Dhunohen dy gazetarë në Gjirokastër, Baze dhe Patozi

[Michigan2005]

Gazeta TemA


Lazarat, komisioneri socialist, grushta me Ruçin

Shkak u bë vendimi i Gramoz Ruçit dhe Makbule Çeços
për të mos çuar komisionerë në Lazarat, me qëllim që
të dëmtohej procesi

Kryetari i qendrës së votimit në Lazarat, Petrit
Braho, i cili u ndalua të ishte komisioner nga Partia
Socialiste në zgjedhjet e sotme, ka fyer dhe sulmuar
me grushta Sekretarin e Përgjithshëm të PS-së, Gramoz
Ruçi, pasi ky i fundit dhe kandidatja socialiste,
Makbule Çeço, nuk lejuan futjen e tij në komisionet e
zgjedhjeve më 21 gusht. Braho i cili është dhe anëtar
i kryesisë së PS në Gjirokastër, ishte komisioneri më
i vendosur socialist në 3 Korrik në Lazarat, i
vlerësuar publikisht dhe nga kandidatja socialiste
Makbule Çeço. Por pas vendimit për përsëritje të
zgjedhjeve, ajo vendosi të dëmtojë procesin në Lazarat
dhe tërhoqi prej andej gjithë komisionerët. Edhe pse
situata në Lazarat është e qetë dhe pa asnjë incident,
edhe pse shumë socialistë të Lazaratit janë gati të
shkojnë në komisione, urdhri i Ruçit për t’i braktisur
ata, ka ngritur tensionin mes socialistëve dhe ka
shkaktuar grindjen e djeshme.
Komisioneri socialist dhe Ruçi janë grindur fillimisht
në selinë e PS në Gjirokastër dhe kanë përfunduar në
sherr fizik në shtabin elektoral të kandidates
socialiste Makbule Çeço.
Deri dje në mbrëmje, PS nuk dërgoi ende komisionerë në
KQV, çka detyroi KQZ-në e Gjirokastrës të ftonte parti
të tjera të majta, të ofronin komisionerë për të
vazhduar procesi.


Grunet i kërkon PS-së të zhbllokojë situatën dhe të
dërgojë komisionerët në tri qendrat e votimit në
Lazarat

Gjirokastër, Çeço nxit bojkotin

Partia Socialiste nuk ka paraqitur komisionerët e saj
në tri Qendra Votimi në Lazarat. Sipas Kodit Zgjedhor,
e drejta për të caktuar komisionerët i takon Partisë
Agrare.

Partia Socialiste ka bojkotuar procesin zgjedhor në
tri qendrat e votimit në Lazarat, duke mos dërguar
komisionerët në KQV. Kandidatja socialiste, Makbule
Çeço, ka refuzuar që të dërgojë komisionerë në këto
tri qendra votimi, me pretekstin se mbi ta po
ushtrohet presion dhe ata kanë frikë që të shkojnë.
Deri në orët e vona të natës nuk është arritur në
ndonjë qëndrim pozitiv të Partisë Socialiste për të
dërguar komisionerët e Qendrave të Votimit. Pas një
takimi të shefit të misionit të vëzhguesve të
OSBE-ODIHR, Jorgen Grunet me drejtues të Partisë
Socialiste në Gjirokastër mesditën e djeshme, u ra
dakord që komisionerët të shkojnë në tri qendrat e
votimit në Lazarat.
Partia Socialiste e Gjirokastrës u shpreh se
komisionerët e Partisë Socialiste do të shkonin në
Qendrat e Votimit, por pas pak kohësh, qëndrimi ka
ndryshuar sërish. Partia Socialiste justifikohet se
komisionerët e saj kanë frikë që të shkojnë në qendrat
e votimit, pasi mbi ta po ushtrohet presion dhe
shantazh.
Ky pretendim është hedhur poshtë nga vetë
komisionerët, të cilët janë treguar të gatshëm që të
shkojnë në qendrat e votimit. Ndërhyrja ka ardhur nga
kandidatja socialiste Makbule Çeço, e cila ka
urdhëruar komisionerët që të mos marrin pjesë në
zgjedhjet e ditës së sotme.
Pas presionit të ushtruar nga kandidatja socialiste,
Çeço, u tërhoqën edhe komisionerët e Partisë
Social-Demokrate. Ata u tërhoqën me pretendimin se ka
gjasa që të ketë parregullsi në zgjedhje. Por pas
ndërhyrjes së ndërkombëtarëve, Partia Social-demokrate
i ka rikthyer komisionerët e saj në tri qendrat e
votimit.
Komisionerët e Partisë Demokratike dhe të partive të
tjera, së bashku me Partinë Social-Demokrate, kanë
tërhequr materialet e votimit nga KZZ-ja e
Gjirokastrës, ndërkohë që pritej vendimi përfundimtar
për komisionerët e PS-së. Deri në orët e vona të
natës, situata ka qenë e bllokuar dhe komisionerët
s’kanë mbërritur në qendrat e votimit.
Kodi Zgjedhor parashikon edhe situata të tilla dhe
sanksionon mënyrën e zëvendësimit të komisionerëve për
të mos çuar në bllokimin e zgjedhjeve. Në nenin 34
pika 6 të Kodit Zgjedhor sanksionohet mënyra e
formimit të KZZ-së. Në këtë nen thuhet se nëse partitë
nuk zbatojnë kërkesat për emërimin e komisionerëve të
tyre, atëherë kjo e drejtë u kalon partive pasardhëse,
sipas bllokut politik përkatës. Neni 45, pika 1, thotë
se në situata të tilla, veprohet në të njëjtën mënyrë
edhe me Komisionet e Qendrave të Votimit.

[Dr Rieux]

marre nga Koha Jone


NIPI I RUCIT DHUNON MERO BAZEN

Botuesi i gazetes "Tema" rrihet nga Gjoleke Malaj dhe djali i kandidates Makbule Ceco. Segmentet socialiste pergjakin zgjedhjet e 21 gushtit. Policia ne vendngjarje ben sehir

Kryeredaktori i gazetes "Tema", Mero Baze dhe kryeredaktori i gazetes "Rilindja Demokratike", Astrit Patozi, u keqtrajtuan diten e djeshme gjate zhvillimit te procesit zgjedhor ne zonen elektorale 90 nga Gjoleke Malaj dhe nga njerezit qe e shoqeronin. Ky eshte dhe incidenti me i rende i ndodhur gjate zhvillimit te procesit zgjedhor me 21 gusht. Ngjarja e rende ndodhi dje, ne fshatin Cepo, ku Gjoleke Malaj, i shoqeruar nga disa persona, ka ushtruar dhune ndaj gazetarit Mero Baze dhe Astrit Patozi per shkak te detyres. Burime nga Gjirokastra bene te ditur per "KJ" se Malaj ka qene i shoqeruar nga disa persona, midis te cileve edhe djali i kandidates socialiste ne kete zone, Makbule Ceco. Te njejten gje e ka konfirmuar dhe Mero Baze, sipas te cilit ne grupin e njerezve qe e kishin sulmuar kishte dalluar djalin e kandidates per deputete Ceco. Baze sebashku me kryeredaktorin e RD-se, Patozi, po vezhgonin zhvillimin e votimeve ne zonen elektorale numer 90, ku kandidojne Genc Ruli per Partine Demokratike dhe Makbule Ceco per Partine Socialiste, kur ne fshatin Cepo jane ndalur nga Gjoleke Malaj dhe kater persona te tjere. Pasi eshte siguruar se personi ne drejtimin e mjetit ishte Mero baze, Malaj e ka goditur kete te fundit pa dhene asnje shpjegim. Ne keqtrajtimin e dy gazetareve kane marre pjese edhe personat e tjere, te cilet jane identifikuar si njerez te afert te Gjoleke Malajt. Ne vendngjarjen mesohet se kaneqene te pranishem dhe disa efektive te policise por qe kane qene inaktive per te parandaluar ngjarjen e rende. Nga goditjet mesohet se Mero Baze ka marre demtime serioze ne trup e fytyre, per te cilat i eshte dhene dhe ndihma e shpejte prane spitalit te Gjirokastres. Menjehere pas gjarjes, Baze ka bere kallezimin prane organeve te policise se Gjirokastres, e cila me pas ka bere ndalimin e Gjoleke Malajt per te cilin prokuroria e rrethit kishte nxjerre urdher-arrestin.

Reagimi i socialisteve

Menjehere pas incidentit te ndodhur ne fshatin Cepo, ku u keqtrajtua kryeredatori i gazetes "Tema", Mero Baze dhe ai i gazetes "RD", Astrit Patozi, ka reaguar kryetari i Partise Socialiste per Gjirokastren, Zylfo Cobani. Ne nje deklarate per mediat kreu i PS-se per qytetin jugor eshte shprehur se ka qene kryeredaktori i "Temes", Baze, ai qe ka provokuar incidentin e ndodhur. Sipas Cobanit, Baze ka qene i shoqeruar nga militante te Partise Demokratike dhe kane tentuar te nxjerrin nje nga komisioneret socialiste ne komisionin e votimit ne fshatin Cepo, veprim ky qe ka inicuar dhe konfliktin midis Malajt dhe Bazes. Por pavaresisht reagimit nga ana e kreut te PS-se se Gjirokastres, selia roze ne Tirane nuk eshte prononcuar lidhur me kete ngjarje. Burime prane kesaj selie bejne te ditur se menjehere pas ngjarjes sekretari i Pergjithshem i Partise Socialiste, Gramoz Ruci, eshte nisur ne drejtim te Gjirokastres. Nuk dihet nese nisja e tij ka qene per monitorimin e zgjedhjeve apo per ngjarjen e ndodhur. Dihet se Gjoleke Malaj eshte nipi i sekretarit te pergjithshem te PS-se.


DESHMIA E BAZES: SI ME RRAHEN BANDITET E GJOLEKES

"Isha sebashku me kolegun tim e po vizitonim qendra te ndryshme votimi te zones elektorale. Rreth ores 12 ishim duke shkuar ne fshatin Cepo. Kur u futem te rruga 5 metra para qendres se votimit, pame nje grumbull makinash te parkuara, si dhe kater persona qe qedronin ne mes te rruges ne pritje te makines sone. Kur u afrova, e njoha qe njeriu kryesor ne mes te rruges ishte Gjoleke Malaj. Person tashme i njohur si nje nga njerezit e botes se krimit dhe nipi i sekretarit te pergjithshem te PS-se, Gramoz Ruci, me te cilin ai eshte lavderuar para TV Klan. Bashke me te ishte dhe djali i Makbule Cecos, e njoh pasi e kam komshi. Njeriu me agresiv ishte nje meso burre i shendoshe, te cilin, me sa mora vesh me pas, e quanin Eqerem. Ai eshte nga Levani dhe eshte djali i tezes se Gjoleke Malajt. Ne momentin qe e njoha qe ishte Gjoleke Malaj, edhe mund te mos ndaloja por fakti qe ai ishte i shoqeruar nga kater police natyrisht qe me jepte te drejten qytetare te ndaloja dhe nese kishte gje mund te sqarohesha. Sapo hapa xhamin, ai me pyeti nese isha Mero Baze. Hapi deren dhe qe te katert u futen brenda. Njeri prej tyre u tregua me profesionist. Hoqi celesin e makines qe te mos iknim. I pari me qelloi Gjoleke Malaj ne fytyre, pastaj personi nga Levani beri disa tentativa duke me shqyer dhe kemishen per te me njerre nga makina. I vetmi shans qe jam gjalle eshte se une arrita te mbrohem duke mos dale nga makina dhe te gjitha goditjet i kam ne krahun e majte, ne trup, shpatull dhe qafe deri sa humba ndjenjat. Ne keto momente kolegu im Patozi tentoi t'i qetesonte dhe t'i largonte. Gjoleke Malaj kaloi para makines, hapi deren tjeter dhe e qelloi edhe ate dy here. Nderkohe kater policet qe ishin aty benin gjeste te pakuptimta, duke thene qetesohuni, mos e humbni qetesine, nderkohe qe une kisha humbur ndjenjat".


PATOZI: ME ERDHI NDERMEND DEKLARATA E GRAMOZ RUCIT

Kryeredaktori dhe deputeti i Partise Demokratike Astrit Patozi, mbi te cilin u ushtrua dhune nga Gjoleke Malaj dhe disa persona te tjere e ka cilesuar kete ngjarje si nje akt te shemtuar kriminal. I kontaktuar nga "KJ" Patozi eshte shprehur se akti i djeshem vjen si pasoje e humbjes se pushtetit, i cili eshte i lidhur ngushte me boten e krimit dhe i ka rrenjet e veta qe nga viti 97. "Eshte nje akt i shemtuar kriminal, jane perpelitjet e fundit te krimit te gjeneruar qe nga '97 i cili po ndien humbjen e pushtetit", tha Patozi. Sipas deputetit te PD-se, kjo ngjarje tregon qarte lidhjet e krimit me pushtetin e djeshem qe duket se kane ndare midis tyre te gjitha parate e fituara ne menyre te paligjshme. Madje, Patozi shprehet se pas ngjarjes ka menduar shprehjen e sekretarit te Pergjithshem te PS-se, Ruci, ne "TV Klan" se eshte krenar per Gjoleke Malajn qe e ka nip. Sipas tij, kjo tregon me se miri lidhjet e pushtetit me boten e krimit te organizuar.

[Dr Rieux]

Sipas lajmeve te TV Klan te ores 10, KZZ e zones 90 te Gjirokastres shpall fitues Genc Rulin me mbi 4100 vota diference, ose 64% - 35%. Megjithe vleresimet pozitive te OSBE/ODHIR per procesin zgjedhor ne Lazarat, komisioneret e PS-se nuk kane pranuar numerimin e votave te tre qendrave te Lazaratit. Mgjth, ne rivotim Ruli ka fituar me 1300 vota dhe ne qytetin e Gjirokasters, sikurse dhe ne dy komunat e tjera, Cepani dhe Lazarati.

Me pese kuti votimi akoma per tu hapur, Ilir Bano ka nje avantazh prej 1595 votash ne Krutje, pra praktikisht eshte fitues ne kete zone.

Ne Malesine e Madhe, procesi i numerimit ka filluar rreth ores 9 dhe ende nuk ka ndonje rezultat domethenes. Nga numerimi i pese kutive te para ka nje avantazh te lehte te kandidatit te PD, Astrit Bushati, por eshte ende heret per te pas nje ide te qarte.

[Dr Rieux]

marre nga Shekulli,

Pas ngjarjes, policia ka arrestuar Gjolekë Malajn me akuzën e “goditjes për shkak të detyrës”

Rrahu Bazen, pranga Gjolekë Malajt

Shpallet në kërkim nga policia djali i kandidates së PS-së, Makbule Çeço, Artani

Lindita Çela

GJIROKASTËR- Gjolekë Malaj arrestohet nga policia me akuzën e goditjes për shkak të detyrës së kryeredaktorit të gazetës “TEMA”, Mero Baze. Pak minuta pas ngjarjes, policia e Gjirokastrës ka kryer arrestimin e Malajt ndërkohë që ka shpallur në kërkim edhe tre shtetas të tjerë si pjesëmarrës në dhunimin e Mero Bazes. Artan Çeço, djali i kandidates socialiste për deputete në zonën 90 Makbule Çeços; Eqerem Braçe një i afërm i Malajt nga qyteti i Fierit dhe Emiliano Dusha, janë shpallur në kërkim nga uniformat blu. Gjolekë Malaj kishte shkuar vetë i pari në policinë e qytetit jugor duke pretenduar se do të denonconte Mero Bazen për akuzat e fyerjes, shpifjes dhe kanosjes. Pas verifikimeve policia ka vendosur arrestimin e Malajt dhe ngritjen e akuzës ndaj tij. lajmi është pohuar dje nga burime të policisë dhe prokurorisë. Sipas tyre, shtetasi Gjolekë Islam Malaj dhe tre shokët e tij kanë dhunuar për shkak të detyrës kryeredaktorin e gazetës “TEMA”, Mero Baze.
Arrestimi
Menjëherë pas sulmit që i ka bërë kryeredaktorit të gazetës “TEMA”, Mero Baze, Gjolekë Malaj ka shkuar në policinë e Gjirokastrës duke u përpjekur që të bëjë i pari denoncim. Burimet zyrtare të policisë së këtij qyteti pohuan dje se pak pas orës 12.00, në komisariat është paraqitur vetë Gjolekë Malaj, i cili ka kërkuar të bëjë një denoncim për shpifje, fyerje dhe kanosje në drejtim të Mero Bazes. Ai ka pretenduar se Mero Baze e ka sulmuar duke e kanosur. Ndërkohë policia, e cila kishte marrë të dhënat e para nga ngjarja e ndodhur në fshatin Çepunë, i ka kërkuar Gjolekë Malajt që të qendrojë në komisariat. Gjatë kësaj kohe efektiva të policisë kishin shkuar në vendin e ngjarjes dhe kishin takuar vetë Mero Bazen, i cili u kishte treguar gjithçka në lidhje me atë që kishte ndodhur. “Pas kryerjes së veprimeve të para hetimore, oficerët e policisë gjyqësore të komisariatit të Gjirokastrës, në bashkëpunim me prokurorinë e rrethit kanë bërë arrestimin në flagrancë të shtetasit Gjolekë Islam Malaj për veprën penale të goditjes për shkak të detyrës, e parashikuar në nenin 237 të Kodit Penal”, thanë dje burimet zyrtare të policisë së Gjirokastrës. Sipas tyre, janë kryer të gjitha veprimet proceduriale në lidhje me këtë ngjarje si dhe janë marrë dëshmitë e të gjithë personave që kanë qenë të pranishëm.
Të kërkuarit
Burimet zyrtare të policisë së Gjirokastrës pohuan dje se ende është duke u punuar për zbardhjen e plotë të ngjarjes në fjalë dhe të personave të implikuar në të. Nga marrja në pyetje e dy të dhunuarve, Mero Baze dhe Astrit Patozi, ka rezultuar se në momentin e sulmit Gjolekë malaj ka qenë së bashku me tre persona të tjerë. Ata kishin arritur që të identifikonin vetëm Malajn por njerëzit që i njihnin u kanë thënë se ndër tre personat e tjerë njëri ishte djali i Makbule Çeços. Burime të prokurorisë pohuan dje për “Shekullin” se nga verifikimet e kryera dhe dëshmitë e marra ka rezultuar se një ndër personat që kanë sulmuar Bazen është shtetasi Artan Çeço, djali i kandidates së Partisë Socialiste, Makbule Çeço. Ndërkohë dy personat e tjerë janë shtetasit Eqerem Braçe një i afërm i Malajt nga qyteti i Fierit dhe Emiliano Dusha. Të tre këta persona rezulton se janë të implikuar në ngjarje dhe kanë përgjegjësi direkte në të. Për këtë arsye prokuroria i ka kërkuar policisë së Gjirokastrës gjetjen dhe arrestimin e tyre. burime të prokurorisë pohuan dje se pozicioni i këtyre tre shtetasve ende nuk është sqaruar plotësisht dhe kjo gjë pritet që të bëhet më vonë.

Ata janë pezulluar deri në sqarimin e shkallës së përgjegjësisë së tyre për ngjarjen e ndodhur
Pezullohen katër policiët që nuk ndërhynë
GJIROKASTËR- Në momentin e sulmit ndaj kryeredaktorit të gazetës “TEMA”, Mero Baze, në afërsi të qendrës së votimit nr. 4232, në fshatin Çepan, kanë qenë të pranishëm edhe katër efektiva policie. Ata kanë pasur si detyrë të kontrollojnë mbarëvajtjen e procesit të votimit por ndërkohë kanë qenë të pranishëm edhe në sulmin ndaj Bazes. Të katër efektivat e policisë kanë parë të gjithë skenën por nuk kanë ndërhyrë në asnjë moment për të ndaluar Gjolekë Malajn dhe tre personat e tjerë. Menjëherë pas marrjes së këtij informacioni, Drejtoria e Policisë së Qarkut Gjirokastër ka marrë vendimin e pezullimit nga detyra të katër punonjësve të policisë. “Për katër punonjësit e policisë, të cilët kanë qenë të caktuar me shërbim në zonën ku ka ndodhur ngjarja, në fshatin Çepunë të komunës së Cepos, nga ana e Drejtorisë së Policisë të Qarkut Gjirokastër është vendosur masa administrative e pezullimit nga detyra deri në sqarimin e shkallës së përgjegjësisë së tyre për ngjarjen e ndodhur”,- thanë dje burimet zyrtare të policisë së Gjirokastrës. Sipas tyre, katër policët do të qendrojnë të pezulluar deri sa të zbardhet e gjithë ngjarja. Pas kësaj do të merret edhe vendimi përfundimtar në lidhje me ta.

PS: Baze provokoi incidentin
Menjëherë pas incidentit të ndodhur në Çepunë ka reaguar edhe Partia Socialiste e Gjirokastrës. Kryetari i degës së PS-së në Gjirokastër, Zylyftar Çobani, gjatë një konference për shtyp ka akuzuar kryeredaktori e gazetës “TEMA” Mero Baze, për provokim të militantëve të Partisë Socialiste dhe përfaqësuesin e partisë në qëndrën e votimit në Çepunë. “Zotërinjtë Mero Baze dhe Astrit Patozi, të shoqëruar edhe nga shumë militantë të Partisë Demokratike, kanë provokuar simpatizantë të Partisë Socialiste dhe banorët e fshatit jashtë qendrës së votimit. Ky incident është shoqëruar me dëmtime të disa personave, ndërmjet të cilëve edhe Mero Baze, sjellja e të cilit nuk mund të justifikohet”,- tha dje gjatë konferencës për shtyp kryetari i Partisë Socialiste për degën e Gjirokastrës. Sipas Zylyftar Çobanit, Partia Socialiste dënon çdo rast dhunë të ushtruar nga çdo individ dhe konfirmon respektimin e ligjit dhe të drejtavetë njeriut, gjë që për këtë forcë politike, sipas tij, është kthyer në një standard të detyrueshëm.

[Dr Rieux]

Ne zonen 2, Bushati i PD-se kryeson me rreth 1400 vota diference ndaj Leres se PS-se. Jane ende per tu hapur 20 kuti votimi (rreth 3000 votues) nga 70 gjithsej dhe fitorja e PD-se edhe ne kete zone duket e sigurt.

[Brari]

po te isha lab do i beja nje kenge Mero Bazes..


ne goje te ujqerve shkove
mero bazeja 7 kile burre
bmw-n te kembet u a ndalove
gazetari qe su trembe kurre

të rrahen tuf e cakejve
o meroja qengji butë
por trimeria smatet me dhembë
e verteta ne pendën e urtë








I uroj sherim te shpejte Mero Bazes..



..

[inter_forever]

Gjoleke Malaj...nipi i Gramozit ...
Nuk e dija qe kishte lidhje farefisnore . Ne kohen e ''lavdishme'' te Komiteteve te Shpetimit vetem zeri i tij degjohej ....Paska qene zedhenesi i ''Gramozit'' ne fushen e luftimeve ...ne kujtonim se ishte hallexhi ish-oficer qe kishte humbur leket ne fajde... Nejse...


Nuk e prisja nje fitore kaq bindese ne 3 zonat e mbetura....

Kur lexoj deklaratat e ''shoqes'' Makbule habitem ....Ku e gjen kurajon te deklaroje se ''une kam fituar moralisht ''....Po jane 5000 vota moj Ceco ...nuk jane 50 vota ...
Hajde per te bere qefin , po heqim 2000 votat e Lazaratit , se e dinit qe nuk merrnit asnje vote aty , ndaj terhoqet komisioneret....
Ngelen 3000 vota diference...

''POPULLI URTE DHE I MENCUR GJIROKASTRIT DO DIJE KUJT TIA JAPE VOTEN '' keshtu deklaronit para 21 gushtit ....
Ndersa tani doli justifikimi ''Eshte ushtruar presion ne popull !!!!!!!
Presion ?? Une di qe vota eshte e fshehte...Une votoj ke te me doje kokrra e qefit dhe askush nuk e merr vesh....
Apo PD ka ushtruar presion psikologjik me ''policet'' e Igli Toskes ?.

Genc Ruli e meritonte fitoren ,,,,Aq me mire qe arriti nje fitore derrmuse ...
Berisha me zgjuarsi coi Rulin ne zonen qe njifet si ''bastion'' i PS ...Ruli triumfoi me 5000 vota diference ....Tani Berisha duhet ti gjeje nje vend ne
grupin e tij te punes , se nje figure e tille popullore te jep garanci per nje qeverisje te besushme ....

[ALBA]

Përse hetimet ndaj Gjolek Malajt duhet të bëhen nga
Tirana?

Thirrja ime publike ndaj jush nuk është hakmarrje ndaj
asaj që më ka ndodhur. Lërini të lirë, nëse faji i
vetëm i tyre është agresioni ndaj meje. Por nëse i
hetoni me ndershmëri dhe profesionalizëm, nëse doni të
bëni diçka serioze në karrierën tuaj, ju siguroj se
hetimi i atij grupi mund të ndryshojë historinë e
errët të shtetit shqiptar në këto tetë vite.

Nga Mero Baze

Gjykata e Gjirokastrës ka vendosur dje burg pa afat
për Gjolek Malajn, një prej agresorëve kryesorë ndaj
meje dhe kolegut tim Astrit Patozi më 21 gusht në
fshatin Çepun, ndërsa ka shpallur në kërkim Eqerem
Braçen, i cili ishte agresori më ‘profesionist’ dhe që
rrezikoi seriozisht jetën tonë. Ndërkohë Gjykata për
arsye që unë i kuptoj, nuk ka përmendur fare Dritan
Çeçon, djalin e Makbule Çeços, të cilin unë e kam
përshkruar si autor në vendngjarje dhe pjesëmarrës në
sulm, në padinë time, si dhe personin e katërt,
Emiljano Dusha, identitetin e të cilit e verifikova
pas ngjarjes. Në të vërtetë jam i detyruar t’ju
drejtohem publikisht, jo aq për të çuar në vend
drejtësinë, por më tepër për t’iu dhënë një mesazh
kurajoje atyre gjyqtarëve, prokurorëve dhe policëve në
Gjirokastër, që e ndiej se e konsiderojnë si fatkeqësi
faktin që u ka rënë në pjesë të merren me këtë dosje.
Gjirokastra është një qytet që nuk është qeverisur për
8 vite, por është sunduar. Përfytyro që në atë qytet,
shefi i fundit i Komisariatit është vendosur nga
Gjolek Malaj, sistemi i drejtësisë është infiltruar
nga grupi i tij në pushtet, policia është thjesht
zgjatim i grupit të tij të armatosur dhe administrata
shtetërore e terrorizuar prej tij. Rasti i Gjolek
Malajt nuk është një rast i thjeshtë në historinë e
këtyre 8 viteve në Shqipëri. Në vitin 1997 në Shqipëri
kishte shume banda të armatosura dhe shumë banditë,
por shumica e tyre u vranë ose u burgosën. Nuk mund të
mohojmë faktin se tashmë krerët e bandave të Vlorës
janë në burgje ose të vrarë, për shkak se politikës, e
cila i prodhoi, nuk u duheshin më. Po ashtu nuk mund
të mohojmë faktin se shumë nga politikanët që i
përdorën këto grupe, i braktisën ata pas vitit 1997
dhe panë punën e tyre. I vetmi grup i armatosur i
vitit 1997, që jo vetëm nuk u dënua, por u integrua në
politikën shqiptare me pushtet të plotë në Jug të
vendit, ishte grupi i Gjolek Malajt. Për shkak të
lidhjeve të tij me kupolën e pushtetit dhe klanin e
Tepelenës në pushtet, ai u transformua, nga bandë e
armatosur, në polici private dhe iu besua pushteti në
jug të Shqipërisë. Ai ka kontrolluar për 8 vite gjithë
trafikun e drogës, hashashit, sigurinë e biznesmenëve,
emërimet në administratë, tenderat e bashkive të
Tepelenës, Memaliajt, Gjirokastrës dhe pikën kufitare
të Kakavijës. Ai është i vetmi rast i kalimit nga
bandë e armatosur, në sundimtare të një pjese të
territorit të vendit tonë, me ndihmën e politikës. Më
duhet të kujtoj se dy drejtuesit e lartë të Partisë
Socialiste, Gramoz Ruçi dhe Elmaz Sherifi, i kanë nipa
të dy agresorët, dhe janë nga e njëjta lagje e
Salarisë. Po ashtu mjafton të kujtojmë se dhe tre
deputetë të tjerë socialistë dhe drejtues të lartë të
PS-së, Valentina Leskaj, Et’hem Ruka dhe Luan Memushi,
janë nga e njëjta zonë me këta agresorë dhe kanë
përdorur pushtetin e tyre, për të mbajtur jugun e
vendit nën terror. Për këtë shkak ata u transformuan
pa asnjë problem, nga bandë e armatosur, në pushtet
paralel në jug të vendit.
Dy të penalizuarit e djeshëm, Gjolek Malaj dhe Eqerem
Braçe, janë tashmë figura të krimit ekonomik, pa pasur
asnjë të ardhur zyrtare për biznesin e tyre. Njëri ka
qenë bari në Salari dhe tjetri bodigard i ‘Gjallicës’.

[ALBA]

Pas vitit 1997 ata u bënë papritur milionerë me pasuri
të patundshme, nga Tirana në Gjirokastër. Brenda vitit
1997, Gjolek Malaj ndërtoi një ndërtesë pesë-katëshe
tek unaza e re e Tiranës, pa leje, dhe sot është
Kolegj Iranian në Tiranë. Nuk di nëse kryebashkiaku i
Tiranës ia ka legalizuar atë objekt, por shpresoj se
ai mund të jetë i vetmi objekt i legalizuar në gjithë
atë xhungël pa leje që është në unazë të re.
Po ashtu djali i Makbule Çeços, Dritan Çeço, ka një
ndërtesë 5-katëshe moderne në oborrin e redaksisë
sime. Ka katër vite që e prish dhe e ndërton me
lehtësi, duke shpenzuar për të jashtë gjithë normave
të ndërtimit. Ky njeri nuk ka asnjë biznes të ligjshëm
dhe asnjë NIPT në tatime, që të justifikojë këto
miliona. Formalisht e ka ndarë pronësinë me një shofer
të tij apo familjes së tij. Lidhjet e tij me grupin e
Malajt janë konkrete, pasi gjatë katër viteve që nëna
e tij ishte deputete në Gjirokastër, tenderat e atij
qyteti i merrte grupi i Gjolekës dhe fitimet ndaheshin
mes tyre.
I katërti i agresorëve, Emiljano Dusha, është një
personazh edhe më i hetueshëm. Ai është tregtar
celularësh “Motorola” dhe fiton tendera tek Igli
Toska, për t’i blerë kostume policisë shqiptare nga
Kina. Ai është lidhje e ngushtë e grupit të Malajt dhe
Çeços, pasi një nga drejtuesit e SHKB në Ministri të
Rendit, vëllai i Flamur Bimes, kryetarit të Bashkisë
së Gjirokastrës, që drejtoi spastrimet në Ministri të
Rendit, i ka dhënë atij aksesin në tenderat e Toskës.
Po ta bëj gjithë këtë përshkrim të historisë së kësaj
bande, për të të kërkuar publikisht ngritjen e një
grupi hetimor nga Prokuroria e Përgjithshme, dhe
tërheqjen e dosjes së hetimit të këtyre personave në
Tiranë. Arsyeja pse ta kërkoj këtë është se në
Gjirokastër, gjykata, prokuroria dhe policia kanë bërë
një heroizëm të madh deri këtu. Më tej ata nuk
veprojnë dot. Më tej ata janë nën presione fizike dhe
ekzistence, nëse prekin në këto ditë ende pa shtet,
pushtetin e këtij shteti paralel.
Ligji antimafie që Kuvendi ynë ka miratuar në vitin
2004 dhe që vetë Gramoz Ruçi e ka përshëndetur, është
një ligj i mirë, i cili parashikon në mënyrë të qartë
zgjerimin e hetimeve për çdo person me çeshtje penale
në drejtim të pasurive të tij.
Sipas këtij ligji në kreun e III-të ku flitet për
“Gjykimi i kërkesës për sekuestrimin e pasurive” në
Nenin 13 thuhet:
1. Gjykata, me kërkesë të prokurorit ose kryesisht,
duke parashtruar arsyet përkatëse, vendos sekuestron e
pasurive, për të cilat ka të dhëna se mund të jenë,
drejtpërdrejt ose tërthorazi, në zotërim të personit
ndaj të cilit zhvillohen hetimet sipas këtij ligji,
kur:
a) vlera e tyre rezulton të jetë në përmasa që nuk u
përgjigjet të ardhurave të deklaruara ose veprimtarisë
ekonomike të zhvilluar prej tij;
b) në bazë të të dhënave të mjaftueshme, ka shkaqe të
bazuara për të menduar se këto sende janë produkt i
veprimtarive të paligjshme ose përbëjnë investim të
tyre.
2. Prokurori mund t’i kërkojë gjykatës ta detyrojë
personin, ndaj të cilit zhvillohen hetimet, ose ata që
kanë titullin e pronarit apo zotërojnë çfarëdo
titulli, fonde apo pasuri të çdo lloji, me vlere që
nuk përputhet me të ardhurat ose aftësitë e tyre
ekonomike, që të justifikojnë ligjshmërinë e
prejardhjes së tyre.
Po ashtu meqenëse një prej personave është ende në
kërkim dhe shpresoj për shkak të lidhjeve të tij me
skafistët në Vlorë, mund të largohet jashtë, të
zbatohet neni 15 i këtij ligji i cili thotë:
Neni 15
Procedimi në mungesë të personit të dyshuar
Me kërkesë të prokurorit, gjykata mund të vendosë
vazhdimin e procedimit dhe masën e sekuestros edhe në
rastet kur personi i dyshuar, sipas nenit 3, nuk ka
banim të njohur brenda vendit, është larguar jashtë
vendit ose, me gjithë kërkimet e bëra, nuk gjendet.
Ky ligj po ashtu parashikon masa të qarta dhe për
pasuritë e hedhura në emër të të tretëve, siç është
rasti i pallatit të djalit të Makbule Çeços, i cili e
ka ndarë atë me shoferin e vet. Në nenin 16 “Pasuritë
e sekuestruara që u përkasin të tretëve” thuhet se:
1. Kur gjatë shqyrtimit gjyqësor del se pasuritë e
sekuestruara u përkasin personave të tretë, gjykata,
edhe kryesisht, me vendim të arsyetuar, i thërret ata
për të ndërhyrë në procesin që zhvillohet sipas këtij
ligji.
2. Personi i tretë, brenda afatit që i caktohet nga
gjykata, ka të drejtë të paraqesë në seancë
pretendimet e veta, si dhe të kërkojë marrjen e të
dhënave të tjera të nevojshme për vendimin e
sekuestros.

Unë po ju drejtohem publikisht për këtë rast, jo pse
ata më agresuan mua dhe vunë në pikëpyetje ekzistencën
fizike timen dhe të kolegut tim për disa çaste. Do ta
kisha bërë këtë, edhe po të mos isha unë subjekt i një
krimi të tyre. Por që procesi i luftës ndaj krimit të
organizuar të fillojë dhe vendi të çlirohet nga
pushteti i paligjshëm i tyre, ky është një rast ku
vullneti politik i pushtetit të ri, përputhet me të
drejtën dhe misionin e prokurorisë.
Unë ju kërkoj të gjeni hapësirën ligjore, për ngritjen
e një grupi hetimor nga Tirana, për zgjerimin e
hetimit ndaj këtij grupi të armatosur, të integruar në
jetën politike dhe shoqërore të jugut, për të bërë
shembullin e parë të ndarjes së politikës nga krimi.
Ju duhet ta bëni atë dhe për një arsye më të fortë,
për të parë konkretisht se si mund të punoni në
kushtet e mungesës së presionit shtetëror për të
hetuar krimin e lidhur me politikën. Kini për të parë
se tek ai grup kriminal lidhen shumë fije të politikës
shqiptare dhe shumë vepra penale të varrosura, për
arsye shtetërore.
Për t’ju siguruar për këtë, po të kërkoj publikisht
që, nëse ju hetoni këtë grup kriminal me ndershmëri
dhe profesionalizëm, dhe nuk gjeni asnjë krim, përveç
agresionit ndaj meje dhe kolegut tim, nuk dua që t’i
dënoni fare. Thirrja ime publike ndaj jush nuk është
hakmarrje ndaj asaj që më ka ndodhur. Lërini të lirë,
nëse faji i vetëm i tyre është agresioni ndaj meje.
Por nëse i hetoni me ndershmëri dhe profesionalizëm,
nëse doni të bëni diçka serioze në karrierën tuaj, ju
siguroj se hetimi i atij grupi mund të ndryshojë
historinë e errët të shtetit shqiptar në këto tetë
vite.

[ALBA]

SPECIALE

Igli Toska dhe banda e Gjolek Malajt, e përfaqësuar
nga firma “2E”, dogjën 1.5 miliard të Ministrisë së
Rendit

Toska&Banda e Gjolekës zhdukën 1,5 miliard lekë

Mentor Beqa

Ministri i Rendit Publik, Igli Toska, banda e Gjolek
Malajt, e përfaqësuear nga Emiljano Dusha dhe drejtori
i Agjensisë së Prokurimeve Publike, Behar Zeneli, janë
përgjegjës për djegien e 1.5 miliard lekëve të
Policisë së Shtetit në Gusht të vitit 2004. Firma “2E”
e Emiljano Dushës, pjesëtar i bandës së Gjolek Malajt,
ka arritur të djegë tenderin prej 1.5 miliard lekësh
për prodhimin e kostumeve të policisë së shtetit. Këto
para janë fituar më pas nga Emiljano Dusha jashtë të
gjitha kritereve teknike dhe në kundërshtim të plotë
më ligjin. Tenderi prej 1.5 miliard lekësh u dogj
qëllimisht dhe më pas fitohen në forma të tjera nga
ana e bandës së Gjolek Malajt. 440 milion lekë kjo
firmë i merr menjëherë pas anullimit të tenderit, duke
fituar tre tendera të ndare me 11 dhe 12 Gusht 2004.
Një pjesë tjetër u përdorën nga Igli Toska për t’ia
dhënë një tjetër miku të tij, firmës Xheta. Kjo u bë
gjoja për likuidimin e 12 mijë palë këpucëve jashtë
standardeve, që qëndronin stok që nga viti 2000 dhe
askush nuk guxonte të paguante për ta. Igli Toska dhe
banda e Gjolekës si ndëshkim për mosmarrjen e tenderit
të madh nga ana e “2E” pushojnë nga puna dhe
përjashtojnë nga policia ekspertët që hartuan kriteret
për kualifikimin e firmave për prodhimin e kostumeve
të policisë.
Kronologjia

25.06.2004
Agjensia e Prokurimeve Publike e drejtuar nga Behar
Zeneli pezullon procedurat për tenderin prej 1,5
miliard lekësh për prodhimin e kostumeve të policisë,
pas kërkesës së firmës 2E të drejtuar nga Emiljano
Dusha.

28.06.2004
Qendra e Furnizmit Materialo Teknik i kthen përgjigje
firmës ‘2E’ dhe thotë se procedurat nuk janë
diskriminuese dhe se parametrat duhet të plotësohen.

05.07.2004
Qendra e Furnizimit materialo teknik i kthen përgjigje
Agjensisë së Prokurimeve se procedurat dhe kriteret
janë të rregullta.

06.07.2004
Agjensia e Prokurimeve i drejtohet me një shkresë 2E
dhe QFMT-së që të hiqet kriteri i numrit të punonjësve
dhe i “prodhues konfeksionesh”, që duhet të plotësonte
një firmë për t’u kualifikuar për tender, duke
favorizuar hapur firmën e bandës së Gjolek Malajt.
Tenderi duhet të zhvillohej këtë ditë, me urdhër të
APP-së së drejtuar nga Behar Zeneli, shtyhet tenderi
për tetë ditë.