Ali Ahmeti takon Nanon në Korçë në lidhje me "muxhahedinët" e Kondovës

[Faik]

Kryeministri shqiptar takoi dje në Korçë kreun e Bashkimit Demokratik për Integrimin

Kondova mbledh Nanon e Ali Ahmetin
Diskutohet situata e tensionuar dhe shkaktarët

--------------------------------------------------------------------------------

Altin Kreka


Kryetari i partisë më të madhe të shqiptarëve në Maqedoni dhe kryeministri Nano janë takuar dje në Korçë. Çështja kryesore e diskutuar në këtë takim ishte kriza më e fundit në Kondovë të Maqedonisë e situata aty dhe në Kosovë. Takimi mes tyre ishte lajmëruar një ditë më parë dhe është realizuar dje në mesditë.

Kryetari i Bashkimit Demokratik për Integrim në Maqedoni, parti në koalicionin qeverisës, ka mbvëritur dje në pikën e kalimit kufitar të Qafë-Thanës në orën 10 të paradites dhe është pritur nga miku i tij, Kryetari i Komitetit Shtetëror të Kulteve Ilir Kulla si dhe kryebashkiaku i Pogradecit. Më pas ata kanë udhëtuar në drejtim të qytetit të Korçës ku janë takuar me kryeministrin Fatos Nano në vilën Themistokli të këtij qyteti.

Pas një shëtitje nëpër qytet, Nano e Ahmeti janë ndalur në kampin e punëtorëve në kodrat sipër qytetit të Korçës. Ata kanë biseduar për rreth një orë kokë më kokë me njëri-tjetrin. Burime nga takimi thonë se është diskutuar në lidhje me situatën në Maqedoni e Kosovë. Por duket se Nano e Ahmeti kanë patur në qendër të diskutimit të tyre krizën më të fundit në fshatin Kondovë në Maqedoni ku disa ekstremistë kërcënojnë me destabilizim të vendit. Se çfarë është thënë në këtë bisedë komë më kokë, rreth shkaktarëve të krizës, zgjidhjeve dhe gjithë situatës në rajon mbetet mister. Intenerari i fundjavës së Kryeministrit Nano në Korçë dhe të vizitës së Ali Ahmetit ka vijuar në vilën Melko në fshatin Boboshticë pak kilometra larg qytetit. Në drekën e shtruar aty kanë marrë pjesë edhe ministri i Mbrojtjes Pandeli Majko njëkohësisht edhe deputet i Korçës, deputeti i Kolonjës Alfred Dalipi, prefekti i Korçës, kryetari i komitetit të kulteve Ilir Kulla dhe shefi i kabinetit të Nanos, Agim Isaku.

Biseda ka vijuar edhe më tej rreth çështjeve të diskutuara më parë. Në takim mësohet se Ali Ahmeti, kryetari i BDI i është drejtuar Nanos me fjalët: tani që nuk do jesh më kryeministër do ta shikosh se kush janë miqtë e vërtetë. Ne të falenderojmë për mbështetjen e gjithë këtyre viteve. Më pas kryeministri Nano ka ftuar kryetarin e BDI për disa ditë pushime në Shqipëri. Ali Ahmeti është deputet i BDI dhe kryetar i kësaj partie pjestare e koalicionit që qeverisës në Shkup aktualisht. Që pas zgjedhjeve të 3 korrikut kur partia e kryeministrit Nano humbi zgjedhjet ky është takimi i parë që ai ka zhvilluar dhe ku janë diskutuar çështje të rëndësishme siç është kriza më e fundit në Kondovë të Maqedonisë.

Ky fakt tregon për vetë rëndësinë e çështjes së diskutuar dje në takimin kokë më kokë mes kryeministrit Nano dhe kreut të partisë më të madhe të shqiptarëve në Maqedoni. Ky vend tani po përballet me një krizë në zonën e Kondovës ku ekstremistë provokojnë për destabilizim si dhe me çështje konfliktesh brenda komunitetit mysliman atje që përbëhet nga shqiptarët. Në Kondovë disa herë rresht ka patur përplasje me armë mes forcave të sigurisë dhe grupeve ekstremiste të cilat kundërshtojnë edhe marrëveshjen e Ohrit.

[Lioness]

Ne anen shqiptare, krahas Kondoves, nje krize e rende ka perfshire edhe Bashkesine Fetare Islame, nje organ qe perfaqeson administraten shpirterore se ciles i takojne ne shumicen derrmuese te gjithe shqiptaret e Maqedonise. Ngjarjet jane zhvilluar aq paralelisht dhe aktoret jane perzier aq fort me njeri- tjetrin ne kete histori dhe ne ate te rebelimit te Kondoves, saqe duken si te lidhura pazgjidhshmerisht.

"Po behet nje lufte e ashper per pushtet midis dy kraheve", thote Avni Halimi, gazetar dhe nepunes ne Bashkesine Islame. Ai thote se ne radhet e imameve vendas, po del ne pah perdite e me teper nje krah perkrahesish te rrymave filoarabe te grupuar afer myftiut te Shkupit Zenun Berisha. Ata luftojne te marrin kontrollin mbi gjithe institucionin dhe duket se kjo behet per te shtrire ndikimin mbi nje burim shume te mire financiar qe vjen si pasoje e pronesise se dhjetera dyqaneve ne carshine e Shkupit, qerate e te cilave i administron pronarja: Bashkesia Islame. Dy muaj me pare, kreu i Bashkesise Reisul Ulema Arif Emini dha doreheqjen, pas disa akteve te shemtuara rrahjesh dhe dhunimesh me kallashnikove qe ndodhen ne zyrat e institucionit. Disa bodyguarde te Zenun Berishes qe moren pjese ne keto akte, perfliten si pjese perberese e nje liste te zeze fanatikesh te rrezikshem qe SHBA-te e kane tashme ne dispozicion. E njejta gje thuhet edhe per vete Zenun Berishen dhe per krahun e tij te djathte Zejnullah Fazliun, i cili ndodhet ne Kondove ne krye te nje grupi prej atyre qe Halimi i quan "muxhahedine", nga ata qe marrin urdhera per te sulmuar cilindo imam qe nuk eshte pro tyre. Bashkejetesa e tyre me komandant Krasniqin ne fshatin e rebeluar rrezikon vertet ta kompromentoje imazhin e mbrojtesve te interesave kombetare shqiptare. Nga ana tjeter, te krijohet pershtypja se vertet permes tere kesaj rremuje, rreziku i fondamentalizmit islamik i kercenohet Maqedonise permes luftetareve shqiptare qe u zhgenjyen nga nacionalizmi dhe tani shume lehte mund ta kthejne kursin kah integralizmi. Shkrimtari i njohur shqiptar ne Maqedoni, Kim Mehmeti nuk e mendon keshtu. "Perkatesia fetare islame, nuk i ka penguar kurre shqiptaret te jene shqiptare te mire", thote ai. Per Mehmetin, kriza e Kondoves duhet ndare nga ajo e Bashkesise Islame. Kjo e fundit sipas tij eshte vetem nje problem materialist dhe aspak ideolgjik. "Muslimanet shqiptare te Maqedonise do te behen muxhahedine vetem pasi te tille te jene bere gjithe muslimanet e Shqiperise dhe te Kosoves. Ketu nuk do te ndodhe kurre dicka qe do te demtonte kombin pasi vetedija kombetare shqiptare tashme e mbizoteron prej vitesh ate fetare muslimane", thote Mehmeti.

Ramadan Ramadani, imami i xhamise se Isa Beut ne Shkup- dhe njekohesisht nje nga njerezit me te kthjellet ne bashkesine islame atje- thote se nuk ka nje lufte brezash mes imameve shqiptare ne Maqedoni. "Ju mund te mendoni se ka rivalitet mes atyre qe kane studiuar ne Arabi dhe imameve te vjeter autoktone", thote ai, por shton se kjo nuk eshte e vertete pasi ne Maqedoni te gjithe imamet dhe hoxhet jane te shkolluar ne lindje, qysh gjate periudhes se Jugosllavise. "Endrrat e mia kane qene dy: une te shkoj per haxhillek ne Meke dhe te vije locke Shqipnia ketu", thote nje taksist i vjeter shqiptar nga Kumanova qe vetquhet axha Selim. "Besimi fetar i ka ndihmuar shqiptaret te ruajne identitetin e tyre midis maqedonasve te grupuar rrotull kishes kombetare ortodokse e cila ia doli t'i asimiloje gjithe shqiptaret ortodokse", thote nga ana tjeter Avni Halimi. Por te shohesh me nje sy me pergjithesues, kane qene qeverite jugosllave apo maqedonase te 93 viteve te fundit ato qe e kane inkurajuar kete lidhje mes shqiptaritetit dhe islamizmit. "Ne vitet e Jugosllavise, prinderit sugjeroheshin t'i pagezonin femijet me emrat Hasan apo Jakup, por nese guxonin t'i quanin Ilir apo Arben, ata paditeshin per nacionalizem shqiptar", thote Besim Iljazi, nje gazetar nga filiali i Kohes Ditore ne Maqedoni. Deri para pak vitesh, cdo fshat shqiptar ne Maqedoni nuk kishte as problemin me te vogel per te ndertuar xhamine apo medresene e vet, por aty nuk lejohej hapja e nje shkolle shqipe. Kjo ka sjelle nje superprodhim hoxhallaresh shqiptare ne Maqedoni dhe ne nje vend ku shqiptaret kane qene per vite te radhe te perjashtuar nga sistemi i punesimit dhe nje rol dinjitoz ne shoqeri, xhybja dhe callma kane qene mundesia e vetme per mbijetese per shume njerez. Nje mundesi per t'i ikur realitetit te hidhur dhe mjerimit. Nje sherbim i ofruar me teperice, qe si i tille, ka natyrisht dhe anomalite e tij.

Kur une mberrita ne pjesen shqiptare te Shkupit, permes kalldremeve te vjetra dhe carshise plot aroma orientale, nje hije e pergjithshme hutimi hetohej ne syte e te gjitheve. Te rinjte, te dhjetuar nga kurbeti ishin fare te pakte, ndersa shumica e burrave dhe te moshuarve, terhiqnin kembet zymtesisht duke ecur kokeulur midis pluhurit. Dikush mundohej te shiste dicka ne tezga te improvizuara, disa gra me veshje muslimane shkriheshin ngadale tej si hije ne ato rruge si nen vranesire te perjetshme. Me terhoqi vemendjen nje burre i vogel dhe i veshur keq, me nje kolle qe te kepuste shpirtin qe endej sa nga nje lokal ne tjetrin me nje qese paketash cigareje ne duar. Varferia dukej qe ishte shtruar mire kembekryq. Shume nga ata qe takova kishin qejf te bisedonin per politike, per Berishen ne Tirane, per marreveshjen e Ohrit qe kishte hapur disa vende pune per shqiptaret ne Maqedoni, si dhe per komandant Agim Krasniqin qe "shume p'e tut shkaun". Por nderkohe mjerimi, skamja, deshperimi dhe vetedorezimi ishin te pranishme kudo. Peizazhi i hirte dhe primitiv i krahasuar me ate te pjeses tjeter te Shkupit, konturohej nder dhjetera banesa te ngushta ku shqiptare te shumte jetojne ngjitur, duke "i vjedhur" edhe oksigjenin njeri tjetrit, se bashku me familjet e tyre te shumta ne numer, midis telave te telefonit ne nje mishmash lidhjesh ilegale dhe minareve te xhamive nga ku rralle e tek degjohej pertueshem zeri i ndonje hoxhe.

[miri]

Merrdaita,
Une personalisht mendoj se mjekerra vetem e shemton njeriun dhe gjithashtu djersa e saj nuk durohet. Prandaj zgjidhja per Maqedonine eshte e njejte te rruhen dhe mos te lene nje mjekerr me u be te papaster. Eh ka lloj lloj mjekrrash por do te hap nje teme ne vete kur te kem pak kohe per analiza ekspertive sepse momentalisht po merrem me shkumsa. Shpresoj te kem ndihmuar sadopak me kontributin tim ne kete teme.

PS. Rruhuni njerez!

[Irfan]

I lus shqipetaret te Maqedonıs qe t"mos mirren me keshıllat e Nanos,e as me bashkpunıme e dhelpres dınake-greke-sllave.Aı,Nano-kalpsın e mbetur,ben perpjekje qe tı fus hundet e tı te perlyer edhe me shqıpetaret e Maqeedonıs.
Besonı fjales se Popullıt,Nese dıke nuk e do as shtepıja e vet(ne kete rast kemı Nanon),nuk duhemı tı paraqesım mıreseardhje....E Nese edhe Ali Ametı e ndıhe vete sı nje bırı ı popullıt te pa pelqyer ,le te behete dhelper e grekut-sllavıt...

[Irfan]

Lideri e PDSH-se Arber Xhaferri takohet me kryeministrin shqiptar Fatos Nano

Pas takimit me liderin e Bashkimit Demokratik per Integrim Ali Ahmeti ne Korce, kryeministri Nano eshte takuar te dielen me liderin tjeter te shqiptareve te Maqedonise , Arber Xhaferrin kryetari i PDSH. ...


Takimi mes Nanos dhe Xhaferrit eshte zhvilluar ne vilen Milenium ne Tushemisht te Progradecit prane kufirit maqedonas. Takimi mes tyre ka qene teper i rezervuar dhe pa pranine e mediave. Mendohet se edhe ne takimin me liderin e PDSH-se, Xhaferri teme te kete qene situata ne Maqedoni pas zhvillimeve ne Kondove. Nje dite me pare kryeminitri Nano takoi ne Korce kryetarin e Bashkimit Demokratik per Integrim, Ali Ahmeti ku u diskutua per situaten ne Kondove. Kryeministri Nano ka patur shkembime pikepamjesh me lideret e partive politike shqiptare ne Maqedoni rreth zhvillimeve ne republiken fqinje, cka eshte pare si nje pozicionim normal i shtetit dhe qeverise shqiptare ne lidhje me proceset stabilizuese ne Maqedonine fqinje, ku nje rol percaktues luan faktori shqiptar. /V.H./Liria

[Faik]

Gusht 10, 2005


Shërbimet e huaja sekrete ndjekin gjendjen në zonë. Dyshohen ekstremistë vahabistë

Tiranë-Shkup, plas alarmi i islamikëve
Nano-Ahmeti, biseda e fshehtë në Korçë për Kondovën


--------------------------------------------------------------------------------

Elira Çanga


Plas alarmi mes Tiranës dhe Shkupit rreth infiltrimeve të mundshme të ekstremistëve islamikë në Maqedoni. Grupe ekstremistësh të sektit "vahabit", mund të jenë përfshirë në rradhët e protestës së armatosur që po ndodh në Kondovë, një fshat në hyrje të Shkupit që ndodhet prej ditësh tashmë në duart e një grupi të armatosur rebel shqiptar, të komanduar nga Agim Krasniqi. Çeshtja, e ndjekur nga shërbimet europiane e amerikane, ka qenë në qendër të diskutimeve të qeverive shqiptare e maqedone. Sipas burimeve të Gazetës Shqiptare, ky problem është shqyrtuar javën e shkuar gjatë një takimi të rezervuar mes kryeministrit Fatos Nano dhe Ali Ahmetit, liderit shqiptar I BDI, që bën pjesë në koalicionin qeverisës në Maqedoni. Burime pranë Ahmetit, i thanë Gazetës Shqiptare se ceshtja "do të jetë në axhendën tonë bilaterale edhe kur në Tiranë të ketë ardhur në fuqi qeveria e re". Ajo çka preokupon konkretisht qeverinë maqedone dhe që duket se ka motivuar këtë ndërhyrje të saj pranë qeverisë shqiptare - është situate në Kondovë. Fshati që ndodhet në mes të Shkupit dhe Tetovës dhe i banuar tërësisht nga shqiptarë është kthyer në një zonë të lirë ku forcat ushtarake dhe policore maqedonase nuk hyjnë në të. Disa ish-ushtarë të UÇK-së janë bashkuar me disa djelmoshë me mjekra të gjata dhe pantallona treçerekëshe besimtarë praktikantë të fesë islame, të ashtuquajtur "tekfirë". E rëndësishme është që imazhi që kërkohet t'i jepet një fshati shqiptarësh në afërsi të Shkupit, është ai i një qendre që po përgatitet nëpërmjet xhihadit si formë veprimi dhe rezistence, të ndërrmarë veprime luftarake në Maqedoni të cilat synojnë të prishin Marrëveshjen e Ohrit dhe si rrjedhojë dhe vetë Maqedoninë. Njëherësh qarkullojnë fjalë se pas "tekfirëve" të Kondovës ka dhe mbështetje politike nga forca të caktuara politike shqiptare në Maqedoni. "Tekfirizmi" është një rrymë brenda vetë vehabizmit, që synon të luftojë tradhëtarët e besimit islam. Kjo është rryma të cilës i përket Zarkavi në Irak, i cili vret vetë myslimanët të cilët bashkëpunojnë me amerikanët, duke i quajtur ndryshe dhe "qafirë". Kështu shpjegohet pse një muaj më parë u godit me raketa nga njerëzit e Kondovës posta e policisë plot me policë shqiptarë, të konsideruar tradhëtarë nga tekfirët, postë e vendosur në një lagje në Shkup të banuar po ashtu tërësisht me shqiptarë. I kontaktuar nga Gazeta Shqiptare, Agim Krasniqi, I njohur si komandanti i rebelëve të Kondovës, i përgënjeshtroi kategorikisht këto dyshime. "Këtu në Kondovë nuk ka ekstremistë islamikë, por vetëm shqiptarë. Ali Ahmeti po bën një gabim të rëndë duke ia bërë t'i besojë këto gjëra edhe Tiranës", tha ai (intervistën e tij të plotë po e botojmë në këtë faqe). Nuk ka qenë megjithatë Ali Ahmeti ai që lëshoi I pari alarmin për prezencën islamike në Maqedoni. CIA (Drejtori i saj vizitoi Tiranën pak ditë para zgjedhjeve të 3 korrikut, ku takoi edhe shefat e shërbimeve sekrete të rajonit, përfshirë atë maqedonas), po e ndjek me kujdes të madh gjendjen në terren, megjithëse deri tani nuk duket të ketë ndonjë lidhje mes këtij alarmi nga njëra anë dhe mbylljes së ambasadës amerikane në Shkup gjatë dy ditëve, pak javë më parë. ky argument është trajtuar ndërkaq edhe nga Klod Monik, ekspert i shërbimeve sekrete me bazë në Bruksel, i cili ka paralajmëruar zyrtarisht rrezikun e lidhjeve mes një pjese të popullsisë myslimane maqedone dhe grupeve islamike vahabite.


Intervista/Flet për "Gazetën" kreu i rebelëve, Agim Krasniqi

"Në Kondovë nuk ka islamikë, por shqiptarë"

Kriza e Kondovës nuk do të zgjidhet nëse nuk garantohet aministia". Agim Krasniqi, lideri i grupeve të armatosura të fshatit "rebel" në Maqedoni, deklaroi dje për "Gazetën Shqiptare" se situata e tensionuar po mbetet peng i harresës maqedonase. Qeveria e Shkupit ende nuk ka marrë ndonjë masë për zgjidhjen e çështjes, ndërsa grupet e armatosura kanë paralajmëruar se situata do të përkeqësohet nëse nuk plotësohen kërkesat e tyre. "Ne vazhdojmë të qëndrojmë këtu, të armatosur dhe të gatshëm për t'u përballur me forcat maqedonase", tha Krasniqi, ndërsa pohoi se është i zhgënjyer nga neglizhenca e autoriteteve.

Sa e vërtetë është që në Kondovë kanë hyrë ekstremistë islamikë? Ky kjo çështje është diskutuar edhe në takimet e kryetarit të BDI Ali Ahmeti me drejtues të shtetit shqiptar. Ka islamikë në mesin tuaj?

Ali Ahmeti është një lojtar i dobët, ai në këtë mënyrë bën lojën e Cervenkovskit, i cili i ka ngatëruar shqiptarët me islamikët. Në këtë mënyrë Ali Ahmeti justifikon lojën e Cervenkovskit, por ai harron që edhe në jemi shqiptarë. Ai bën një gabim katastrofal duke deklaruar se në Kondovë ka tentative për të hyrë islamikët. Nuk ka asnjë shqiptar që lufton për Islamin, jo vetëm në Kondovë por edhe në gjithë Maqedoninë dhe në Kosovë. S'ka shqiptarë që luftojnë për Islamin këtu në Kondovë, ju a them me siguri që s'ka asnjë ekstremist islamik. Ne jemi një grup njerëzisht që bëmë luftën. në mesin tonë s'ka islamikë. Ai (Ali Ahmeti) bën një gabim të madh kur këtë gjë u a thotë edhe shqiptarëve.

A keni marrë ndonjë përgjigje nga autoritetet maqedonase për kërkesat tuaja?

Asnjë përgjigje. Askush nuk ka ardhur të kontaktojë me ne, askush nuk ka siguruar zgjidhjen e problemeve tona. Ne jemi ende këtu të armatosur dhe jemi të gatishmëri për çdo të papritur. Jemi në pritje të reagimit nga Shkupi, por kjo ende nuk ka ndodhur.

Po me liderët shqiptarë në Maqedoni a keni patur kontakte gjatë kësaj kohe?

Liderët shqiptarë vijnë këtu, flasin me ne, premtojnë shumë dhe nuk bëjnë asgjë. Arbër Xhaferri dhe Ali Ahmeti erdhën këtu në dhjetor dhe na kërkuan të dorëzojmë armët dhe t'i japim edhe një shans politikës më pas u larguan dhe nuk bënë asgjë për ne. Ne jemi ende në rrezik, forcat maqedonase kërkojnë të na arrestojnë dhe të na nxjerrin para gjyqit. Ndërsa, ajo që ne kërkojmë është vetëm të jetojmë të lirë si të gjithë.

Ju kërkoni mbi të gjitha amnistinë...

Ne kërkojmë amnistinë, kërkojmë që lufta jonë të institucionalizohet dhe të ketë rëndësi, që familjet që kanë humbur të afërmit e tyre në këtë luftë të marrin statusin e dëshmorit ashtu si ato sllavo-maqedonase. Por, mbi të gjitha ne kërkojmë të zbatohet Marrëveshja e Ohrit, e cila është shkelur dhe nuk është zbatuar në shumë pika të saj.

Deri kur do ta vazhdoni këtë qëndresë ?

Ne do të qëndrojmë këtu, me armë në duar, siç kemi bërë gjatë luftës së vitit 2001. Tashmë bëhen katër vjet të ngujuar këtu dhe ne nuk do të lëvizim pa na u plotësuar të gjitha kërkesat tona të ligjshme. Ne kemi forca të afta për të përballuar sulmet maqedonase dhe nuk do të heqim dorë nga kjo.


Qeveria e Shkupit, asnjë masë për zgjidhjen e krizës

Qeveria e Shkupit nuk ka marrë ndonjë masë për zgjidhjen e krizës së Kondovës. Edhe pse kjo çështje rrezikon të tensionojë situatën në vendet fqinje dhe në të gjithë Ballkanin, autoritetet maqedonase duket se e kanë anashkaluar atë. Një pjesë e madhe e ministrave të kabinetit qeveritar janë aktualisht me pushime, gjë që i ka bërë ta lënë jashtë vëmendjes çështjen e fshatit të vogël problematik. Ndërkohë, presidenti Branko Cërvenkovski dhe kryeministri Vllado Buçkovski kanë qenë më të angazhuar në zgjidhjen e një krize diplomatike me Beogradin lidhur me burgimin e kryepeshkopit Jovan. Kriza ka nisur disa muaj më parë, por me ndërmjetësimin e liderëve shqiptarë në Maqedoni, Ahmeti e Xhaferri, u duk sikur u zbut disi. Tensionet u rritën sërish kur grupet e armatosura të Kondovës paralajmëruan se situata mund të përkeqësohej nëse atyre s'do t'u garantohej amnistia.

[~Geri~]

Vazhdon epopeja perca dhe sundo.

Sa per kondoven nese Ali Ahmeti eshte bere deputet dhe rri ne zyre dhe i amnistuar nga ligji, kete te drejte duhet ta gezojne dhe shqiptaret e tjere dhe jo te rrine neper male si kacake.Porse amnistia ti kape dhe ato.Emrat qe deshiron ti jape Ali Ahmeti si terroriste ,muxhahedine, islamike etj shefit te tij ne pogradec Fatos Nano eshte pune e cila Ahmeti duhet ta llogarise mire, sepse Ballkani eshte barut, thote nje fjale popullore.Nese vriten ato djem nenash shqiptare ne kondove, Maqedonia fillon luften e dyte dhe po filloi lufta e dyte ne Maqedoni baruti ka veti qe e perhap flaken ne Kosove Mal te Zi , Bullgari , Turqie me rradhe , prandaj kjo gje nuk do ti sherbente aspak klimes per intergrim Europian te vendeve te ballakanit, ku ata inspirojne te anetaresohen.Inshalla hapat dhe situata zgjidhet paqesisht se perndryshe askush sdo kete dobi prej saj qofshin Maqedonas apo shqiptare.

[Faik]

Eeehh deri kur keshtu !!!!!


“Alfa” rrahu tre kumanovarë Shqiptare



Pasi i kanë rrahur, tre kumanovarët kanë fituar edhe padi penale për “sulm ndaj njësitit” Alfa” , ndërsa për momentin, janë dërguar të vuajnë masën e paraburgimit prej 15 ditëve
Të premten në Shkup njësiti special “Alfa” pa kurfarë shkasi ka rrahur vllezërit Nazmi dhe Sabri Emini nga Kumanova dhe dhëndërin e tyre Riza Islami nga Cërkezi i Kumanovës.

Siç tregon Lutfi Hyda, njësiti special “Alfa” me dy vetura civile dhe një veturë të tipit “Jeep” ua kanë ngushtuar rrugën tre udhëtarëve kumanovarë, të cilët kanë qenë duke udhëtuar për në Tetovë më një veturë me targa të Zvicrës. Në fillim ata janë fjalosur pasi policët kanë qenë me veshje civile, por ndërkohë kanë intervenuar edhe policët tjerë të cilët i kanë rrahur rëndë.

“Policët’Alfa’, pos që i kanë rrahur në mënyrë brutale, i kanë ofenduar në baza nacionale. Sabri Emini, një nga personat e rrahur, është dashur të kërkojë ndihmë mjekësore, ndërkaq Riza Islami ka thyer edhe nofullën, pasi është goditur disa herë me shkelëm në fytyrë”, ka thënë Hyda.

Sipas tij, në vend se të lirohen, personat në fjalë janë dërguar në burgun e Shutkës , ku do të qëndrojnë 15 ditë të paraburgosur për shkak se janë akuzuar se i kanë sulmuar njësitin “Alfa”.

Në anën tjetër, Borçe Peshevski zëdhënës i MPB-së, ka deklaruar se “MPB ka ngritur padi penale deri te prokuria e Shkupit nda personave Nazmi e Sabri Emini dhe Riza Islamit për shkak se në ora 15 e 30 të së premtes në Bulevardin ‘Jugosllavia’, pas një konflikti verbal të dhënies së përparësisë në komunikacion, tre personat në fjalë kanë përdorur forcë fizike dhe u kanë shkaktuar dëme dy personave të autorizuar”. Numri i policëve që i kanë rrahur qytetarët shqiptarë ka qenë rreth 15 veta, ndërsa për rastin janë njoftuar edhe të misionit “Proxima”.

10/08/2005 15:27:28

[Albo]

Shërbimet e huaja sekrete ndjekin gjendjen në zonë. Dyshohen ekstremistë vahabistë

Tiranë-Shkup, plas alarmi i islamikëve
Nano-Ahmeti, biseda e fshehtë në Korçë për Kondovën


Elira Çanga


Plas alarmi mes Tiranës dhe Shkupit rreth infiltrimeve të mundshme të ekstremistëve islamikë në Maqedoni. Grupe ekstremistësh të sektit "vahabit", mund të jenë përfshirë në rradhët e protestës së armatosur që po ndodh në Kondovë, një fshat në hyrje të Shkupit që ndodhet prej ditësh tashmë në duart e një grupi të armatosur rebel shqiptar, të komanduar nga Agim Krasniqi. Çeshtja, e ndjekur nga shërbimet europiane e amerikane, ka qenë në qendër të diskutimeve të qeverive shqiptare e maqedone. Sipas burimeve të Gazetës Shqiptare, ky problem është shqyrtuar javën e shkuar gjatë një takimi të rezervuar mes kryeministrit Fatos Nano dhe Ali Ahmetit, liderit shqiptar I BDI, që bën pjesë në koalicionin qeverisës në Maqedoni. Burime pranë Ahmetit, i thanë Gazetës Shqiptare se ceshtja "do të jetë në axhendën tonë bilaterale edhe kur në Tiranë të ketë ardhur në fuqi qeveria e re". Ajo çka preokupon konkretisht qeverinë maqedone dhe që duket se ka motivuar këtë ndërhyrje të saj pranë qeverisë shqiptare - është situate në Kondovë. Fshati që ndodhet në mes të Shkupit dhe Tetovës dhe i banuar tërësisht nga shqiptarë është kthyer në një zonë të lirë ku forcat ushtarake dhe policore maqedonase nuk hyjnë në të. Disa ish-ushtarë të UÇK-së janë bashkuar me disa djelmoshë me mjekra të gjata dhe pantallona treçerekëshe besimtarë praktikantë të fesë islame, të ashtuquajtur "tekfirë". E rëndësishme është që imazhi që kërkohet t'i jepet një fshati shqiptarësh në afërsi të Shkupit, është ai i një qendre që po përgatitet nëpërmjet xhihadit si formë veprimi dhe rezistence, të ndërrmarë veprime luftarake në Maqedoni të cilat synojnë të prishin Marrëveshjen e Ohrit dhe si rrjedhojë dhe vetë Maqedoninë. Njëherësh qarkullojnë fjalë se pas "tekfirëve" të Kondovës ka dhe mbështetje politike nga forca të caktuara politike shqiptare në Maqedoni. "Tekfirizmi" është një rrymë brenda vetë vehabizmit, që synon të luftojë tradhëtarët e besimit islam. Kjo është rryma të cilës i përket Zarkavi në Irak, i cili vret vetë myslimanët të cilët bashkëpunojnë me amerikanët, duke i quajtur ndryshe dhe "qafirë". Kështu shpjegohet pse një muaj më parë u godit me raketa nga njerëzit e Kondovës posta e policisë plot me policë shqiptarë, të konsideruar tradhëtarë nga tekfirët, postë e vendosur në një lagje në Shkup të banuar po ashtu tërësisht me shqiptarë. I kontaktuar nga Gazeta Shqiptare, Agim Krasniqi, I njohur si komandanti i rebelëve të Kondovës, i përgënjeshtroi kategorikisht këto dyshime. "Këtu në Kondovë nuk ka ekstremistë islamikë, por vetëm shqiptarë. Ali Ahmeti po bën një gabim të rëndë duke ia bërë t'i besojë këto gjëra edhe Tiranës", tha ai (intervistën e tij të plotë po e botojmë në këtë faqe). Nuk ka qenë megjithatë Ali Ahmeti ai që lëshoi I pari alarmin për prezencën islamike në Maqedoni. CIA (Drejtori i saj vizitoi Tiranën pak ditë para zgjedhjeve të 3 korrikut, ku takoi edhe shefat e shërbimeve sekrete të rajonit, përfshirë atë maqedonas), po e ndjek me kujdes të madh gjendjen në terren, megjithëse deri tani nuk duket të ketë ndonjë lidhje mes këtij alarmi nga njëra anë dhe mbylljes së ambasadës amerikane në Shkup gjatë dy ditëve, pak javë më parë. ky argument është trajtuar ndërkaq edhe nga Klod Monik, ekspert i shërbimeve sekrete me bazë në Bruksel, i cili ka paralajmëruar zyrtarisht rrezikun e lidhjeve mes një pjese të popullsisë myslimane maqedone dhe grupeve islamike vahabite.

Gazeta Shqiptare

[Albo]

Intervista/Flet për "Gazetën" kreu i rebelëve, Agim Krasniqi

"Në Kondovë nuk ka islamikë, por shqiptarë"

Kriza e Kondovës nuk do të zgjidhet nëse nuk garantohet aministia". Agim Krasniqi, lideri i grupeve të armatosura të fshatit "rebel" në Maqedoni, deklaroi dje për "Gazetën Shqiptare" se situata e tensionuar po mbetet peng i harresës maqedonase. Qeveria e Shkupit ende nuk ka marrë ndonjë masë për zgjidhjen e çështjes, ndërsa grupet e armatosura kanë paralajmëruar se situata do të përkeqësohet nëse nuk plotësohen kërkesat e tyre. "Ne vazhdojmë të qëndrojmë këtu, të armatosur dhe të gatshëm për t'u përballur me forcat maqedonase", tha Krasniqi, ndërsa pohoi se është i zhgënjyer nga neglizhenca e autoriteteve.

Sa e vërtetë është që në Kondovë kanë hyrë ekstremistë islamikë? Ky kjo çështje është diskutuar edhe në takimet e kryetarit të BDI Ali Ahmeti me drejtues të shtetit shqiptar. Ka islamikë në mesin tuaj?
Ali Ahmeti është një lojtar i dobët, ai në këtë mënyrë bën lojën e Cervenkovskit, i cili i ka ngatëruar shqiptarët me islamikët. Në këtë mënyrë Ali Ahmeti justifikon lojën e Cervenkovskit, por ai harron që edhe në jemi shqiptarë. Ai bën një gabim katastrofal duke deklaruar se në Kondovë ka tentative për të hyrë islamikët. Nuk ka asnjë shqiptar që lufton për Islamin, jo vetëm në Kondovë por edhe në gjithë Maqedoninë dhe në Kosovë. S'ka shqiptarë që luftojnë për Islamin këtu në Kondovë, ju a them me siguri që s'ka asnjë ekstremist islamik. Ne jemi një grup njerëzisht që bëmë luftën. në mesin tonë s'ka islamikë. Ai (Ali Ahmeti) bën një gabim të madh kur këtë gjë u a thotë edhe shqiptarëve.

A keni marrë ndonjë përgjigje nga autoritetet maqedonase për kërkesat tuaja?
Asnjë përgjigje. Askush nuk ka ardhur të kontaktojë me ne, askush nuk ka siguruar zgjidhjen e problemeve tona. Ne jemi ende këtu të armatosur dhe jemi të gatishmëri për çdo të papritur. Jemi në pritje të reagimit nga Shkupi, por kjo ende nuk ka ndodhur.

Po me liderët shqiptarë në Maqedoni a keni patur kontakte gjatë kësaj kohe?
Liderët shqiptarë vijnë këtu, flasin me ne, premtojnë shumë dhe nuk bëjnë asgjë. Arbër Xhaferri dhe Ali Ahmeti erdhën këtu në dhjetor dhe na kërkuan të dorëzojmë armët dhe t'i japim edhe një shans politikës më pas u larguan dhe nuk bënë asgjë për ne. Ne jemi ende në rrezik, forcat maqedonase kërkojnë të na arrestojnë dhe të na nxjerrin para gjyqit. Ndërsa, ajo që ne kërkojmë është vetëm të jetojmë të lirë si të gjithë.

Ju kërkoni mbi të gjitha amnistinë...
Ne kërkojmë amnistinë, kërkojmë që lufta jonë të institucionalizohet dhe të ketë rëndësi, që familjet që kanë humbur të afërmit e tyre në këtë luftë të marrin statusin e dëshmorit ashtu si ato sllavo-maqedonase. Por, mbi të gjitha ne kërkojmë të zbatohet Marrëveshja e Ohrit, e cila është shkelur dhe nuk është zbatuar në shumë pika të saj.

Deri kur do ta vazhdoni këtë qëndresë ?
Ne do të qëndrojmë këtu, me armë në duar, siç kemi bërë gjatë luftës së vitit 2001. Tashmë bëhen katër vjet të ngujuar këtu dhe ne nuk do të lëvizim pa na u plotësuar të gjitha kërkesat tona të ligjshme. Ne kemi forca të afta për të përballuar sulmet maqedonase dhe nuk do të heqim dorë nga kjo.