Korrupcioni ne Prishtine

[Beqari002]

Te rejat e fundit nga" Afera prishtnase "



Policia ndërkombëtare ka arrestuar dy zyrtarë të Departamentit për Kadastër dhe Gjeodezi në KK të Prishtinës

Prishtinë, 25 shtator - Dy funksionarë të Zyrës së Kadastrit në Komunën e Prishtinës janë arrestuar dje pasdite nga autoritetet ndërkombëtare nën dyshimet për korrupsion dhe përvetësim e tjetërsim të pronës publike, e cila u është dhënë individëve privat, kanë bërë të ditur zyrtarë të policisë ndërkombëtare dhe të UNMIK-ut në Prishtinë.
Të dy arrestuarit janë paraburgosur dhe së shpejti do të dalin para gjykatësit hetues.
Lidhur me këto arrestime, zëdhënësja e UNMIK-ut Suzan Manuel tha se ato kanë pasuar pas një pjese të hetimeve që ndërlidhen me veprimtarinë e komandantit të ish-UÇK-së Rrustem Mustafa i njohur si komandant "Remi", që është arrestuar në fillim të muajit gusht nën dyshimin për krime kundër civilëve shqiptarë gjatë luftës në Kosovë. Këto hetime kanë nxitur dyshime për korrupsion në Departamentin për Kadastër, Gjeodezi dhe Pronën në Komunën e Prishtinës.
Hetuesit dyshojnë se Sharr Pllana dhe Abdullah Demolli, kanë bërë transferime të paligjshme të pronës publike dhe shoqërore tek individët privatë. Policia ëhstë duke hetuar edhe dyshimet se ata kanë marrë mito për të bërë transferimin e tillë të pronave.
Zëdhënësja Manuell tha se dyshohet të ketë pasur rreth 15 mijë transaksione të bëra në zyrat e kadastrit në një periudhë prej dy vjet e gjysmë dhe policia beson se rreth 80 për qind të tyre janë të diskutueshme. Çështja ka kaluar në gjykatësin ndërkombëtar i cili do të merret me hetime të mëtejshme, tha ajo.


Oj sharki e lehte si era , a ka ardhur ne Shqiperi pranvera?

[erzeni]

Ne pranga 36 kosovare. (koha jone)


Vali Qyrfyci Durres-

Drejt Italise me tragete dhe jo me skafe. 36 kosovare dhe dy shqiptare jane kapur mesnaten e se shtunes ne portin detar te Durresit teksa tentonin te kalonin ilegalisht kufirin me tragetin "Palladio". Gjate ndalimit u jane bllokuar pasaportat jugosllave, gjermane, suedeze, norvegjeze dhe vizat gjermane te falsifikuara te blera per 1500-2000 euro.
Drejtuesit e policise se Durresit kane te pakten nje muaj qe jane vene ne goditje te trafikut ilegal te qenieve njerezore qe shfrytezojne tragetet e linjave qe lidhin Durresin me portet e shtetit fqinj per te mberritur me pas ne vendet e Evropes Perendimore.
Ne vazhdimesi te operacioneve antitrafik te ndermarra ne portin detar te Durresit nga forcat e vendkalimit kufitar dhe zyra e luftes kunder trafiqeve ilegale, naten midis te shtunes dhe te dieles, jane shoqeruar per ne ambientet e policise 36 shtetas nga Kosova dhe dy shqiptare.
Kapja e tyre eshte bere gjate kohes se mbarkimit te pasagjereve ne tragetin "Palladio" te linjes Durres-Bari. Sipas burimeve te drejtorise se policise se qarkut Durres, operacioni ka nisur rreth ores 22.00 te dites se shtune per te vazhduar me pas me verifikimin e sakte te dokumentacionit te kosovareve dhe 2 shqiptareve te kapur.
Vetem 24 ore me pare policia e Durresit kishte kapur 9 kosovare me viza te falsifikuara dhe arrestuar 3 prej tyre. Por tentativat per kalimin e kufirit detar nga porti i Durresit nuk kane reshtur. Intensiteti i ketyre tentativave dhe angazhimi i bluve per t' goditur ato kane sjelle ne Durres dhe shefin e sektorit te luftes kunder trafiqeve ilegale ne Ministrine e Rendit Publik, Avni Jasharllari.
Operacioni i ndermarre se fundi ne portin e Durresit ka qene serish nje bashkepunim midis zyres se luftes kunder trafiqeve te paligjshme ne policine lokale te Durresit dhe policise se vendkalimit kufitar te ketij porti.
Si rezultat u kapen dhe sprapsen ne tentativen e tyre 36 kosovaret dhe 2 shqiptaret. Si prova materiale u bllokuan pasaporta jugosllave, gjermane, suedeze dhe norvegjeze, si dhe viza gjermane te falsifikuara.
Dokumentet dhe vizat ishin blere kundrejt shumave 1500-2000 euro ne Kosove. Destinacioni i te kapurve ishte Italia dhe Gjermania.
Gjate operacioneve antitrafik te organizuara fundjavave te muajit shtator ne portin detar te Durresit rezultojne te jene sprapsur nga autoritetet policore mbi 100 shtetas kosovare me dokumente dhe viza gjermane te falsifikuara.
Nga marrja e tyre ne pyetje ka rezultuar se jane agjencite kosovare te udhetimit qe kundrejt shumave te ndryshme u sigurojne atyre dokumentet dhe vizat false per te udhetuar drejt Italise e Gjermanise nga porti me i madh shqiptar.
(koha jone)

........ ........... ............. ..............






..........
Sa te zot keta policat socialiste te Durrsit. He me ju lumte se ashtu ju do partia.
Dihet se policia Shqiptare e sotme eshte vazhduese e policise se partise se Punes dhe kur dihet zelli dhe nuhatja prej zagari e kesaj policije per te gjuajtur Kosovaret si Dje ne kohe te PPSH dhe Sot ne kohe te PS kuptohet qe pse kaq shume kosovare kapen ne Portin e Durrsit.
Interesante eshte se Italia kap per dite Trafikante Femijesh, Femrash, Droge e Armesh te ardhura direkt nga Porti Durresit. Ata nuk i kap kjo polici sepse ata jane kontigjenti i Brahos e Metes. nejse..

Pse ikin Kosovaret nga KOSOVA?

Kjo eshte alarmante.
Kush jane keta qe ikin?
Mos valle jane ata qe mbasi kryen vrasje mbas shpine ne Kosove ikin tani nga frika e Unmikut?
Nuk besoj sepse ata nuk i ndalon kush as ne Durres e Rinas e Mal te zi. Ata kane kartabjanke per ne dogana e aeroporte.
Ata i kane "speciale" letrat e pasoshat dhe rrjeti i tyre perbukuri i merr dhe brenda nates i "parashyton" nga Kosova ne vendet e sigurta ne Tirane, Sarande ose Europe.
Nji pjese e tyre krimineleve kane zbarkuar perseri ne kafenet e tyre marksiste te perendimit nga ku 10 vjet rresht thuren plane e lista te zeza.

Keta qe po ikin e qe po kapen jane Rinia qe nuk po e gjen vehten ne Kosoven e Sotme qe megjithse e Cliruar nga Avionat e Natos eshte pushtuar nga hajnat biznesmene qe yndyren e Kosoves e duan per vehte dhe popullit i lejojne vetem te kullose barin.
E njejta gjendje e kapitalizmit demo-socialist shqiptar si ne Kosove...si ne Shqiperi..
Nji Xhungel pa asnji fije ere humanizmi e atdhetarie..kjo eshte fytyra e shoqerise Shqiptare ketej dhe andej kufirit.

[new-man]

Disa biznesmenë kanë regjistruar biznese sa për viza e tenderë dhe sapo kanë përfunduar punë, kanë harruar se i kanë ato. Në librat e MTI-së figurojnë 90 mijë biznese, ndërsa tatime paguajnë vetëm 40 mijë

Më shumë se gjysma e bizneseve të regjistruara nuk paguajnë asnjë obligim tatimor. Në regjistrin e Agjensionit për Regjistrim të Bizneseve në Ministrinë e Tregtisë dhe Industrisë figurojnë mbi 90 mijë biznese. Ndërkaq, në Administratën Tatimore të Kosovës vetëm 40 mijë prej tyre deklarojnë dhe paguajnë tatime.

Ushtruesi i detyrës së kryeshefit ekzekutiv në ARBK, Mehdi Pllashniku, thotë se shumica e qytetarëve kanë regjistruar biznese për viza e tenderë dhe sapo kanë përfunduar punë, kanë harruar se i kanë ato. “Një numër i madh i bizneseve janë regjistruar që pronarët e tyre të marrin kredi, viza, apo të fitojnë tenderë. Kur kanë mbaruar punët, nuk e kanë bërë çregjistrimin tyre, prandaj ende figurojnë në databasën tonë”, pohon Pllashniku.


Mbi 22 mijë biznese nuk i janë përgjigjur kurrë kërkesës së MTI-së për të bërë ri-regjistrimin, pas marrjes së kompetencave nga UNMIK-u në këtë ministri në vitin 2003. Deri atëherë regjistrimi bëhej nëpër komuna dhe certifikatat e regjistrimit kishin logon e UNMIK-ut. Ato ende veprojnë me këtë certifikatë pa u penguar nga askush. Mund të ndodhë se e kanë shuar veprimtarinë pa e marrë vesh MTI-ja.

[new-man]

Në mungesë të dy pikave doganore, Kosova ka humbur diku rreth 30 milionë euro të hyra. Ndërsa gjatë vitit 2008 doganat kanë mbledhur rreth 604 milionë euro. Këto i deklaroi dogana e Kosovës.


Drejtuesit e doganave të Kosovës kanë vlerësuar se vështirësitë më të mëdha për të mbledhur të hyrat në vitin 2008 i kanë pasur nga mungesa e dy pikave doganore në veri të Kosovës. Drejtori i doganave, Naim Huruglica, tregoi se nga 604 milionë të hyra që i kanë realizuar doganat e Kosovës gjatë vitit 2008, humbjet që i kanë shkaktuar problemet në këto pika mund të jenë deri në 5 për qind të totalit të të hyrave.

“Nga përllogaritjet tona mund të vijmë te përfundimi se kemi humbur të hyra në vlerë totale nga 25 deri në 30 milionë euro”, tha drejtori i doganave, Naim Huruglica. Sipas tij, shifra e realizuar e të hyrave prej 604 milionësh është 4 për qind më shumë se projeksioni i caktuar nga Qeveria e Kosovës. Kjo do të thotë se janë mbledhur mbi 77 milionë më shumë se në vitin 2007.

Ai tha se një ndër masat që janë marrë për të ndaluar kontrabandën në veri të Kosovës është edhe shtrirja e tërësishme e EULEX`it në tërë territorin me qëndrim prej 24 orësh gjatë ditës. Kësaj shifre i ka kontribuar edhe rritja e eksportit të mallrave, që këtë vit ka qenë 31 për qind më e lartë se vitin paraprak.

“Që nga java e kaluar EULEX`i ka kompletuar stafin e tij dhe në bashkëpunim me ta do të veprojmë në tërë territorin e veriut të Kosovës, duke qëndruar 24 orë në ditë”, tha Huruglica. Nga ekipet anti-kontrabandë prej vendosjes së tyre pas djegies së pikave, janë zbuluar gjithsejtë 941 kundërvajtje doganore dhe janë konfiskuar 91 automjete duke bartur mallra ilegale.

Me shpalljen e pavarësisë, 48 zyrtarë serbë të doganës së Kosovës ishin suspenduar pa pagesë për mosparaqitje të tyre në punë. Ata, drejtori i doganave i ka zëvendësuar me staf të ri nga radhët e minoriteteve për të ruajtur bilancin etnik.

Një punë tjetër që iu ka shkaktuar pak ngecje në realizim të punës ka qenë edhe arrestimi i gjithsejtë 84 oficerëve doganorë për shkak të aferave korruptive. “Një nga arsyet që i ka shtyrë këta oficerë të hyjnë në këto afera mund të jenë edhe pagat e vogla”, tha Huruglica.

Një vështirësi tjetër më punën e doganave ka qenë edhe mosndarja e hapësirës për ndërtimin e ndërtesës qendrore për doganën nga komunën e Prishtinës. Sipas zyrtarëve të doganave, faktorët kryesorë që kanë ndikuar për të rritur të hyrat në doganë kanë qenë rritja e efikasitetit në punë, menaxhimi i riskut, instalimi i skanerit në Han të Elezit dhe Aeroport. Një gjë që s’ka qenë gjatë vitit 2007 ishte edhe taksa e akcizës e cila ka pasur një rol me rëndësi në rritjen e të hyrave të vitit 2008.