Shqipëria - Kazakistani (2:1)

[Davius]

Tare: Mjekët vendosin për aktivizimin tim

"Vetëm përgjigjja e mjekëve përcakton aktivizimin tim në ndeshjen me Kazakistanin." I këtij mendimi është sulmuesi i ekipit tonë përfaqësues Igli Tare, sipas të cilit nuk është e sigurt nëse ai do të jetë në fushën e lojës në këtë ndeshje. Për të njëjtën arsye, Tare ka pohuar se nuk është aktivizuar edhe në ndeshjen e parë të kampionatit me Lacion. Për sa i përket ndeshjes me Kazakistanin, Tare ka deklaruar se, ashtu si në çdo ndeshje zyrtare, kërkohen 3 pikët.

"Nuk mund t'ju jap një përgjigje të saktë për aktivizimin tim, pasi çdo gjë do të varet nga këshillat e mjekëve. Nëse ata thonë se mund të luaj, atëherë jam gati. Ishte kjo arsyeja që nuk u aktivizova me Lacion në javën e parë," - pohon sulmuesi Igli Tare, i cili shton për ndeshjen e së shtunës: "Në çdo ndeshje kërkohen tri pikët, për më tepër në ndeshjen me Kazakistanin, prandaj nuk duhet të zhgënjejmë."

[niku-nyc]

Sa e parashikoni rezultatin e ndeshjes me Kazakistanin???

Un e parashikoj 2-0 per Shqiperine...

[Pasiqe]

Parashikimi im: 3-2

[mad]

Vallaj, nje ze nga zyrat e federates mu prononcua ne privat:

me dhom do ta hajm ket fitore!

une per rezultat ne koke, nuk do kisha shume preferenca. mjafton nje fitore minimale, por me nje loje te bukur ama...

{^_^}

[Davius]

Une mendoj se rezultati do te jete me i ngushte. Une parashikoj 3:1 per kombetaren tone.

PS:
Mendoni te shtojme tek kjo teme nje sondazh ne lidhje me sa gola do te jete fitorja kundra kazakeve?

[miki_al2001]

pse jo davius.une them 4:0

[Davius]

Kombëtarja, 24 orë pushim prej lodhjes

Ekipi ynë përfaqësues ka bërë një pushim 24-orësh ditën e mërkurë për shkak të shenjave të lodhjes te disa futbollistë si dhe temperaturave të larta në ditët e fundit në Shqipëri. Pas shenjave të lodhjes të vëna re në seancën stërvitore të ditës së martë, ku Lorik Cana pati marrje mendsh dhe disa prej futbollistëve të tjerë kyç në ekip, si Lala etj., shfaqën shenja të tilla. Trajneri Brigel, pasi është konsultuar edhe me stafin mjekësor, ka vendosur që ta lërë një ditë pushim ekipin për të rikuperuar forcat dhe për të filluar me forca të reja seancat stërvitore të ditës së enjte.

Futbollistët kanë bërë pushim absolut në hotelin "Adriatiku", duke u çlodhur në verandën e jashtë të tij, në tavolinat pranë pishinave apo dhe në dhoma, në një kohë që ky rast është shfrytëzuar edhe për takime me familjare që kanë ardhur për të takuar futbollistët kuqezinj. Edhe vetë futbollistët, të cilët vijnë pas një faze përgatitore të lodhshme dhe fillimit të kampionateve, e kanë mirëkuptuar këtë vendim të trajnerit Hans Peter Brigel, në një kohë që ditën e enjte mendohet të fillojë stërvitja e rregullt.

Eshtë planifikuar një seancë pasdite në qytetin e Shijakut, në një kohë që paradite nuk përjashtohet mundësia që të bëhet stërvitje e lehtë e karakterit aerobik dhe atletik. Pasditen e së mërkurës, ekipi ka bërë një shëtitje në plazhin e Durrësit. Sipas burimeve nga stafi i mjekësor i ekipit, i gjithë kontigjenti i futbollistëve, me përjashtim të Tares, do të jetë i gatshëm për ndeshjen me Kazakistanin. Eshtë interesant fakti se që nga dita e parë e grumbullimit, ditën e hënë ekipi ynë përfaqësues ka humbur dy ditë
stërvitje, në një kohë që janë zhvilluar vetëm 2 seanca të rregullta stërvitore ditën e martë në stadiumin e qytetit të Shijakut. Në këto kushte, ekipit tonë përfaqësues i mbetet e enjtja dhe e premtja për t'u përgatitur për sfidën me Kazakistanin, ndaj të cilit skuadrës sonë i kërkohet vetëm fitorja

[DeuS]

3 - 1

...ky eshte rezultati!

C'na hy ne pune se?!

[Davius]

E arkivojme Deuso, na duhet per statistika se do dalim mbi 100-tin vend me sa e shoh...te rruajme qate pozite mes 80-99 qe kemi qe disa vite ne renditjen boterore

[Davius]

Sulmesi durrsak, gati për sfidën e kuqezinjve më 3 shtator

Kapllani: Pikët maksimale me Kazakistanin

"Nuk duhet të lëmë pikë me Kazakistanin." I këtij mendimi është Edmond Kapllani, një nga kandidaturat e trajnerit Brigel për t'u aktivizuar në ndeshjen me Kazakistanin. Kapllani nuk e fsheh dëshirën e tij për të shënuar nëse aktivizohet në këtë ndeshje. Sipas tij, sulmi do të jetë përcaktues në këtë ndeshje....


Flet kapiteni i Hanoverit dhe një nga lojtarët më të mirë të kuqezinjve

Lala: Fitorja varet nga këmbët tona

"Fitorja varet nga këmbët tona." I këtij mendimi është mesfushori i ekipit përfaqësues Altin Lala, sipas të cilit rezultati i ndeshjes me Kazakistanin do të varet nga mënyra se si do të luajë skuadra kuqezi. Lala është shprehur optimist në lidhje me një fitore të mundshme të ekipit tonë përfaqësues, por nuk e kapërjashtur rrezikun që mund të vijë nëse nuk zhbllokohet rezultati apo nëse pësojmë ndonjë gol aksidental në fillim të takimit. Më tej, Lala do të komentonte dhe ecurinë në kampionatin gjerman të futbollit.