Rusia dhe Kina i tregojnë muskujt SHBA-së (Shekulli)
Sipas skenarit, dy vendet do të pushtojnë një shtet për dhjetë ditë, në bazë të një mandati të OKB-së
E.K
Një stërvitje e pazakontë ka mbledhur bashkë ushtrinë kineze dhe atë ruse. Dy ish-superfuqitë e Lindjes duan, në radhë të parë, t’i tregojnë Perëndimit se ato kanë mbetur ende të tilla. Po kështu, sipas analistëve, Pekini dhe Moska në këtë bashkim të ri duan t’i thonë kryesisht SHBA-së se dominancës së tyre në Lindje po i vjen fundi. Stërvitja e përbashkët që ka nisur dje, ka përfshirë jo vetëm trupat, por edhe anijet dhe avionët luftarakë rusë e kinezë. Ky mision i paprecedentë do të zgjasë gjatë të gjithë javës së ardhshme.
“Qëllimi kryesor është SHBA-ja. Të dyja palët duan të përmirësojnë pozicionin e tyre në çështjen e sigurisë, politikës dhe ekonomisë”, - thotë Jin Canrong, profesor i marrëdhënieve ndërkombëtare në Universitetin Popullor të Kinës. Ndërsa fuqinë e tyre ekonomike, që sa vjen e forcohet vitet e fundit, po e tregon tregu. Pekini dhe Moska zgjodhën rrugën e stërvitjes së përbashkët për të treguar edhe fuqinë e tyre ushtarake. Edhe mediat i kanë kushtuar një rëndësi shumë të madhe kësaj iniciative, më tepër për simbolikën e saj. Kështu, në një titull të së përditshmes britanike “Guardian”, shkruhej: “Rusia dhe Kina fillojnë lojërat e para të luftës”. Diku tjetër shkruhej: “Rusia dhe Kina bashkohen që t’i dërgojnë një mesazh SHBA-së”, ose “Dy ish-gjigantët e komunizmit nisin stërvitjen” etj.
Skenari
Në ditët në vazhdim dhjetë mijë trupa kineze dhe ruse do të kryejnë pushtimin imagjinar të një shteti. Stërvitja fillon në Lindjen e Largët të Rusisë dhe përfundon në gadishullin Shandong të Kinës. Marinarët do të pushtojnë plazhet, kurse paratrupat do të zbresin nga qielli. Misioni i Paqes 2005, siç është pagëzuar stërvitja, është një provë e përpjekjeve të përbashkëta për të ndërhyrë, në rast të një situate të paqëndrueshme, të shkaktuar nga terrorizmi apo ndonjë konflikt civil. Zyrtarisht në stërvitje nuk është ndonjë vend në shenjestër, por një gjë është e qartë, se në përfundim të Luftës së Ftohtë, Rusia dhe Kina janë të zëna me forcimin e partneritetit mes tyre. Ato janë të përgatitura të bashkëpunojnë për të ulur dominimin amerikan në Lindjen e Largët dhe Azinë Qendrore. Sipas skenari të gjithë kësaj stërvitjeje, dy vendeve, Kinës dhe Rusisë, u është dhënë mandati nga organizata e Kombeve të Bashkuara që të rivendosin rendin në një shtet ku kërkohet ndërhyrja ushtarake. E gjithë stërvitja bëhet në përputhje me rregullat dhe standardet e OKB-së. Dy palët kanë thënë se ky mision është pjesë e luftës kundër terrorizmit ndërkombëtar, separatizmit dhe esktremizmit.
Synimet e fshehta
Stërvitja shihet edhe si një mundësi e mirë për Rusinë që të reklamojë armët moderne që kërkon t'ia shesë Kinës. Në këto armë bëjnë pjesë edhe bombarduesit strategjikë që kanë kapacitetin të transportojnë armë bërthamore. Përdorimi i bombarduesve stratgegjike rusë Tu-95 dhe Tu- 22M, aeroplanëve ushtarakë që mbajnë raketa konvencionale dhe bërthamore, nuk janë aspak të nevojshme dhe as të zakonshme për një operacion paqeruajtës. Por dy shtetet e fuqishme tashmë edhe ekonomikisht duan të tregojnë se i kanë edhe këto pajisje. Kështu, Kina, duke treguar këto armë, kërkon të japë një imazh të fortë përtej kufijve dhe që të shmangë një ndërhyrje amerikane, në rast se Kina ndërmerr një aksion ushtarak ndaj Tajvanit. E ndërsa Kina ka problem Tajvanin, Rusia ka problem Çeçeninë. Rusët vazhdimisht janë munduar ta etiketojnë luftën kundër çeçenëve që kërkojnë pavarësi, si një pjesë të luftës kundër terrorizmit. Kina dhe Rusia kanë së bashku një vijë kufitare prej 4 300 km. Ato janë anëtare të Organizatës për Bashkëpunimin në Shangai, një grup që përfgshin edhe ish-republikat sovjetike të Kazakistanit, Uzbekistanit, Taxhikistanit dhe Kirgistanit. SHBA-ja ka bazat e saj në Kirgistan dhe Uzbekistan. Ky grup së fundi i ka kërkuar Uashingtonit të caktojë një datë që të tërheqë forcat e veta nga ky rajon. Deri tani e vetmja deklaratë e lëshuar nga amerikanët për stërvitjen e përbashkët ruso-kineze, është që Uashingtoni ka thënë se do ta monitorojë këtë stërvitje.
Nje pjese e mire e shkrimit te mesiperm mund te gjendet ne Anglisht ne faqen e International Relations and Security Network:
http://www.isn.ethz.ch/news/sw/details.cfm?ID=12550
Pytjet qe risjell kjo stervitje:
A po pergatitet Kina per nje pushtim te mundshem te Tajvanit?
(per Tajvanin ekziston nje teme tjeter: Tajvani i Pavarur...? )
A mund te flasim per nje sistem shumepolar ne bote?
Sa rendesi zene pole te ndryshme ose superfuqi te se ardhmes si BE, India, Kina?
Ç'ndikim do kete loja e superfuqive ne fushat ku behet kjo loje per momentin pra vende si EuroAzia ose Lindja e Mesme?
...
Jane te mirepritura te gjitha pikepamjet (neo) Realiste, Idealiste, Marksiste...se desh harrova feministe
Ju ftoj te diskutojme keto dhe pyetje te tjera, pa harruar moton naive por shume te bukur te miseve, Paqe ne Bote!
Përgjigju Duke Cituar
(really?).
Krijoni Kontakt