tani për atë po luftojmë, pasi kemi dalë prej disa ndeshjesh nga lufta për të siguruar një vend në finalet e Botërorit të Gjermanisë. Kësaj here luajmë përpara tifozëve tanë, të cilët duhet t'i kënaqim patjetër me një lojë të bukur dhe fitore. Kjo do të ishte dhurata më e mirë për ta, ndërsa 3-pikëshi dhurata më e mirë që do t'i bënim vetes," - nënvizon Lala

[Davius]

Brigel: Duhet kujdes ndaj Kazakistanit!

Trajneri i ekipit përfaqësues, Hans Peter Brigel, 24 orë para ndeshjes me Kazakistanin, ka dhënë një konferencë për shtyp në sallën e konferencave të hotel "Adriatikut" në Durrës. Trajneri gjerman e ka pranuar faktin që ekipi ynë përfaqësues është favorit në këtë ndeshje me Kazakistanin. Sipas tij, nuk ndodh shpesh në grupin tonë me ekipe të forta, që të jesh favorit si në ndeshjen me Kazakistanin.

Nga ana tjetër, Brigeli ka paralajmëruar se duhet kujdes ndaj kundërshtarëve të tillë të konsideruar të vegjël, pasi ekipi ynë përfaqësues ka pasur shpesh probleme me ekipe të tilla. Madje dhe ka humbur. Brigeli ka kërkuar përqendrim maksimal në këtë ndeshej, ku synimi do të jetë fitimi i 3 pikëve. Duke iu referuar karakteristikave të kundërshtarit, Brigeli ka shtuar se Kazakistani luan fort në mbrojtje dhe se nuk të lejon hapësira në manovrën sulmuese. Ai ka kujtuar se ky ekip, ndonëse nuk ka arritur të marrë asnjë pikë në grup, është mundur me rezultate minimale nga kundërshtarët e tij. Trajneri Brigel nuk e ka fshehur optimizmin e tij për një rezultat pozitiv në ndeshjen me Kazakistanin.

Duke komentuar stërvitjen që ka zhvilluar ekipi në periudhën e grumbullimit, Brigeli është shprehur i kënaqur për faktin se ekipi ka formën dhe përqendrimin e duhur për këtë ndeshje. "E kemi përballuar me sukses stërvitjen që pas ditës së martë," është shprehur trajneri i përfaqësueses sonë. Gjermani ka shtuar se stërvitja e pasdites së të enjtes në stadiumin "Tofik Jashari" të Shijakut ka treguar se ekipi është në përqendrimin e duhur për ndeshjen me Kazakistanin. Më pas, Brigeli ka komentuar edhe gjendjen e futbollistëve të veçantë. Ai është ndalur kryesisht te sulmuesi i Sienës, Erion Bogdani, si dhe te portieri i kombëtares Ilion Lika. "Bogdani është përmirësuar shumë në krahasim me një vit më parë në drejtim të klasit të tij si futbollist." Po kështu, rritje si futbollist, sipas Brigelit, ka bërë edhe portieri Ilion Lika.

Këta të dy gjermani i ka evidentuar si shembull edhe për futbollistët e tjerë të ekipit përfaqësues, të cilët duhet të ndjekin hapat e këtyre lojtarëve. Duke iu referuar ndeshjeve të fundit të ekipit tonë përfaqësues në grup, trajneri i ekipit përfaqësues, Hans Peter Brigel, ka deklaruar se duhet të jemi të kujdesshëm për të mos pësuar gol në fillim të ndeshjes, pasi kjo ka pasoja në rikuperimin e rezultatit. Shembull për këtë Brigeli ka evidentuar ndeshjen me Turqinë, ku goli i pësuar në fillim u bë shkak që ekipi ynë të mos dilte te rezultati pozitiv, ndonëse e përmirësoi ndjeshëm nivelin e lojës, duke mos e përmbysur rezultatin.

Në përgjigje të pyetjes së gazetarëve në lidhje me mospërfshirjen në ekipin përfaqësues të sulmuesit Altin Rraklli, trajneri gjerman ka deklaruar se Rraklli duhet të luajë 10 ndeshje radhazi për të parë formën e tij për t'u grumbulluar në ekipin përfaqësues. Po kështu, gjermani ka thënë se edhe Beqajt nuk i është mbyllur dera e ekipit përfaqësues. Brigeli ka pasur kohën që të bëjë edhe humor me pyetjen e një prej gazetarëve në lidhje me mundësinë e grumbullimit të 9 pikëve të tjera në grup, duke u shprehur se do të grumbullojnë 18 pikë. Kaq ka qenë konferenca për shtyp e trajnerit të ekipit përfaqësues, Hans Peter Brigel, para ndeshjes me Kazakistanin, ku ekipi ynë do të kërkojë më tepër se kurrë 3-pikëshin me lojë bindëse.

.........

Ku edhe nga kazaket frigohemi cna mbet gje tjeter kur luajme me me te medhate....

[Duke_Of_Arberia]

filloj ndeshja e transmenton medialb

[Duke_Of_Arberia]

Briegeli duhet te ndryshoje diçka, sepse me 3-5-2 e perhershem nuk po bejme gje sot.

[Duke_Of_Arberia]

0-0 dhe asgje me shume....

[Davius]

Mbaroj pjesa e pare 0:0.

Nje ndeshje jo aq e mire duke pasur ne konsiderate kualitetin e kundershtarit.

Nejse me shume mund ne pjesen e dyte