PS: Nuk do të njohim zgjedhjet

[Qerim]

Kreu i PS-se pranon publikisht per here te pare disfaten ne zgjedhje. Kryesocialisti ben fushate per Cecon ne Gjirokaster. Alibia: Humbem pasi zbatuam standardet. Me 21 gusht do te fitojme ne te tre zonat

Kryetari i PS-se, Fatos Nano, u takua dje me socialistet e qytetin te Gjirokastres, ne zonen zgjedhore ku do te rivotohet me 21 gusht per kandidatet Makbule Ceco dhe Genc Ruli. Gjate bisedes me strukturat e lokale te PS-se, ai kerkoi menaxhim me te mire te situates parazgjedhore, sidomos ne diten e votimit, "ne menyre qe fitorja t"i perkase kandidates Ceco". Kryeministri Nano e cilesoi humbjen e 3 korrikut nje aksident. "Me fitoren ne tre zonat zgjedhore, ne 21 gusht, na jepet mundesia e krijimit te nje mazhorance te re. Ne luftuam per standarde, ndersa ata per manipulime. Rezultati i 3 korrikut ishte nje aksident", ka vijuar Nano. Ne kete menyre, kreu socialist pranoi dje per here te pare publikisht disfaten e se majtes ne zgjedhjet parlamentare. Ai e justifikoi humbjen, me angazhimin e PS-se per te zbatuar standardet nderkombetare te zgjedhjeve. Takimi i socialisteve, i zhvilluar me dyer te mbylluara, u mbajt ne seline e deges lokale. Sipas kryetarit te deges lokale te PS-se ne Gjirokaster, Zylfo Cobani, "takimi i sotem kishte te bente me masat organizative per perballimin e situates ne rivotimin e dates 21 gusht". Ne zonen elektorale nr.90, ne qytetin e Gjirokastres, do kete riperseritje te zgjedhjeve, ku per Partine Socialiste kandidon Makbule Ceco, ndersa per Partine Demokratike kandidon Genc Ruli.

Nderkohe, pak dite me pare Partia Demokratike ka zhvilluar aktivin e saj ne Gjirokaster ku i deleguari i kryesise se kesaj partie per ne qytetin e gurte ka qene Ridvan Bode. Bode ne fjalen e tij perpara demokrateve te rrethit rikonfirmoi se Genc Ruli, pavaresisht fitores ose jo ne rivotimet e 21 gushtit do te jete pjese e kabinetit qeveritar. Ne fjalen e tij sekretari i pergjithshem i PD-se i ka kerkuar socialisteve te shfaqin xhentilese politike per te ndihmuar vendin si de te pranojne humbjen qe pesuan ne 3 korrik. Bode u perqendrua dhe te zgjedhjet e 21 gushtit ku theksoi se edhe pse Ruli eshte nje nder personat me intelektuale te PD-se ai mund te behet pre e manipulimeve te socialisteve. Ne takimin e mbajtur me demokratet e Gjirokastres ishte i pranishem dhe kreu i Partise Bashkimi per te Drejtat e Njeriut ne Gjirokaster, Spiro Ksera i cili konfirmoi deklaratat e kreut te PBDNJ-se, Vangjel Dule se do te mbeshtesin fuqishem kandidaturen e Rulit ne Gjirokaster. Nderkohe, kryetari i PAD-se, Neritan Ceka ishte tre dite me pare ne qytetin jugor per te bere fushate per kandidaten e Partise Socialiste ne kete zone, Makbule Ceco. Ceka deklaroi se Ceco eshte nje nga figurat me te spikatura te se majtes ne Shqiperise dhe se fitorja e saj do te balancoje rezultatin e zgjedhjeve parlamentare. Partia Socialiste shpreson te marre edhe votat e elektoratit te LSI-se ne zgjedhjet e 21 gushtit.

Zedhenesi politik i Levizjes Socialiste per Integrim, Sokol Dervishaj, deklaroi pak dite me pare se kjo parti nuk do t"i beje thirrje elektoratit te saj per te votuar ne zgjedhjet e 21 gushtit. "Ne nuk do t"i bejme thirrje votuesve tane per te hedhur voten per njerin apo tjetrin kandidat. Vete ne nuk do te marrim pjese ne keto zgjedhje me kandidatet tane", tha Dervishaj. Ai i mohoi kontaktet zyrtare mes krereve te Partise Socialiste dhe Levizjes Socialiste per Integrim, per te gjetur nje formule bashkepunimi ne zonat zgjedhore ku do te rivotohet me 21 gusht. Megjithate, mesohet se drejtues te Partise Socialiste kane marre kontakte me kreret e Levizjes Socialiste per Integrim duke kerkuar votat e kesaj partie ne tre zonat zgjedhore.

[Qerim]

Kryetari tha në Gjirokastër se PS punoi për standardet, kurse PD organizoi manipulimin

Nano pranon humbjen e zgjedhjeve

“Procesi i numërimit të votave të zgjedhjeve të 3 korrikut ishte një aksident i madh për PS”

Anila Rama

Kryetari i PS-së, Fatos Nano, ka vendosur të flasë në mënyrë analitike nga Gjirokastra për atë që ndodhi me PS-në në zgjedhjet e 3 korrikut. Pas një tërheqjeje të pashpjegueshme prej më tepër se një muaji nga pjesëmarrja në zhvillimet politike paszgjedhore të partisë së tij, kryeministri në ikje ka pranuar, në mënyrë të tërthortë, humbjen e PS-së në këto zgjedhje. Gjatë një takimi të zhvilluar dje me strukturat e PS-së në Gjirokastër, ku ditën e diel do të ripërsëriten zgjedhjet elektorale dhe do të votohet për të zgjedhir deputetin e zonës ose Makbule Çeçon e PS-së, ose Genc Rulin e PD-së, Nano është shprehur se humbja e maxhorancës së socialistëve në këto zgjedhje erdhi si pasojë e vjedhjes së votave nga ana e PD-së. Ai i ka cilësuar zgjedhjet parlamentare të 3 korrikut si një aksident të rëndë për socialistët. “Në këto zgjedhje ne punuam për realizimin e standardeve evropiane të zhvillimit të zgjedhjeve, ndërsa PD-ja organizoi manipulimin e tyre. Në pikëpamje të administrimit të procesit të votimit e të numërimit të votave, zgjedhjet e 3 korrikut ishin një aksident i madh për PS-në. Nuk jemi ne humbësit. Humbës është e gjithë shoqëria shqiptare”, - tha Nano. Kreu i PS-së ka vlerësuar më tej se PS-ja humbi kontrollin e votës, sepse u besoi në standardet, aq shumë të kërkuara edhe nga ndërkombëtarët. Por sipas tij, edhe këtë radhë, pavarësisht nga ecuria e zgjedhjeve, Shqipëria edhe kësaj here nuk u ka shpëtuar vlerësimeve negative për procesin zgjedhor. “Shqipëria edhe kësaj here, nuk i shpëtoi vlerësimeve negative për procesin zgjedhor e kjo për faj të PD-së. Ne e humbëm kontrollin e votës dhe besuam në standarde. E bëmë këtë akt me vullnet të plotë politik dhe ky është një investim politik e njerëzor i socialistëve. Por ne e kemi nisur procesin e madh të integrimit evropian, dhe në këtë integrim socialistët kanë luajtur rolin e lokomotivës e kështu do të vijojnë. Prandaj ne s'duhet të tutemi, por të trimërohemi e të përcaktojmë detyrat e përgjegjësitë tona si në "uzurpim", pasi hapësirat demokratike tashmë janë të uzurpuara nga njerëz jo të lirë, por me atavizma e paragjykime”, - tha Nano.
Për qeverinë e Berishës
Ai nuk ka harruar t’i kujtojë kryeministrit të ardhshëm, Sali Berisha, që do të drejtojë qeverinë e dalë nga zgjedhjet politike, se kabineti i tij nuk do të jetë në gjendje të përshpejtojë procesin e reformave apo edhe adminstrimin e ekonomisë së ngritur prej socialistëve. Nano tha ndër të tjera se Shqipëria, me atë që ndodhi në këto zgjedhje, humbi shanset për të ecur në rrugën e integrimit. “Berisha dhe qeveria e tij nuk mund të administrojnë dot këtë ekonomi që kanë ngritur socialistët në këto tetë vjet, nuk mund të lëvizin përpara shoqërinë shqiptare, nuk mund të përshpejtojnë procesin e reformave. Përkundrazi, Shqipëria humbi shanset për ecur më shpejt drejt integrimit, për të realizuar më shpejt reforma ekonomike, për t’u integruar në familjen evropiane. Tashmë mbrojtja e këtyre arritjeve është një detyrë sa qytetare, aq dhe patriotike. E në këtë kontekst se kush prej nesh duhet të nxjerrë përgjegjësitë e detyrimet e veta. Berisha e pasuesit e tij nuk mund të të qeverisin, sepse nuk kanë kuptuar mentalitetin evropian të integrimit, të hapjes dhe të partneritetit. Nuk mund të bëhet kompromis me një pushtet të vjedhur, me deformimin që ju bë procesit dhe administrimit të votës së shqiptarëve”, - tha Nano. Gjatë takimit, Nano u ka bërë thirje strukturave të PS-së të rikuperojnë sa më shpejt aksidentin që pësuan më 3 korrik dhe të punojnë që të risjellin të majtën në pushtet. Ai ka kërkuar prej tyre që të mobilizohen e të dalin fitues në raundin e dytë të zgjedhjeve më 21 gusht, pasi në këtë mënyrë socialistët do të kenë mundësi të mos lejojnë një qeverisje abuzive. Sipas tij, duke ruajtur votën e qytetarëve në këto zgjedhje, do t’i tregohet Berishës e të gjithë organizmave ndërkombëtare se e majta është fituesja reale e zgjedhjeve të 3 korrikut 2005. Nano i bëri thirrje qytetarisë gjirokastrite që të votojë socialisten, Çeço përballë një kandidati të PD-së, si Genc Ruli, që tashmë nuk ka asnjë mision apo motiv si politik, ashtu edhe njerëzor, përpos aferave dhe mentalitetit të vjetër berishjan.



16/08/2005
KATEGORIA: Politike

[Dr Rieux]

Sekretarja për marrëdhëniet publike në PS paralajmëroi se nuk do të njihen zgjedhjet në tri zonat

PS: Nuk do të njohim zgjedhjet

Bufi: Nëse do të ketë probleme më 21 gusht, do të rishikojmë qëndrimin

Darina Tanushi

TIRANË – Socialistët nuk do të njohin zgjedhjet, nëse, sipas tyre, do të ketë manipulime në tri zonat ku pritet që të ketë sërish zgjedhje këtë të diel që vjen. Skema e socialistëve është sqaruar dje nga i ngarkuari i PS-së për çështjet elektorale, Ylli Bufi, pyetur nga gazetarët pas një deklarate të bërë nga sekretarja për marrëdhëniet me publikun, Valentina Leskaj, pas takimit me shefin e misionit të ODHIR-it, Jorgen Grunet. “Insistimi i PS-së është që nëse do të vazhdojnë shkeljet dhe do të vazhdojnë presionet, të cilat u japin pamundësi komisionerëve tanë të marrin pjesë në votime dhe të ndjekin procesin, të bëjnë detyrën e tyre - po kështu për vëzhguesit dhe qytetarët - do të shkojmë deri në mosnjohje të rezultatit”, - u shpreh Leskaj, pas takimit me Grunet. Sipas sqarimit që bëri më pas Bufi, fillimisht PS-ja do të presë zhvillimin e zgjedhjeve në tri zonat. Nëse ato do të rezultojnë me probleme, atëherë nuk do të njihet rezultati i zgjedhjeve fillimisht për këto tri zona. E më pas, nëse ky rezultat do të shikohet se ndikon në rezultatin e përgjithshëm, atëherë vendimi i socialistëve është edhe më i ashpër, për mosnjohje të zgjedhjeve në tërësi. Kjo pak a shumë është skema e bërë nga socialistët, të cilët vazhdojnë të mos e pranojnë plotësisht humbjen në këto zgjedhje. Edhe vetë kryetari Nano e quajti aksidentale rezultatin e dobët të zgjedhjeve të 3 korrikut, duke u shprehur madje edhe kryelartë se do të qëndrojë në krye të PS-së për ta drejtuar atë dhe bazën e për të shkurtuar kohën e qeverisjes së Berishës. Drejtuesit socialistë ende shpresojnë në një rezultat përfundimtar që jep 69 deputetë për të majtën dhe 71deputetë për të djathtën. Kjo është shprehur edhe dje nga deputeti Ylli Bufi, por në një llogari të thjeshtë e majta mund të kapë këtë shifër vetëm duke llogaritur brenda saj deputetët PAA-së dhe ata të PBDNJ-së, të cilët tashmë kanë firmosur një marrëveshje me Berishën. PS-ja shpreson gjithashtu që të fitojë të tri zonat që janë në përsëritje si dhe Islamin, për të cilin vendimi do të merret nga Kolegji Zgjedhor të hënën që vjen. Tashmë fushata për zhvillimin e zgjedhjeve në zonat 2, 64 dhe 90 do të vazhdojë edhe për dy ditë, sot dhe nesër. Nano u takua në fillim të javës me socialistë dhe strukturat e partisë në Gjirokastër e më pas në Lushnjë, ndërsa sot, një ditë pas kundërshtarit të tij, Berisha, ai pritet të zhvillojë tri takime në tri komuna të Shkodrës që përfshihen në zonën 2. Edhe pse pak a shumë është përcaktuar skema e lëvizjeve të PS-së, burimet bëjnë të ditur se drejtuesit do të presin mbledhjen e Parlamentit për të filluar më pas edhe analizat në parti. Të njëjtat burime thanë për “Shekullin” se asnjë mbledhje kryesie nuk është përcaktuar të ketë këto ditë, para zhvillimit të zgjedhjeve në tri zonat 2, 64 dhe 90. Ndoshta pas daljes së rezultatit të tyre, mendohet që të veprohet për ndonjë ripërtëritje brenda partisë.

[Dr Rieux]

Socialistet pergatiten te hedhin poshte te vetmen kredi politike qe mund te nxirrnin nga zgjedhjet e 3 korrikut: ate te organizmit te zgjedhjeve te lira, ndonese jo te ndershme, dhe rrotacionin e bute te pushtetit. Kjo kredi do te kishte 100 fish me teper vlera per shqiptaret ne pergjithesi sepse do te vendoste precedentin per zgjedhjet e ardhshme, qe keto te vazhdonin te ishin te lira (dhe me te ndershme) ne te kundert socialisteve do tu jepej nje argument derrmues.

Por cpo ndodh: ata qe kishin pushtetin qendror, ate lokal ne shumicen derrmuese te bashkive kryesore (Tirane, Durres, Vlore), policine dhe adminstraten shteterore akuzojne se opozita i ka vjedhur zgjedhjet. Gjasme-provat e tyre ska dale anje institucion me shumice socialiste qe ti konsideroje te mundshme. Ne 15 vjet pluralizem gjithmone pala humbese ka kundershtuar per manipulime si ne 91, 96 dhe 01, por asnjehere ska ndodhur qe pushteti te akuzoje opoziten per kesoj gjerash. Ska ndodhur ndonjehere qe te ankimohen te gjitha zonat qe ka fituar partia kundershtare (pervec Berishes dhe Topallit) perfshi dhe zona qe jane humbur me 30% te votave. Apo qe ministri i Rendit te ankohet se policet e tij, ne komisariatin qe u ngrit posacerisht ne zonen e tij 1 muaj para zgjedhjeve, ti kene vjedhur votat.

E gjitha kjo ka nje shpjegim te qarte: Nano, qe ka shfaqur papergjegjshmerine me te skajshme te mundshme te nje udheheqesi, do tregoje dhe burracakerine dhe nuk do pranoje se i ka humbur zgjedhjet 'fair and square', rrjedhimisht nuk do te leshoje kreun e partise. Mbetet per tu pare se cfare reagimi do mbaje pjesa tjeter e PS-se ne opozite: do futet ne rresht apo do ti dale kunder duke cuar uje ne mulli te pozites dhe LSI-se.

[km13]

PS me Nanon ne krye po behet një force sa antikombëtare dhe aq e papërgjegjshme me veprimet e saj. Nga një ane, vete Nano ne te gdhire te 3 korrikut deklaroi se me zgjedhjet fitoi mbare Shqipëria e me vone kur mori informacionin se humbja ishte e sigurte ju kthyen tani taktikes se tokës se djegur. Jo vetëm me ketë deklarim te mundësisë se mosnjohjes se zgjedhjeve por edhe me vendimet me te fundit te marre nga qeveria tashme e me shume se një muaj e ikur.
As nuk ju dhemb e as ther për vendin. Kujtonin se ja kish lëne baba me tapi postet. Tani qe duhet t’i lëne del se zgjedhjet paskan qene te manipuluara. Zgjedhjet zakonisht manipulohen nga kush ka pushtetin e jo nga ata qe kane çelsta e kashtës, siç i kish PD-ja deri me 3 korrik.
PS do beje mire t’i thotë PD-se na merre merr celesat sa me shpejt se perdite vetem krime degjohen nga jugu ne veri e mos përsërit gabimet tona; e tjetra, është e rëndësishme qe PS-ja si forca tashme kryesore ne opozitë te ketë një fytyrë konstruktive e jo një si ajo e Nanos qe sidomos ne mandatin e dyte u tregua komplet i papërgjegjshëm. Perndryshe sado mire te punoje qeveria e PD-se, ne rast se e ka opoziten desktruktive, veshtire te besosh se vendi do te ece perpara.