Shqipëria - Kazakistani (2:1)

[Davius]

Shqiperi - Kazakistan 2-1

03.09.2005 - Ka perfunduar me rezultat 2-1 ndeshja e xhiros se dhjete eliminatore e vlefshme per kampionatin boteror 2006 e cila do te mbahet ne shtetin e Gjermanise. Kombetarja jone ne pjesen e pare me te vertete kishte nje paraqitje teper te dobet dhe mungonte organizimi total i ndeshjes edhe pse per kundershtar kishim nje perfaqesuese te dobet sic eshte ajo e Kazakistanit. Ne fillim te pjeses se dyte perkatesisht ne minuten e 54' pas nje akcioni te organizuar mire ne gjashtembedhjetshe pas nje kthimi te Bogdanit i cili asistoj tek Myrtaj ku ky i fundit nuk e kishte edhe aq veshtire te shenonte dhe keshtu Shqiperia kaloi ne epersi minimale 1-0.

Pas dy minutave loje serisht Bogdani u gjend i vetmuar ne sulm dhe me shkathesi arriti qe ta deboi topin ne golin e kundershtarit dhe ne minuten 56' kaluam ne epersi 2-0. Pas minutes se 56' serisht Shqiperia kishte disa raste te tjera mirepo ne minuten e 63' pas nje krosimi nga ana e djathte me se mire ne zonen e epersise u gjend lojtari kazak Nizotzev dhe me koke goditi topin dhe tundi rrjeten e kombetares tone, 2-1.

Ndeshja perfundoi me po kete rezultat por ajo cka u verejt sonte ne stadiumin kombetar 'Qemal Stafa' ishte se shkallet e stadiumit thuaje ishin plotesisht te boshatisura si rrjedhoje e cmimit te larte te biletave te vendosura nga FSHF dhe gjithashtu ne kete ndeshje mungoi perkrahja e cmendur e tifozerise se kombetares kuq e zi, Ultras Dradaneve.

1 Ukrainë 24
2 Turqi 17
3 Greqi 15
4 Danimarkë 13
5 Shqipëri 12
6 Gjeorgji 9
7 Kazakistan 0

Nuhi K. - Tifozat.com

[dodoni]

Nese fitojme keto dy ndeshjet e mbetura dhe nese edhe Danimarka, Turqia dhe Greqia nuk arrijne te shkojne tek 18-pikeshi, kemi mundesi edhe te kualifikohemi.

Urojme qe edhe Bekim Kastrati te shkelqeje me Borusine e Menhengladbahut ne Bundesliga, dhe procedurat e veshjes se tij kuqezi te kryhen sa me pare, ne menyre qe ne ndeshjet e ardhshme te jete i gatshem per sulmin e kombetares bashke me Taren e Bogdanin.

Mesfushen e kemi te forte, por ardhja eventuale e Valon Behramit do ishte shume e mire, per c'gje urojme qe me ne fund te vishet edhe ai kuqezi sa me pare. Poashtu, urojme qe edhe Klodian Duro ta gjej veten sa me pare, dhe te jete i gatshem ne ndeshjet e ardhshme.

Poashtu, edhe mbrojtjen e kemi te mire, ku ne rast nevoje mund ta terheqim edhe Canen prapa (edhe pse kohet e fundit eshte duke luajtur shume mire edhe para).

Poashtu, shpresat tona duhet te veshin kuqezi sa me pare Jurgen Gjasulen, Enis Alushin, Besian Idrizajn dhe talentet tjera tona qe do jene e ardhmja e kombetares sone.

Sidoqofte, urojme qe kombetarja jone, te renditet sa me lart ne tabele, te arrije dy fitore ne keto dy ndeshjet e mbetura dhe pse jo edhe te kualifikohet per boteror pamvaresisht shansave te pakta.

Tung

[[xeni]]

Nese fitojme keto dy ndeshjet e mbetura dhe nese edhe Danimarka, Turqia dhe Greqia nuk arrijne te shkojne tek 18-pikeshi, kemi mundesi edhe te kualifikohemi.

Urojme qe edhe Bekim Kastrati te shkelqeje me Borusine e Menhengladbahut ne Bundesliga, dhe procedurat e veshjes se tij kuqezi te kryhen sa me pare, ne menyre qe ne ndeshjet e ardhshme te jete i gatshem per sulmin e kombetares bashke me Taren e Bogdanin.

Mesfushen e kemi te forte, por ardhja eventuale e Valon Behramit do ishte shume e mire, per c'gje urojme qe me ne fund te vishet edhe ai kuqezi sa me pare. Poashtu, urojme qe edhe Klodian Duro ta gjej veten sa me pare, dhe te jete i gatshem ne ndeshjet e ardhshme.

Poashtu, edhe mbrojtjen e kemi te mire, ku ne rast nevoje mund ta terheqim edhe Canen prapa (edhe pse kohet e fundit eshte duke luajtur shume mire edhe para).

Poashtu, shpresat tona duhet te veshin kuqezi sa me pare Jurgen Gjasulen, Enis Alushin, Besian Idrizajn dhe talentet tjera tona qe do jene e ardhmja e kombetares sone.

Sidoqofte, urojme qe kombetarja jone, te renditet sa me lart ne tabele, te arrije dy fitore ne keto dy ndeshjet e mbetura dhe pse jo edhe te kualifikohet per boteror pamvaresisht shansave te pakta.

Tung

Te flasesh per kualifikim pas nje fitoreje cope-cope ndaj nje ekipi qe s'ka arrite te marre akoma as edhe nje pike eshte absurde, dodoni. Po te deheshim me optimizem, me e shumta qe mund te shpresonim per ndeshjet qe na presin jane 2 pike. As edhe njecke me teper!
Megjithate, edhe ato dy pike do jene shume te veshtira per t'u marre. Une mendoj se per keto eliminatore kaq kishim: 12 pike.

Edhe sikur ne t'i merrnim ato 6 piket qe ti thua, perseri kualifikimi do ishte i pamundur, se si Greqia ashtu edhe Danimarka kane ndeshje me Gjeorgjine dhe Kazakistanin, ku me shume mundesi do i marrin 6 pike te plota.

[[xeni]]

Definitivisht eshte koha per nderim te gjeneratave. Kjo loje tregoi qarte se ne kampin kuq e zi mungojne shume gjera. Ai gjermani qe udheheq kombetaren duhet te largohet. Eshte koha per sfida te reja, ky trajner klasik, asgje ska bere si ka ardhe pervec nje fitore me Greqine dhe tjeter...bash asgje, nuk e dije cka bejne kreret e federates sone pse nuk i japin karton te kuq por ende e mbajne afer vetes ne rrugen e deshtimit...

Une them qe per te shpetu nga ai zhgenjimi qe e perjetojme pas çdo perfundimi te eliminatoreve (qe i fillojme me shprese per kualifikim e i mbarojme me nje vend andej nga fundi) duhet te jemi realiste. Vallahi, o Davius, ky futbolli jone eshte aq i lodhun saqe ngado qe ta kapesh te ngel ne dore.

Brigel nuk eshte ndonje tranjer klas, kjo as qe diskutohet. Po ça t'i besh? Vetem ndonje tranjer i kalibrit te Capello-s mund te bente ndonje pune me futbollin tone. Po s'mund te sjellesh ne Shqiperi te tille tranjer ama; je i detyruar te mjaftohesh me Brigela.

Ndeshja nuk fitohet vetem me ata qe dalin ne 11-shen e pare ne fushe. Jane nje zinxhir i gjate e i nderlikuar shkaqesh te cilat percaktojne rezultatin. E ky zinxhir fillon me Federaten e Futbollit. Nuk dua te futem ne detaje e t'i bej nje analize punes qe ata s/kan bere, por ne Shqiperi s'ka as perkushtim, as profesionalizem e as pergjegjesi. Shtoji ketu edhe mundesite e kufizume e athere bohet tamam. Te degjosh se çfare behet ne Shqiperi te iken truni.

Flitet per ndryshim gjeneratash. Aq e lehte te duket ty kjo? Ke nje kampionat ku asnjera prej skuadrave nuk ka nivel te krahasueshem me ato te kundershtareve. Skuadrat tona mezi kalojne ndonje tur ne Inter Toto. E si mund ta "ushqeje" kombetaren e te prodhoje gjenerata te reja ky kampionat? Ti s'ke fusha dhe kushte per stervitje. Me kujtohet nje krahasim shume i hidhur qe beri Brigeli kur bente stervitje me kombetaren tone ne Antalya para ndeshjes me Tuqine ne lidhje me ambjentet stervitore te cilat mungojne. Sa prej lojtareve te kampionatit tone kane pergatitje te mjaftushme per te perballu 90 minuta loje ne nje ndeshje nderkombtare? etj.etj.

Perfundimisht, me mire te percaktojme nje synim realist per te ardhmen dhe t'i vihemi punes me plane afatgjata sesa te mashtrojme veten me iluzione qe brenda dy vjetesh shnderrohen ne zhgenjim. Le te thone, o vlla, do kualifikohemi per eliminatoret e 2014-es dhe per kete do bejme kaq komplekse stervitjeje, do investojme per grup-moshat duke bere shkolla per ta, do rrisim nivelin e kampionatit dhe do kemi te pakten nje ekip ne CHL etj. etj. Me mire keshtu sesa te nderrosh çdo dy vjet tranjerin e te besh deklarata euforike pa asnje lloj baze.

[dodoni]

Xeni,
Une e thashe qe shansat jane shume te pakta. Por, perderisa ka shansa, atehere pse te mos i urojme kombetares sone kualifikimin. Une kete bera, pra i urova kombetares sone kualifikimin.

Me kete ekip te kazakeve, mezi kane fituar edhe ekipet tjera ne grupin tone, perfshire ketu edhe Ukrainen qe vec jane kualifikuar per ne boteror. Ky ekip i kazakeve, shume lehte mund t'i marri pike edhe Greqise ne fushe te vet.

Ne me pak fat, mund te fitojme te dy ndeshjet e mbetura. Ukraina ka pasur goxha fat ne keto eliminatore sepse ekipi i tyre nuk eshte aq i forte sa rezultatet po tregojne. Ne ndeshjen ne Tirane, kane bere nje loje shume te dobet, dhe me ato dy aksione te vetme qe kishin, edhe shenuan ato dy gola. Keshtu qe, une mendoj qe kombetarja jone i ka te gjitha mundesite qe me pak fat ta mposht edhe Ukrainen ne Kiev. Poashtu edhe Turqine, ne e kemi rrahur disa here ne te kaluaren, keshtu qe, mendoj qe i kemi te gjitha mundesite ta bejme kete edhe kete here, qe per me teper luajme edhe ne fushen tone.

Kombetarja jone eshte rritur goxha shume keto kohe. Tani kemi shume lojtare qe luajne ne kampionatet me te mira boterore dhe poashtu edhe kampionati jone eshte dukshem me cilesor tani. Per ilustrim do merrja disa shembuj:
-ekipi kampion i Sllovenise qe u eliminua nga ekipi kampion i jone, kishte buxhetin shume me te vogel se ekipi jone. Mos te harrojme qe Sllovenia morri pjese ne boterorin e shkuar.
-perderisa ne kampionatet tjera tona, vetem dy-tre ekipe forcoheshin dhe benin diferencen, kete vit, pothuajse te gjitha ekipet jane forcuar.
-tani kemi me shume lojtare qe luajne ne kampionatet me te forta boterore etj. etj.

Po e theksoj edhe njehere, une nuk thashe dhe nuk po them qe ne do kualifikohemi, por thashe qe i uroj kombetares dy fitore ne keto dy ndeshjet e mbetura, renditje sa me lart ne tabele, e pse jo edhe kualifikim, perderisa ka edhe shanse per nje gje te tille pamvaresisht se keto shansa jane te vogla.

Tung

[Albi]

Cuna vetem duhet te mbajme gezimin mos te gezohemi per para kohe se Topi ben cudira une them se ket rahe Kombetarja do heci mire

ANTENA

[viganv]

Urime per fitoren,Bogdani ishte i mrekullueshem

[Davius]

Ajo cfare eshte pritur nga kombetarja ne ndeshjen e sotme eshte arritur. Nje fitore dhe 12 pike qe per here te pare arrihen nga kombetarja e Shqiperise.


Ndeshja ka qene disi e vaket ku gjate gjithe 90 minuteshit eshte dominuar nga ekipi shqiptar dhe Kazakistani shume rralle eshte pare tu afrohet portes se Likes i cili nuk ka bere asgje gjate gjithe nates. Pjesa e pare eshte mbyllur 0-0 ku ekipi i Kazakistanit gjate gjithe kohes ka qene ne mbrojtje dhe disa here duke mbuluar Bogdanin dhe Myrtajn me nga 2 ose 3 lojtare. Bogdani ka qene lojtari me i mire ne fushe i cili ka shenuar golin e dyte por gjithashtu i ka dhuruar Florian Myrtajt nje gol me porte bosh. Kane qene veprimet individuale te Erion Bogdanit qe i kane dhuruar Shqiperise fitoren dhe tri pikeshin. Megjithese ndeshja eshte dominuar nga ekipi shqiptar, kuq e zinjte nuk kane arritur te dalin ne lojen e tyre.

Edvin Murati tashme eshte rikthyer ne formen e tij me te mire ne ekipin kombetar dhe Shqiperia e ka ndjere shume mungesen e tij. Ne mbrojtje nuk jane pare te rinjte si Osmani ose Dallku por kete radhe u eshte besuar kardinaleve te vjeter. Ne minuten e 53' ka qene Bogdani i cili ka kaluar dy lojtare te Kazakistanit dhe ka dhene nje pase perfekte per Florian Myrtajn i cili nuk e ka patur te veshtire ta dergoje topin ne rrjete. Tre minuta me pas ka qene perseri Bogdani i cili pasi ka marre nje top te gjate ka kaluar portierin me nje levizje spektakolare dhe ka derguar topin ne rrjete. Me pas ekipi shqiptar la disa hapesira ku lojtaret e Kazakistanit perfituan nga rasti dhe gjeten lojtaret shqiptare te pergjumur duke ngushtuar rezultatin. Me pas cdo gje eshte dominuar nga ekipi kuq e zi. Megjithese deshira nuk u eshte plotesuar tifozave per nje fitore te thelle, Shqiperia arrin ne kuoten e 12 pikeve e cila do ta ndihmoje qe ne eleminatoret e Euro 2008 te jete ne nje grup disi me te lehte. Tifozet nuk u kane munguar Shqiperise por perseri nuk e kane mbushur stadiumin megjithate ata tifoze te pranishem ne stadium e kane ndezur mjaft mire atmosferen. I vetmi rast i rrezikshem i Kazakistanit ka qene ne fund te ndeshjes ku Lika ka bere mrekulline.

Shqiperi - Kazakistan

Shqiperia: Ilion Lika, Elvin Beqiri, Besnik Hasi, Lorik Cana, Redi Jupi, Altin Lala, Edvin Murati, Ervin Skela, Altin Haxhi (46' Ansi Agolli), Florian Myrtaj (Edmond Kapllani 91') Erjon Bogdani (86' Alban Bushi) Tranier: Hans Peter Briegel
Golat: Florian Myrtaj 53', Erjon Bogdani 56', Maxim Nizotzev 63'
Kartona te Verdhe: Redi Jupi, Altin Lala, Aleksander Kuchma
Gjyqtari: Krysztof Slupik (Polonia)
Kornet: 9-1

[Davius]

Kuqezinjtë arrijnë të fitojnë përballë Kazakistanit, por edhe një herë nuk bindën me lojën e tyre

Kombëtarja, ajo që kënaqet me pak

Zakonisht, një fitore eklipson lojën e skuadrës fitimtare, por në disa raste duhet parë përtej rezultatit pozitiv. Dje, kombëtarja jonë ka fituar me rezultatin e ngushtë 2-1 përballë skuadrës së Kazakistanit. Një lojë konfuze dhe apatike në pjesën e parë dhe ndonjë sulm sporadik në të dytën janë pasqyra e qartë e një 90-minutëshi, i cili mund të na kishte "dhuruar" ndonjë barazim mjaft të hidhur në fundin e tij.

Në një ambient disi të ftohtë, ku prezenca e tifozerisë nuk ishte ajo e zakonshmja për një ndeshje zyrtare, kuqezinjtë u janë falur dy golave të Muratit e të Bogdanit, të cilët na dhuruan një tripikësh të vuajtur, por me vlerë. Gjithsesi, kombëtarja arriti të fitojë dhe sigloi kështu kuotën-rekord të pikëve në të gjithë historinë e saj, 12.
Formacioni fillestar ishte i zakonshmi 3-5-2, ku në mbrojtje ishin rreshtuar Beqiri-Hasi-Haxhi, duke lënë në stol Osmanin e Dallkun. Në mesfushë është rikthyer Edvin Murati, i cili iu bashkangjit të zakonshmëve Lala-Cana-Skela dhe Redi Jupi, që u aktivizua në krahun e djathtë.

Në sulm, në mungesë të Tares, gjermani i stolit kuqezi, Brigel, ka preferuar dyshen Myrtaj-Bogdani, duke lënë në stol Alban Bushin. Loja nis nën diktatin e kombëtares sonë dhe me kalimin e minutave, kuqezinjtë bëhen padronë total të fushës, por asnjëherë nuk arritën të rrezikonin seriozisht portën mike. Kanë qenë të shumta vertikalizimet e Skelës në kërkim të dyshes sulmuese, por si Bogdani, ashtu edhe Myrtaj luanin larg njëri-tjetrit dhe shumë të tërhequr. I vetmi rast për t'u regjistruar ka qenë goli i anuluar i Bogdanit, i cili u gjend në pozicion jashtë loje pas asistit të dhënë nga Ervin Skela.

Disa herë lojtarët tanë kanë pasur në dorë të konkretizionin në mënyrën më të mirë të mundshme aksionet e tyre sulmuese, por në çastet e fundit kanë gabuar. Kjo pasqyrë loje do të vijojë gjatë gjithë fraksionit të parë dhe vetëm në fundin e tij loja gjallërohet disi falë kombinimeve të bukura në mesfushë mes Haxhit e Skelës, por gjithsesi këto kombinime ishin episodike. Pjesa e parë përfundon me rrjeta të paprekura, pas një loje jo të mirë dhe ndonjëherë brutale, sidomos nga ana e kazakistanasve.

Pjesa e dytë do të nisë me një ndryshim për kuqezinjtë, kur trajneri Brigel do të jetë i detyruar të ndërrojë Haxhin me Agollin. Gjirokastriti u dëmtua nga një ndërhyrje e ashpër e kundërshtarëve në fund të pjesës së parë dhe nuk mundi të vazhdonte më tej. 45 minutat e dyta kanë qenë më shpërthyese, sidomos çerekorëshi i parë. Në minutën e 54-t, pas disa aksioneve të shpejta, Bogdani ka kryer një shpërthim të mrekullueshëm individual dhe ka arritur të shmangë dy kundërshtarë dhe, pasi ka hyrë në zonën e rreptësisë, ka pasuar saktë për Florian Myrtajn, i cili me portën e boshatisur ka pasur të lehtë për të shënuar golin e parë dhe të avantazhit për kuqezinjtë.

Goli i qetëson psikologjiksht tanët dhe bën efektin e kundërt te kundërshtarët. Vetëm dy minuta më vonë ka qenë Bogdani që ka shënuar golin e dytë, pas topit të saktë të dhënë nga Skela. Por nuk është e thënë që në këto eliminatore të arrijmë të përfundojmë një ndeshje pa pësuar gol. Një harkim pa shumë pretendime nga krahu i djathtë është shfrytëzuar shumë mirë nga Nizovcev, i cili i ka shpëtuar mbulimit të Jupit dhe ka mposhtur Likën në tentativën e parë të tijën, por edhe të Kazakistanit.

Këtu loja e kombëtares sonë merr trajtën e saj të zakonshme. Aksione të paqarta dhe shpeshherë gabime foshnjarake në pasime sjellin konfuzion në sulmet e kuqezinjve. Përveç një traverse të goditur nga Beqiri pas një planzhoni të bukur me kokë, nuk regjistrohet më asnjë rast flagrant në portën e miqve. Bogdani e Skela përpiqen që të sikronizohen mes tyre, por nuk kanë mbështetjen e pjesës tjetër të skuadrës. Bogdani kërkon dhe përpiqet shumë, ndonëse shpeshherë është gjendur përballë disa kundërshtarëve.

Minutat kalojnë dhe kur të gjithë prisnin vërshëllimën e fundit të gjyqtarit, "sëmundja" kronike e kombëtares sonë për pak sa nuk del sërish në skenë. Pikërisht në çastet e fundit, Kazakistani ka pasur një rast të artë për të shënuar golin e barazimit, por Beqiri ka larguar topin në këndore. Pas goditjes së këndit nga ana e kazakëve, mbyllet gjithçka dhe kombëtarja jonë arrin fitoren e katërt në këto elminatore, ndërsa ka arkivuar gjashtë humbje, në një total prej 12 pikësh të grumbulluara. Muaji tetor rezervon edhe dy sfidat e fundit të këtyre eliminatoreve për kombëtaren tonë, ku më parë do të udhëtojë në Ukrainë dhe do të presë Turqinë në "Qemal Stafa".

[Davius]

"Skaneri" i kuqezinjve

Ilion Lika
E vështirë të jepet një vlerësim i saktë për formën që gëzon aktualisht portieri i kombëtares dhe i Dinamos, Ilion Lika, pasi në ndeshjen e djeshme ai nuk pati shumë punë, ku mund t'i tregonte vlerat e tij. Një pjesë e fajit te goli i pësuar i takon edhe Likës, por kjo nuk është e mjaftueshme për të thënë se ai nuk është në formë. Tashmë ai ka koleksionuar edhe një ndeshje me fanelën e kombëtares që i shërben si eksperiencë për të ardhmen.

Elvin Beqiri
Mbrojtësi shkodran ka qenë konstant në lojën e tij gjatë ndeshjes së djeshme, duke bashkëpunuar mirë me Hasin dhe Haxhin në repartin difesniv. Pati një rast të mirë për ta regjistruar emrin në listën e golashënuesve të kombëtares sonë, por ishte vërtet i pafat, pasi topi i goditur bukur prej tij me kokë u përplas në shtyllën tranversale.

Besnik Hasi
Futbollisti me më shumë eksperiencë në ekipin tonë, që dje ka mbajtur edhe shiritin e kapitenit, si gjithmonë, e ka organizuar mirë mbrojtjen me qetësinë dhe saktësinë që e karakterizon. Duke qenë se edhe kundërshtari nuk ishte i një niveli të lartë, Hasi e ka pasur më të lehtë ta orientojë manovrën mbrojtëse në ndeshjen e djeshme.

Altin Haxhi
Me një teknikë të admirueshme, megjithëse luajti në rolin e stoperit të majtë, Haxhi ka depërtuar shumë herë rrezikshëm në krahun e tij, duke kombinuar shpesh "symbyllurazi" me Muratin. Spektakolar në minutat e fundit të pjesës së parë, por shkelmat e pakursyera të kundërshtarit e dëmtuam gjirokastritin dhe e detyruan që në pjesën e dytë t'ia lërë vendin Agollit.

Lorik Cana
Ndoshta jo në një ditë shumë të mirë, por gjithsesi, Cana mbetet një nga lojtarët lider në formacionin kuqezi, pavarësisht moshës së tij të re. Gjithmonë energjik dhe i kujdesshëm në thyerjen e aksioneve të kundërshtarit, ndërkohë që në takimin e djeshëm nuk preferoi të gjuante në drejtim të portës kundërshtare.

Altin Lala
Një pjesë e parë e mirë për mesfushorin e Hanoverit, të cilit kundërshtarët e kishin të vështirë t'ia merrnin topin, por tashmë nuk po e shohim më Lalën të shfaqet rrezikshëm në aksionet sulmuese të skuadrës sonë. Gjithsesi, mbetet një nga lojtarët "kyç" në mesfushën kuqezi, falë eksperiencës dhe vendosmërisë që tregon gjithmonë në fushë.

Edvin Murati
Ishte lojtari që tentoi më shumë se të gjithë gjatë pjesës së parë të harkonte brenda zonës për Bogdanin dhe Myrtajn, por asnjëherë këta të dy, qoftë edhe kur Murati krosonte rrezikshëm nga këndi, nuk mundën të godisnin. Në pjesën e dytë mesfushori i Iraklisit luajti në rolin e stoperit të majtë, duke zëvendësuar Haxhin, detyrë që e kreu mjfat mirë.

Redi Jupi
Një lojtar më tepër i rëndësishëm në lojën mbrojtëse për skuadrën tonë. Trajneri Brigel i besoi dje krahun e djathtë të mesfushës, ku zakonisht aktivizohet Duro, dhe Jupi u mundua të bënte më të mirën, por ishte faktor në rastin e golit të pësuar. Ndryshe nga Murati, që ishte më shumë i prirur të ndihmonte sulmin, Jupi, edhe në ato pak raste që tentoi ta bënte një gjë të tillë, nuk u tregua i saktë në pasim.

Ervin Skela
Organizatori vlonjat i kombëtares tonë, që tashmë është lojtar i Kajzerslautenit në kampionatin gjerman, ishte një nga më të lëvizshmit në fushë. Skela provoi të shënonte edhe vetë gjatë pjesës së dytë, por pa ia arritur qëllimit, kur mund të kishte pasuar për Bogdanin. I dhuroi një top të artë Beqirit, i cili nuk mund të finalizonte saktë.

Florian Myrtaj
Më në fund ka arritur të shënojë edhe sulmuesi Florian Myrtaj, që trajneri Brigel e aktivizoi titullar këtë radhë, përkrah Bogdanit. Ka meritë për zhbllokimin e rezultatit dhe për ngacmimin e vazhdueshëm të mbrojtjes kundërshtare, por sërish ka probleme me finalizimin.

Erion Bogdani
Padyshim që ishte ai njeriu i fitores së djeshme për ekipin kuqezi. Një asis për Myrtajn dhe dy minuta më pas një gol i shënuar prej tij, bënë që kombëtarja jonë të siguronte tripikëshin ndaj Kazakistanit. Megjithëse gjatë gjithë kohës e kanë mbulur dy ose më shumë mbrojtës kundërshtarë, Bogdani ka qenë i papërmbajtshëm, sidomos gjatë pjesës së dytë. Sulmuesi shtatlartë po shfaqet gjithmonë e më profesionist në ndeshjet e kombëtares sonë, duke entuziasmuar tifozerinë kuqezi.

Ansi Agolli
Ish-mesfushori i Tiranës, që tashmë luan me Ksamaksin në kampionatin zviceran, zuri vendin e Haxhit të dëmtuar gjatë pjesës së dytë, por nuk mundi të shfaqej ndonjëherë rrezikshëm. Pozitiv është fakti që ai është pjesë e kombëtares.

Alban Bushi
Vetëm pak minuta lojë për golashënuesin më të mirë të kombëtëres sonë dhe ai nuk mundi ta godiste asnjëherë portën.