Tifozët e FC Real Madridit...#5

[Davius]

Real Madrid eshte fakt se kete vit do te ndryshon shume. Politika e yjeve eshte ne zhdukje e siper me ardhjen e Sachit, viktimat e tije te para ishin Samuel dhe Solari qe nenshkruan per Interin, ndersa priten edhe ndryshime te reja drastike.

Sa i perkete blerjve kane ardhe dy lojtare, ato jane Pablo Garcia dhe Diogo.

Hajt me shnet ne sezonin e nxehte qe kemi kete vere ne Spanje e sidomos ne zyrat e Perezit dhe Sachit...

Vamos madridista.......

[Davius]

Arrigo Saki, "profeti" i merkatos

Merkatoja europiane ka fillur prej pothuajse një muaji, por skuadrat e mëdha të kontinentit janë mjaftuar me disa përforcime të vogla dhe mungojnë blerjet "bombë", të cilat bëjnë jehonë në opinionin sportiv botëror. Arrigo Saki, drejtori teknik i Realit, përgatitet për një muaj korrik mjaft intensiv në drejtimin e merkatos "merengese". Robinjo është objektivi kryesor i spanjollëve në një merkato gjithnjë e më të varfër, ku klubet e mëdha kërkojnë futbollistë me parametër zero. Ja cila ka qenë intervista e ish-trajnerit të kombëtares italiane:

- Merkatoja e sivjetshme ngjason me një lojë shahu, të cilën askush nuk ka kurajo ta fillojë...
- Ashtu është. Në rast se ata që kanë para, nuk bëjnë lëvizjen e parë, të tjerët janë gati të presin.

- Fakti që ka pak para për t'u shpenzuar, është një problem apo mund t'i hapë rrugën një epoke të re në futboll?
- Të dyja bashkë. Deri tani të gjithë kanë kërkuar të marrin futbollistë me çmimin zero. Kjo do të thotë që ka filluar një epokë e re në futboll, ku të gjithë janë më të matur.
- Ju duket e çuditshme që disa futbollistë kanë zgjedhur Dinamon e Moskës?
- Paraja bën gjithçka.
- Eshtë e vërtetë që Milani ka pyetur për Ronaldon?
- Mua si drejtor teknik i Realit nuk më rezulton asnjë interesim i kuqezinjve për Ronin.
- Në Milano pohojnë të kundërtën...
- (Qesh). Në të vërtetë më kanë bërë një kërkesë për Ronaldon, por i thashë se braziliani është i pashitshëm dhe gjithçka u mbyll. Më pas fola me Ronaldon. Ai më konfirmoi se dëshironte të qëndronte në Madrid, sepse nuk duam të mbajmë në skuadër askënd përtej vullnetit të tij.
- Tifozët duan në skuadër futbollistë që t'i bëjnë të ëndërrojnë...
- Të ëndërrosh, është e bukur, por është e bukur të kujtosh edhe që futbolli është një sport skuadre dhe jo individual. Disa futbollistë janë të rëndësishëm, por klubet në të cilat luajnë, kanë maninë ta dyfishojnë vlerën e tyre.
- E keni të lehtë të flisni në rolin e drejtuesit të Realit, me paratë e fituara nga shitja e qendrës sportive, mund të bëni gjithçka...
- Unë nuk kam qenë te Reali në atë kohë dhe më kanë thënë që me ato para janë shlyer borxhet. Ne jemi me vetëfinancim dhe mund të përdorim vetëm emrin e Realit për të pasur prestigj në merkato dhe për të bindur futbollistët që të vijnë në Madrid.

- Në këtë mënyrë do të merrni Robinjon?
- Në rast se do ta marrim brazilianin, nuk do ta marrim asnjëherë me shifrat stratosferike që lexoj në shtyp. Reali me Santosin dhe me futbollistin janë gati të arrijnë një marrëveshje normale për futbollin e sotëm. Shifrat që lexohen në shtyp, janë me të vërtetë të frikshme.
- A vlen Xhilardino 40 milionë euro?
- Çmimi bën merkaton. Në rast se merkatoja nuk përgjigjet, atëherë edhe çmimi do të ndryshojë. Xhilardino është një futbollist mjaft i aftë, por në rast se do të kishim thënë dikur se Van Basteni vlen 80 milionë euro, do të na kishin marrë për të çmendur. Dhe Van Basteni nuk ka qenë kushdo, por një futbollist që ka fituar tri herë "Topin e artë." E përsëris, një klub shpenzon aq para sa ka në arkën e tij. Unë nuk jam kundër të pasurve, por kundër mercenarëve. Këta të fundit e prishin merkaton.
- Pra, paratë e Abramoviçit janë problem edhe për ju?
- Abramoviçi dhe biznesmenë të tjerë, të gatshëm të investojnë në botën e futbollit, janë të mirëpritur. Kjo, sepse të blesh futbollistë të mëdhenj, nuk mjafton, Reali i dy viteve të fundit e tregon më së miri diçka të tillë. Në skuadrat ku investohet shumë, tensioni është në maksimum. Presidenti u kërkon llogari futbollistëve dhe trajnerit për çdo rezultat negativ. Por ka edhe nga ato raste kur futbollistët dëmtohen dhe lodhen, dhe trajnerit nuk i jepet mundësia të zbatojë projektet e tij.
- Ndërrojmë temë. I keni ndjekur ndeshjet eliminatore të Kupën së Botës dhe Kupës së Konfederatave? Cila skuadër është pretendente për fitimin e botërorit.
- Kam parë disa skuadra interesante, por është e vështirë të japësh një mendim përfundimtar, sepse shumica e futbollistëve të tyre kryesorë vijnë nga një sezon sfilitës dhe e kanë të vështirë të japin maksimumin me kombëtaret.

- Eshtë e vërtetë që merkatoja amerikano-jugore mbetet më e mira?
- Ka shumë futbollistë të aftë, por ka ndryshuar diçka thelbësore. Në fillim atje blihej me dollarë, tani presidentët e klubeve kërkojnë euro dhe do të më duheshin dhe dy intervista të tjera për të shpjeguar se sa i penalizon drejtuesit europianë kjo dhe se sa përfitojnë presidentët e klubeve në Amerikën e Jugut.
- Por gjithsesi, atje mund të bësh blerje të goditura. Kaka te Milani është një shembull...
- Kur e pashë për herë të parë Kakanë, u thashë drejtuesve të Milanit: "Më në fund keni blerë një futbollist që ia vlen." Ishte thjesht një batutë, sepse Milani ka bërë edhe blerje të tjera kohët e fundit, por kur e pashë si luante Kaka, u pendova që nuk mora mendimin e një mikut tim që ma kishte këshilluar. Aso kohe punoja për Parmën dhe të them të drejtën, isha shumë i zënë me shitjet e Mutusë dhe Adrianos. Si ne te Parma, ashtu edhe disa skuadra të tjera në Itali, e patëm mundësinë ta merrnin Kakanë, por Milani u tregua më kurajoz dhe tani ka të drejtë të festojë.

[Davius]

P.Garsia dhe Diogo, te Reali


Reali i Madridit ka marrë dy futbollistët e kombëtares uruguajane, Pablo Garisa dhe Karlos Diogo, duke shënuar kështu blerjet e para në këtë sezon të merkatos. Garsian e mori nga Osasuna, ndërsa bashkatdhetarin e tij, Diogo, nga River Plejti. Nuk janë bërë ende të ditur paratë që do të përfitojnë dy klubet që kanë pasur pronësinë e futbollistëve, por drejtuesit e Realit kanë konfirmuar se Pablo Garsia ka firmosur një kontratë katërvjeçare, ndërkohë Diogo është lidhur me "merengesët" për pesë vitet e ardhshme. Për agjencinë e lajmeve spanjolle EFE, Garsia e komentoi kështu këtë kalim të tijin te Reali: "Eshtë ëndrra e çdo futbollisti të luajë për Realin dhe tani që e realizova këtë ëndërr, nuk ka si të mos jem i lumtur." Garsia është një mesfushor me tipare mbrojtëse dhe sezonin e kaluar tek Osasuna ka marrë 19 kartona të verdhë, më shumë se kushdo tjetër në Primera Divizion. Uruguajani konsiderohet si zëvendësuesi i Gravesenit dhe ka kaluar në Spanjë në vitin 2002, pas dy sezoneve me Venecian dhe Milanin. Zv.presidenti i Realit të Madridit, Emilio Butragenjo, tha për Garsian: "Pablo është një futbollist me eksperiencë dhe mjaft i aftë taktikisht."

Diogo, 21-vjeçar, ka firmosur për Realin menjëherë sa skuadra e tij, River Plejt, u eliminua në gjysmëfinalet e Kupës Libertadores nga Sao Paolo. Për të, Butragenjo tha: "Eshtë një futbollist i ri me të ardhmen e garantuar. Eshtë një futbollist i aftë jo vetëm teknikisht, por edhe psikologjikisht." Kështu, Reali ka bërë dy blerjet për merkaton 2005 dhe mbetet gjithmonë në pritje për të marrë nga Santosi të sulmuesin 20-vjeçar Robinjo.

Robinjo: Në Brazil, për të bindur Santosin
Sulmuesi 20-vjeçar nga Brazili, Robinjo, ka deklaruar se është rikthyer në vendlindjen e tij vetëm për të bindur presidentin e Santosit, Teikseira, që të lejojë kalimin e tij te Reali: "Unë e kam arritur marrëveshjen me Realin dhe, me sa di unë, madrilenët kanë ofruar 25 milionë dollarë për mua. Ndodhem në Brazil për të bindur presidentin e Santosit që ta pranojë këtë ofertë."

[Davius]

Reali, ultimatum Santosit për Robinjon?!


Reali i Madridit u ka kërkuar drejtuesve të Santosit, që të japin një përgjigje përfundimtare për ofertën e bërë nga "merengesët", për të marrë shërbimet e Robinjos. Në rast se Santosi deri më tetë korrik nuk do të pranojë 20 milionë eurot e ofruara nga presidenti Florentino Perez, për talentin 20-vjeçar, marrëveshja do të dështojë. Lajmin e ka bërë të ditur menaxheri i sulmuesit që aktualisht është i impenjuar me kombëtaren braziliane në Kupën e Konfederatave. Ribeiro tha: "Drejtuesit e Realit më kanë thënë që në rast se Santosi nuk i pranon 20 milionë eurot brenda tetë korrikut, ata do ta mbyllim përfundimisht këtë çështje." Pra, "merengesët" e kanë humbur durimin dhe synojnë me çdo kusht një përgjigje nga brazilianët.

Vetëm kështu, Saki dhe Luksemburgo mund të fillojnë të projektojnë skuadrën e tyre. Nga mbërritja e Robinjos është e varur e ardhmja e emrave të tillë si Figo, Ouen apo Solari. Kështu, drejtuesit spanjollë kërkojnë të mos humbasin më kohë.
Edhe vetë Robinjo, përpara finales së Kupës së Konfederatave ndaj Argjentinës, u shpreh se javën e ardhshme do të vendosej e ardhmja e tij. Ndërkohë, sipas së përditshmes braziliane Folha, problemi i vetëm Santos-Real ka të bëjë me mënyrën e pagesës dhe valutën. Reali ofron 20 milionë euro, që do të paguhen me dy këste 6-mujore, ndërsa Santosi kërkon 25 milionë dollarë, të gjitha në dorë.

[Davius]

Helgera: Nuk mund të rri larg Madridit


Ivan Helgera ka firmosur kontratën e re me Realin e Madridit. Mbrojtësi spanjoll do të luajë edhe për dy sezone në "Santiago Bernabeu", dhe për këtë do të përfitojë 2,5 milionë euro. Ja cila ka qenë intervista e dhënë nga 30-vjeçari pas rinovimit me "merengesit":

- I ndërpretë pushimet për të firmosur sërisht me Realin...
- Të them të drejtën, këto pushime nuk do t'i kisha dashur përpara grumbullimit me kombëtaren. Gjithsesi, Argones është i lirë të vendosë çfarë ai mendon se është më e mirë për Spanjën. Rinovimin e prisja prej kohësh. Nuk mund të rri larg Madridit. Luaj në skudrën më të mirë në botë dhe dua ta shfrytëzoj këtë mundësi.

- Viti i ardhshëm do të jetë mjaft i vështirë për Realin. Jeni të dënuar të fitoni...
- Eshtë e vërtetë që dy vjet pa trofe për Realin janë një dramë e vërtetë, por nuk jam i shqetësuar, sepse që në ditën e parë që kam luajtur për Realin e kam pasur të qartë që duhet të fitoj gjithçka.
- Jeni i etur për revansh?
- Po. Kur Barcelona e fitoi titullin, nuk shihja televizor, nuk desha të dëgjoja asgjë për futbollin. Do të jap maksimumin që kjo situatë të mos përsëritet në fund të sezonit të ardhshëm.

- Luksemburgo ka deklaruar se vitin e ardhshëm Reali do të synojë t'i fitojë të treja veprimtaritë, në të cilat do të marrë pjesë. A mund ta realizoni këtë obiektiv?
- Eshtë shumë e vështirë. Në Spanjë nuk e ka bërë ashkush, përveç Realit të Di Stefanos dhe Gentos. Eshtë një obiektiv i rëndësishëm dhe i denjtë për një klub si Reali. Nuk e di nëse mund t'ia dalim mbanë, sepse në fillim të çdo sezoni skuadra të tilla si Barcelona, Çelsi, Arsenal, Mançester, Milan apo Juventus synojnë të fitojnë gjithçka.

[Davius]

Ouen: Nuk largohem nga Reali

Majkëll Ouen, një ditë pasi filluan thashethemet e tij për një kalim te Mançesteri, u shpreh se nuk kishte ndër mend të largohej nga Reali. Sulmuesi i kombëtares angleze tha se do të linte "Santiago Bernabeun" vetëm në rast se drejtuesit e Realit do ta vendosnin diçka të tillë. "Nuk e di se cila është situata ime, por ju siguroj se jam i lumtur në Madrid, - tha Oueni. - Dua të fitoj me Realin, për këtë kam ardhur te kjo skuadër. Jam shumë i kënaqur nga sezoni im i parë në Primera Divizion dhe nuk kam ndër mend të lë përgjysmë një aventurë që më tërheq." Më pas, ish-sulmuesi i Liverpulit sqaron: "Sigurisht, në rast se drejtuesit do të më thonë që nuk duan të kenë më shërbimet e mia, atëherë, pavarësisht nga kontrata, do të bëj valixhet për t'u larguar nga Madridit.

Gjithsesi, nuk besoj se kjo do të ndodhë, pasi drejtuesit më kanë thënë se janë të kënaqur me punën që kam bërë në këtë skuadër. Edhe unë jam i lumtur në Madrid dhe do të qëndroj këtu sa më shumë të jetë e mundur." Oueni kaloi nga Liverpuli te Reali verën e kaluar, për 12 milionë euro. Pas vështirësive në muajt e parë, sulmuesi anglez gjeti golin dhe e mbylli sezonin si titullar i pazëvendësueshëm i skuadrës së Luksemburgos. Oueni shënoi 13 gola në këtë sezon, pesë më pak se Ronaldo, por edhe katër më shumë se Rauli. Për 25-vjeçarin, kohët e fundit ka filluar të flitet për një rikthimin në Premier Ligë, duke qenë se Reali për sezonin e ardhshëm ka vendosur të bazohet te sulmuesi brazilian i Santosit, Robinjo.

[Humdinger]

Ty Davius, të pëlqen Arigo Sachi apo je kundër??
Sepse ai ka një BAGAZH jo të vogël suksesesh.

[Davius]

Ty Davius, të pëlqen Arigo Sachi apo je kundër??
Sepse ai ka një BAGAZH jo të vogël suksesesh.

Ndoshta ka nje bagazh te vogel por cka me bere, e ka postin e madhe "njeri" dhe tash ka ne dore shume gjera, personalish nuk me pelqen si tip, paramendo ka shitur tek Interi, Samuelin dhe Solarin, hec e thuaj dicka mandej...

Hajt shnet....

[Humdinger]

Ndoshta ka nje bagazh te vogel por cka me bere, e ka postin e madhe "njeri" dhe tash ka ne dore shume gjera, personalish nuk me pelqen si tip, paramendo ka shitur tek Interi, Samuelin dhe Solarin, hec e thuaj dicka mandej...

Hajt shnet....

Ai nuk është i vetëm në krye të klubit të Realit dhe si rrjedhojë, nuk është vetëm ai që vendos për blerje-shitje futbollistësh.
Megjithatë edhe futbolli MERKATO është......ku e di ti çfarë do blerë në vend të atyre që shiti??

[Davius]

Ai nuk është i vetëm në krye të klubit të Realit dhe si rrjedhojë, nuk është vetëm ai që vendos për blerje-shitje futbollistësh.
Megjithatë edhe futbolli MERKATO është......ku e di ti çfarë do blerë në vend të atyre që shiti??

Ndegjo, Sachi i ka duart e lira te beje me merkaton e Realit kete vit cka te doje, dhe duke njohur mire mendjen e Perezit qe nuk v'a prish shume qejfin manxhereve se kur t'i thote dikush ky duhet te shitet ose blehet ai e shet ose e blen per ate s'eshte problem, prandaj mua si tifoz i repte madrilen me brengos fakti i kompetencave te larta qe jane dhene ketij italiani kete vere ne kampin madrilen....

Me sjelljen e nje punetori si Gravesen beri shume pune te mire Saki, por te shohim cka do ben tjeter...