Eruditi Fehmi Agani

[inan]

Qani Mehmedi



I ndjeri Agani ka patur njohuri të thella edhe për marrëdhëniet historike shqiptaro-serbe, edhe për diplomacinë e hapur dhe të fshehtë të tyre, por edhe për synimet aktuale dhe për synimet e ardhshme të Beogradit. Nuk janë të rrallë ata që konsiderojnë, ndër ta edhe autori i këtyre rreshtave, se Fehmi Agani u vra nga Beogradi edhe për shkak të kualitetit që tregoi në bisedat e fshehta. Pastaj, kur u vu pika mbi “i”, Agani do të dalë nga fshehtësia dhe do t’i thotë qartë Beogradit: vetë fakti se nuk mund të gjeni më shumë se 3% të shqiptarëve të Kosovës për të marrë pjesë në sistemin tuaj, tregon se ju politikisht keni dështuar! Është obligim i UÇK-së që të dalë triumfuese në fushë të betejës. I tha ai Beogradit edhe diçka tjetër në Rambuje, ashtu siç i tha edhe gjatë kohës së luftës: me jetën time mund të bëni çka dëshironi, mirëpo nuk mund të më detyroni të bëj diçka kundër ndërgjegjes dhe kundër popullit tim. Beogradi e dinte se më herët ose më vonë pas lufte do të hyjë në biseca të hapta apo të fshehta me Prishtinën, prandaj përveç të tjerave kjo ishte një nga arsyet për eliminimin e tij, që mos të ballafaqohet më kurrrë në tryezë bisedimesh me të.