Korrupsioni

[Era1]

Bilanci i institucioneve dhe kabineti Berisha

Nga Mero Baze Gazeta Tema

Kryeministri ende i padekretuar, Sali Berisha, po vihet përditë para presionit të opinionit publik, për t’i dhënë një përgjigje keqkuptimit politik që mund të hasë projekti i tij për luftën kundër korrupsionit, për shkak të përkatësisë politike të zyrtarëve që mund të akuzohen fillimisht. Pyetjet sa vijnë e shtohen,ndërsa procedura rutinë e institucioneve që merren me zgjedhjet, po forcon ankthin e shumë zyrtarëve që mund të përballen me drejtësinë. Presioni para të cilit po
vendoset Berisha, në të vërtetë bie në kundërshtim me deklarimet dhe bilancin e derisotëm të socialistëve shqiptarë, të cilët kanë shpallur si arritje më të madhe të tyre, faktin që kanë arritur të ndërtojnë institucione në këtë vend. Nëqoftëse kjo është e vërtetë ose, së paku, gjysmë e vërtetë, në vend nuk ka arsye për të pasur frikë nga hakmarrjet politike, pasi institucionet thjesht do të inkurajohen, të veprojnë për të realizuar një premtim madhor për të cilin shqiptarët votuan pro Sali Berishës. Nëse kemi pretenduar se kemi ngritur një Prokurori të Përgjithshme, atëherë nuk kemi arsye që tani të hamendësojmë se kush do t’i ngrejë akuzat kundër atyre, që janë të implikuar në afera korruptive. Nëse kemi ngritur gjykata, atëherë përsëri nuk kemi arsye të trembemi prej tyre. Nëse kemi ngritur Polici të
Shtetit, atëherë nuk kemi arsye të mos i arrestojmë ata që kanë ardhur, ndoshta me leje të Igli Toskës, nga jashtë dhe që ai bën sikur nuk i shikon. Nëse kemi ngritur një sistem doganor, nuk kemi arsye të trembemi se mos në dosjet e doganës gjenden skandale të mëdha që flasin për trafiqe disavjeçare me leje të shtetit. Nëse kemi ngritur hipoteka, nuk kemi arsye të trembemi nga akuzat për transferime pronash dhe manipulime me to. Ajo që të bën përshtypje në gjithë këtë dilemë që ngrihet për mënyrën se si do të luftohet mafia në këtë vend, është sjellja e socialistëve, të cilët nga një anë lavdërohen se kanë bërë institucione, nga ana tjetër sillen sikur po e lënë Shqipërinë si tokë të djerrë, pa asnjë institucion në këmbë. E sigurt është se Sali Berisha do të përplaset me sistemin e korrupsionit në vend dhe kjo përplasje do të ketë një kosto edhe politike për të. Por ai nuk mund të devijojë nga projekti për të cilin e votuan shqiptarët. Partia Socialiste thjesht ka në dorë të na tregojë nëse ka lënë si trashëgimi të saj vetëm
individë të korruptuar, apo edhe institucione për të cilat është lavdëruar. Nëse këto të fundit nuk funksionojnë, atëherë kjo është një akuzë edhe më e madhe për bilancin e qeverisjes së saj.

[Era1]

Projekt-Drafti i Qeverise se Re

Gjendja e rëndë e problematike e vendit përkundrejt
sfidave të mëdha që na presin, kërkojnë një qeverisje
efektive dhe eficente që në ditët e para të saj.
Qeverisja demokratike do të rivendosë ritmin e
përshpejtuar të punës në të gjithë administratën
qëndrore të ekzekutivit si dhe do të kërkojë çdo
institucion të pavarur bashkëpunim ligjor por të
përkushtuar për të mundësuar futjen e vendit sa më
shpejt në rrugën e zhvillimit e të integrimit.

1.Në njëqind ditët e para dhe jo më shumë se fundi i
vitit 2005, synimet kryesore të qeverisjes demokratike
janë:

I. Rikthimi i besimit tek shqiptarët se lufta kundër
korrupsionit do të jetë e suksesshme duke ndërmarrë:
i. Krijimin e Task- force antikorrupsion nën drejtimin
e kryeministrit. Rishimin e rolit të Njësisë Anti-
Korrupsion. Adoptimin e planit të detajuar të masave
anti-korrupsion.
ii. Aktivizimin e menjëhershëm të kontrollit të
brendshëm
iii. Aktivizimin e linjës konfidenciale të ankimit për
rastet e korrupsionit.
iv. Lidhjet e një marrëveshjeje bashkëpunimi me
shoqërinë civile.
v. Ngritjen e qendrave të informimit të publikut.
Aplikimi i teknologjisë së informacionit për një
komunikim aktiv me publikun në institucionet qëndrore
të ekzekutivit.
vi. Zbatimin e ligjit për konfliktin e interesave.
Amendimin e tij në pikat e dobta.
vii. Kryerjen e transparencës (për aq sa i takon
qeverisë dhe PD-së) për financimet e zgjedhjeve të
vitit 2005.
viii. Lehtësimin e imunitetit të zyrtarëve sipas
rekomandimeve dhe modeleve më të avancuara europiane.
ix. Rishikimin e ligjit të prokurimeve dhe adoptimin e
institucionit të ombudsmanit në procesin e prokurimeve
publike.

II. Impenjimi i përhershëm në luftën kundër krimit të
organizuar e trafiqeve nëpërmjet:

i. Ristrukturimit të institucioneve kryesore me rol në
këtë fushë dhe largimi i bazuar në prova, i punonjësve
të inkriminuar.
ii. Goditjes së shpejtë të grupeve të njohura
kriminale.
iii. Vendosjes së menjëhershme të një bashkëpunimi
kapilar me institucione të specializuara
ndërkombëtare në luftën kundër krimit të organizuar
dhe trafiqeve.
iv. Ulje e ndjeshme për të paktën e krimit ordiner.
v. Vendosjen e disiplinës në qarkullimin rrugor dhe
uljen e aksidenteve.

III. Realizimi e tejkalimi i ndjeshëm i objektivave
makroekonomike, fiskale e buxhetore të programuar për
vitin 2005 nga qeverisja socialiste nëpërmjet:
i. Masave të menjëhershme për rivendosjen e disiplinës
fiskale, ristrukturim i organeve tatimore dhe largimi
i punonjësve të korruptuar mbi bazën e pronave.
Tejkalimi i programit të të ardhurave buxhetore të
qeverisjes socialiste për vitin 2005.
ii. Përshpejtimi i programeve të kryerjes së
investimeve publike në sektoret prioritare, ndjekja me
përparësi e realizimit të tyre.
iii. Reduktimi i menjëhershëm i shpenzimeve të
tepruara qeveritare dhe rialokim i tyre në prioritetet
e zhvillimit.
iv. Rritja e pagave dhe pensioneve duke konsideruar si
minimale nivelin e përcaktuar nga programi buxhetor i
qeverisjes socialiste.

IV. Rishimi i objektivave afatmesme dhe i Programit
Afatmesëm Buxhetor duke i përputhur ato me objektivat
ambicioze të programit të PD-së.
i. Brenda muajit shtator do të rishikohet programi
buxhetor 2006-08 dhe plani afatmesëm i Zbatimit të
Strategjisë Kombëtare të zhvillimit ekonomik e social
për ta përputhur me objektivat më ambicioze të
programit elektoral të PD-së.
ii. Çdo ministri do të rishikojë dokumentat bazë të
strategjisë sektoriale duke adoptuar objektiva më
ambiciozë ose duke bërë strategji të reja në përputhje
me programin e PD-së për të gjitha fushat dhe sektorët
prioritarë të këtij programi.
iii. Procesi do të jetë tërësisht i hapur për
përfshirje në konsultime të shoqërisë civile dhe
komunitetit të biznesit. Kuvendi do të jetë gjithashtu
plotësisht i përfshirë në këtë proces.

V. Përgatitja e paketës fiskale e buxhetore për vitin
2006 në përputhje me programin e qeverisës të PD-së.
i. Programi buxhetor dhe fiskal 2006 do të jetë brenda
muajit tetor 2005. Projekt buxheti do të bazohet në
prioritetet qeverisëse të programit të PD-së dhe do të
bëhet në konsultim të hapur si asnjëherë më parë me
institucionet publike, qeverisjen vendore, shoqërinë
civile, komunitetin e biznesit, sindikatat dhe grupet
e tjera të interesit. Mbledhjet e qeverisë për
projekt- buxhetin do të jenë të hapura për publikun.
ii. Diskutimi i programit buxhetor dhe fiskal 2006 do
të fillojë më herët se kurrë në Kuvend në mënyrë që ti
jepet mundësi të gjithë aktorëve të interesit të
përfshihen edhe në këtë stad të dytë.

VI. Kryerja e riorganizimit të ekzekutivit qëndror
sipas principit të një qeverie të vogël, por eficente:
i. Sipas kompozimit të qeverisë me pak kabinete, do të
bëhet edhe ristruktutimi i ministrive dhe
institucioneve qëndrore të ekzekutivit.
ii. Do të mbyllen ose shkurtohen një rrjet i tërë
institucionesh parazite rreth Këshillit të Ministrave
dhe ministrive të ndryshme.

VII. Rivendosja e disiplinës financiare në Korporatën
Elektroenergjetike.

i. Ndryshimin e stafit të lartë drejtues të
korporatës.
ii. Largimin e punonjësve të korruptuar.
iii. Kryerje e një kontrolli të thellë financiar në
këtë kompani.
iv. Reduktimi i faturimit aforfe në më shumë se 30% të
rasteve dhe zëvendësimi i tyre me faturën sipas
matësave elektrikë të konsumit.
v. Sigurimi i furnizimit me energji elektrike për
dimrin 2005-06 në të gjithë vendin.
vi. Eleminimi i diskriminimeve rajonale në furnizim.
vii. Rritja e arkëtimeve dhe ulja e ndjeshme e
abuzimeve me energjinë elektrike të konsumatorëve të
pandërgjegjshëm.

VIII. Hapja e shpejtë e tregut të telekomunikacioneve
i. Bllokimi dhe anullimi i kontratës së shitjes së
Albtelekom
ii. Vendosja e disiplinës financiare në këtë shoqëri
iii. Anullimi i të gjitha kontratave korruptive e në
konflikt interesi. Eleminimi i trajtimeve
diskriminuese të operatorëve ruralë dhe të shërbimeve
të informacionit.
iv. Përgatitja e plotë për hapjen e tregut në vitin
2006. Rritja e kërkesës për funksionimin efektiv të
entit rregullator nëpërmjet monitorimit parlamentar.
v. Kryerja e të gjitha përgatitjeve për privatizim të
hapur e të ndershëm të Albtelekom brenda vitit 2006.
Hapja e tenderit ndërkombëtar për këtë qëllim
mundësisht brenda vitit 2005.

IX. Hartimi i paketës së ndërhyrjes në procedurat
administrative. Ulje e barrierave administrative dhe
përgjysmim i ditëve të regjistrimit të një biznesi.

X. Sigurimi i një hapjeje të mbarë të vitit akademik
2005-06.
i. Ministria e Arsimit në bashkëpunim me qeverisjen
vendore do të angazhohen me një prioritet të lartë për
të finalizuar të gjitha përgatitjet e duhura për vitin
shkollor 2005-06. Do të rishihen mundësitë për rritjen
e fondeve publike për arsimin nga buxheti i shtetit
për periudhën e mbetur të vitit.
ii. Universitetet publike do të hapin plotësisht dyert
për të gjithë të rinjtë shqiptarë që duan të studiojnë
në arsimin e lartë.

XI. Nisja e përgatitjeve për vitin turistik 2006.
i. Si asnjëherë tjetër, përgatitjet për vitin turistik
2006 do të fillojnë që në vitin 2005.
ii. Me prioritet do të konsiderohen programimi i
ndërhyrjeve kryesore në infrastrukturë dhe shërbime
bazë.
iii. Prishja e ndërtimeve pa leje dhe largimi i
mbeturinave të prishjeve.
iv. Përgatitje e programit të punës për zhvillimin e
turizmit
v. Rishikimi i paketës ligjore për turizmin
vi. Hartimi dhe fillimi i zbatimit të planit të punës
për 24 orë furnizim me ujë për qytetet turistike në
verën e vitit 2006.

XIII. Marrja e të gjitha masave logjistike dhe
institucionale për ti paraprirë shirave të vjeshtës
dhe dimrit 2005-06 duke minimizuar dëmet e mundshme.

XIV. Rishikimi i ligjit për legalizimet e banesave dhe
rifillimi i procesit në përputhje me ndryshimet
ligjore. Kryerja e më shumë se gjysmës së legalizimeve
brenda vitit 2005.

XV. Vendosja e disiplinës në sektorin e ndërtimeve dhe
cilësinë e karburanteve për të ulur ndjeshëm ndotjen e
ajrit në qytetet kryesore të vendit.

XVI. Rishikimi i ligjit për kthimin dhe kompensimin e
pronave në përputhje me programin e PD-së dhe të
aleatëve të saj. Llogaritje e saktë dhe transparente e
kostos dhe hartimi i programit të kompensimit.

XVII. Llogaritje e saktë dhe transparente e kostos dhe
hartimi i programit të kompensimit në bashkëpunim me
shoqatat e ish të përndjekurve politikë.

XVIII. Hartimi i një programi të veçantë të mbëshetjes
dhe përkrahjes së komunitetit rom dhe egjyptian në
bashkëpunim me shoqatat e tyre dhe me organizma
ndërkombëtare.

XIX. Hartimi i një programi emergjent për shkollim për
“fëmijët që punojnë në rrugë” dhe mbështetjen e
familjeve të tyre.

XX. Nisja e procesit përgatitor për zgjedhjet vendore
të vitit 2006 sipas një procesi të hapur e konsultues
me të gjitha forcat politike, qeverisjen vendore,
partnerët ndërkombëtarë. Diskutimin dhe gjetjen e
rrugëve më të përshtatshme për përfshirjen e
emigrantëve në votime.

Gazeta Tema

[RTP]

Qeveris së Re

I uroj nisje te realizmit te keti projekti me këmbë të djathtë !

Veshtir eshte te fillohet nga shkaterrimi se kjo duket sikur ze fill nen zero...
Prap kam shpresa se sikur vetem 6% te ketyre premtimeve te permbushen,
do jet nje sukses i madhe per te ardhmen e Shqiperis!
(aludoj ne 100 ditet)

[Brari]

Nga Tema e Mero Bazes:

--

EDITORIALI

Një kolltuk ministri mbi parabolën budiste!

Nga Mitro Çela

Ka ironi më të madhe se sa ëndërrimet e politikanëve
për t’u bërë ministra këto ditë vere me vapë shumë?
Raporti i politikanëve me kolltuqet në qeveri, të
kujton një parabolë të lashtë budiste. Jetonin në
lashtësi disa shkencëtarë të verbër. Sudimtari i
vendit u vuri përpara një elefant, duke u kërkuar të
bëjnë përshkrimin e tij. Duke mos njohur formën e
kafshës, ata vizionin do ta krijonin duke prekur
elefantin. Një nga të verbrit, duke prekur feçkën, tha
se elefanti i ngjan një gjarpri të gjallë. Një tjetër,
duke prekur këmbët, e krahasoi kafshën me kollonat e
një tempulli... Çdo i verbër ngulte këmbë në idenë e
tij për përfytyrimin e elefantit. Duke qenë se fama e
diturisë së tyre mbështetej në vertetësinë e zbulimit
të tyre me anë të prekjes, debati nuk u mbyll kurrë...
Dhe kështu lindi parabola budiste...
Ashtu si të diturit e verbër të parabolës, politikanët
e “vegjël”, nuk i shikojnë ministrit punën që i pret
nesër. Ata i lakmojnë ministrit “gunën”, që ka veshur
sot! Ministri ka rrogë të “majme”: 1,8 milionë lekë të
vjetra në muaj. Ka një celular që ia paguan shteti. Ka
të drejtë të marrë kredi për shtëpi, edhe pse mund të
ketë apartament në Tiranë dhe vilë në bregdet. Ka një
makinë me rrota të vogla, por që kushton 80 mijë euro
për të ecur nëpër Tiranë. Ka edhe një makinë me rrota
të mëdha për të udhëtuar fushave. Nuk i mungon makina
e shtetit për të dërguar gruan në punë dhe fëmijët në
shkollë! Me forcën e kolltukut, fëmijët i kanë pasur
të hapura dyert e universiteteve. Kudo në botë.
Përjashtim bën universiteti i Tiranës! Importon pa
doganë një makinë për familjen, pasi ka shitur atë që
ka blerë në treg, kur i mungonin nishanet! Ministritë
bëjnë tendera... dhe tenderat janë shfaqje demokratike
për të “ngjyer rrotën” edhe titullari! Këto nuk janë
përralla, pjellë e fantazisë. Janë fakte të zbuluara
dhe “kënduara” në parlament nga Kontrolli i Lartë i
Shtetit. Ai emëron dhe çemëron nëpunës! Dhe larg
qoftë... ka edhe raste kur lëvizjet janë bërë pa
bakshish! Duke qenë ministër ke të drejtë të blesh
tokë në breg të detit; të drejtosh disa borde; të
kalosh uikendet sipas gustove të sekretarkave!
Miku im! Populli thotë: ndalu Beg, se ka hendek!
Modeli i ministrit socialist i ka ditët e numëruara.
Shumë shpejt ka për të zënë vend në muzeun e antikave.
Ka shumë arsye. Po përmend vetëm një: kryeministër do
të jetë Berisha dhe jo Nano! Dy politikanë ndryshe.
Berisha ecën në politikë sipas idesë së Kenedit: ”Mos
pyet se çfarë bën vendi për ty...” Zoti Nano, veç të
tjerave, e ka parë postin e kryeministrit për t’u
pasuruar; për të jetuar si në parajsë. Cili
kryeministër, i një vendi demokratik, do t’i lejonte
vetes të shpërblehej me 5 rroga... sepse u privatizua
një bankë; të pranojë si peshqesh një “benz” jashtë
serie; t’i lejojë gruas (lexo vetes) të importojë
helikopterë pa paguar taksën doganore? Këto “proçka”
mund t’i bëjë dhe i ka bërë vetëm një socialist
shqiptar me emrin Fatos Nano!
Sojlliu në krye të qeverisë, pati sejmenët e vet,
ministra të pangopur me makutërinë e tyre për t’u
pasuruar. Një ministër shkruan e thotë se ka vënë një
pasuri prej 50 milionë euro! Një tjetër belbëzon se ka
fituar 20 milionë dollarë. Po si? Të gjithë së bashku,
nën regjinë e ustabashit, morën përsipër të kthejnë
kohën mbrapsht: nga ekonomia e tregut, në ekonomi
pazar; nga konkurrenca e lirë në monopole; nga nxitës
investimesh në përfitues tenderimesh; nga deputetë të
popullit në çifligarë të zonave elektorale!
Miku im! Unë e njoh mirë liderin e PD-së: si mik i
vjetër, si politikan, si analist, si gazetar. Këshilla
ime: bëji mirë llogaritë, më parë se të vendosësh të
punosh në krye të një dikasteri! Sali Berisha nuk e
koncepton orarin e punës! Do jetë rastësi, nëse
telefoni nuk do të të “kërcasë” një mesnatë! Me
Berishën kryeministër, i nderuari ministër i ardhshëm,
e diela është ditë e zakonshme pune! Hastalavista, të
paktën për katër vjet, pushimet verore! Do të jetë
rast unikal, nëse ndonjë ministër do të dalë nga
kabineti Berisha, më i pasur nga dita kur ka hyrë!
Këtë skicë për Berishën, nuk e bëj sot, ku ai është në
zenithin e pushtetit. Kam shkruar edhe më parë. Nga
libri im, ”Kronikë e një politikani të dështuar”,
botuar në vitin 2001 (faqja 175 ) po citoj disa radhë:
Berisha:- Pse nuk keni pranuar të punoni si
bashkëpunëtori im...?
Unë:- Sepse e kam të vështirë të punoj me Berishën.
Nuk ta dal dot fizikisht. Ju, në kuptimin figurativ,
jeni një makinë pune... Unë jam ndryshe. Punë por edhe
pushime. Një gotë birrë në mbrëmje, kur ju qëndroni në
zyrë. Çdo fund jave thekem nën diellin e plazhit... Ju
ngulët këmbë që kuvendi i PD-së të bëhet më 30 shtator
(1999). Me këtë vendim na hapët telashe. Ju harroni të
bëni llogari: në gusht edhe partiakët duhet të
pushojnë...

--



















..i bukur ky shkrim i Mitro Celes..

Meqe Temen e ka hapur Era demokratja e me qe e ka vazhduar demokrati RTP telind deshira per diskutim.. e meqe po diskutojme ketu korrupsionin.. athere te vazhdojme te diskutojme se ..a ka mundesi te qeveriset pa korrupsion..

Berisha eshte si eshte.. ka qene 8 vite ne dispozicion te makines shteterore Nanoisto-brace-iste zepo-iste ..
Pra 8 vjet nen mundesine per tu kontrolluar e shpifur nga shteti nanoist e industria egenjeshtres nanoiste.. socialiste.. dhe perseri Ai fiton Voten e Popullit..
Kjo tregon se AI nuk eshte hajdut..

Kjo eshte pika me e forte per shprese..

Per Shprese.. se gjerat do rregullohen..
..se.. te pakten miljardat per Dubaje.. nuk do shkojne me per Dubaje.. (sepse Berisha nuk bredh Dubajeve) e..
..se pikza apo pika apo shi me buk ilace e veshmbathje qe deri dje u bene rrush e kumblla per Sheiko-kracine socialiste mund te shkojne te goj e fukarenjve fotoksin kandidat-pires..
Kjo eshte nje Mrekulli .. qe ja vlen ta besojme..e ta realizojme..

A eshte domosdoshmeri korrupsioni?
A mund te jetoje nje nepunes me rrogen e Shtetit?
A e tallin shoket, miqte, farefisi fshati.lagjja, qyteti etj nje nepunes te pa korruptueshem apo e nderojne..?




vendit i duhen nja 100 idealiste qe te realizojne fillimin e qeverisjes me DUAR TE PASTRA..

urime qeverisjes se Re..

[Xhuxhumaku]

vendit i duhen nja 100 idealiste qe te realizojne fillimin e qeverisjes me DUAR TE PASTRA..

urime qeverisjes se Re..

Brar,

Kete shprehje por ne sasi me te paket rreth 20 -25 vete, e kam degjuar nga nje miku im, nga vitet 94-95, gjate nje bisede ne kafe rreth qeverisjes se PD-s te asaj kohe.

Duke folur per gabimet dhe mos berjen e atyre gjerave qe duhet nga QEVERIA Meksi e kryesuar nga Berisha, ne radhe te pare mos-kthimi i prones PRONAREVE TE LIGJSHEM, miku im qe ishte edhe derejtor drejtorie ne nje ministri, duke nenkuptuar nje tufe ministrash te paafte dhe te korruptuar(por lule ne krahasim me keto te tanishmit) tha : "Po ky Berisha nuk mundd te gjente dot 20-25 idealista per ti vene ne krye ne menyre qe te ndertohet Shqiperia???"

KESHTU , qe kam frike se prape idealistat do ja lene vendin Xhuveleve, Gjinusheve, apo Tritan Sheheve

[Brari]

mir e ke o xhumak..

Por shpresojm te kemi dicka NDRYSHE kte radhe..


Ja cthot ky Grigor Pasko ne RD:




"Me duar të pastra", nga kreu gjer në bazë


Nga Grigor Pasko


Gjatë historisë shqiptarët janë vlerësuar si popull i varfër, por i ndershëm. Por në logjikën e atyre që drejtuan vendin këto tetë vjet, ndershmëria është virtyt i budallait. Kur Partia Demokratike drejtonte shtetin, ata talleshin me zyrtarët tanë të lartë, të cilët banonin në bodrume, ose në rastin më të mirë në apartamente të thjeshta të kohës së monizmit. Për ne ndershmëria është ajo që do të na hapë portat e Evropës, do të tregojë para evropianëve fytyrën e vërtetë të shqiptarëve, do na heqë nga listat e zeza dhe do na bëjë një komb të barabartë me kombet e tjera evropiane. Për ne ndershmëria është virtyt i shqiptarëve, por këtë virtyt nuk mund ta përfaqësojnë ata njerëz që me paratë e rrogës së tyre "të ndershme", si drejtues të KESH-it apo doganave, bëjnë pushime në Dubai, apo ishujt Kanarie dhe me cinizmin e tyre karakteristik deklarojnë në televizion se shqiptarëve nuk ka ç'ju duhet se ku dhe me kë i bëjnë ata pushimet. Ne zotërinj vërtetë nuk na duhet se ku i bëni ju pushimet, por ne na duhet të dimë se ku i gjeni ju paratë për të bërë pushimet atje ku pushojnë vetëm sheikët, ne na duhet të dimë se ku i gjeni miliona euro që hidhni në fushatën elektorale dhe paguani bandat që rrëmbejns dhe vrasin njerëzit tanë, të cilët tentuan të mbrojnë votën e lirë. Ju fituat mandatin me paratë që vodhët nga ata njerëz që nga pamundësia për të rritur fëmijët vrasin veten, nga ata që dalin në mëngjes te ushtari i panjohur për të marrë një rrogë ditore, por në shumicën e rasteve kthehen në shtëpi me duar bosh dhe nuk kanë guxim të shohin fëmijët e tyre në sy, nga ata të moshuar që u dridhet dora kur marrin pensionin se nuk i del as për bukë thatë, apo nga ata fëmijë që braktisin shkollat për të shitur cigare rrugëve. Por për ju pak rëndësi kanë këto. Ju ia arritët qëllimit, u bëtë deputetë. Por ju, do jeni në Parlament, jo si përfaqësues të popullit, por si turpi i tyre. Populli do shohë tek ju, përfaqësuesit tipikë të shtresës së korrupsionit, ju nuk do ta meritoni kurrë shprehjen "të nderuar zotërinj deputetë". Ne duhet të kemi kujdes nga sahanlëpirësit dhe batakçinjtë që u bënë miliarderë këto tetë vjet në sajë të mbështetjes që u dha pushteti. Ata sot janë gati të ndërrojnë padronë, por ne në asnjë mënyrë nuk duhet t'i afrojmë, sepse ato para janë vënë mbi gjakun dhe djersën e shqiptarëve të ndershëm. Para se të prekim ato para, duhet të mendojmë sa njerëz e marrin bukën me listë, sa vajza shqiptare janë trafikuar në perëndim, sa fëmijë shiten si plaçkë tregu, apo sa të rinj enden rrugëve pa perspektivë. Ne nuk mund ta ngrejmë lumturinë e fëmijëve tanë mbi mjerimin e fëmijëve të pafajshëm. Sot, po shohim njerëz që ndajnë postet nëpër kafene dhe po kacafyten me njëri-tjetrin. Por po i bëjnë hesapet pa hanxhinë. Ata nuk janë dhe nuk kanë asnjë lidhje me demokratët, janë ata që janë mësuar të mbijetojnë në çdo pushtet, janë ata që mendojnë se postet mund të blihen. Por PD-ja nuk është një lopë për t'u mjelë, ajo është e aftë të zgjedhë njerëzit më të përgatitur dhe më të ndershëm për të drejtuar vendin dhe për të realizuar ato premtime që i kemi dhënë popullit gjatë fushatës. Atyre që po i afrohen sot PD-së për të përfituar duhet t'u tregohet vendi. Ne duhet ta shohim veten si ushtarë në shërbim të komunitetit dhe jo si gjeneralë romakë që ndajnë mes tyre plaçkën e luftës. Ne nuk mund të bëhemi shëmbëlltyra e PS-së, përkundrazi do të çrrënjosim sistemin e korrupsionit, atë sistem që çdo gjëje i ka vënë një çmim, fizk dhe moral.

Ne kemi në krye simbolin e njeriut të ndershëm dhe këtë simbol duhet ta shtrijmë deri te nëpunësi më i thjeshtë, vetëm kështu ne do t'u vërtetojmë shqiptarëve se e meritojmë besimin e tyre. Me fitoren e tre korrikut ne fituam betejën, por jo luftën, lufta e vërtetë sapo ka filluar dhe secili nga ne duhet të kontribuojë edhe pa patur asnjë post në administratën shtetërore.


..

[Poeti]

Do të doja të filloj diskutimin me një fjali të shkëputur nga postimi i Brarit: A e tallin shoket, miqte, farefisi fshati.lagjja, qyteti etj nje nepunes te pa korruptueshem apo e nderojne..?
Përgjigjja ime është: Jo nuk e nderojnë, por përkundrazi e tallin!? Dhe mu kjo është gjeneza e problemit të shoqëris sonë, si në Kosovë poashtu edhe në Shqipëri. Sikur shteti të sanksiononte korrupsionin dhe sikur pushtetarët të mos ishin të korruptuar, atëherë çdo anëtarë “ideal” i qeverisë do të mund të thoshte me gojën plotë se korrupsioni është helmi që e helmon shtetin dhe se ai personalisht nuk dëshëron të jetë shkaktar i këtij helmimi. Por në kushtet e sotme ai do të përqeshet nga rrethi. Është nja fjalë jona popullore: Kush është nën dardhë, han dardha apo sikur thuhet shpesh në opinion: Kush nuk është për veti, nuk është as për ngjeti (tjetëkund apo tjetërkend), pra ai që nuk e mbush xhepin e vet, nuk e mbushka as arkën e shtetit??!! Jan këto thënje që janë bërë tradicionale tek ne, për fat të keq.
Unë kam qenë për një periudhë kohore anëtarë në qeverinë komunale, në pozitën ku ka pasur më së shumti mundësi korrupcioni, por edukata ime familjare nuk më ka lejuar të marr parat e dedikuara për të pastrehët, për të paushqyerit, dhe mu kjo ka qenë arësyeja që pas zgjedhjeve lokale të mos më vazhdohet mandati, me siguri që do të kisha qenë pengesë për pushtetarët e rinjë që thellonin xhepat e tyre për ti mbushur para nga mitoja e marrur?!
Ishte në diskutime edhe një qështje, poashtu citim nga postimi i Brarit: A mund te jetoje nje nepunes me rrogen e Shtetit?
Nëse mundet shumica e popullit të jetoj me të ardhura minimale, mos vallë ministrat qenkan aq grykës sa të mos mund të jetojnë me rrogën e shtetit. Si po jetokan punëtorët arsimor, si ata shëndetësor, si po jetoka policia? Mos vallë duhet ministrit ti japim më shumë se që ai mund të hargjoj (e këtu nuk ka kufi) në mënyrë që ai të mos jetë i korruptuar? Këtë e kanë në dorë vet qeveritarët që ta bëjnë punën që me eliminimin e mitos-korrupsionit të ketë shteti aq të hyra sa të mund të paguhet sejcili për aq sa puna e tijë ka vlerën, në mënyrë edhe që jo ai që jep para, por ai që ka kualitete të zërë vendin e duhur dhe së bashku të ndërtojmë një të ardhme që premton, dhe jo të shkojmë drejt greminës të cilën me anën e korrupsionit po e hapim dhe vet?!
Të kthehemi tek Berisha. Nuke besoj se sërish do të lejoj që dikush brenda qeveri së tijë të luaj me besimin e dhënë sikur para 8 vitesh, nuk e besoj, dhe shumë shpresoj që qeverisje sikur në kohën e A. Meksit, kur lulëzuan skemat piramidale, nuk do të ketë më dhe se një herë e përgjithmonë gjërat do të vijnë në vendin e duhur.
Një gjë e kam ndërmend tërë kohën: Demokracia sipas një teorie që ne shqiptarët e mbështesim, është bëj si të duash, por në realitet demokracia ka rregulla shumë të rrepta, të cilat nëse vehen në përdorim, do të na dërgonin drejt horizonteve të reja pa korrupsion.
Berishës dhe qeveris së tij i uroj shumë suksese në punë dhe realizim të premtimeve të dhëna (shpresoj të mos mbeten vetëm fjalë).

[OO7]

NQS nuk mund te rroje me Rrogen e Shtetit kjo sdo te thote qe ai te Marri lek nen dore ! NQS nuk mund te rroje le te gjeje nje pune tjeter po jo te korruptohet se ashtu seshte mire! Te gjithe e nderojne nje Nenpunes te pakorruptueshem po ama se beson njeri vertet qe eshte i tille !

[Michigan2005]

Spahiu: Ne Shqiperi Ekzistojne 15 Familje Mafioze, Qe Jane Te Lidhura Me Politiken
Interviste e Radios Europa e Lire me Kreshnik Spahiun, drejtor i Zyres per Mbrojtjen e Qytetareve

Intervistoi: Alma Cupi
Marre nga Gazeta Illyria



Zoti Spahiu, ne nje deklarim publik keni thene se ne Shqiperi ekzistojne 15 familje mafioze. A mund te na thoni dicka me shume rreth ketij fakti?

Spahiu: Po, eshte mese e sakte qe ne Shqiperi operojne se paku 15 familje mafioze, pese nga te cilat jane ne qytetin e Durresit. Keto familje kane shfrytezuar nje tradite klanore qe ka per baze lidhjet familjare apo klanore qe jane bere prej disa kohesh tradite e shoqerise shqiptare. Se dyti shume prej tyre kane operuar prej vitesh jashte territorit te Shqiperise per shkak te pjesemarrjes ne grupe dhe organizata kriminale te perfshira ne trafikun e droges, prostitucionit e armeve. Por tashme shume prej tyre jane kthyer dhe kane vendosur rezidencat e tyre ne Shqiperi pasi shihet si nje terren i pershtatshem per te pastruar parate.

Shume prej tyre parate e grumbulluara permes aktiviteteve kriminale te trafiqeve te zhvilluara jashte Shqiperise tashme i kane pastruar duke ngritur bizneset e tyre e madje duke vendosur edhe monopole ne sektore te ndryshem te ekonomise ne vend.

Sipas informacioneve qe ka Zyra per Mbrojtjen e Qytetareve keto familje mafioze a kane lidhje me politiken?

Spahiu: Sigurisht qe keto familje mafioze kane lidhje me politiken, madje ka disa informacione qe dy prej tyre kontrollohen apo menaxhohen ne menyre te drejtperdrejte apo te terthorte nga dy nga politikanet me te larte te vendit. Nga ana tjeter thuajse te gjitha familjet mafioze jane nje nga burimet kryesore te financimit te partive politike dhe fushatave zgjedhore ne vend.

A keni bere denoncime konkrete per keto fakte apo jeni ende ne procesin e mbledhjes se informacionit?

Spahiu: Sigurisht qe ne po operojme ne lidhje me disa projekte, nje nga te cilet eshte dhe transparenca e financimit te partive politike ne vend. Duke iu referuar zgjedhjeve te 3 korrikut, fatkeqesisht fushata e ketyre zgjedhjeve ka pasur faturen me te shtrenjte, pra ishin zgjedhjet me luksoze ne vend. Zgjedhjet kane shenuar rekort per mungesen e transparences pasi te gjitha partite politike kane operuar permes financimeve ne kesh [cash], duke shmangur transaksionet bankare dhe duke fshehur burimet e financimit te tyre. Kjo ne thelmb do te thote fshehje e origjines se shume parave qe kane dale nga kontrabanda, trafiqet apo burime jo ligjore.

Zoti Spahiu, aktualisht edne nuk i kemi rezultatet perfundimtare te zgjedhjeve. Dihet qe Partia Demokratike ka fituar zgjedhjet, por ende nuk ka perfunduar procesi, cfare ka bere qe te mos mblidhet qeveria e re. Kjo vonese si ndikon ne gjendjen e krimit ne Shqiperi?

Spahiu: Tashme faktet jane evidente, ka nje rendim dhe rritje te nivelit te krimit ne vend. Por me e rendesishmja eshte qe institucionet dhe shteti kane deshtuar dhe ngritur duart para krimit ordiner. Kjo eshte shume trishtuese kur pritet qe Shqiperia dhe institucionet shqiptare duhet te luftojne krimin e organizuar dhe mafien. Per sa kohe shteti shqiptar tregon mungesen e forces dhe efikasitetit per te luftuar krimin ordiner, eshte e qarte se nuk mund te pritet shume ne luften kunder krimit te organizuar.

Ju mendoni se qeveria qe do drejtohet nga zoti Berisha do ta kete shume te veshtire luften kunder krimit dhe nga duhet ta filloje luften?

Spahiu: Qeveria e z. Berisha nuk do te jete e suksesshme derisa ta mos ndermarre nje reforme te thelle institucionale ne administraten publike, nje reforme ligjore dhe kushtetuese ne sistemin e drejtesise, gjykatat dhe prokurorine shqiptare dhe ne ndertimin e institucioneve te pavarura, te cilat jane hallkat e zinxhirit te pushtetit ne Shqiperi. Eshte e nevojshme krijimi i nje fronti te gjere ne luftimin e krimit te organizuar. Ekzekutivi, pra qeveria vetem do ta kishte te pamundur te ishte e suksesshme ne kete mision.

[RTP]

Ekonomia zbritet,korrupcioni ngritet.
(formula)



Z.Sali Berisha duhet të bëje shumë për të kthyer Shqipërinë në
një vend ku sundon ligji!

Të gjitha format e korrupcionit dëmtojne sektorin publik si gjyqesine,policinë,shkollimin,shërbimet shëndetësore mandej ato
doganore...etj.Politikanët kjo duhet ti brengos,si në Kosovë ashtu
edhe në Shqiperi kur dihet se kjo e destabilizon vendin dhe ky fakt e
ushqen krimin e organizuar!

Një studim i kohëve të fundit nga Banka Botërore vlerësoj se 1.2 bilion dollarë
amerikanë humben në vit si pasojë e korrupcionit dhe taksave të papaguara.
Ky studim pohon se korrupcioni në Shqipëri është i zakonshëm.

Përpilimi dhe implementimi i ligjeve për të luftuar korrupcionin nuk do të mjaftojnë.
Popullata shqiptare duhet të përvetësoj një kulturë e cila refuzon të toleroj korrupcionin sistematik që buron nga qeveria.


Nje e keqe e "padukshme"si kjo , ka nevoje te ulë afër vehtes njerez që kanë
studiuar jashtë ,që kane punuar neper bote dhe qe nuk korruptohen lehte,më mirë te them nuk kane "edukatë korruptuese"...kështu supozoj se do fillonte të
ulej shifra dhe të rikonstruktohej ekonomia.