Tërheqja e Izraelit nga Rripi i Gazës

[Labeati]

Per mendimin tim sfida me e madhe do te jete brenda vete palestinezeve.

Problemi me i madh qe ato do te ndeshin eshte ai i autoritetit shteteror efektiv.

1) Sikurse dihet Palestina nuk ka ekzistuar kurre si shtet me pare, pra i mungon tradita.

2) Se dyti ka rreth 50-60 vjet qe e gjithe popullsia ka vuajtur nga konflikti dhe ka nje shkalle te madhe urrejtje ne nje pjese te popullsise, shkaktuar nga humbjet njerzore, krizat ekonomike etj. Mirepo kjo urrejtje tashti i mban peng te dogmave dhe i pengon ne adaptimin me gjendjen e re.

3) Politikat e shteteve arabe kane krijuar disa fraksione te armatosura, per lufte k/Izraelit por me shume per te kontrolluar gjendjen simbas interesave te veta. Keshtu jane grupet terroriste Jihad, hamas, Al-Fatah etj. Shteti palestinez do te jete shume i dobet ne rast se shtetet arabe si Irani, Arabia Saudite, Siria do te sfidojne ate nepermjet aktivizimit te ketyre grupeve te cilat i financojne vete.

4) Problemet ekonomike dhe korrupsioni galopant. palestines i mungojne burimet dhe kapacitetet per vet-financim prandaj eshte e varur nga ndihmat e jashtme. Gjithashtu armiqesite dhe infiltrimet e terroristeve vetvrases ne Izrael kane bere qe punetoret palestineze te zevendesohen me algjeriane, rumune, etj, keshtuqe qe nje burim i madh te ardhurash kane nderruar destinacion duke keqesuar ekonomine e mijra familjeve.
Shtoji kesaj korrupsioninne qindra miliona dollare, popullsia ka shume mundesi te humbase besimin.

5) Siguria e kufirit. Shteti plestinez do te duhet te kontrolloje kufirin e vet dhe te ndaloje aktivitetin terrorist. Hamas etj kane deklaruar se lufta e tyre mbaron kur te zhduket Izraeli nga faqja e dheut. Keto sulme mund te provokojne sulme dhe bllokime nga ana e Izraelit. Nje port i ri do ndertohet ne Gaza, dhe kjo do te jete e para lidhje direkte me boten per Palestinezet, bor duhet garantuar qe nuk do te kryhet trafik ilegal armesh etj nga grupet terroriste.

Pra shume sfida por cdo gje e ka nje fillim.... Ne fakt do te kishte filluar nja 5-6 vjet para po te mos ishte Arafati ne krye te PLO...

[Dito]

Eshte gjeja me mend qe bene izralitet.

Dito.

[Lioness]

Po shikoja sot ne televizor imazhet e ushtareve izraelite, qe merrnin zvarre kolonet ne Gaza. Njerez qe qanin, luteshin, protestonin. Me erdhi keq nga pikepamja humane, megjithese kjo duhet te kishte ndodhur kohe me pare. Me te njejtat emocione, dhimbje dhe keqardhje shoh imazhet nga West Bank e tankeve izraelit qe u drejtohen femijeve te "armatosur" me gure. Duke qene se disa here naiviteti ka tendece te shfaqet mbi realitetin, pyes veten perse njerezit nuk mund te jetojne dot ne paqe krah per krah me njeri-tjetrin.

Nejse, mjaft me emocione!

Realiteti eshte ky: Ne Gaza jetonin rreth 8000 kolone, te rrethuar nga 1 milione palestineze qe jetojne ne varferi. Shtetit izraelit i kushtonte shume te ruante ate zone, jo vetem nga ana financiare dhe ushtarake, por edhe nga ana e opinionit nderkombetar.

Ariel Sharon do ta paguaj politikisht kete levizje, por ne deklaratat qe ka bere, pas shpernguljeve ne Gaza, do shperngulen vetem 4 te tjera ne West Bank. Qytetet e tjera jo vetem qe nuk do preken, por do perforcohen, disa prej tyre do zmadhohen.

Persa i perket Gazes, sic tha Labeati qeveria palestineze duhet te marre ne dore ate zone sa me shpejte, per te mos e lene ne duart e Hamas. Por problemet kane filluar qe tani. Serat ne Gaza (ku ne shume prej tyre punonin palestineze) jane bere molle sherri. Qeveria amerikane ka kompesuar Izraelin 150 milione dollare qe t'i le serat per palestinezet. Por autoritetet palestineze, per shkak te korrupsionit po luftojne ndermjet tyre per pronesine. Nderkohe, disa punetore palestineze, qe paguheshin 10 euro ne dite, jane shprehur se ata do mundohen te gjejne pune ne sera te tjera izraelite, sepse ne asnje biznes tjeter palestinez nuk paguheshin aq shume. Per me teper, nqs do presin derisa qeveria palestineze te zgjidh problemin e serave, ato do kthehen nga "Green Houses" ne "Yellow houses."

Ne zhvillime te tjera, nje qytetar izraelit ne West Bank mori pistoleten nga nje polic, dhe filloi te qellonte, tre palestineze u vrane. Tensionet jane shume lart.
Situata eshte delikate, megjithate le te shpresojme se do behet me mire.

[~Geri~]

Eshte gjeja me mend qe bene izralitet.

Dito.

Problemi eshte se dolen disa prifterinj hebrej dhe e mallkuan Sharonin per kete gje.I njejti veprim u krye ne nje seance po nga keto prifterinj edhe per Zhak Rabinin dhe ai u vra.

Mirepo une mendoj se kjo terheqje ka nje mesele shume te forte brenda.Rryma antisimetite eshte rritur shume se fundi ne Europe dhe urretja e vendeve te lindjes se Mesme vjen nga fakti i konfliktit Palestinezo-Izraelit konflikt ky shume vjecar nga i cili Izraeli gjithmone ka ecur me idene se kufijte e tij duhet te shtrihen deri ne lumin Eufrat.Mirepo kesaj here taktika mund te jete ndryshe.

Une thme se do te kete nje 11 shtator tjeter.Si do te jete ky 11 shtator.

E para punes po i terhiqet botes vemendja se Izraeli po eben te veten dhe po terhiqet nga tokat e pushtuara Palestineze.

Tani ka dy gjera.

Kjo terhekje po behet se do filloje ndonje lufte me Iranin Ose Sirine dhe kjo kerkon nje terheqje te koloneve Izraelite nga rripi i gazes per te qen me te mbrojtur nga kjo lufte .

Ose Fakti tjeter eshte se nese do te ndodhe nje akt terrorist i planifikuar me se mirri nga sherbimet sekrete te Mosadit atehere Izraeli do te legjimitoje ne syrin e publikut nderkombetar pushtimet e tij ne palestine plus kesaj ai do te shtoje dhe toka te tjera nen pushtetin e Sharonit.

Pra kjo eshte 11 shtatori i ri.

Ju do thoni qe kjo eshte propgande etje etj.

Mirepo duke e njohur mire natyren hebreje, idete, planet dhe synimet e tyre ju them duroni dhe koha ka per te terguar kete qe une po ju them.

~Geri~

[Lioness]

Mire e ke, z. Geri, ta leme kete diskutim fare. Te lexojme vetem citatet e tua, se sic duket, e ke thene dhe vete, paske cilesi profetike.

Por per hir te debatit, sa per lufte me Sirine, e mban mend se cfare u be ne 1967? Ku si rrjedhoje u pushtua Gaza?
Sa per Iranin, hmmm, mendoj te kujtohet se cfare ndodhi me eksperimentin e Sadamit me fabriken berthomore, nje dite ishte aty, te nesermen ....

[Lioness]

Tërheqja nga Gaza - "rast historik"

Shumë gazeta evropiane sot i kushtojnë vëmendje të posaqme tërheqjës izraelite nga Rripi i Gazës.

E përditshmja gjermane FRANKFURTER ALLGEMEINE ZEITUNG thotë se nuk është e sigurt se tërheqja e Izraelit nga Gaza do të ringjallë procesin e paqës.

Gazeta beson se tërheqja nuk ishte menduar asnjëherë si një koncesion ndaj palestinezëve që edhe ata të përgjigjen me diçka të ngjashme nga ana e tyre.

Ajo vëren se kryeministri izarelit, Ariel Sharon në një fjalim televiziv të hënën nuk kishte shpallur ndonjë koncesion tjetër nga ana e Izraelit.

Kjo, thotë gazeta tani i hap rrugën palestinezëve që të dëshmojnë vehten sa i përket luftës kundër terrorizmit si dhe gadishmërisë për të punuar për paqë.

Megjithatë, e përditshmja suedeze EXPRESSEN beson se tërheqja e sukesshme e izraelitëve nga Gaza mund të krijojë bazën e fortë për një proces të ardhshëm paqësor ndonëse sipas saj ekstremistët tek të dyja palët do të bëjnë gjithcka për të penguar këtë proces.

Nuk ka asnje dyshim, thotë gazeta, se qeveria izraelite është e vendosur që të çojë deri në fund tërheqjen e premtuar.

Por sfida më e madhe nuk është tërheqja nga Gaza por krijimi i kushteve për një marrëveshje afatgjate paqësore mes izarelitëve dhe palestinezëve, thotë ajo.

Gaza mund të jetë fillimi i fundit të konfliktit - konkludon e përditshmja suedeze.

Synimi përfundimtar duket i qartë - dy shtete të pavarura të lira nga persekutimi politik dhe terrorzmi, dhe mvaret se si do ta përdorin këtë shans presidenti Abas dhe kryeministri Sharon.

E përditshmja daneze BERLINGSKE TIDENDE pajtohet se tërheqja e izraelitëve nga Gaza është një rast historik.

Por ajo kujton se raste të ngjashme në këtë rajon më parë kanë dalur por nuk janë shfrytëzuar.

Gazeta thotë se evakuimi i izraelitëve mund të mos e sjell paqën menjëherë në Lindjen e Mesme por sjell një rast ideal për t'i dhënë një shtytje procesit të paqës.

Por e përditshmja daneze thotë se presioni ndërkombëtar dhe sidomos ai amerikan është i domosdoshëm në mënyrë që procesi të jetë i suksesshem .

Ajo paralajmëron se pa përfshirjen amerikane në tërheqjen e sotme do të jetë edhe një rast tjetër historik i dështuar.

[Hyllien]

Geri, a do kete lufte mbetet per tu pare!

Palestines me te vertete qe i bie nje detyre e rende ne ditet ne vijim.
Do te jete nje provim per autoritet Palestineze. Nese e humbasin, edhe Hamasi do te forcohet me teper, pakenaqesia e Palestinezeve do rritet, konflikti mund te ndizet me keq.
Perveç veshtiresive te brendshme, gjendjen e Rripit te Gazes e veshtireson dhe qendrimi i Izraelit. Izraeli pengon formimin e nje zone te mirefillte nen autoretin palestinez. Izraeli do ta forcoje kontrollin e Gazes, nga toka, ajri dhe deti. Mendohet te ndertohet nje sistem i ri rrethimi ne kufirin tokesor, me kulal vrojtimi, kamera, njesore elektronike, nga deti do te kontrollohet me nendetese, dhe kontrolli ajror, dhe pikerisht per kete Gaza mund te kthehet ne nje Burg Masiv. Ky burg masiv veçse rrit sigurine e Izraelit, izolon popullin palestinez jo vetem politkisht se kush po e vret mendjen per pavaresi politike ne kete gjendje, por dhe nga ana ekonomike. Gaza jo vetem do ndertohet por i duhet te mbahet me ndihmat nderkombetare.

Palestinezet e morem vesh se do fitojne ca toka (territori i Gazes rritet me 30% pas largimit te Izraelitive) per te perplasur koken, se jane mbi 1.300.000 ne nje zone te vogel.
Po Izraeli çfare do fitoje nga kjo terheqje?
Pushtimi i Gazes po i kushtonte shume Izraelit, ekonomikisht, ushtarakisht dhe mbi te gjitha po i demtonte imazhin ne Arenen Nderkombetare. Por ky eshte vetem fitimi qe reklamohet.
Izraeli synon zgjerimin e pushtimit ne Bregun Perendimir (West Bank) dhe Sharon e ka thene qarte qe nuk do te ulen ne tryezen e bisedimeve ne kete çeshtje dhe as per Jeruzalemin. Kjo terheqeje mund te jete dhe fillimi i permushjes po dhe fundi tragjik i endrres Palestineze.
Sharon nuk e ndermorri kot kete hap qe po i kushton shume ne politiken e brendshme.

Ata Izraelite qe po largohen me dhune po vuajne, ata palestineze qe vdesin çdo dite vuajne edhe shume me teper....kush me teper kush edhe me shume, popujt vuajne si gjithnje!


Paqe dhe Liri!

[DeuS]

Terheqja e Izraelit nga Gaza...do ta turperonte edhe Kalin e Trojes!

Me vjen per te qeshur se e parashikoj te ardhmen...pak a shume!

Mezi do pres te lexoj reagimet tuaja, pas ca kohesh...

Sa i adhuroj kto skenare mer yahoo...

[oiseau en vol]

Situata eshte delikate, megjithate le te shpresojme se do behet me mire.

As qe diskutohet qe situata do te jete me e mire. Une per aq sa di dhe degjoj dhe shoh, Izraeli eshte nje shtet demokratik me njefare perqindje fetaresh te "thekur". Siç mund ta keni vene re, une jam kunder çdo lloj mjekroshi (flas per besimtaret qe shkojne si dele dhe jo per kleriket se ata per ate mjekerr paguhen). Nje mjekerr dredha-dredha e nje djaloshi te ri çifut qe shalakatet duke kenduar dhe duke menduar qe arabet jane me pak se hiç nuk vlen me shume se mjekrra e nje arabi qe peshtyn e turfullon duke thene qe çifuti eshte per tu pjekur ne hell (meqe ra fjala tek ky helli : si ka mundesi qe "hell" ne shqip, dmth ku piqesh, ka te njejtin kuptim, pothuaj, me "hell" ne anglisht, dmth ferr ku edhe atje ka zjarre percellues ? hmmm... ).

Keshtu pra, sa per Gerin qe nuk sheh ma larg se dunat e reres ose kur ato rrafshohen sheh ndonje mirazh ne qiell, nuk kam ç'them. Viktimizimi eshte shume i demshem. Pse more Geri, po si nuk e the nje fjale te mire per diçka qe po ecen ne ate drejtim qe e duan te gjithe, perveç atyre qe ky drejtim do t'u heqe motivet e pelcitjes si salçiçe neper autobusa te Haifas apo Tel-Avivit ? Dil o derezi nje here dhe thuaj : "po shoke, ketu me pelqen. Duhet ndenjur syhapur por fillimi mire duket." Ja keshtu dhe te gjithe thone : iiiiii sa çun i mire ky Geri

Mbetshi me shendet o miq !

[Albo]

Terheqja e papritur e Sharon nga Gaza behet per nje mori arsyesh, dhe nuk ka qene nje vendim i lehte i tij.

Arsyeja kryesore ishte nderhyrja e SHBA ne Irak. Nje nga arsyet perse Arafat nuk firmosi planin me te mire te paqes ne dhjetor 2000 ne pranin e Barak dhe Clinton, ishte frika per jeten e tij nga liderat arabe te rajonit. Nese Arafat do te firmoste paqen, ai do te shihej si paqeberes ne Perendim, por jo ne boten arabe qe ushqehet perdite me urrejtje per shtetin e Izraelit nga vete rregjimet e ketyre vendeve. Dhe nga te gjithe liderat arabe, Husein kishte kontrollin me te madh mbi vete lidershipin palestinez dhe ishte nje tiran i paparashikueshem. Presidenti Bush, nje prej mesimeve qe nxorri nga perpjekjet e pashterueshme te parardhesit te tij Klinton ishte se diktati i paqes nga SHBA mbi dy palet eshte i pafrytshem dhe kunderproduktiv. Nese vete palet nuk e kerkojne paqen, SHBA nuk do te implikohej direkt ne konfliktin 30 vjecar.

Shume analiste amerikane mendonin se "rruga e paqes ne Lindjen e Mesme kalon permes Bagdatit", qe do te thote se vetem duke hequr qafe Sadam Husein dhe duke riintegruar Irakun ne familjen nderkombetare, konflikti Palestinezo-Izraelit do te kish nje shans real per tu zgjidhur ne paqe.

Arsyeja e dyte eshte vdekja e Arafatit dhe zgjedhja e Abu Mazen. Arafat i shkeli me kembe te gjitha planet e paqes qe iu serviren dhe nuk ishte aspak i interesuar per paqe, por vetem per te perzgjatur sundimin e tij. Arafat zgjodhi rezistencen e armatosur qe u njoh si "intifada" kur ishte ende duke bere negociata ne Washington me Clinton. Pasardhesi i Klinton, Bush, e beri te qarte qe ai Arafat e shihte jo si nje pale ne zgjidhjen e konfliktit por si nje pengese ne zgjidhjen e konfliktit, dhe per aq kohe sa Arafat do te qendronte ne krye te Palestinezeve, Washingtoni nuk do te ofronte asnje plan paqeje. Arafati i dogji te gjitha shanset e tij ne syte e Washingtonit.

Arsyeja e trete eshte realiteti demografik i Ripit te Gazes. Ripi i Gazes eshte mbase rajoni me dendesine me te larte te popullsise ne bote, ku nje numer i vogel izraelitesiht jetojne te rrethuar nga qindra mijra palestineze. Numri i lindjeve te palestinezeve eshte teper i madh, edhe pse kjo eshte nje prej zonave me te varfera ku gjejme edhe shume kampe refugjatesh te shperngulur. Vete kjo prani e instalimeve izraelite ne Ripin e Gazes e bente te pamundur cdo plan paqeje dhe raporti midis izraeliteve dhe palestinezeve ishte 1 izraelit me 80 palestineze. Izraeli ka nevoje per te riatdhesur izraelitet e instalimeve pasi me te njejtin problem demografik Izraeli perballet edhe brenda territorit te vete ku jetojne 1 milione shtetas izraelite me origjine palistaneze.

Arsyeja e katert eshte mbeshtetja qe Izraeli po i jep Abu Mazen ne perpjekjet e ketij te fundit per te fituar duelin me forcat anarkiste terroriste qe veprojne ne Palestine, sic eshte Hamas. Duke i terhequr forcat dhe njerezit nga Ripi i Gazes, Izraeli i jep keshtu nje fitore Abu Mazen me te cilen ai mund te fitoje kapital politik ne syte e vete popullit te tij. Arafat nuk mund ti clironte dot Gazen, por Abu Mazen mundi te negocioje largimin e instalimeve izraelite nga Gaza. Ne kete menyre, te dy qeverite legjitime izraelite dhe palestineze jane ne nje mendim, Hamas dhe grupet radikale perbejne nje kercenim jo vetem per procesin e paqes por per vete stabilitetin e sigurine e rajonit.

Arsyeja e peste eshte presioni i qeverise amerikane mbi qeverine e Izraelit per tu impenjuar seriozisht ne planin e paqes. Ndryshe nga shume presidente te tjere amerikane qe jane impenjuar vetem ne planin diplomatik ne rajon, presidenti Bush eshte impenjuar direkt ne mbare rajonin duke pasur si objektiv te politikes se tij te jashtme ndaj rajonit reformimin demokratik edhe te asaj pjese te botes qe destabilitetin e saj tradicional e ka kthyer ne nje destabilitet boteror me anen e elementeve terroriste qe ka nxjerre nga gjiri i saj. Nderhyrja e SHBA ne Irak dhe procesi zinxhir qe ajo nderhyrje solli ne Siri, Liban, Egjip, Arabine Saudite, nuk kish se si te mos vinte para pergjegjesise edhe qeverine e Izraelit. Ishte rradha e Sharon per ti treguar Bush dhe mbare botes se ai ishte i impenjuar seriozisht per paqen.

Te gjitha keto arsye perbejne ate qe shume veta e quajne "shans historik per paqen" ne Lindjen e Mesme, dhe Izraeli nuk i beri bisht ketij shansi por e mori ate edhe pse nuk ishte nje hap i lehte per Izraelin dhe vete Sharon. Sharon njihet si ideatori i instalimeve ne Bregun Perendimor dhe Ripin e Gazes dhe partia e tij Likud eshte ajo qe ka subvencionuar me kredi te gjithe hebrejte nga mbare bota qe vinin per te jetuar ne keto instalime. Nje vendim i tij per tu terhequr nga Gaza eshte nje kthese 180 grade per te qe i ka humbur mbeshtetjen e elektoratit tradicional te partise se tij. Jo vetem kaq, por me nje vendim te tille Sharon ve ne rrezik edhe koken e tij nga ultranacionalistet hebrej qe vrane ish-kryeministrin Rabin vetem e vetem se ky firmosi paqen ne Washington ne 1995 me Arafat.


Topi ne kembet e palestinezeve

Topi eshte tani ne kembet e palestinezeve dhe nese qeveria palestineze do tia dali me sukses qe te vendosi kontrollin e saj mbi Gaza dhe te ruaje paqen e sigurine, kjo do te shihet si nje hap gjigand perpara drejt krijimit te nje shteti palestinez ne krah te atij izraelit. Por qe te arrihet deri atje, autoritetet palestineze duhet te perballen me Hamas dhe pasuesit e armatosur te kesaj organizata qe duan te vendosin kontrollin e vete mbi Gaza. Nese kjo do te ndodhte, gjithe investimi i Izraelit dhe SHBA do te shkonte dem pasi heret a vone konflikti midis Hamas dhe forcave izraelite do te riniste dhe nuk do te ishte cudi qe Gaza te pushtohej perseri.

Le te shpresojme se palestinezet do te dine te vleresojne sic duhet lirine e re te fituar dhe do ti fokusojne energjite e tyre ne procesin shtetformues dhe jo ne luften veteshkaterruese qe kane ndjekur deri me sot.

Lajmi i terheqjes se Izraelit nga Gaza nuk eshte pritur mire nga tiranet arabe te rajonit pasi te pakten sot keta nuk kane nje arsye qe te sulmojne Izraelin dhe ti shtyjne njerezit e tyre qe te dalin ne rruge e protestojne. Jo vetem kaq, por tani qe palestinezet po fillojne te ndertojne nje shtet demokratik, edhe shtetasit e atyre shoqerive te tjera te shtypura do ti kthejne syte nga tiranet e tyre e tu kerkojne se pse palestinezet kane nje shtet demokratik dhe ne nuk kemi nje te tille?!

Vala e ndryshimeve demokratike ne Lindjen e Mesme vazhdon.

Albo