Shqipëria - Azerbajxhani [2:1]

[OO7]

Sot ne oren 19:00 Luhet ndeshja Miqesore mes Kombetares tone dhe Kombetares se Azerbaxhanit ! Trajneri Hans Peter Brigel ka dhënë dje në sallën e konferencave të hotel "Adriatikut" në plazhin e Durrësit një konferencë për shtyp, ku ka prezantuar jo vetëm gjendjen e ekipit para ndeshjes miqësore me Azerbajxhanin, por dhe strategjinë e rinovimit të kombëtares shqiptare, ku çdo gjë do të fillojë pas eliminatoreve të Botërorit 2006. Në konferencën për shtyp para gazetarëve, Brigeli ka theksuar se përpara kemi një takim miqësor me Azerbajxhanin dhe tri takime zyrtare me Kazakistanin, Ukrainën dhe Turqinë, ku takimi i fundit mund të jetë përcaktues për vendin e dytë në grup.

"Vetëm pas përfundimit të eliminatoreve të Botërorit të Gjermanisë, - ka theksuar Brigeli, - do të fillojmë punën me futbollistët e rinj dhe zboret me futbollistët e perspektivës, që do të jetë edhe strategjia për rinovimin e kombëtares shqiptare. Këtë edicion do ta përfundojmë me këta futbollistë që kemi, me ndonjë përjashtim të mundshmëm, ndërsa pas eliminatoreve do të punojmë me futbollistët e rinj."

Duke iu referuar ndeshjes miqësore me Azerbajxhanin, Brigel ka theksuar: "Azerbajxhani ka karakteristika që i afrohen skuadrës së Kazakistanit, me të cilin do të ndeshemi në fillim të shtatorit në Tiranë. Nuk ka vend për nënvlerësim të kundërshtarit, por ne duhet të jemi të motivuar në këtë ndeshje, edhe pse është miqësore. Skuadra duhet të luajë me 100% të mundësive të saj."

Për sa i përket formacionit të parë, Brigeli ka deklaruar: "Në formacionin e parë ndoshta nuk do të jenë një pjesë e futbollistëve të zakonshëm, në një kohë që në pjesën e dytë do të ketë sërish ndryshime."
Duke iu përgjigjur pyetjes së "Sportit shqiptar" në lidhje
me dëmtimet në vijën sulmuese dhe mungesën e Rrakllit, trajneri Brigel ka deklaruar: "Myrtaj dhe Bogdani do të jenë nga një pjesë loje, në një kohë që çdo futbollist i ka të hapura portat e kombëtares. Pra, gjithçka varet nga paraqitja dhe motivacioni i secilit futbollist që dëshiron të bëhet pjesë e kuqezinjve."
Në lidhje me mospërfshirjen në kombëtare të futbollistëve të tillë si Daniel Xhafa, Agoli dhe Salihi, që kanë formë të mirë, trajneri Brigel është shprehur: "Kur ne marrim 3 lotarë të rinj, në media thuhet se pse s'keni marrë tre të tjerë, duke harruar që ka edhe një limit në përzgjedhje."
Për sa i përket mungesës së tij në ndeshjet që ekipet shqiptare zhvilluan në kompeticionet europiane, në një kohë që kolegu i tij bullgar, Stoiçkov, e ndoqi CSKA në edhe në Tiranë, trajneri Brigel u përgjigj: "Stoiçkov kishte të drejtë që ta ndiqte takimin që zhvilloi CSKA-ja, pasi gjysma e këtij ekipi përbëhej nga futbollistë të përfaqësueses."

Në lidhje me modulin e lojës, Brigeli ka deklaruar se do të luajmë vetëm në sulm, pasi kundërshtari dihet se do të mbrohet. "Në radhë të parë duhet të luajmë mirë, pasi dhe me Ukrainën luajtëm në sulm, por pësuam dy gola. Shpresoj të kemi një mbrojtje të mirë dhe të shënojmë," - ka nënvizuar gjermani i stolit kuqezi.

Brigeli nuk ka bërë të ditur emrin e kapitenit të skuadrës, në kushtet kur në fushën e lojës mund të mungojë Tare, por ka thënë se "do të jetë kapiten ai futbollist që ka zhvilluar më shumë takime me ekipin përfaqësues."
Në lidhje me çështjen e shumëpërfolur "Berhami", Brigeli ka deklaruar: "Berhami do t'i shërbente shumë skuadrës përfaqësuese, por nëse ai do të luajë të mërkurën në ndeshjen miqësore me Zvicrën, duhet harruar çështja "Berhami". Një lojtar që nuk e ndien veten shqiptar, nuk mund të luajë me përfaqësuesen e Shqipërisë. Ai duhet të jetë krenar për vendin e tij. Unë si gjerman nuk do të ndihesha mirë nëse do të luaja për Zvicrën. Shqiptarët duhet të luajnë për Shqipërinë."

Në lidhje me situatën në grupin tonë kualifikues, Brigeli ka
diagnostikuar: "Megjithëse Danimarka është në vendin e katërt, ka shanse për t'u kualifikuar. Ata janë ekipi më i mirë në grup. Për fatin tonë të keq, kemi qenë në grupin më të vështirë, ku çdo skuadër do të ishte e denjë për t'u kualifikuar. Si Danimarka, Turqia apo Greqia mund të luanin në botëror. Danezët për mua janë ekipi më i mirë në grup dhe kanë shanse për të zënë vendin e dytë". Përsa i përket Haxhit dhe Muratit, Brigeli ka deklaruar se do të aktivizohen që të dy nga një pjesë loje. Në lidhje me ndonjë
lëshim të mundshëm në favor të Turqisë në ndeshjen e fundit eliminatore, Brigeli është përgjigjur prerazi dhe shkurt: "Nuk mund të imagjinohen gjëra të tilla në futbollin profesionist."

I Urojme Kombetares Sone Nje Fitore Sa me te Thelle me Azerbaxhanin !

FoRcA ShQiPeRiA

[OO7]

E pra sic e keni pare dhe vete Shqiperia jone e dashur ka fituar ngushte sot ndaj nje kundershtari i cili se kishte idene se ca duhej te gjunte ! Topin do te thoni ju ! Kundershtari jone po lunte me taktiken Fut e Bjer Ca Te Gjesh Para ! Per QIME kane shpetuar Skela Bushi Cana dhe Tefik Osmani nga kjo taktike e re ne futbollin "E HUAJ" ! Fillon ndeshja ! Lojtaret tane qarkullojhne pak topin po ju vjen keq per kundershtaret dhe ja u japin te shenojne nje gol ! 1-0 per Azerbaxhanin ! Qe nga ky moment fillojne te sharat e Tifozeve vendas qe e quajne Elvin Beqirin ..... , ..... , ...... dhe ....... ! Ska gjo nji rast qe ! Vazhdon lojen shume dobet Kombetarja jone pa rrezikuar shume porten Kundershtare ! Tifozen vendas merziten dhe fillojne te shajne Greqine aty rreth minutes se 20 te lojes ! Sec kane me Greket e shkrete keta tifozet tane ! Greket qe e ndiejne kete behen keq dhe pesojne golin pare ne ndeshjen e tyre !

Belgium [1 - 0] Greece

19' [1 - 0] E. Mpenza

Te sharat vazhdojne dhe Greket Demoralizohen Komplet ! Pesojne golin e dyte pak minuta me pas !

Belgium [2 - 0] Greece

24' [2 - 0] M. Mpenza

Me pas te sharat vazhdojne perseri po duke u perkthyer gjate kohes ne gjuhe te ndryshme qe ndoshta te kuptoheshin nga Arbitri apo Lojtaret e huaj qe te kuptonin qe me ne nuk behet shaka ! Une e parmoja ishim tuj honger fara kur na vjen njoni thote : "Sa o neshja mer" ! 1-0 thame ne ! "EC ATY" tha ai ! "Thashe une qe do fitojshim" ! osht 1-0 per Ata mer thame ne ! "OU E paskan bo nji mer tha ! PTUH Sikur ta disha qe do humnim"! Tuj pa neshjen e tuj honger fara vjen nje deklarate e Parmos qe me kap mua ne befasi ! : "Parma ka mor presidentin e ish Realit " Ehe i thashe une te ish-Realit ! "JO Ish-realit" tha pramoja "Ish Presidentin e Realit" ! Vete e the mer i thashe ! "Ik re kujt ja bo kto ti" mtha Pramoja ! Une e pashe qe u nxef dhe e lashe ! Nderkohe qe vjen minuta e 40 dhe shqiperia shenon ! 1-1 ! Gjithe stadiumi tu brohorit ! Vec parmoja filloi tu shajt ! Cke me ri thashe ! "Ik re mlej rehat" tha "Se me ra cumcakizi" Une tu maru tu qesh parmoja tu shfry inatin ! Hec mo thashe ka halle tjetri ! Maron pjesa pare dhe ne na marojne Farat! Pyt anej Pyt knej gjetem njonin ! Blejme fara ! Fillon ndeshja ! Behen Nderrime ! Gjate pushimit lindi nje argument se kush qe lojtari qe kishte NR 15 ! Ca thoshin Berhami! Ca thoshin osht i huj ! Me vone u mesua se ishte Redi Jupi ! Tuj pa neshjen Tu Gerthit e tu shajt ! Iku loja ne erdhi momenti i golit ! Cana qe merr topin Pengohet dhe me sy rrezon kundershtarin qe kishte para futet ne zone me Top ! Dhe shenon ! 2-1 Per NE ! Tuj pa neshjne Tuj Honger fara ! Maroi dhe neshja ne une erdha me ju bo komentin ! Hece pra mo se fitum ! Mos e rruni hic !!

[Davius]

Cana shpëton nderin e kombëtares

Nuk ka qenë as Tare, as Rraklli dhe as Bogdani, por pikërisht futbollisti energjik i PSG-it, Lorik Cana, ai që i ka dhënë fitoren kombëtares sonë përballë modestëve të Azerbajxhanit. Gjithkush mund të kishte menduar se do të ishte një fitore mjaft e lehtë e tanëve, pse jo edhe me një goleadë, por ka rezultuar e kundërta. Kuqezinjtë tanë kanë vuajtur në një pjesë të madhe të lojës dhe është dashur vetëm grinta e Lorik Canës, që më një shpërthim nga mesfusha ka arritur të shmangë këdo që i ka dalë përpara dhe në fund edhe portierin mik, i cili e ka pasur të pamundur të bëjë diçka para gjuajtjes së fuqishme të mesfushorit tonë, e cila përfundoi në trekëndëshin e majtë të portës. Ky ka qenë momenti më i mirë i ndeshjes së mbrëmshme, ku tanët arritën të mposhtnin jo pa vështirësi kombëtaren e Azerbajxhanit.

Skuadra jonë e ka nisur shumë keq lojën, kur pa kaluar më shumë se dy-tre minuta është ndëshkuar nga një pakujdesi e mbrojtjes, pikërisht e Elvin Beqirit, i cili e la të lirë sulmuesin mik, që nuk e pati aspak të vështirë të shënonte përballë Hidit me një gjuajtje të fortë e të saktë.

Trajneri Brigel kishte hedhur në fushën e lojës një formacion krejt të ri, ku në vijën e parë të sulmit rreshtohej Alban Bushi dhe sulmuesi i Karlsruhes, Edmond Kapllani, ndërsa mesfusha në pjesën e parë të takimit i ishte besuar Blendi Shkëmbit, Altin Lalës dhe Edvin Muratit, që, megjithëse punuan mjaft me topin, nuk arritën t'i japin rrezikshmëri sulmit tonë. Ndërsa Sina, me inkursionet e tij nga e djathta, krijoi pështjellim në mbrojtjen kundërshtare, por pa pasur rrezikshmërinë e duhur. Skuadra jonë, pas pësimit të golit, u mundua të merrte shpejt frenat e lojës, ku Lala, Cana, Hasi e Shkëmbi u munduan të krijonin aksione të njëpasnjëshme që nga mesfusha, por në fazën sulmuese e kishin të pamundur t'i finalizonin me sukses rastet e krijuara.

Ndërsa kundërshtarët tanë, duke e ditur forcën e skuadrës sonë në mesin e fushës, ushtruan presion në gjysmëfushën e tyre, madje duke rrezikuar shpesh portën e Hidit, e cila mund të themi se ishte e pafat që nuk pësoi golin e dytë pak minuta pas të parit. Në këtë rast, portieri i kombëtares sonë ka qenë me fat, kur sulmuesi kundërshtar e dërgoi topin mbi traun e portës. Lojtarët tanë ushtruan presion gjatë gjithë kohës dhe vetëm në minutën e 37-të arritën të barazonin rezultatin.

Pas një goditjeje të lirë në afërsi të zonës së portës mike, e ekzekutuar nga mesfushori i Hanoverit Altin Lala, topi ka përshkuar të gjithë zonën e portierit për t'u devijuar jo me fuqinë e duhur nga Kapllani, por Alban Bushi, i cili ndodhej aty pranë, nuk e ka pasur aspak të vështirë ta dërgonte topin në rrjetë. Goli i barazimit i dha më shumë besim skuadrës sonë, që në minutat e mbetura të pjesës së parë e kontrolloi më mirë lojën, por pa arritur ta dyfishojë rezultatin. Me këtë rezultat të barabartë ka përfunduar pjesa e parë e takimit, që gjithsesi ishte nën nivelin mesatar. Ashtu siç ishte parashikuar, në pjesën e dytë, trajneri ynë kryen zëvendësime të shumta, duke filluar që nga dushja e sulmit, ku në vend të Kapllanit dhe Bushit aktivizohen Myrtaj e Bogdani.

Ndërsa në mesfushë i vjen radha Skelës, Haxhit dhe Jupit. Kjo pjesë fillon e vrullshme për tanët, që në minutat e para krijojnë disa raste të rrezikshme, por pa e gjetur rrugën e rrjetës. Sulmuesi i Katanxaros është shumë i lëvizshëm dhe u jep mundësi mesfushorëve tanë të gjejnë hapësira për të depërtuar deri në zonën kundërshtare, por është paksa i ngathët në lëvizjet me topin. Krosimet nga e djathta janë të gabuara dhe pa rrezikshmërinë e duhur. Në raste të veçanta, sulmuesit tanë janë të detyruar të ktheheh në mesin e fushës për të kërkuar pasimin e shokëve, duke i dhënë mundësi mbrojtjes kundërshtare ta kontrollojë siç duhet sulmin tonë. Atëherë kur kundërshtari dukej më i sigurt se kurrë në fazën mbrojtëse, vjen ndëshkimi i lojtarit energjik të PSG-së.

Pasi ka rrëmbyer një top në afërsi të zonës kundërshtare, Cana ka depërtuar fuqishëm, duke shmangur dy mbrojtës dhe përballë portierit e ka dërguar topin fuqishëm në trekëndëshin e djathtë të portës kundërshtare. Avantazhi i krijuar nuk u shfrytëzua siç duhej nga futbollistët tanë, që duket se ishin të kënaqur me këtë rezultat. Kundërshtarët nuk u pajtuan me rezultatin e fiksuar në pjesën e dytë dhe kërkuan me ngulm barazimin. Megjithatë, sulmet e tyre ishin të pafuqishme dhe përmbylleshin jo në mënyrën e duhur. Hedhjen në sulm të azerbajxhanasve nuk e shfrytëzuan si duhet sulmuesit tanë, që në një rast arritën edhe të shënonin, por në pozicion jashtë loje. Nga fundi i takimit, trajneri Brigel kryen zëvendësimin e fundit, që është sa për statistikë, ku në vend të Sinës aktivizohet Dallku.

Këta minuta krijuan njëfarë monotonie dhe asnjëra nga skuadrat nuk po arrinte të krijonte raste shënimi. Vërshëllima e gjyqtarit turk shënoi fundin e takimit, që gjithsesi, nuk u ngjit asnjëherë në nivele të larta, ndoshta kjo edhe për vetë faktin se futbollistët vijnë nga një periudhë e gjatë pushimesh dhe disa prej tyre nuk janë në formën e tyre më të mirë. Kjo ndeshje miqësore i paraprin takimit me Kazakistanin për eliminatoret e botërorit që do të zhvillohet në Gjermani. Një takim ky i lehtë për kombëtaren tonë, që e ka mundur kundërshtarin nga Azia edhe në takimin e parë të luajtur në trasfertë

[Davius]

Brigeli: Nuk duhet të pësojmë gola të tillë

Ka fituar, por nuk ka qenë aspak i kënaqur trajneri i kombëtares sonë pas ndeshjes miqësore të mbrëmshme ndaj Azerbajxhanit. E ka pranuar vetë që në fillim të konferencës për shtyp se loja e skuadrës që hodhi në fushë në pjesën e parë ka lënë për të dëshiruar, madje e ka quajtur tepër konfuze dhe pa nerv. Sidoqoftë, para së gjithash ai e ka konsideruar të pafalshme dhe të kthyer në një \"sëmundje\" kronike për kuqezinjtë tanë pësimin e golit që në minutat e para të lojës, gjë që po përsëritet nga ndeshja në ndeshje kohët e fundit. Duke bërë një rezyme të shkurtër të asaj që dhanë kuqezinjtë tanë mbrëmë në \"Qemal Stafa\", ndaj Azerbajxhanit, gjermani i kombëtares sonë tha: \

"Ju e patë vetë që në pjesën e parë vuajtëm dhe nuk ishim të qartë, madje futbollistë të veçantë ishin edhe konfuzë, diçka e paspjegueshme për mua. Nuk e kuptova përse ndodhte kjo, pasi bëhej fjalë për një ndeshje miqësore, ku futbollistët duhej të luanin lirshëm. Sidoqoftë, skuadra që hodha në fushë në pjesën e parë nuk ishte më e mira, por e mbushur me disa lojtarë që doja t\'u jepja një mundësi për të treguar veten e tyre. Pra, ishte hera e parë që luante ai formacion, prandaj çaloi jo pak organizimi dhe harmonizimi i reparteve. Në pjesën e dytë hodha titullarët në fushë dhe e patë se si ndryshoi loja jonë.

Verprimet tona ishin më të qarta në mesfushë, aty ku çaluam në pjesën e parë dhe për pasojë krijuam disa raste për shënim. Barazuam dhe kaluam në avantazh, por për mendimin tim duhej të kishim fituar më thellë, sepse kishim raste, por i shpërdoruam ato. Unë e kisha parandier që do të kishte shenja nënvlerësimi te lojtarët e mi, sepse niveli i kundërshtarit ta impononte në fakt një gjë të tillë, por nga kjo për pak ë pësuam, pra mund të mos fitonim. Gjithsesi, goli i Canës pati vlera të dyfishta, jo vetëm se prishi barazimin 1-1, por ishte shumë i bukur për nga realizimi. Për mua si trajner, kjo miqësore më shërbeu shumë, sepse pashë gjendjen reale të futbollistëve që kisha thirrur në prag të ndeshjes zyrtare me Kazakistanin.

Mund të them se jam i kënaqur nga shumica e tyre, por kishte edhe nga ata që lanë për të dëshiruar. Po kështu, edhe futbollistëve që e aspirojnë një vend titullari në kombëtare, ua dhashë mundësinë ta thonë fjalën e tyre dhe të tregojnë se çfarë janë në gjendje të bëjnë. Disa më kënaqën me paraqitjen e tyre, por pati edhe ndonjë që më zhgënjeu. Sidoqoftë, nuk kam ndërmend të përmend emra, as për ata që zhvilluan një ndeshje cilësore, as për ata që nuk ishin në nivelin e duhur.
Pas kësaj miqësoreje, nuk na mbetet gjë tjetër, veçse të përgatisim me qetësi ndeshjen e radhës me Kazakistanin, ku do të kërkojmë patjetër fitoren."

[viganv]

Urime fitoren Shqiperise,gol fantastik i Canes

[niku-nyc]

Shum shum dobet komtarja, rroft ai Lorik Cana qe gjithnje luan me shpirt dhe na shpetoi nga barazimi i turpshem. Dicka po mer fund me Brigel qe kur filluan humbjet ne Gjeorgji dhe deri sot.
Ndeshja tjeter e rradhes esht Kazakistani te njejtin nivel si Azerbaijan dhe ne qoftese luajm dhe ate ndeshje si dje Brigel duhet te largoet se nuk kemi te ardhme per kualifikimet e UEFA 2008.

[Davius]

Nuk eshte ndonje rezultat per t'ja bere qejfin vetes. Eshte nje paraqitje e zbehte e taneve kundra ekipit modest nga Evropa Lindore. Lojtaret e Azerbejxhanit erdhen ne Shqiperi per te provuar forcen e tyre momentale dhe per pak sa nuk shkuan me fitore.

Ka nevoje per reforma thelbesore ne kombaren shqiptare te drejtuar nga nje gjerman, phuuu sa poshter qe vret, kombetare shqiptare e drejtuar nga nje gjerman

[Duke_Of_Arberia]

Duke pare komentet mendoj qe organizimi dhe rezultati i kesaj ndeshjeje eshte nje Skandal i vertete. Ne rradhe te pare Briegel vazhdon te mos grumbulloj futbolliste si Salihi, Xhafa, Agolli, Beqaj etj etj pa dhene asnje shpjegim. Federata vazhdon akoma me çmimet e saj super te larta te lere tifozet jashte stadiumit. Futbollistet tane, me perjashtim te disave, vazhdojne te nenvleresojne kundershtaret duke rrezikuar humbjen si me Azerbajxhanin.

E thene ndryshe, duhet ndryshuar me rrenje e me dhemballe federata si dhe duhet ndryshuar trajneri nje here e me pare. Te them te drejten nuk jam shume tifoz i ndonje trajneri shqiptar, ndoshta nje i huaj do ta menaxhonte me mire kombetaren, duke u bazuar te forma futbollisteve dhe jo tek miqesite qe ka me ta. Megjithate nuk kemi nevoje per nje Briegel, qe nuk rri asnje dite ne Shqiperi perveç se para ndeshjeve te kombetares, dhe qe as nuk merr mundimin te vij ne stadium per te ndjekur talentet e ndryshme te kampionatin tone. Nuk e di se ku do shkojme me kete situate aktuale te kombetares. Eshte e kote te enderrojme 2008 kur perveç se nje fitore me greqine, me te gjithe kunderstaret direkt jemi mundur mbrenda e jashte Qemal Stafes.

PS: Me vjen shume keq qe Cipi gjigandi i mbrojtjes shqiptare, ne kuptimin e plote te fjales, nuk eshte me pjese e kombetares. Per me teper qe ka zgjedhur te luaje me Flamurtarin ne kategorine e dyte duke mos patur me ambicjet e dikurshme... Shpresojme qe do ndryshoje mendje, nuk eshte akoma vone...

[Hyllien]

Duhet ndonje tip trajneri lindor, tip ukrainas, cek, kroat apo dhe hungarez(nese ka ndonje ne vazhden e lavdishme te ati ekipi), qe keta e kishin ne mendje por nuk u ben kurre ndermend te jepnin oferten dhe ai iku. Ata punojne forte dhe nuk e cajne koken shume. Keta perendimoret trecereku kane p_rdhe shume, ata qe jane te mire ne nuk kemi mundesi ti paguajme, dhe ka shume paragjykime ndaj nesh.

Me shqiptaret nuk behet gje, jo sepse nuk dine, por sepse sic u tha me siper kane miqesira me lojtaret e behet si qebaptore kombtarja.

PS: Cipi eshte pjese e kombetares. Ose nuk ka luajtur sepse ky ka bere eksperimente me te tjere kete ndeshje, ose eshte i demtuar.

[StormAngel]

Urime per fitoren