Masaker dhe mbi te fundit pyll

[Brari]

Malsia e Librazhdit eshte e vetmja zone ku kan mbetur ca nga te fundmit pyje shqiptare.
Por dhe atyre po u vika fundi..

Ja cthot:



shekulli

--

Fshatarët: Protesta do të vazhdojë derisa t’i jepet fund masakrës së pyjeve. Shteti të bëjë punën e vet

Librazhd, banorët ndalojnë makinat e ngarkuara me dru


K. Boriçi

Mëngjesin e djeshëm, një grup banorësh të Steblevës kanë bllokuar rrugën , që nga kthesa e Draganit, duke mos lejuar kalimin e disa makinave të rënda të ngarkuara me lëndë drusore. Fshatarët kanë bllokuar kështu akset rrugore që lidhin zonën e Librazhd-Bulqizës me pyjet rreth e qark, duke dashur t’i mbrojnë nga ata që po i presin.
“Nuk kishte mbetur rrugë tjetër përveç kësaj. Policia, shërbimet pyjore të Bulqizës e Librazhdit si dhe organet shtetërore që përgjigjen për pyjet, po heshtin përballë masakrës që vazhdon prej kohësh mbi këtë pasuri kombëtare”,- pohon Sabri Murati, kryeplak i fshatit Steblevë.
Siç deklaron për gazetën Ali Fejza, një nga banorët dhe organizatorët e protestës, gjatë ditës së djeshme, janë bllokuar rreth 10 automjete të rënda. Një pjesë e tyre ishte për t’u ngarkuar në masivet e pyjeve të Draganit, Stratorit, Kallkanit, deri në kufi me Maqedoninë. Të tjerat kishin udhëtuar më herët dhe po ktheheshin në qendrat e përpunimit të lëndëve drusore dhe pikat e tregtimit, në qytete.
Sipas Fejzës, çdo ditë, në pyjet e kësaj zone ngarkohen me dru të paktën 5-6 automjete. “Në të shumtën e rasteve, disa makina përdorin dokumente të falsifikuara apo një dokument të përbashkët për t’u furnizuar në zonë. Firma, grupe personash i kanë kthyer pyjet tona në "mall të babait" , e po i masakrojnë”,-thonë banorët.
Protestuesit që kanë bllokuar rrugën, nuk kanë patur konflikte me shoferët apo pronarët, por theksojnë se janë të vendosur të frenojnë vjedhjet dhe shfrytëzimin pa kriter të pasurive pyjore të zonës.
“Ne kërkojmë që shërbimet pyjore, policitë e tyre të marrin masa, të vijnë këtu dhe të verifikojnë në vend dokumentacionin e lejeve të dhëna për prerje, e mbi të gjitha, të frenojnë abuzimet”,-thanë ata.
Protesta do të vazhdojë edhe sot dhe gjatë ditëve të ardhshme, derisa të ndalen përfitimet e paligjshme mbi pasurinë pyjore të kësaj zone.




23/08/2005